ಐಪಿಎಲ್ 2025ರ 18ನೇ ಆವೃತ್ತಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಭರ್ಜರಿ ಪ್ರದರ್ಶನದೊಂದಿಗೆ ಫೈನಲ್‌ಗೆ ಲಗ್ಗೆ ಇಟ್ಟಿದೆ. 18 ವರ್ಷಗಳ ಸುದೀರ್ಘ ಕಾಯುವಿಕೆ, ಒಡದುಟ್ಟಿದ ಕನಸುಗಳು ಮತ್ತು ಅಭಿಮಾನಿಗಳ ಅಚಲ ನಿಷ್ಠೆಯ ಫಲವಾಗಿ ಆರ್‌ಸಿಬಿ ಈಗ ಟ್ರೋಫಿಯಿಂದ ಕೇವಲ ಒಂದು ಹೆಜ್ಜೆ ದೂರದಲ್ಲಿದೆ. ಕ್ವಾಲಿಫೈಯರ್‌ನಲ್ಲಿ ಪಂಜಾಬ್ ವಿರುದ್ಧ ಬೆಂಕಿಯಂತಹ ಪ್ರದರ್ಶನ ನೀಡಿದ ಆರ್‌ಸಿಬಿ, ತನ್ನ 18 ವರ್ಷಗಳ ಐಪಿಎಲ್ ಇತಿಹಾಸದಲ್ಲಿ 4ನೇ ಬಾರಿಗೆ ಫೈನಲ್‌ಗೆ ಪ್ರವೇಶಿಸಿದೆ.
ವಿರಾಟ್ ಕೊಹ್ಲಿ:
ಆರ್‌ಸಿಬಿ ಎಂದರೆ ವಿರಾಟ್ ಕೊಹ್ಲಿ, ವಿರಾಟ್ ಕೊಹ್ಲಿ ಎಂದು ಎಲ್ಲರೂ ಒಪ್ಪಿಕೊಂಡಿದ್ದಾರೆ. 2008ರಿಂದ ತಂಡದೊಂದಿಗೆ ಒಡನಾಡಿರುವ ಕೊಹ್ಲಿಯ ನಿಷ್ಠೆ ಮತ್ತು ಅಭಿಮಾನಿಗಳ ಲಾಯಲ್ಟಿಯೇ ಆರ್ಸಿಬಿಯ ಶಕ್ತಿಯಾಗಿದೆ. ಈ ಸೀಸನ್‌ನಲ್ಲಿ ಕೊಹ್ಲಿಯ ಬ್ಯಾಟಿಂಗ್ ವೀರಾವೇಷ 614 ರನ್‌ಗಳೊಂದಿಗೆ 55.81 ಸರಾಸರಿಯಲ್ಲಿ ತಂಡವನ್ನು ಮುನ್ನಡೆಸಿದೆ.
ಕ್ವಾಲಿಫೈಯರ್‌ನಲ್ಲಿ ಕೊಹ್ಲಿಯ ನಾಯಕತ್ವ
ಪಂಜಾಬ್ ವಿರುದ್ಧದ ಕ್ವಾಲಿಫೈಯರ್‌ನಲ್ಲಿ ಕೊಹ್ಲಿಯ ನಾಯಕತ್ವದ ಛಾಪು ಸ್ಪಷ್ಟವಾಗಿತ್ತು. ಬೌಲಿಂಗ್ ಬದಲಾವಣೆ, ಫೀಲ್ಡ್ ಪ್ಲೇಸ್‌ಮೆಂಟ್‌ನಲ್ಲಿ ಅವರ ಸಲಹೆ-ಸೂಚನೆಗಳು ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದವು. ಚೇಸಿಂಗ್‌ನಲ್ಲಿ ಕೊಹ್ಲಿಯ ಬಲವೇ ಆರ್ಸಿಬಿಯ ಶಕ್ತಿಯಾಗಿದೆ.
18ನೇ ಸೀಸನ್, 18ನೇ ಜೆರ್ಸಿ:
ಕೊಹ್ಲಿಯ ಜೆರ್ಸಿ ನಂಬರ್ 18 ಮತ್ತು 18ನೇ ಸೀಸನ್‌ನ ಈ ಸಂಯೋಗವು ಅಭಿಮಾನಿಗಳಲ್ಲಿ ವಿಶೇಷ ಆಸಕ್ತಿ ಮೂಡಿಸಿದೆ. “ಈ ಬಾರಿ ಕಪ್ ನಮ್ದು” ಎಂಬ ಘೋಷಣೆ ಕ್ರಿಕೆಟ್ ಲೋಕದಲ್ಲಿ ಸಂಚಲನ ಮೂಡಿಸುತ್ತಿದೆ. ಆರ್ಸಿಬಿಯ ಈ ಐತಿಹಾಸಿಕ ಪಯಣವು ಅಹ್ಮದಾಬಾದ್‌ನ ಫೈನಲ್‌ನಲ್ಲಿ ಕಪ್ ಗೆಲುವಿನೊಂದಿಗೆ ಕೊನೆಗೊಳ್ಳಲಿ ಎಂಬುದು ಎಲ್ಲರ ಆಶಯ.
