ದೆಹಲಿ ಮೆಟ್ರೋದಲ್ಲಿ ಒಬ್ಬ ವ್ಯಕ್ತಿ ಎಣ್ಣೆ (ಮದ್ಯ) ಹೊಡೆಯುತ್ತಾ, ಮೊಟ್ಟೆ ತಿನ್ನುತ್ತಾ ಪ್ರಯಾಣ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಘಟನೆ ಮೆಟ್ರೋ ರೈಲಿನ ನಿಯಮಗಳ ಬಗ್ಗೆ ಮತ್ತೊಮ್ಮೆ ಚರ್ಚೆಗೆ ಗ್ರಾಸವಾಗಿದೆ. ಈ ವ್ಯಕ್ತಿ ಮೆಟ್ರೋದೊಳಗೆ ಎಣ್ಣೆ ಬಾಟಲಿ ತೆರೆದು ಪೆಗ್ ಹೊಡೆದು ಕುಡಿದಿದ್ದಾನೆ. ಒಂದು ಪೆಗ್ ಮುಗಿಸಿ, ಮತ್ತೊಂದು ಪೆಗ್ ಹೀರಿದ್ದಾನೆ. ಇದೇ ವೇಳೆ ಬಾಯಿಲ್ಡ್ ಎಗ್ನ ಸಿಪ್ಪೆ ಸುಲಿಯಲು ಟ್ರೇನ್ನ ರಾಡ್ ಬಳಸಿ, ಮೊಟ್ಟೆ ತಿನ್ನುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾನೆ.
ಈ ಯುವಕ ಹಿರಿಯ ನಾಗರಿಕರು ಮತ್ತು ವಿಶೇಷ ಚೇತನರಿಗೆ ಮೀಸಲಾದ ಸೀಟ್ನಲ್ಲಿ ಕುಳಿತು ಈ ಹುಚ್ಚಾಟ ಮೆರೆದಿದ್ದಾನೆ. ಇದು ಸಾರ್ವಜನಿಕ ಸಾರಿಗೆಯಲ್ಲಿ ನಡವಳಿಕೆ ಮತ್ತು ನಿಯಮಗಳ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಎತ್ತಿದೆ.
ದೆಹಲಿ ಮೆಟ್ರೋದ ನಿಯಮಗಳೇನು?
ದೆಹಲಿ ಮೆಟ್ರೋದಲ್ಲಿ ಪ್ರಯಾಣಿಕರಿಗೆ ಮದ್ಯದ ಬಾಟಲಿಗಳನ್ನು ಒಯ್ಯುವ ಅವಕಾಶವಿದೆ. ಒಬ್ಬ ಗ್ರಾಹಕ ಸೀಲ್ ಮಾಡಲಾದ ಎರಡು ಮದ್ಯದ ಬಾಟಲಿಗಳನ್ನು ಸಾಗಿಸಬಹುದು. ಆದರೆ, ಮೆಟ್ರೋ ರೈಲಿನೊಳಗೆ ಮದ್ಯ ಸೇವಿಸುವುದು ಸಂಪೂರ್ಣ ನಿಷೇಧ. ಮದ್ಯ ಸೇವಿಸಿ ಪ್ರಯಾಣ ಮಾಡುವುದೂ ಅನುಮತಿಸಲಾಗುವುದಿಲ್ಲ. ಅಲ್ಲದೆ, ಮೆಟ್ರೋದಲ್ಲಿ ಆಹಾರ ಸೇವನೆ, ಊಟ ಮಾಡುವುದು ಸಹ ಬ್ಯಾನ್ ಆಗಿದೆ. ಈ ನಿಯಮಗಳನ್ನು ಉಲ್ಲಂಘಿಸಿದರೆ ದಂಡ ವಿಧಿಸುವ ಅವಕಾಶವಿದೆ ಎಂದು ದೆಹಲಿ ಮೆಟ್ರೋ ರೈಲು ನಿಗಮ (DMRC) ಸ್ಪಷ್ಟಪಡಿಸಿದೆ.
DMRC : दिल्ली NCR की लाइफ लाइन कही जाने वाली दिल्ली मेट्रो में युवक द्वार पैग (शराब जैसा पदार्थ) पीते और उबले अड़े को छील कर खाते का वीडियो हो रहा है वायरल #DMRC #ViralVideos #alcohol pic.twitter.com/XyoWlq75LV
— Abhishek Nayan (ABP News) (@Abhisheknayan81) April 7, 2025
ಈ ವಿಡಿಯೋ ವೈರಲ್ ಆದ ಬಳಿಕ ಜನರು ಈ ಪ್ರಶ್ನೆ ಕೇಳುತ್ತಿದ್ದಾರೆ: “ಮೆಟ್ರೋದಲ್ಲಿ ಎಣ್ಣೆ ಕುಡಿಯಬಹುದಾ?” ಈ ಘಟನೆ ಸಾರ್ವಜನಿಕ ಸಾರಿಗೆಯಲ್ಲಿ ಶಿಸ್ತು ಮತ್ತು ಜವಾಬ್ದಾರಿಯ ಬಗ್ಗೆ ಗಮನ ಸೆಳೆದಿದೆ. ಕೆಲವರು ಇದನ್ನು ಖಂಡಿಸಿದರೆ, ಇನ್ನು ಕೆಲವರು ಇದನ್ನು ಹಾಸ್ಯದ ದೃಷ್ಟಿಯಲ್ಲಿ ನೋಡಿದ್ದಾರೆ. ಆದರೆ, ಮೆಟ್ರೋದಂತಹ ಸಾರ್ವಜನಿಕ ಸ್ಥಳದಲ್ಲಿ ಈ ರೀತಿಯ ವರ್ತನೆ ಸರಿಯೇ ಎಂಬ ಚರ್ಚೆ ಜೋರಾಗಿದೆ.
ಮೆಟ್ರೋ ರೈಲು ಸೇವೆಯು ಜನರಿಗೆ ಅನುಕೂಲಕರ ಮತ್ತು ಆರಾಮದಾಯಕ ಪ್ರಯಾಣವನ್ನು ಒದಗಿಸುವ ಉದ್ದೇಶ ಹೊಂದಿದೆ. ಆದರೆ, ಈ ರೀತಿಯ ಘಟನೆಗಳು ನಿಯಮಗಳನ್ನು ಪಾಲಿಸುವ ಪ್ರಾಮುಖ್ಯತೆಯನ್ನು ಒತ್ತಿ ಹೇಳುತ್ತವೆ. ದೆಹಲಿ ಮೆಟ್ರೋದಲ್ಲಿ ಮದ್ಯ ಸೇವನೆ ಮತ್ತು ಆಹಾರ ಸೇವನೆಗೆ ಅವಕಾಶವಿಲ್ಲ ಎಂಬುದು ಸ್ಪಷ್ಟವಾಗಿದೆ. ಆದ್ದರಿಂದ, ಪ್ರಯಾಣಿಕರು ಈ ನಿಯಮಗಳನ್ನು ಗೌರವಿಸಿ, ಎಲ್ಲರಿಗೂ ಸುರಕ್ಷಿತ ಪ್ರಯಾಣ ಖಾತ್ರಿಪಡಿಸುವಲ್ಲಿ ಸಹಕರಿಸಬೇಕು.
