ಚೆನ್ನೈ: ಚೆಪಾಕ್ ಕ್ರೀಡಾಂಗಣದಲ್ಲಿ ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಗುಜರಾತ್ ಟೈಟನ್ಸ್ ನಡುವಿನ ಪಂದ್ಯದಲ್ಲಿ, ಸಿಎಸ್ಕೆ ತಂಡದ ಸ್ಫೋಟಕ ಆರಂಭಿಕ ಆಟಗಾರ ಸಂಜು ಸ್ಯಾಮ್ಸನ್ ತಮ್ಮ ಐಪಿಎಲ್ ವೃತ್ತಿಜೀವನದಲ್ಲಿ 5000 ರನ್ಗಳ ಮೈಲುಗಲ್ಲನ್ನು ದಾಟಿದ್ದಾರೆ. ಕೇವಲ 11 ರನ್ ಗಳಿಸಿ ವಿಕೆಟ್ ಒಪ್ಪಿಸಿ, ಅವರು ತಮ್ಮ ಹೆಸರಿನಲ್ಲಿ ವಿಶೇಷ ದಾಖಲೆ ಬರೆದುಕೊಂಡಿದ್ದಾರೆ. ಸಿಎಸ್ಕೆ ತಂಡದ ಎಂಎಸ್ ಧೋನಿ ಮತ್ತು ಸುರೇಶ್ ರೈನಾ ಅವರ ದಾಖಲೆಯನ್ನು ಸಂಜು ಸ್ಯಾಮ್ಸನ್ ಮುರಿದಿದ್ದಾರೆ.
5,000 ರನ್ ಗಳಿಸಿದ ಸಂಭ್ರಮ
ಸಂಜು ಸ್ಯಾಮ್ಸನ್ ಅವರು ಈ ಪಂದ್ಯದಲ್ಲಿ ತಮ್ಮ ಆಕ್ರಮಣಕಾರಿ ಬ್ಯಾಟಿಂಗ್ ಮುಂದುವರೆಸಿದರು. ಆರಂಭದಲ್ಲೇ ಕೆಲವು ಭರ್ಜರಿ ಹೊಡೆತಗಳನ್ನು ಬಾರಿಸಿದ ಅವರು, ಕಗಿಸೊ ರಬಾಡ ಎಸೆದ ಓವರ್ನಲ್ಲಿ ಸಿಕ್ಸರ್ಗೆ ಯತ್ನಸಿದ ಸಂಜು ಸ್ಯಾಮ್ಸನ್ ಜೋಸ್ ಬಟ್ಲರ್ ಅವರಿಗೆ ಅದ್ಭುತ ಕ್ಯಾಚ್ ನೀಡಿ ಪೆವಿಲಿಯನ್ ಸೇರಿದರು. ಆದರೆ, ಆ ಸಮಯದಲ್ಲಿ ಅವರು ಗಳಿಸಿದ 11 ರನ್ಗಳು ಅವರ ಐಪಿಎಲ್ ಒಟ್ಟು ರನ್ ಅನ್ನು 5,000 ಕ್ಕೆ ತಲುಪಿಸಿದವು.
ಎಬಿ-ವಾರ್ನರ್ ನಂತರ ಅತಿ ವೇಗದಲ್ಲಿ ಮೂರನೇ ಸ್ಥಾನ
ಸಂಜು ಸ್ಯಾಮ್ಸನ್ ಈ ಮೈಲುಗಲ್ಲನ್ನು ತಲುಪಲು ಕೇವಲ 3,555 ಎಸೆತಗಳನ್ನು ತೆಗೆದುಕೊಂಡಿದ್ದಾರೆ. ಐಪಿಎಲ್ ಇತಿಹಾಸದಲ್ಲಿ 5,000 ರನ್ ಗಳಿಸಿದ ಬ್ಯಾಟ್ಸ್ಮನ್ಗಳ ಪೈಕಿ ಅತಿ ಕಡಿಮೆ ಎಸೆತಗಳಲ್ಲಿ ಈ ಸಾಧನೆ ಮಾಡಿದವರಲ್ಲಿ ಅವರು ಮೂರನೇ ಸ್ಥಾನ ನಲ್ಲಿದ್ದಾರೆ. ಈ ಪಟ್ಟಿಯಲ್ಲಿ ದಕ್ಷಿಣ ಆಫ್ರಿಕಾದ ದಂತಕಥೆ ಎಬಿ ಡಿವಿಲಿಯರ್ಸ್ (3,288 ಎಸೆತಗಳು) ಮೊದಲ ಸ್ಥಾನದಲ್ಲಿದ್ದರೆ, ಡೇವಿಡ್ ವಾರ್ನರ್ (3,554 ಎಸೆತಗಳು) ಎರಡನೇ ಸ್ಥಾನದಲ್ಲಿದ್ದಾರೆ. ಸಂಜು ಮತ್ತು ವಾರ್ನರ್ ನಡುವಿನ ಅಂತರ ಕೇವಲ ಒಂದೇ ಎಸೆತ ಇದೆ.
ಮಿಸ್ಟರ್ IPL ಮತ್ತು ಥಲಾಗೆ ಸಂಜು ಟಕ್ಕರ್
ಈ ಸಾಧನೆಯ ಮೂಲಕ ಸಂಜು ಸ್ಯಾಮ್ಸನ್ ಐಪಿಎಲ್ನ ಅನೇಕ ದಿಗ್ಗಜರನ್ನು ಹಿಂದಿಕ್ಕಿದ್ದಾರೆ. ಸುರೇಶ್ ರೈನಾ (‘ಮಿಸ್ಟರ್ ಐಪಿಎಲ್’) ಅವರು 3,620 ಎಸೆತಗಳಲ್ಲಿ ಈ ಮೈಲುಗಲ್ಲು ತಲುಪಿದ್ದರು. ಕೆಎಲ್ ರಾಹುಲ್ (3,688 ಎಸೆತಗಳು) ಮತ್ತು ತಂಡದ ಮಾಜಿ ನಾಯಕ ಎಂ.ಎಸ್. ಧೋನಿ (3,691 ಎಸೆತಗಳು) ಕೂಡ ಈ ಪಟ್ಟಿಯಲ್ಲಿ ಸಂಜುಗಿಂತ ಹಿಂದುಳಿದಿದ್ದಾರೆ. ಅತಿವೇಗವಾಗಿ 5000 ರನ್ ಗಳಿಸಿದ ಮೊದಲ ಭಾರತೀಯ ಬ್ಯಾಟ್ಸ್ಮನ್ ಎಂಬ ಕೀರ್ತಿಗೂ ಸಂಜು ಪಾತ್ರರಾಗಿದ್ದಾರೆ.
ಸಂಜು ಸ್ಯಾಮ್ಸನ್ ಅವರ IPL ಅಂಕಿಅಂಶಗಳು
ಸಂಜು ಸ್ಯಾಮ್ಸನ್ ಅವರದ್ದು ಅದ್ಭುತ ಸ್ಟ್ರೈಕ್ ರೇಟ್. ಅವರು ಈವರೆಗೆ ತಮ್ಮ IPL ವೃತ್ತಿಜೀವನದಲ್ಲಿ ಅನೇಕ ಮರೆಯಲಾಗದ ಇನ್ನಿಂಗ್ಸ್ಗಳನ್ನು ಆಡಿದ್ದಾರೆ. 5000 ರನ್ ಗಳಿಸಿದ ಹೆಗ್ಗಳಿಕೆಗೆ ಪಾತ್ರರಾದ ಅವರು, ಈಗ ತಂಡದ ಮುನ್ನಡೆಸುವ ಪ್ರಮುಖ ಆಟಗಾರರ ಪೈಕಿ ಒಬ್ಬರಾಗಿದ್ದಾರೆ. ಈ ಕ್ಷಣವನ್ನು ಗುರುತಿಸಿದ ಅವರ ತಂಡದ ಸಹ ಆಟಗಾರರು ಮತ್ತು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಂಭ್ರಮಾಚರಣೆ ನಡೆಸಿದ್ದಾರೆ.
ಸಂಜು ಸ್ಯಾಮ್ಸನ್ ತ್ವರಿತವಾಗಿ ಔಟಾದ ಕಾರಣ, ಸಿಎಸ್ಕೆ ತಂಡಕ್ಕೆ ಆಘಾತವಾಗಿದ್ದರೂ, 5000 ರನ್ ದಾಖಲೆಯ ಸಂಭ್ರಮದಿಂದಾಗಿ ಅವರಿಗೆ ಅಭಿನಂದನೆಗಳು ವ್ಯಕ್ತವಾಗುತ್ತಿವೆ. ಈ ಪಂದ್ಯ ಸಿಎಸ್ಕಿ ಪಾಲಿಗೆ ನಿರ್ಣಾಯಕವಾಗಿದ್ದು, ಗುಜರಾತ್ ಟೈಟನ್ಸ್ ಎದುರು ಅವರು ಗೆಲುವಿನ ಗುರಿ ಬೆನ್ನಟ್ಟಿದ್ದಾರೆ.
