ಶಾಲಿವಾಹನ ಶಕವರ್ಷ 1949ರ ಉತ್ತರಾಯಣ, ವಸಂತ ಋತುವಿನ ವೈಶಾಖ ಮಾಸದ ಶುಕ್ಲ ಪಕ್ಷದ ಪೂರ್ಣಿಮಾ ತಿಥಿಯ ಈ ಶನಿವಾರವು ಕೆಲವು ರಾಶಿಗಳಿಗೆ ಸವಾಲುಗಳನ್ನೂ, ಕೆಲವರಿಗೆ ಉತ್ತಮ ಅವಕಾಶಗಳನ್ನೂ ತಂದುಕೊಡಲಿದೆ. ಭರವಸೆ, ಆಸರೆ, ಅರೆಕಾಲಿಕ ವೃತ್ತಿ ಮತ್ತು ಬಾಂಧವ್ಯದಲ್ಲಿ ಬಿಕ್ಕಟ್ಟುಗಳಂತಹ ಸಂದರ್ಭಗಳು ಕೆಲವು ರಾಶಿಗಳ ಜೀವನದಲ್ಲಿ ಪ್ರಭಾವ ಬೀರುವ ಸಾಧ್ಯತೆ ಇದೆ. ಅಸತ್ಯದಿಂದ ಕಾರ್ಯ ಹಾಳಾಗುವ ಪರಿಸ್ಥಿತಿಗೂ ಎಚ್ಚರಿಕೆ ಅಗತ್ಯ.
ಮೇಷ ರಾಶಿ
ಇಂದು ಭವಿಷ್ಯದ ಬಗ್ಗೆ ಖಿನ್ನತೆ ಕಾಡಬಹುದು. ಅನುಭವಿಗಳ ಸಲಹೆ ಪಡೆಯಿರಿ. ವ್ಯಾಪಾರ ಅಥವಾ ಉದ್ಯೋಗದಲ್ಲಿ ಅಪಾಯಗಳನ್ನು ತಪ್ಪಿಸಿ. ನಿಮ್ಮವರ ಎದುರು ಕಠೋರ ಮಾತುಗಳನ್ನಾಡುವ ಸಂಭವವಿದೆ. ಸುತ್ತಾಡುವ ಮನಸ್ಸು, ಹವ್ಯಾಸಗಳು ಚಟವಾಗಿ ಪರಿವರ್ತನೆಯಾಗಬಹುದು. ಬಿಡುಗಡೆ ಸಿಗದ ಸಮಸ್ಯೆಗಳು ನಿಮ್ಮೆದುರು ಬರಲಿವೆ. ನಿಮ್ಮವರ ಮೇಲೆ ತಪ್ಪು ತಿಳಿವಳಿಕೆ ಹೊಂದಿ ಅವರ ತೇಜೋವಧೆ ಮಾಡಬೇಡಿ.
ವೃಷಭ ರಾಶಿ
ಇಂದಿನ ಕಷ್ಟಗಳೇ ನಿಮ್ಮನ್ನು ಗಟ್ಟಿಗೊಳಿಸಲಿವೆ. ಮಾಡಿದ ತಪ್ಪುಗಳನ್ನು ಒಪ್ಪಿಕೊಂಡು ಕ್ಷಮೆ ಕೇಳಿದರೆ ಶಾಂತಿ ಸಿಗುತ್ತದೆ. ನಿಮ್ಮ ಕ್ರಿಯೆಗಳು ಕೆಲವರ ಮನಸ್ಸಿಗೆ ನೋವು ತರಬಹುದು. ಎಂತಹ ನೋವಲ್ಲೂ ಉಪಕಾರ ಮರೆಯಲಾರಿರಿ. ಹೊಸತನವನ್ನು ಇಷ್ಟಪಟ್ಟು ಜೀವನಶೈಲಿ ಬದಲಿಸಿಕೊಳ್ಳುವ ಪ್ರಯತ್ನ ಮಾಡುವಿರಿ. ಕೆಲವರ ಮಾತು ನಿಮ್ಮ ಉತ್ಸಾಹ ಹಾಳುಮಾಡಬಹುದು. ನಿಮ್ಮ ಕೆಲಸದಲ್ಲಿ ಅಶಿಸ್ತು ಕಾಣಿಸಬಹುದು.
ಮಿಥುನ ರಾಶಿ
ದೃಢನಿಶ್ಚಯ ಮತ್ತು ಬುದ್ಧಿವಂತಿಕೆಯಿಂದ ಭವಿಷ್ಯಕ್ಕಾಗಿ ಬಲವಾದ ನಿರ್ಧಾರ ತೆಗೆದುಕೊಳ್ಳುವಿರಿ. ಮುಖ್ಯ ಯೋಜನೆಯಲ್ಲಿ ಮಹಿಳೆಯರಿಗೆ ಅವರ ಪರಿಶ್ರಮಕ್ಕೆ ಮನ್ನಣೆ ನೀಡುವಿರಿ. ವೃತ್ತಿಪರ ಜೀವನದಲ್ಲಿ ಉತ್ತಮ ಫಲಿತಾಂಶ ಬರಲಿದೆ. ನಿದ್ರೆಯಿಲ್ಲದೆ ಮನಸ್ಸು ಕಿರಿಕಿರಿ ಅನುಭವಿಸಬಹುದು. ತಂದೆಯಿಂದ ಹಣ ಪಡೆದು ಬೇಕಾದ ವಸ್ತುಗಳನ್ನು ಕೊಳ್ಳುವಿರಿ.
ಕರ್ಕಾಟಕ ರಾಶಿ
ಹಣದ ವಿಚಾರದಲ್ಲಿ ನಿರ್ಧಾರ ತೆಗೆದುಕೊಳ್ಳಲು ಇಂದು ಸೂಕ್ತ ದಿನವಲ್ಲ. ಕೆಲಸದ ಅನಿರೀಕ್ಷಿತ ತೊಂದರೆಗಳನ್ನು ಧೈರ್ಯದಿಂದ ಎದುರಿಸಿ. ಸಂಗಾತಿಯ ಭಯದಿಂದ ಎಲ್ಲವನ್ನೂ ಸರಿಯಾಗಿ ಮಾಡುವಿರಿ, ಇದು ಭವಿಷ್ಯದ ಸುಧಾರಣೆಗೆ ಸಹಕಾರಿ. ಅವಕಾಶಗಳನ್ನು ಸಂಪೂರ್ಣವಾಗಿ ಬಳಸಿಕೊಂಡರೆ ಭವಿಷ್ಯದ ಭದ್ರತೆ ಹೆಚ್ಚಿಸಬಹುದು. ಆಲಸ್ಯದಿಂದ ಹೊರಬರಬೇಕಾದ ಸ್ಥಿತಿ.
ಸಿಂಹ ರಾಶಿ
ಸ್ಥಿರಾಸ್ತಿ ಖರೀದಿಗೆ ಓಡಾಟವಿರುತ್ತದೆ. ನಿಮ್ಮ ಉಜ್ವಲ ಪ್ರೀತಿ ಸುತ್ತಲಿನವರನ್ನು ಪ್ರೇರೇಪಿಸುತ್ತದೆ. ನಿಷ್ಕ್ರಿಯತೆ ಮತ್ತು ಆಯಾಸದಿಂದ ಅಸಹಜ ಅನುಭವವಾಗಬಹುದು. ದಿನದ ಕೊನೆಗೆ ಸಂತೋಷದ ಸುದ್ದಿ ಸಿಕ್ಕಿ ಮನಶ್ಶಾಂತಿ ಲಭಿಸಬಹುದು. ಏಕಾಂತ ಇಷ್ಟಪಡುವವರಿದ್ದೀರಿ. ನಿಮ್ಮ ಆಲೋಚನೆಯ ತಕ್ಕಂತೆ ಎಲ್ಲವೂ ನಡೆಯುತ್ತಿದೆ.
ಕನ್ಯಾ ರಾಶಿ
ಧಾರ್ಮಿಕ ವಿಷಯದಲ್ಲಿ ಅಶ್ರದ್ಧೆ ತೋರಿಸಬೇಡಿ. ಜನರು ನಿಮ್ಮ ಸಲಹೆ ಮತ್ತು ಒಳನೋಟಗಳನ್ನು ಕೇಳಲು ಬರಬಹುದು. ವಿಶ್ರಾಂತಿ ಯೋಜನೆಯನ್ನು ಮುಂದೂಡಬೇಕಾಗಬಹುದು. ಭೂಮಿಯ ವ್ಯವಹಾರವನ್ನು ಸದ್ಯಕ್ಕೆ ನಿಲ್ಲಿಸುವುದು ಅಥವಾ ಕೆಲವು ದಿನಗಳ ನಂತರ ನಡೆಸುವುದು ಯೋಗ್ಯ.
ತುಲಾ ರಾಶಿ
ಸೃಜನಶೀಲತೆ ಮತ್ತು ಕಷ್ಟಪಟ್ಟ ಕೆಲಸಕ್ಕೆ ಮನ್ನಣೆ ಸಿಗಲಿದೆ, ಆದರೆ ಕನಸಿನ ಯೋಜನೆಗಳ ಫಲಿತಾಂಶಕ್ಕೆ ಸಮಯ ಬೇಕು. ಸುಪ್ತ ಪ್ರತಿಭೆಯ ಅನಾವರಣವಾಗಲಿದೆ. ಆತ್ಮವಿಶ್ವಾಸದ ಕೊರತೆ ಕಂಡರೂ ನಿರಾಸೆಯಾಗದಿರಿ. ಹೊಸ ಯೋಜನೆಗಳಿಗೆ ಹೆಚ್ಚು ಖರ್ಚಾಗಬಹುದು. ಬಜೆಟ್ ಜಾಗರೂಕತೆ ವಹಿಸಿ. ದೀರ್ಘಕಾಲದ ಯಶಸ್ಸಿಗೆ ಗಮನಹರಿಸಿ. ವೈದ್ಯರನ್ನು ಭೇಟಿಯಾಗಿ ಶಾರೀರಿಕ ಸಮಸ್ಯೆಗಳನ್ನು ಹೇಳಿಕೊಳ್ಳಿ.
ವೃಶ್ಚಿಕ ರಾಶಿ
ಅಜ್ಞಾತವಾಸದಿಂದ ಹೊರಬರುವಿರಿ. ಮಕ್ಕಳಿಂದ ಅಪಮಾನ ಸಂಭವ. ವಿಶ್ಲೇಷಣಾ ಮತ್ತು ಅನುಷ್ಠಾನ ಸಾಮರ್ಥ್ಯವೇ ಸಹಾಯಕ. ಹಳೆಯ ವಸ್ತುಗಳ ಮಾರಾಟವಾಗಲಿದೆ. ಹಣದ ವಿಚಾರದಲ್ಲಿ ಜಾಗರೂಕರಾಗಿರಿ. ಆಯತಪ್ಪಿ ಬಿದ್ದು ಗಾಯ ಮಾಡಿಕೊಳ್ಳಬೇಡಿ. ಅನಿರೀಕ್ಷಿತ ಧನವ್ಯಯವಾಗಬಹುದು. ವಿದ್ಯಾರ್ಥಿಗಳು ಮುಂದಿನ ವಿಷಯಗಳ ಚರ್ಚೆ ನಡೆಸಿ ಮುಂದುವರಿಯಿರಿ.
ಧನು ರಾಶಿ
ಉದ್ಯೋಗ ಸ್ಥಳದಲ್ಲಿ ಕೆಲಸ ವೇಗವಾಗಿ ನಡೆಯಲಿದೆ. ಮನೆಯ ರಿಪೇರಿ ಮಾಡಿಸುವಿರಿ. ಸಾಮರ್ಥ್ಯವನ್ನು ಇತರರು ಗುರುತಿಸುವರು. ಒಳ್ಳೆಯ ಕೆಲಸದ ಚಿಂತನೆಯಿರುತ್ತದೆ. “ಎಲ್ಲವೂ ಕ್ಷಣದಲ್ಲಾಗಬೇಕು” ಎನ್ನುವ ಉದ್ವೇಗ ಬಿಡಿ. ಬೆಲೆ ಸಿಗದಿದ್ದರೆ ಬೇಸರವಾಗಬಹುದು. ಖುಷಿಯ ಸಂಗತಿಗಳಿದ್ದರೂ ದುಃಖಿಗಳಾಗುವ ಸಾಧ್ಯತೆ.
ಮಕರ ರಾಶಿ
ಕಾರ್ಯಕ್ಕೆ ಸಂಬಂಧಿಸಿದ ವ್ಯವಹಾರಕ್ಕೆ ಆಪ್ತರನ್ನು ಜೋಡಿಸಿಕೊಳ್ಳುವಿರಿ, ಇದು ಯಶಸ್ಸಿಗೆ ದಾರಿ. ನಿರಂತರ ಕೆಲಸದಿಂದ ಬಳಲಿದರೂ ವಿಶ್ರಾಂತಿ ತೆಗೆದುಕೊಂಡು ಸಿದ್ಧರಾಗುವಿರಿ. ಆಧುನಿಕ ಉಪಕರಣಗಳ ಬಳಕೆ ಹೆಚ್ಚು. ವಾಹನ ನಿಧಾನವಾಗಿ ಚಲಾಯಿಸಿ. ಬೇರೆಯವರ ತಪ್ಪಿನಿಂದ ನಿಮಗೆ ತೊಂದರೆಯಾಗಬಹುದು.
ಕುಂಭ ರಾಶಿ
ಹಳೆಯ ಕಾರ್ಯದಿಂದ ಉದ್ಯೋಗದ ತಪ್ಪುಗಳು ಗೋಚರಿಸಲಿವೆ. ನಿರೀಕ್ಷಿಸದ ಆರ್ಥಿಕ ಸಹಾಯ ದೀರ್ಘಕಾಲದ ಯೋಜನೆಗೆ ಅವಕಾಶ ತೆರೆಯುತ್ತದೆ. ಅಚ್ಚರಿಯ ಸಂಗತಿಗಳು ಕಾದಿರಬಹುದು. ಅಪರಿಚಿತರ ಭೇಟಿಯಿಂದ ಸ್ವಲ್ಪ ಹಿಂದುಳಿಯಿರಿ. ಕ್ರೀಡಾಪಟುಗಳು ಅವಿರತ ಶ್ರಮ ಮುಂದುವರಿಸುವರು. ತಾಯಿಯಿಂದ ಧನಲಾಭವಾಗಬಹುದು.
ಮೀನ ರಾಶಿ
ಹತ್ತಾರು ಕನಸುಗಳಲ್ಲಿ ಒಂದನ್ನು ಸಾಕಾರ ಮಾಡಿಕೊಳ್ಳಿ. ಪ್ರೀತಿಯನ್ನು ಮುಕ್ತವಾಗಿ ವ್ಯಕ್ತಪಡಿಸಿ – ಪ್ರೇಮದಲ್ಲಿ ಯಶಸ್ಸು. ಸ್ವತಂತ್ರ ನಿರ್ಧಾರಗಳ ಸಾಮರ್ಥ್ಯ ಲಾಭದಾಯಕ. ಕುಟುಂಬ ಸಮಸ್ಯೆಗಳು ಗಮನ ಸೆಳೆಯಬಹುದು. ಇರುವವರನ್ನು ಬಿಟ್ಟು ಬೇರೆಯವರನ್ನು ನಂಬಿ ಮೋಸಹೋಗಬೇಡಿ. ದಾಯಾದಿ ಕಲಹ ನ್ಯಾಯಾಲಯದವರೆಗೂ ಹೋಗಬಹುದು. ಪುಣ್ಯಕ್ಷೇತ್ರಗಳ ದರ್ಶನ ಲಭಿಸುವುದು.
