ಸಂತೋಷ್.. ಇತ್ತೀಚೆಗೆ ಆಸ್ಕರ್ ಅಂಗಳದಲ್ಲಿ ಸದ್ದು ಮಾಡಿದ ಇಂಡಿಯನ್ ಮೂವಿ. ಸಂಧ್ಯಾ ಸೂರಿ ನಿರ್ದೇಶನದ ಈ ಸಿನಿಮಾದಲ್ಲಿ ಸಹನಾ ಗೋಸ್ವಾಮಿ ಪ್ರಮುಖ ಪಾತ್ರ ನಿರ್ವಹಿಸಿದ್ದು, ತಾರಾಗಣದಲ್ಲಿ ಸುನಿತಾ ರಜ್ವಾರ್ ಕೂಡ ಕಾಣಸಲಿದ್ದಾರೆ. ಟೈಟಲ್ ತುಂಬಾ ವಿಭಿನ್ನವಾಗಿದ್ದು, ಅದ್ರೆ ಕಥಾನಕ ಅದಕ್ಕಿಂತ ಇಂಟರೆಸ್ಟಿಂಗ್ ಆಗಿದೆ. ಹಾಗಾಗಿಯೇ ಈ ಸಿನಿಮಾಗೆ ಅಮೆರಿಕಾದಲ್ಲಿ ನಡೆದ ಆಸ್ಕರ್ ಅವಾರ್ಡ್ ಫಂಕ್ಷನ್ ಗೆ ಇದು ಅಧಿಕೃತವಾಗಿ ಆಯ್ಕೆ ಆಗಿತ್ತು. ಅಲ್ಲಿನ ಜ್ಯೂರಿಗಳು ಕೂಡ ಈ ಸಿನಿಮಾನ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ರು. ಪ್ರಶಸ್ತಿ ಗೆಲ್ಲದೇ ಇರಬಹುದು ಈ ಇಂಡಿಯನ್ ಸಂತೋಷ್.. ಆದ್ರೆ ಅಲ್ಲಿನವರ ಮನಸ್ಸುಗಳನ್ನಂತೂ ಗೆದ್ದಿತ್ತು.
ಹೀಗೆ ಆಸ್ಕರ್ ಅಂಗಳದಲ್ಲಿ ಸದ್ದು ಮಾಡಿ ಬಂದಂತಹ ಈ ಸಿನಿಮಾಗೆ ಇಂಡಿಯಾದಲ್ಲಿ ಇಲ್ಲ ಬಿಡುಗಡೆ ಭಾಗ್ಯ. ಹೌದು.. ಸೆನ್ಸಾರ್ ಬೋರ್ಡ್ ನಿಂದ ಚಿತ್ರತಂಡಕ್ಕೆ ತೊಡಕು ಉಂಟಾಗಿದೆ. ಸೆನ್ಸಾರ್ ವೇಳೆ ಬೋರ್ಡ್ ಒಂದಷ್ಟು ಕಟ್ಸ್ ನೀಡಲು ಟೀಂ ಜೊತೆ ಚರ್ಚಿಸಿದೆ. ಅದಕ್ಕೆ ಚಿತ್ರತಂಡ ನೋ ಎಂದ ಕಾರಣಕ್ಕೆ ಸೆನ್ಸಾರ್ ಸರ್ಟಿಫಿಕೆಟ್ ದೊರೆತಿಲ್ಲ. CBFC ನೀಡೋ ಸರ್ಟಿಫಿಕೇಟ್ ಇಲ್ಲ ಅಂದ್ರೆ ಆ ಸಿನಿಮಾ ರಿಲೀಸ್ ಆಗೋಕೆ ಚಾನ್ಸೇ ಇಲ್ಲ.
ಇಷ್ಟಕ್ಕೂ ಆ ಚಿತ್ರದಲ್ಲಿ ಅಂಥದ್ದೇನಿದೆ ಅಂತೀರಾ..? ಗ್ಯಾರಂಟಿ ನ್ಯೂಸ್ ಎಳೆ ಎಳೆಯಾಗಿ ಬಿಚ್ಚಿಡುತ್ತೆ ಒಮ್ಮೆ ನೋಡಿ. ಸಂತೋಷ್ ಸಿನಿಮಾ ಉತ್ತರ ಭಾರತದ ಬ್ಯಾಕ್ ಡ್ರಾಪ್ ನಲ್ಲಿ ನಡೆಯೋ ಕಥಾನಕ. ಯಂಗ್ ಆಗಿರೋ ವಿಧವೆಯೊಬ್ಬಳು ಪೊಲೀಸ್ ಡಿಪಾರ್ಟ್ ಮೆಂಟ್ ಸೇರಿದಾಗ ಆಕೆಗೊಂದು ಸವಾಲು ಎದುರಾಗುತ್ತೆ. ದಲಿತ ಹೆಣ್ಣು ಮಗಳೊಬ್ಬಳ ಮರ್ಡರ್ ಕೇಸ್ ತನಿಖೆ ಮಾಡೋ ಜವಾಬ್ದಾರಿ ತನ್ನ ಹೆಗಲಿಗೆ ಬರಲಿದೆ. ಅಲ್ಲದೆ ಈ ಸಿನಿಮಾದಲ್ಲಿ ಜಾತಿ ತಾರತಮ್ಯ, ಖಾಕಿ ದರ್ಪ, ಸೆಕ್ಸುವಲ್ ವಯೋಲೆನ್ಸ್ ಹಾಗೂ ಇಸ್ಲಾಮೋಫೋಬಿಯಾದಂತಹ ಸೂಕ್ಷ್ಮ ವಿಚಾರಗಳಿವೆ.
2024ರ ಆರಂಭದಲ್ಲಿ 77ನೇ ಕಾನ್ಸ್ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಪ್ರದರ್ಶನ ಕಂಡು ಮೆಚ್ಚುಗೆ ಪಡೆದಂತಹ ಸಂತೋಷ್ ಸಿನಿಮಾಗೆ ರಿಲೀಸ್ ನಲ್ಲಿ ತೊಡಕುಂಟಾಗಿದ್ದು, ಚಿತ್ರತಂಡ ಟೆನ್ಷನ್ ಆಗಿದೆ. ಆದ್ರೆ ನಾವು ಮಾಡಿದಂತಹ ಕಂಟೆಂಟ್ ಜನಕ್ಕೆ ತಲುಪಬೇಕು. ಅದನ್ನ ಸೆನ್ಸಾರ್ ನಲ್ಲಿ ಕಟ್ ಕಟ್ ಮಾಡಿ ತೋರಿಸೋದ್ಯಾಕೆ. ಹಾಗಾದ್ರೆ ನಮಗೆ ಸೆನ್ಸಾರ್ ಬೇಡವೇ ಬೇಡ ಅಂತ ಡೈರೆಕ್ಟ್ ಓಟಿಟಿ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದೆ. ಸದ್ಯ ಈ ಸಂತೋಷ್ ಸಿನಿಮಾ MUBI ಅನ್ನೋ ಓಟಿಟಿ ಪ್ಲಾಟ್ ಫಾರ್ಮ್ ನಲ್ಲಿ ಲಭ್ಯವಿದೆ.
