ಮರೆವಿನ ಕಾಯಿಲೆ ಅಂದ್ರೆ ಅದು ಬರೀ ರೋಗಿಯನ್ನಷ್ಟೇ ಅಲ್ಲ..ಅವರ ಸುತ್ತಲಿರೋರನ್ನೂ ಕಾಡುತ್ತೆ ಅನ್ನೋದನ್ನ ನಾವು ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರದಲ್ಲಿ ನೋಡಿದ್ವಿ. ಈಗ ಅದೇ ಹಾದಿಯಲ್ಲಿ ಮತ್ತೊಂದು ಹೃದಯಸ್ಪರ್ಶಿ ಸಿನಿಮಾ ಸೆಪ್ಟೆಂಬರ್ 21 ಸದ್ದು ಮಾಡ್ತಿದೆ. ರಿಯಲ್ ಸ್ಟಾರ್ ಉಪೇಂದ್ರ ಬೆಂಬಲದೊಂದಿಗೆ ಬರ್ತಿರೋ ಈ ಚಿತ್ರದಲ್ಲಿ ಪ್ರಿಯಾಂಕಾ ಉಪೇಂದ್ರ ಮಾಡ್ತಿರೋ ಆ ಹೊಸ ಪ್ರಯೋಗವಾದ್ರೂ ಏನು..?
2016ರಲ್ಲಿ ಅನಂತ್ ನಾಗ್ ಅವರು ಆಲ್ಝೈಮರ್ ರೋಗಿಯಾಗಿ ನಟಿಸಿದ್ದ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾ ಇಂದಿಗೂ ಎವರ್ಗ್ರೀನ್. ಈಗ 22 ವರ್ಷದ ಕಿರಿಯ ನಿರ್ದೇಶಕಿ ಕರೆನ್ ಕ್ರಿಷ್ಠಿ ಸುವರ್ಣ ಅದೇ ಕಾಯಿಲೆಯನ್ನು ಕೇಂದ್ರವಾಗಿಟ್ಟುಕೊಂಡು ಸೆಪ್ಟೆಂಬರ್ 21 ಅನ್ನೋ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಆದ್ರೆ ಇಲ್ಲಿ ಕಥೆ ವಿಭಿನ್ನ. ಗೋಧಿ ಬಣ್ಣ ಚಿತ್ರದಲ್ಲಿ ರೋಗಿಯ ಕಾಣೆಯಾಗುವಿಕೆಯ ಕಥೆಯಿದ್ರೆ, ಇಲ್ಲಿ ರೋಗಿಯನ್ನ ನೋಡಿಕೊಳ್ಳುವ ಕೇರ್ ಟೇಕರ್ ಅನುಭವಿಸುವ ನೋವು ಮತ್ತು ಸವಾಲುಗಳ ಮೇಲೆ ಬೆಳಕು ಚೆಲ್ಲಲಾಗಿದೆ.
ಅನಂತ್ನಾಗ್ ಗೋಧಿ ಬಣ್ಣ ಶೈಲಿಯಲ್ಲಿ ‘ಸೆಪ್ಟೆಂಬರ್-21’
ಗ್ಲಾಮರ್ ಬಿಟ್ಟು ಡಿ-ಗ್ಲಾಮ್ ಆದ ಪ್ರಿಯಾಂಕಾ ಉಪೇಂದ್ರ
ಸದಾ ಗ್ಲಾಮರಸ್ ಆಗಿ ಕಾಣಿಸಿಕೊಳ್ಳುತ್ತಿದ್ದ ಪ್ರಿಯಾಂಕಾ ಉಪೇಂದ್ರ, ಈ ಚಿತ್ರಕ್ಕಾಗಿ ಇದೇ ಮೊದಲ ಬಾರಿಗೆ ಡಿ-ಗ್ಲಾಮ್ ಅವತಾರ ತಾಳಿದ್ದಾರೆ. ಪಾತ್ರಕ್ಕಾಗಿ ಅವ್ರು ತೂಕ ಕೂಡ ಹೆಚ್ಚಿಸಿಕೊಂಡಿದ್ದು, ಪತ್ನಿಯ ಈ ಡೆಡಿಕೇಶನ್ಗೆ ಉಪ್ಪಿ ಕೂಡ ಫಿದಾ ಆಗಿದ್ದಾರೆ. ವಿಶೇಷವೆಂದರೆ, ಈ ಸಿನಿಮಾ ಮೇ 15 ರಂದು ಪ್ರತಿಷ್ಠಿತ 79ನೇ ಕಾನ್ಸ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಪ್ರದರ್ಶನಗೊಳ್ಳುವ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡ್ತಿದೆ.
ಉಪ್ಪಿ ಸಪೋರ್ಟ್..ಕಾನ್ಸ್ ಮೆರುಗು..ಪ್ರಿಯಾ ದಿಟ್ಟ ಹೆಜ್ಜೆ..!
ದುಬೈ ಟು ನ್ಯೂಯಾರ್ಕ್..12 ನಗರಗಳಲ್ಲಿ ಬಿಗ್ ಕಮಾಲ್
ಇದೇ ಮೇ 22ಕ್ಕೆ ಸಿನಿಮಾ ತೆರೆಗೆ ಬರಲಿದ್ದು, ಅದಕ್ಕೂ ಮುನ್ನ ಬೆಂಗಳೂರು, ಮುಂಬೈ ಸೇರಿದಂತೆ ವಿಶ್ವದ 12 ಪ್ರಮುಖ ನಗರಗಳಲ್ಲಿ ಪ್ರೀಮಿಯರ್ ಶೋ ಕಾಣಲಿದೆ. ಬುದ್ಧಿಮಾಂದ್ಯ ತಂದೆ ಮತ್ತು ಮಗನ ನಡುವಿನ ಭಾವನಾತ್ಮಕ ಸಂಘರ್ಷದ ಈ ಕಥೆ ನೋಡಲು ಪ್ರೇಕ್ಷಕರು ಕೂಡ ಕಾತರರಾಗಿದ್ದಾರೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
