ಸುನಿ-ಶೀಲಂ ಮೋಡ ಕವಿದ ವಾತಾವರಣಕ್ಕೆ ಕರ್ನಾಟಕ ಹಾಗೂ ಕೇರಳದಿಂದ ಅಭೂತಪೂರ್ವ ಪ್ರಶಂಸೆ ಹಾಗೂ ಪ್ರತಿಕ್ರಿಯೆಗಳು ವ್ಯಕ್ತವಾಗ್ತಿವೆ. ಯಶಸ್ವಿ ಎರಡನೇ ವಾರದತ್ತ ಮುನ್ನುಗ್ಗುತ್ತಿರೋ ಈ ಸಿನಿಮಾ, ಸ್ಯಾಂಡಲ್ವುಡ್ಗೆ ಒಬ್ಬ ಭರವಸೆಯ ನಟನನ್ನ ನೀಡಿದೆ. ವಿಶೇಷ ಅಂದ್ರೆ ಮೋಡ ಕವಿದ ವಾತಾವರಣವನ್ನ ನೋಡ್ತಾರಂತೆ ತಮಿಳಿನ ಮೋಸ್ಟ್ ವರ್ಸಟೈಲ್ ಆ್ಯಕ್ಟರ್ ಮಾಧವನ್ ಹಾಗೂ ನಮ್ಮ ಗೋಲ್ಡನ್ ಸ್ಟಾರ್ ಗಣೇಶ್.
- ಮಾಧವನ್, ಗಣೇಶ್ ನೋಡ್ತಾರಂತೆ ಸುನಿ- ಶೀಲಂ MKV
- ಸುನಿಯಿಂದ ಸ್ಯಾಂಡಲ್ವುಡ್ಗೆ ಮತ್ತೊಬ್ಬ ಹೀರೋ ಗಿಫ್ಟ್
- ಯಶಸ್ವಿ 2ನೇ ವಾರದತ್ತ ಮೋಡ ಕವಿದ ವಾತಾವರಣ ಚಿತ್ರ
- ಲವ್ ಕಮ್ ಸೈಕಲಾಜಿಕಲ್ ಜರ್ನಿ.. ಟ್ವಿಸ್ಟ್ ಮೇಲೆ ಟ್ವಿಸ್ಟ್.!
ಸಿನಿಮಾ ಮಾಡೋಕೆ ಒಬ್ಬೊಬ್ಬ ನಿರ್ದೇಶಕರದ್ದು ಒಂದೊಂದು ಫಾರ್ಮುಲಾ ಇರಲಿದೆ. ಆದ್ರೆ ಡೈರೆಕ್ಟರ್ ಸಿಂಪಲ್ ಸುನಿ ಮಾತ್ರ ಪ್ರತೀ ಬಾರಿ ಒಂದೊಂದು ಹೊಸ ಪ್ರಯೋಗ ಮಾಡ್ತಾ ತಮ್ಮ ಸ್ಟ್ರ್ಯಾಟಜಿ ಬದಲಿಸ್ತಾ ಇರ್ತಾರೆ. ಸದ್ಯ ಮೋಡ ಕವಿದ ವಾತಾವರಣ ಚಿತ್ರದಿಂದ ಎಲ್ಲರ ಗಮನ ಸೆಳೆದಿದ್ದಾರೆ ಸುನಿ. ತನ್ನದೇ ಗರಡಿಯಲ್ಲಿ ತಯಾರಾದ ಹುಡ್ಗ ಶೀಲಂರನ್ನ ಹೀರೋ ಆಗಿಸುವ ಮೂಲಕ ಸ್ಯಾಂಡಲ್ವುಡ್ಗೆ ಒಬ್ಬ ಭರವಸೆಯ ಸ್ಟಾರ್‌ನ ಇಂಟ್ರಡ್ಯೂಸ್ ಮಾಡಿದ್ದಾರೆ.
ನೋಡೋಕೆ ಪಕ್ಕಾ ಟಿಪಿಕಲ್ ಲವ್ ಸ್ಟೋರಿಯಂತಿದ್ದ ಮೋಡ ಕವಿದ ವಾತಾವರಣ ಎಂದಿನಂತೆ ಪ್ರೇಕ್ಷಕರ ಊಹೆಯನ್ನ ತಲೆಕೆಳಕಾಗಿಸಿದೆ. ಹೌದು.. ಇದು ಬರೀ ಲವ್ ಸ್ಟೋರಿ ಅಲ್ಲ.. ಲವ್ ಕಮ್ ಸೈಕಲಾಜಿಕಲ್ ಜರ್ನಿಯ ದೃಶ್ಯ ಚಿತ್ತಾರ. ಕಣ್ಣಿಗೆ ಹಬ್ಬ ನೀಡುವಂತಹ ಹಚ್ಚ ಹಸಿರ ಲೊಕೇಷನ್ಸ್‌‌ನಲ್ಲಿ ಚಿತ್ರ ಕಟ್ಟಿಕೊಟ್ಟಿದ್ದು, ಶೀಲಂ ಜೊತೆ ಸಾತ್ವಿಕಾ ಹಾಗೂ ಮೋಕ್ಷಾ ಕುಶಾಲ್ ಇಬ್ಬರು ನಟಿಯರು ಅದ್ಭುತವಾಗಿ ನಟಿಸಿದ್ದಾರೆ.
ಸಂಗೀತ, ಹಿನ್ನೆಲೆ ಸಂಗೀತದ ಜೊತೆ ಸುನಿ ಅವರ ಬರವಣಿಗೆ ಚಿತ್ರಕ್ಕೆ ಪ್ಲಸ್ ಆಗಿದೆ. ಸುನಿ ಹಾಗೂ ಶೀಲಂ ಮೇಲೆ ಭರವಸೆ ಇಟ್ಟ ಒಂದು ಸರಳ ಪ್ರೇಮಕಥೆ ನಿರ್ಮಾಪಕ ರಮೇಶ್ ಅವ್ರ ಆ ಭರವಸೆ ಹುಸಿಯಾಗಿಲ್ಲ. ವಿತರಣೆ ಮಾಡೋಕೆ ಮುಂದಾದ ಕೆವಿಎನ್ ಪ್ರೊಡಕ್ಷನ್ಸ್‌‌ಗೂ ಈ ಚಿತ್ರ ಭೇಷ್ ಅನಿಸಿಕೊಂಡಿದೆ. ಕನ್ನಡದ ಜೊತೆ ಮಲಯಾಳಂನಲ್ಲಿ ತೆರೆಕಂಡ ಎಂಕೆವಿ ಚಿತ್ರಕ್ಕೆ ಒಳ್ಳೆಯ ಪ್ರಶಂಸೆ ಹಾಗೂ ಪ್ರತಿಕ್ರಿಯೆಗಳು ವ್ಯಕ್ತವಾಗ್ರತಿದ್ದು, ಯಶಸ್ವಿ ಎರಡನೇ ವಾರದತ್ತ ಮುನ್ನುಗ್ಗುತ್ತಿದೆ ಈ ದೃಶ್ಯಕಾವ್ಯ.
ವಿಶೇಷ ಅಂದ್ರೆ ನಟ ಶೀಲಂ ಮೋಸ್ಟ್ ವರ್ಸಟೈಲ್ ಆ್ಯಕ್ಟರ್ ಮಾಧವನ್‌‌ರನ್ನ ಇತ್ತೀಚೆಗೆ ಭೇಟಿ ಆಗಿದ್ರು. ಟೀಸರ್ ನೋಡಿ ಕಂಡಿತ ಸದ್ಯದಲ್ಲೇ ಮೋಡ ಕವಿದ ವಾತಾವರಣ ನೋಡ್ತೀನಿ ಅಂದ್ರಂತೆ ಮಾಧವನ್. ಇತ್ತ ಗೋಲ್ಡನ್ ಸ್ಟಾರ್ ಗಣೇಶ್‌‌ರ ಸಿನಿಮಾಗಳನ್ನೇ ನೋಡುತ್ತಾ ನಟನೆ ಕಲಿತಿರೋ ಶೀಲಂಗೆ ಗಣಿ ಕೂಡ ಚಿತ್ರ ವೀಕ್ಷಿಸೋ ಭರವಸೆ ನೀಡಿದ್ದಾರಂತೆ.
ಒಟ್ಟಾರೆ ಹೊಸ ಪ್ರಯೋಗಗಳು ಹೀಗೆ ಗೆದ್ದಾಗಲೇ ಮತ್ತಷ್ಟು ಮಗದಷ್ಟು ಚಿತ್ರಗಳನ್ನ ಮಾಡೋಕೆ ಸ್ಪೂರ್ತಿ ಸಿಗಲಿದೆ. ಕನ್ನಡಿಗರು ಒಳ್ಳೆಯ ಸಿನಿಮಾಗಳನ್ನ ಕೈಬಿಟ್ಟ ನಿದರ್ಶನವೇ ಇಲ್ಲ. ಇದೀಗ ಮೋಡ ಕವಿದ ವಾತಾವರಣಕ್ಕೂ ಅದೇ ರೀತಿ ಕೈ ಹಿಡಿದಿದ್ದಾರೆ ಕನ್ನಡದ ಕಲಾಭಿಮಾನಿಗಳು.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
