ಇನ್‌ಸ್ಟಾಗ್ರಾಂ ರೀಲ್ಸ್ ದಿನದಿಂದ ದಿನಕ್ಕೆ ಅಪಾರ ಜನಪ್ರಿಯತೆ ಪಡೆಯುತ್ತಿದ್ದು, ಅನೇಕರು ಇದರ ಮೂಲಕ ಸ್ಟಾರ್ ಆಗಿ, ಆರ್ಥಿಕ ಲಾಭ ಗಳಿಸುತ್ತಿದ್ದಾರೆ. ಈಗ, ಮೆಟಾ ಸಂಸ್ಥೆ ಈ ಟ್ರೆಂಡ್‌ಗೆ ಇನ್ನಷ್ಟು ಬಲ ನೀಡಲು ಇನ್‌ಸ್ಟಾಗ್ರಾಂ ರೀಲ್ಸ್‌ಗಾಗಿ ಪ್ರತ್ಯೇಕ ಆ್ಯಪ್ ಅನ್ನು ಲಾಂಚ್ ಮಾಡುವ ಯೋಜನೆ ಹೊಂದಿದೆ.
ರೀಲ್ಸ್‌ಗಾಗಿ ವಿಶೇಷ ಆ್ಯಪ್
ಇನ್‌ಸ್ಟಾಗ್ರಾಂನಲ್ಲಿ ಫೋಟೋ, ವಿಡಿಯೋ, ಸ್ಟೋರೀಸ್, IGTV ಮುಂತಾದ ಅನೇಕ ಫೀಚರ್‌ಗಳಿದ್ದರೂ, ರೀಲ್ಸ್ ಅತ್ಯಂತ ಜನಪ್ರಿಯ ಆಗಿದೆ. ಇನ್ನು ಮುಂದೆ, ಮೆಟಾ ಕಂಪನಿಯು “Instagram Reels App” ಎಂಬ ಪ್ರತ್ಯೇಕ ಆ್ಯಪ್ ಅನ್ನು ಲಾಂಚ್ ಮಾಡುವ ಯೋಚನೆ ನಡೆಸುತ್ತಿದೆ. ಇದರಿಂದ ರೀಲ್ಸ್ ಕ್ರಿಯೇಟರ್‌ಗಳು ಮತ್ತಷ್ಟು ಸದೃಢ ವೇದಿಕೆ ಪಡೆಯುವ ಸಾಧ್ಯತೆ ಇದೆ.
ಟಿಕ್‌ಟಾಕ್‌ಗೆ ಸವಾಲು!
ಅಮೆರಿಕದಲ್ಲಿ ಚೀನೀ ಶಾರ್ಟ್-ವೀಡಿಯೋ ಆ್ಯಪ್ ಟಿಕ್‌ಟಾಕ್ ಭವಿಷ್ಯ ಇನ್ನೂ ಅನಿಶ್ಚಿತವಾಗಿದೆ. ಟಿಕ್‌ಟಾಕ್ ಅನ್ನು ಅಮೆರಿಕದಲ್ಲಿ ನಿಷೇಧಿಸಲು ಜೋ ಬೈಡನ್ ಸರ್ಕಾರ ಪ್ರಯತ್ನ ನಡೆಸುತ್ತಿದೆ. ಈ ಸಂದರ್ಭದಲ್ಲಿ, ಮೆಟಾ ತನ್ನ ಹೊಸ ಆ್ಯಪ್ ಮೂಲಕ ಈ ಸ್ಫರ್ಧೆಯನ್ನು ಮತ್ತಷ್ಟು ಉಲ್ಬಣಗೊಳಿಸುತ್ತಿದೆ.
2018ರ ಲಸ್ಸೊ ವಿಫಲ ಪ್ರಯೋಗ
2018ರಲ್ಲಿ ಮೆಟಾ “Lasso” ಎಂಬ ಆ್ಯಪ್ ಅನ್ನು ಟಿಕ್‌ಟಾಕ್‌ಗೆ ಪ್ರತಿಸ್ಪರ್ಧಿಯಾಗಿ ಬಿಡುಗಡೆ ಮಾಡಿತ್ತು, ಆದರೆ ಅದು ನಿರೀಕ್ಷಿತ ಯಶಸ್ಸು ಪಡೆಯದೆ ಸ್ಥಗಿತಗೊಂಡಿತು. ಇದೀಗ Instagram Reels App ಹೊಸ ಪ್ರಯತ್ನವಾಗಿ ಹೊರಹೊಮ್ಮಲಿದೆ.
ಮೆಟಾದ ಮುಂದಿನ ಮಹತ್ವದ ಯೋಜನೆ
ಮೆಟಾ ಸಂಸ್ಥೆಯ ಮುಖ್ಯಸ್ಥ ಆಡಮ್ ಮೊಸ್ಸೆರಿ ಈ ಬಗ್ಗೆ ತಮ್ಮ ಉದ್ಯೋಗಿಗಳಿಗೆ ಮಾಹಿತಿ ನೀಡಿರುವ ಬಗ್ಗೆ ಅಮೆರಿಕದ ಮಾಧ್ಯಮಗಳು ವರದಿ ಮಾಡಿವೆ. ಅಧಿಕೃತ ಘೋಷಣೆ ಇನ್ನೂ ಬಾಕಿಯಿದ್ದರೂ, ಇನ್‌ಸ್ಟಾಗ್ರಾಂ ರೀಲ್ಸ್ ಪ್ರತ್ಯೇಕ ಆ್ಯಪ್ ಮೂಲಕ ಕ್ರಿಯೇಟರ್ ಎಕಾನಮಿ, ಮಾರುಕಟ್ಟೆ ಸ್ಪರ್ಧೆ ಹಾಗೂ ಬಳಕೆದಾರರ ಅನುಭವವನ್ನು ಮತ್ತಷ್ಟು ಪುಷ್ಟಗೊಳಿಸಲು ತಯಾರಾಗಿದೆ.
