ಜನ್ಮ ತಾರೀಕಿನ ಸಂಖ್ಯೆಯನ್ನು (1 ರಿಂದ 9 ವರೆಗೆ) ಒಂದೇ ಅಂಕಿಯಾಗಿ ಕೂಡಿಸಿ ಬಂದ ಸಂಖ್ಯಗೆ ತಕ್ಕಂತೆ ನಿಮ್ಮ ದಿನ ಭವಿಷ್ಯ ಇಲ್ಲಿದೆ. ನವೆಂಬರ್ 30, 2025 ಭಾನುವಾರದಂದು ನಿಮ್ಮ ಜನ್ಮಸಂಖ್ಯೆಗೆ ಏನು ಶುಭ, ಏನು ಎಚ್ಚರಿಕೆ ಎಂಬುದನ್ನು ಸಂಕ್ಷಿಪ್ತವಾಗಿ ತಿಳಿಯಿರಿ.
ಜನ್ಮಸಂಖ್ಯೆ 1 (ತಾರೀಕು 1, 10, 19, 28) ಕುಟುಂಬ ಸಮೇತ ರೆಸ್ಟೋರೆಂಟ್, ರಿಸಾರ್ಟ್ ಅಥವಾ ಮಾಲ್‌ಗೆ ಹೋಗುವ ಖುಷಿಯ ದಿನ. ಹೊಸ ರುಚಿಗಳನ್ನು ಸವಿಯುವಿರಿ. ಬಹಳ ದಿನಗಳಿಂದ ತಲುಪಬೇಕೆಂದಿದ್ದ ಧಾರ್ಮಿಕ ಸ್ಥಳಕ್ಕೆ ಭೇಟಿ ಸಾಧ್ಯ. ಯೋಗ, ಜಿಮ್, ಸೈಕ್ಲಿಂಗ್ ಆರಂಭಿಸುವ ಉತ್ತಮ ದಿನ. ವಿದೇಶದಲ್ಲಿರುವವರು ರಜೆಯಲ್ಲಿ ತಾಯ್ನಾಡಿಗೆ ಬರುವ ಯೋಗ. ಕೃಷಿ ಭೂಮಿ ಅಥವಾ ದೊಡ್ಡ ಸೈಟ್ ಖರೀದಿಗೆ ಸೂಕ್ತ ಸ್ಥಳಗಳು ಕಂಡುಬರಲಿವೆ.
ಜನ್ಮಸಂಖ್ಯೆ 2 (ತಾರೀಕು 2, 11, 20, 29) ದಾಂಪತ್ಯದಲ್ಲಿ ಸಣ್ಣ ವಾಕ್ಸಮರ ಉಂಟಾಗಿ ಮಾತೇ ಇಲ್ಲದ ಪರಿಸ್ಥಿತಿ ಬರಬಹುದು. ದೇಹದಲ್ಲಿ ನೀರಿನ ಕೊರತೆ ಆಗದಂತೆ ನೋಡಿಕೊಳ್ಳಿ. ಉದ್ಯೋಗದಲ್ಲಿ ಏಕಾಏಕಿ ತುರ್ತು ಕರೆ ಬಂದು ವರ್ಕ್-ಲೈಫ್ ಬ್ಯಾಲೆನ್ಸ್ ಹಾಳಾಗಬಹುದು. ನೀವು ಶಿಫಾರಸು ಮಾಡಿ ಕೆಲಸ ಕೊಡಿಸಿದ ವ್ಯಕ್ತಿ ಈಗ ಸಾಕಷ್ಟು ಷರತ್ತು ಹಾಕುವುದರಿಂದ ಮುಜುಗರ ಉಂಟು.
ಜನ್ಮಸಂಖ್ಯೆ 3 (ತಾರೀಕು 3, 12, 21, 30) ಒಂಟಿಯಾಗಿ ಲಾಂಗ್ ಡ್ರೈವ್ ಹೋಗಿ ಪ್ರಶಾಂತತೆ ಅನುಭವಿಸುವ ದಿನ. ಮಾಸ್ಟರ್ ಹೆಲ್ತ್ ಚೆಕಪ್ ಮಾಡಿಸಿಕೊಳ್ಳಲು ಉತ್ತಮ ಸಮಯ. ವೃತ್ತಿ-ಉದ್ಯೋಗದ ಮುಂದಿನ ಹೆಜ್ಜೆಗೆ ಗೌರವಾನ್ವಿತ ವ್ಯಕ್ತಿಗಳ ಸಲಹೆ ಪಡೆಯುವಿರಿ. ಸರ್ಕಾರಿ ನೌಕರರಲ್ಲಿ 50+ ವಯಸ್ಸಿನವರು VRS ತೆಗೆದು ಸ್ವಂತ ವ್ಯವಸಾಯ ಅಥವಾ ಕೃಷಿ ಆರಂಭಿಸುವ ಚಿಂತನೆ ಮಾಡುವರು.
ಜನ್ಮಸಂಖ್ಯೆ 4 (ತಾರೀಕು 4, 13, 22, 31) ಹೋರಾಟ-ಚಳವಳಿಗಳಲ್ಲಿ ಗುರುತಿಸಿಕೊಂಡವರಿಗೆ ಗೌರವ-ಸನ್ಮಾನ. ಪುಸ್ತಕ ಬರೆಯಲು ಪ್ರೇರಣೆಯ ಸ್ಥಳಗಳಿಗೆ ಪ್ರವಾಸ. ವೈದ್ಯರಿಗೆ ಯೂಟ್ಯೂಬ್ ಚಾನೆಲ್ ಆರಂಭಿಸುವ ನಿರ್ಧಾರ. ಪ್ರೇಮಿಗಳು ಮದುವೆ ಪ್ರಸ್ತಾಪ ಮನೆಯಲ್ಲಿ ಇಡುವ ಧೈರ್ಯ ಬರುವುದು. ಲೆಕ್ಕಪತ್ರ ವಿಭಾಗದಲ್ಲಿರುವವರಿಗೆ ಹಳೆಯ ಹಣಕಾಸಿನ ಅವ್ಯವಹಾರ ಗೊತ್ತಾಗಬಹುದು.
ಜನ್ಮಸಂಖ್ಯೆ 5 (ತಾರೀಕು 5, 14, 23) ವಿದ್ಯುತ್ ಉಪಕರಣಗಳ ಬಳಕೆಯಲ್ಲಿ ಅತೀ ಎಚ್ಚರಿಕೆ ವಹಿಸಿ – ಶಾರ್ಟ್ ಸರ್ಕೀಟ್ ಅಪಾಯ. ಹಿಂದೆ ನಿಮಗೆ ಅಡ್ಡಿ ಹಾಕಿದವರ ಸತ್ಯ ಈಗ ಬಯಲಾಗುವುದು. ಡ್ರೈವಿಂಗ್ ಕಲಿಯುತ್ತಿರುವವರು ಗಮನ ಕೊಡಿ. ಸ್ವಲ್ಪ ಆದಾಯ ಎನಿಸಿದ್ದ ಕೆಲಸದಿಂದ ಭಾರೀ ಹಣ ಬರುವ ಯೋಗ.
ಜನ್ಮಸಂಖ್ಯೆ 6 (ತಾರೀಕು 6, 15, 24) ಸೆಕೆಂಡ್ ಹ್ಯಾಂಡ್ ವಾಹನ ಖರೀದಿಗೆ ಉತ್ತಮ ದಿನ. ಜೀವ-ಆರೋಗ್ಯ ವಿಮೆ ಪಾಲಿಸಿ ತೆಗೆದುಕೊಳ್ಳ್ಳುವ ನಿರ್ಧಾರ. ಕೃಷಿ ಜಮೀನಿನ ಒಂದು ಭಾಗವನ್ನು ವಾಣಿಜ್ಯ/ವಸತಿ ಉದ್ದೇಶಕ್ಕೆ ಬದಲಾಯಿಸಲು ಅರ್ಜಿ ಹಾಕುವಿರಿ. ಸೋದರಮಾವನ ಸಲಹೆ ಗಂಭೀರವಾಗಿ ತೆಗೆದುಕೊಳ್ಳಿ.
ಜನ್ಮಸಂಖ್ಯೆ 7 (ತಾರೀಕು 7, 16, 25) ಮಕ್ಕಳಿಗೆ ಬ್ರ್ಯಾಂಡೆಡ್ ವಾಚ್, ಶೂ, ಗ್ಯಾಜೆಟ್ ಖರೀದಿ. ರಹಸ್ಯ ಯೋಜನೆಗಳು ಬಯಲಾಗಿ ನೀವೇ ತೆರೆದು ಹೇಳಬೇಕಾದ ಪರಿಸ್ಥಿತಿ. ಹಳೆಯ ಸೈಟ್/ಕೃಷಿ ಭೂಮಿಗೆ ಭಾರೀ ಬೆಲೆ ಬರುವ ಸುದ್ದಿ. ಸ್ನೇಹಿತರ ಜೊತೆ ಪಾರ್ಟಿ-ಗೆಟ್ ಟುಗೆದರ್‌ನಲ್ಲಿ ಖುಷಿಯಾಗಿ ಸಮಯ ಕಳೆಯುವಿರಿ.
ಜನ್ಮಸಂಖ್ಯೆ 8 (ತಾರೀಕು 8, 17, 26) ಹಿಂದೆ ಕೊಟ್ಟ ಮಾತಿನಿಂದ ಹಿಂದೆ ಸರಿಯುವ ಸ್ಥಿತಿ. ಸ್ನೇಹ-ಸಂಬಂಧದಲ್ಲಿ ನಂಬಿಕೆ ಕುಸಿತ. ಸೋಪ್, ಬಾಚಣಿಗೆ, ಟವೆಲ್‌ಗಳ ಕೆಮಿಕಲ್ ಕಡೆಗೆ ಗಮನ. ತಲೆ-ಮುಖದಲ್ಲಿ ಅಲರ್ಜಿ ಉಂಟಾಗಬಹುದು. ಸುಬ್ರಹ್ಮಣ್ಯ ಸ್ವಾಮಿ ಹರಕೆ ಇಡೇರಿಸುವುದು ಒಳ್ಳೆಯದು.
ಜನ್ಮಸಂಖ್ಯೆ 9 (ತಾರೀಕು 9, 18, 27) ಸ್ನೇಹಿತರಿಗೆ ಕೊಟ್ಟ ಸಾಲ ವಸೂಲಿ ಚಿಂತೆ. ಮುಖ-ಕೈ-ಕಾಲುಗಳಲ್ಲಿ ಊತ ಉಂಟಾಗಬಹುದು. ದೂರದಲ್ಲಿರುವವರಿಗೆ ತಕ್ಷಣ ಮನೆಗೆ ಬನ್ನಿ ಎಂಬ ಕರೆ. ಸಣ್ಣ ಜಾಗ ಬಾಡಿಗೆಗೆ ತೆಗೆದು ಹೋಟೆಲ್/ಗ್ಯಾರೇಜ್ ಆರಂಭಿಸುವ ಯೋಜನೆಗೆ ಕುಟುಂಬದ ಬೆಂಬಲ.
