ಸರ್ವಾಂತರ್ಯಾಮಿ ಆಗಿಬಿಟ್ಟಿದ್ದಾರೆ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ. ಯೆಸ್.. ಕಾಂತಾರ ಚಾಪ್ಟರ್-1 ಸಕ್ಸಸ್ ಬಳಿಕ ಜೈ ಹನುಮಾನ್ ಸೆಟ್ಗೆ ಎಂಟ್ರಿ ಕೊಡುವ ತನಕ ಎಲ್ಲೆಡೆ ರೌಂಡ್ಸ್ ಹಾಕ್ತಿದ್ದಾರೆ. ಬಹುತೇಕ ಸಿನಿಮಾ ವೇದಿಕೆಗಳಲ್ಲಿ ರಿಷಬ್ ಶೆಟ್ರೇ ಸೆಂಟರ್ ಆಫ್ ಅಟ್ರ್ಯಾಕ್ಷನ್. ಸದ್ಯ ಅವರ್ಡ್ ಫಂಕ್ಷನ್ವೊಂದರಲ್ಲಿ ಬಾಲಿವುಡ್ ಕಾಜೋಲ್ಗೆ ಶೆಟ್ರು ಕೊಟ್ಟ ಕಾಂಪ್ಲಿಮೆಂಟ್ಸ್ಗೆ ನಾಚಿ ನೀರಾಗಿದ್ದಾರೆ ಚೆಲುವೆ. ಅದೇನು ಅಂತೀರಾ ಈ ಸ್ಟೋರಿ ನೋಡಿ..
- ಕಾಜೋಲ್ಗೆ ರಿಷಬ್ ಫ್ಯಾನ್.. ನಾಚಿ ನೀರಾದ DDLJ ಬ್ಯೂಟಿ
- ಚೆನ್ನೈನಲ್ಲಿ ಗಲಟ್ಟಾ ಗ್ಲೋರಿಯಸ್ ಐಕಾನ್ ಅವಾರ್ಡ್ ಫಂಕ್ಷನ್
- ಕಾಲೇಜ್ನಲ್ಲೇ ಕುಸ್ತಿ ಪ್ರಾಕ್ಟೀಸ್.. ಸ್ಟೇಜ್ ಮೇಲೆ ಸಖತ್ ಸ್ಟೆಪ್!
- ಸರ್ವಾಂತರ್ಯಾಮಿ ಶೆಟ್ರು.. ಕಾಂತಾರ-1 ನಂತ್ರ ಎಲ್ಲೆಡೆ ರೌಂಡ್ಸ್
ರಿಷಬ್ ಶೆಟ್ಟಿ.. ಝೀರೋದಿಂದ ಹೀರೋ ಆಗಿ, ಹಳ್ಳಿಯಿಂದ ದಿಲ್ಲಿ ತನಕ ಸೌಂಡ್ ಮಾಡ್ತಿರೋ ಅಪ್ಪಟ ಕನ್ನಡ ಪ್ರತಿಭೆ. ಕಾಂತಾರ ಚಿತ್ರಗಳಿಂದಾಗಿ ಶೆಟ್ರ ಗತ್ತು, ಗೈರತ್ತು ವಿಶ್ವದ ಮೂಲೆ ಮೂಲೆಗೆ ತಲುಪುವಂತಾಯ್ತು. ಕೆಜಿಎಫ್ ಸಿನಿಮಾಗಳಿಂದ ಕನ್ನಡ ಚಿತ್ರರಂಗ ಕಮರ್ಷಿಯಲಿ ಎಲ್ಲೆಡೆ ರೀಚ್ ಆಗಿತ್ತು. ಆದ್ರೆ ಕಾಂತಾರ ಕಂಟೆಂಟ್ ವೈಸ್ ವ್ಹಾವ್ ಫೀಲ್ ತರಿಸಿತ್ತು.
ಕಾಂತಾರ ಚಾಪ್ಟರ್-1 ತೆರೆಗಪ್ಪಳಿಸಿದ ಬಳಿಕ, ನೆಕ್ಸ್ಟ್ ವೆಂಚರ್ ಜೈ ಹನುಮಾನ್ ಶೂಟಿಂಗ್ ಅಡ್ಡಾಗೆ ಕಾಲಿಡೋ ತನಕ ರಿಷಬ್ ಶೆಟ್ಟಿ ಸಾಲು ಸಾಲು ಕಾರ್ಯಕ್ರಮಗಳನ್ನ ಅಟೆಂಡ್ ಮಾಡಿದ್ರು. ಸರ್ವಾಂತರ್ಯಾಮಿ ರೀತಿ ದೇಶ, ವಿದೇಶಗಳನ್ನ ಸುತ್ತಿ ಬಂದರು ಶೆಟ್ರು. ಇದೀಗ ಇತ್ತೀಚೆಗೆ ಚೆನ್ನೈನಲ್ಲಿ ನಡೆದ ಖಾಸಗಿ ಅವಾರ್ಡ್ ಫಂಕ್ಷನ್ನ ವಿಡಿಯೋ ಸಖತ್ ವೈರಲ್ ಆಗ್ತಿದೆ.
ಯೆಸ್.. ಗಲಟ್ಟಾ ಗ್ಲೋರಿಯಸ್ ಐಕಾನ್ ಅವಾರ್ಡ್ ಫಂಕ್ಷನ್ ಇತ್ತೀಚೆಗೆ ಚೆನ್ನೈನ ಕಲೈವನಾರ್ ಆರಂಗಮ್ನಲ್ಲಿ ನಡೆಯಿತು. ಅಲ್ಲಿ ನಮ್ಮ ರಿಷಬ್ ಶೆಟ್ರ ಜೊತೆ ಬಾಲಿವುಡ್ ಬ್ಯೂಟಿ ಕಾಜೋಲ್, ವಿಜಯ್ ಸೇತುಪತಿ ಸೇರಿದಂತೆ ಸಾಕಷ್ಟು ಮಂದಿ ಸ್ಟಾರ್ಸ್ ಸಮಾಗಮಕ್ಕೆ ಸಾಕ್ಷಿ ಆಗಿತ್ತು ಆ ವೇದಿಕೆ. ಅಲ್ಲಿ ಕಾಜೋಲ್ ಕುರಿತು ನಾನು ಚಿಕ್ಕವನಿದ್ದಾಗಿನಿಂದಲೂ ನಿಮ್ಮ ಅಭಿಮಾನಿ ಮೇಡಂ ಎಂದ ರಿಷಬ್ ಶೆಟ್ರ ಮಾತಿಗೆ ನಾಚಿ ನೀರಾದ್ರು ಕಾಜೋಲ್.
ಅಷ್ಟೇ ಅಲ್ಲ, ಕಾಲೇಜ್ ಡೇಸ್ನಿಂದಲೇ ಕುಸ್ತಿಪಟು ಆಗಿದ್ದನ್ನ ಸ್ಮರಿಸಿದ ಡಿವೈನ್ ಸ್ಟಾರ್, ಸ್ಟೇಜ್ ಮೇಲೆ ಸಖತ್ ಸ್ಟೆಪ್ ಕೂಡ ಹಾಕಿದ್ರು. ಕಲಾ ಪ್ರಕಾರವೊಂದರ ಲೈವ್ ಪ್ರದರ್ಶನದ ವೇಳೆ ಕಲಾವಿದರು ಹೂವಿನ ಹಾರ ಹಾಕಿ ರಿಷಬ್ರಿಂದ ಎರಡು ಸ್ಟೆಪ್ ಹಾಕಿಸಿರೋದು ವಿಶೇಷ.
ಅಂದಹಾಗೆ ಪ್ರಶಾಂತ್ ವರ್ಮಾ ನಿರ್ದೇಶನದ ಜೈ ಹನುಮಾನ್ ಚಿತ್ರದ ಶೂಟಿಂಗ್ ಕಿಕ್ಸ್ಟಾರ್ಟ್ ಆಗಿದ್ದು, ಶ್ರೀರಾಮನ ಭಂಟ ಹನುಮನಾಗಿ ಬಣ್ಣ ಹಚ್ಚಿದ್ದಾರೆ ರಿಷಬ್. ಈ ಬಾರಿ ಮತ್ತಷ್ಟು ದೈವಿಕ ಅಂಶಗಳಿಂದ ಪ್ರೇಕ್ಷಕರನ್ನ ಮಂತ್ರಮುಗ್ಧಗೊಳಿಸಲಿದ್ದಾರೆ ಶೆಟ್ರು.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
