ಸಂಖ್ಯಾಶಾಸ್ತ್ರವು ವ್ಯಕ್ತಿಯ ಜನ್ಮದಿನ, ತಿಂಗಳು ಮತ್ತು ವರ್ಷದ ಆಧಾರದ ಮೇಲೆ ಅವರ ಭವಿಷ್ಯ ಮತ್ತು ಸ್ವಭಾವವನ್ನು ವಿಶ್ಲೇಷಿಸುತ್ತದೆ. ನಿಮ್ಮ ಜನ್ಮಸಂಖ್ಯೆಗೆ ಅನುಗುಣವಾಗಿ ಜೂನ್ 11ರಂದು ನಿಮಗೆ ಏನು ನಿರೀಕ್ಷಿಸಬಹುದು ಎಂಬುದನ್ನು ಇಲ್ಲಿ ವಿವರಿಸಲಾಗಿದೆ.
1. ಜನ್ಮಸಂಖ್ಯೆ 1 (1, 10, 19, 28ರಂದು ಜನಿಸಿದವರು)
ಕಚೇರಿಯಲ್ಲಿ ಅಥವಾ ನೀವು ಕಾರ್ಯನಿರ್ವಹಿಸುವ ಸಂಸ್ಥೆಯಲ್ಲಿ ಪ್ರಮುಖ ಜವಾಬ್ದಾರಿಯೊಂದು ನಿಮಗೆ ಒಪ್ಪಿಸಲ್ಪಡಬಹುದು. ಹಿರಿಯರು, ಅನುಭವಿಗಳು, ಅಥವಾ ಸಮರ್ಥರು ಎನಿಸಿಕೊಂಡವರನ್ನು ಬಿಟ್ಟು ನಿಮಗೆ ಈ ಅವಕಾಶ ದೊರೆಯುವ ಸಾಧ್ಯತೆ ಇದೆ. ಇದರಿಂದ ಕೆಲವರಿಗೆ ಅಸಮಾಧಾನ ಉಂಟಾಗಬಹುದು. ಯಾವುದೇ ಸ್ಥಳಕ್ಕೆ ತೆರಳುವಾಗ ಹತ್ತು ನಿಮಿಷ ಮುಂಚಿತವಾಗಿ ತಲುಪುವಂತೆ ಯೋಜಿಸಿ. ರುಚಿಕರವಾದ ಊಟ-ತಿಂಡಿಗಳನ್ನು ತಯಾರಿಸುವ ಯೋಗವಿದೆ. ಬಾಕಿ ಉಳಿದ ಕೆಲಸಗಳು ಪೂರ್ಣಗೊಳ್ಳಲಿವೆ. ಸವಾಲಿನ ಕೆಲಸವೊಂದರಲ್ಲಿ ಅದ್ಭುತ ಯಶಸ್ಸು ಸಿಗಲಿದೆ.
2. ಜನ್ಮಸಂಖ್ಯೆ 2 (2, 11, 20, 29ರಂದು ಜನಿಸಿದವರು)
ಯಾರ ಮಾತನ್ನು ಎಷ್ಟು ಪಾಲಿಸಬೇಕು ಎಂಬುದರ ಬಗ್ಗೆ ವಿವೇಚನೆಯಿಂದ ಇರಿ. ಸ್ತ್ರೀ-ಪುರುಷರ ವಿಷಯದಲ್ಲಿ ಜನರ ಆಕ್ಷೇಪಕ್ಕೆ ಗುರಿಯಾಗುವ ಸಾಧ್ಯತೆ ಇದೆ. ನೀವು ಖಚಿತ ಎಂದು ಭಾವಿಸಿದ ಕೆಲಸ ಅಥವಾ ಯೋಜನೆ ಕೈತಪ್ಪಬಹುದು. ಹಿಂದೆ ಆಡಿದ ಮಾತಿನ ಪರಿಣಾಮವನ್ನು ಈ ದಿನ ಅನುಭವಿಸಬಹುದು. ಪ್ರಮುಖ ಕಾರ್ಯಗಳಿಗೆ ತೆರಳುವಾಗ ಸಮಾಧಾನದಿಂದ ವರ್ತಿಸಿ, ಏಕೆಂದರೆ ಎದುರಿಗಿರುವವರು ಸಿಟ್ಟು ತರಿಸುವ ಮಾತಾಡಬಹುದು. ದ್ವಿಚಕ್ರ ವಾಹನ ಚಾಲಕರು ಎಚ್ಚರಿಕೆಯಿಂದ ಇರಿ.
3. ಜನ್ಮಸಂಖ್ಯೆ 3 (3, 12, 21, 30ರಂದು ಜನಿಸಿದವರು)
ಸಿನಿಮಾ ಕ್ಷೇತ್ರದವರಿಗೆ ಮಹತ್ವದ ಸುದ್ದಿ ಕೇಳಿಬರಲಿದೆ. ವಿದೇಶ ಪ್ರಯಾಣದ ಯೋಗವಿದೆ, ಇದಕ್ಕಾಗಿ ಸಿದ್ಧತೆ ಆರಂಭಿಸಬಹುದು. ಉದ್ಯೋಗಿಗಳು ಮೇಲಾಧಿಕಾರಿಗಳ ಗಮನ ಸೆಳೆಯಲಿದ್ದು, ಬಡ್ತಿ ಅಥವಾ ವೇತನ ವೃದ್ಧಿಯ ಸುಳಿವು ಸಿಗಬಹುದು. ಆದರೆ, ಸಹೋದ್ಯೊಗಿಗಳ ಬಗ್ಗೆ ನಕಾರಾತ್ಮಕವಾಗಿ ಮಾತನಾಡದಿರಿ, ವಿಶೇಷವಾಗಿ ಕೆಲಸದ ಸ್ಥಳದಲ್ಲಿ.
4. ಜನ್ಮಸಂಖ್ಯೆ 4 (4, 13, 22, 31ರಂದು ಜನಿಸಿದವರು)
ನೀವು ತೋರಿಸಿದ ಪ್ರೀತಿಗೆ ಇತರಿಂದ ಪ್ರತಿಕ್ರಿಯೆ ಸಿಗಬಹುದು. ಹಳೆಯ ಘಟನೆಗಳು ಮತ್ತು ಮಾತುಗಳು ನೆನಪಾಗಿ, ಪ್ರತೀಕಾರದ ಭಾವನೆ ಕಾಡಬಹುದು. ಸಾರ್ವಾಜನಿಕ ಸಾರಿಗೆಯಲ್ಲಿ ಎಚ್ಚರಿಕೆಯಿಂದ ಇರಿ, ಗಾಯದ ಸಾಧ್ಯತೆ ಇದೆ. ಸೊಂಟ ಅಥವಾ ಬೆನ್ನು ನೋವು ಉಲ್ಬಣಗೊಳ್ಳಬಹುದು. ಹಣಕಾಸಿನ ಕೆಲಸದಲ್ಲಿ ಗಮನವಿಲ್ಲದಿದ್ದರೆ, ರಜೆ ತೆಗೆದುಕೊಳ್ಳಿ.
5. ಜನ್ಮಸಂಖ್ಯೆ 5 (5, 14, 23ರಂದು ಜನಿಸಿದವರು)
ಬಾಕಿ ಬರಬೇಕಿರುವ ಪಿಎಫ್ ಫಲ ಸಿಗಲಿದೆ. ಮನೆಗೆ ಸಂಬಂಧಿತ ಕೆಲಸದವರಿಗೆ ಆದಾಯ ದೊರೆಯಲಿದೆ. ಪ್ರತಿಷಿತ ಸಂಸ್ಥೆಯಲ್ಲಿ ಅವಕಾಶ ದೊರೆಯಲಿದೆ. ಸ್ವಂತ ವ್ಯಾಪಾರ ಆರಂಭಿಸಲು ಯೋಚಿಸುವವರಿಗೆ ಅವಕಾಶಗಳು ತೆರೆದುಕೊಳ್ಳಲಿವೆ.
6. ಜನ್ಮಸಂಖ್ಯೆ 6 (6, 15, 24ರಂದು ಜನಿಸಿದವರು)
ಕರಿದ ಮತ್ತು ಮಸಾಲೆಯುಕ್ತ ಆಹಾರದಿಂದ ದೂರವಿರಿ, ಮಾಂಸಾಹಾರಿಗಳು ಖಂಡಿತ ತಪ್ಪಿಸಿ, ಇಲ್ಲದಿದ್ದರೆ ಆರೋಗ್ಯ ಸಮಸ್ಯೆ ಎದುರಾಗಬಹುದು. ಭೂಮಿ ವ್ಯವಹಾರದ ಮಾತುಕತೆಗಳನ್ನು ಮುಂದೂಡಿ, ಭಿನ್ನಾಭಿಪ್ರಾಯ ಉಂಟಾಗಿ ವ್ಯವಹಾರ ಕೆಡಬಹುದು. ಹೂವು-ಹಣ್ಣಿನ ವ್ಯಾಪಾರಿಗಳಿಗೆ ಒತ್ತಡದ ದಿನ, ಸಾಲದ ಸಾಧ್ಯತೆ.
7. ಜನ್ಮಸಂಖ್ಯೆ 7 (7, 16, 25 ರಂದು ಜನಿಸಿದವರು)
ಮರೆತುಹೋದ ವಿಷಯಗಳು ನೆನಪಾಗಬಹುದು. ಹೂಡಿಕೆ ಮಾಡುವಾಗ ಎಚ್ಚರಿಕೆ ವಹಿಸಿ. ಷೇರು ಮಾರುಕಟ್ಟೆಯಲ್ಲಿ ಸ್ವಲ್ಪ ನಷ್ಟ ಆಗಬಹುದು.
8. ಜನ್ಮಸಂಖ್ಯೆ 8 (8, 17, 26 ರಂದು ಜನಿಸಿದವರು)
ಭವಿಷ್ಯದ ಸೂಚನೆಗಳನ್ನು ಗಂಭೀರವಾಗಿ ತೆಗೆದುಕೊಳ್ಳಿ. ಮನೆ ನೀರು ಸರಬರಾಜು ವ್ಯವಸ್ಥೆಗೆ ಗಮನ ಕೊಡಿ. ಸಂಗೀತ ಕ್ಷೇತ್ರದವರಿಗೆ ಉತ್ತಮ ಅವಕಾಶ ಬರಬಹುದು.
9. ಜನ್ಮಸಂಖ್ಯೆ 9 (9, 18, 27 ರಂದು ಜನಿಸಿದವರು)
ನಂಬಿದ ವ್ಯಕ್ತಿಯ ವರ್ತನೆ ನಿಮಗೆ ಕಿರಿಕಿರಿ ಮೂಡಿಸಬಹುದು. ಕೆಲಸದ ಸ್ಥಳದಲ್ಲಿ ಬೆಲೆಬಾಳುವ ವಸ್ತುಗಳು ಕಾಣೆಯಾಗಬಹುದು. ತಾಳ್ಮೆ ಮತ್ತು ವಿವೇಕದಿಂದ ನಡೆದುಕೊಳ್ಳಿ.
