ಇಂದೋರ್ನ ಕ್ಲಿಪ್ಪನ್ ಕಾರ್ಪೊರೇಟ್ ಕಟ್ಟಡದ ಬಳಿಯ ರಸ್ತೆಯಲ್ಲಿ ಮಂಗಳವಾರ ತಡರಾತ್ರಿ ಒಂದು ಘಟನೆ ಎಲ್ಲರ ಗಮನ ಸೆಳೆದಿದೆ. ಯುವತಿಯೊಬ್ಬಳು ತನ್ನ ಪ್ರಿಯಕರನಿಗೆ ಚಪ್ಪಲಿಯಿಂದ ಫಟ್ಫಟ್ ಎಂದು ಥಳಿಸಿರುವ ಘಟನೆ ನಡೆದಿದೆ. ಈ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಘಟನೆ ಹಿನ್ನೆಲೆ
ಯುವತಿಯ ಪ್ರಿಯಕರ ತನ್ನನ್ನು ದೂರವಿಟ್ಟು, ಇನ್ನೊಬ್ಬ ಹುಡುಗಿಯೊಂದಿಗೆ ಪಾರ್ಟಿಗೆ ತೆರಳಿದ್ದನಂತೆ. ಈ ವಿಷಯ ಯುವತಿಗೆ ತಿಳಿದಿದ್ದು, ಆಕೆ ತನ್ನ ಗೆಳೆಯನನ್ನು ಸಾರ್ವಜನಿಕ ಸ್ಥಳದಲ್ಲೇ ಕಾಲಿನಿಂದ ಒದ್ದು ಚಪ್ಪಲಿಯಿಂದ ಗೆಳೆಯನಿಗೆ ಹೊಡೆಯುವುದರ ಜೊತೆಗೆ, ಆಕೆ ಅವನ ಶರ್ಟ್ನ್ನು ಹರಿದು ಹಾಕಿದ್ದಾಳೆ.
जान से मार दूंगी याद रखना, बेवफा प्रेमी की प्रेमिका ने की बीच सड़क जमकर की धुनाई, विडियो सबसे साफ शहर इंदौर से @ABPNews @indore @viralvideo pic.twitter.com/7ewQtCaMcR
— firoz khan (@firozkhan911) May 21, 2025
ಈ ಘಟನೆ ರಾತ್ರಿಯ ಸಮಯದಲ್ಲಿ ನಡೆದಿದ್ದು, ಈ ಗಲಾಟೆಯನ್ನು ಕೆಲವರು ಕುತೂಹಲದಿಂದ ನೋಡಿದರೆ, ಇನ್ನು ಕೆಲವರು ತಮ್ಮ ಮೊಬೈಲ್ಗಳಲ್ಲಿ ಈ ದೃಶ್ಯವನ್ನು ಚಿತ್ರೀಕರಿಸಿದರು. ಗಲಾಟೆ ತಾರಕಕ್ಕೇರಿದಾಗ, ಸ್ಥಳೀಯ ಜನರು ಮಧ್ಯಪ್ರವೇಶಿಸಿ, ಯುವಕನಿಗೆ ಬಟ್ಟೆ ಧರಿಸಲು ಸಹಾಯ ಮಾಡಿ, ಮನೆಗೆ ಕಳುಹಿಸಿದರು. ಇದೇ ವೇಳೆ, ಇಬ್ಬರು ಯುವಕರು ಯುವತಿಯನ್ನು ಸಮಾಧಾನಗೊಳಿಸಿ ಆಕೆಯನ್ನು ಸ್ಥಳದಿಂದ ಕರೆದೊಯ್ದರು.
ಈ ಘಟನೆಯ ಬಗ್ಗೆ ಆಶ್ಚರ್ಯಕರ ಸಂಗತಿಯೆಂದರೆ, ಇಷ್ಟೆಲ್ಲಾ ಗಲಾಟೆ ನಡೆದರೂ ಯಾರೂ ದೂರು ದಾಖಲಿಸಿಲ್ಲ. ಸ್ಥಳೀಯ ಪೊಲೀಸ್ ಠಾಣೆಯ ವರದಿಗಳ ಪ್ರಕಾರ, ಈ ಘಟನೆಗೆ ಸಂಬಂಧಿಸಿದಂತೆ ಯಾವುದೇ ಔಪಚಾರಿಕ ದೂರು ಬಂದಿಲ್ಲ. ಆದರೆ, ಈ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಕೆಲವರು ಯುವತಿಯ ಧೈರ್ಯವನ್ನು ಮೆಚ್ಚಿದರೆ, ಇನ್ನು ಕೆಲವರು ಸಾರ್ವಜನಿಕ ಸ್ಥಳದಲ್ಲಿ ಇಂತಹ ಕೃತ್ಯವನ್ನು ಖಂಡಿಸಿದ್ದಾರೆ.
