ದಿನಭವಿಷ್ಯ: ಈ ರಾಶಿಯವರಿಗೆ ಮೋಸದ ಸೂಚನೆ, ಕೆಲವರಿಗೆ ಆತಂಕ, ಪ್ರೀತಿಯಲ್ಲಿ ವಂಚನೆ

ಶಾಲಿವಾಹನ ಶಕ 1948, ಉತ್ತರಾಯಣ, ಶಿಶಿರ ಋತುವಿನ ಫಾಲ್ಗುಣ ಮಾಸದ ಕೃಷ್ಣಪಕ್ಷದ ತ್ರಯೋದಶಿ/ಚತುರ್ದಶಿ ತಿಥಿಯ ಈ ಬುಧವಾರ, ಹಲವು ರಾಶಿಯವರಿಗೆ ವಿಭಿನ್ನ ಅನುಭವಗಳನ್ನು ನೀಡಲಿದೆ. ಕೆಲವರಿಗೆ ಸಂತೋಷ, ಕೆಲವರಿಗೆ ಆತಂಕ, ಇನ್ನೂ ಕೆಲವರಿಗೆ ಪ್ರೀತಿಯಲ್ಲಿ ಪರೀಕ್ಷೆಯ ದಿನವಾಗಲಿದೆ.

ಮೇಷ ರಾಶಿ
ಇಂದು ಸಿಟ್ಟಿನಿಂದ ತೆಗೆದುಕೊಳ್ಳುವ ನಿರ್ಧಾರಗಳು ನಿಮ್ಮನ್ನು ಸಂಕಷ್ಟಕ್ಕೆ ತಳ್ಳಬಹುದು. ಮನಸ್ಸಿನ ನೋವನ್ನು ಒಳಗೊಳಗೆ ಇಟ್ಟುಕೊಳ್ಳುವಿರಿ. ಕೆಲಸದಲ್ಲಿ ಜವಾಬ್ದಾರಿಯುತವಾಗಿ ನಡೆದುಕೊಳ್ಳುವಿರಿ, ಆದರೆ ನಿಮ್ಮ ಮೌನದಿಂದ ಇತರರಲ್ಲಿ ಅನುಮಾನ ಮೂಡಬಹುದು. ಪ್ರಾಮಾಣಿಕತೆಯ ಪರೀಕ್ಷೆ ಎದುರಾಗುವ ಸಾಧ್ಯತೆ ಇದೆ.

ವೃಷಭ ರಾಶಿ 

ದಾಯಾದಿಗಳು ನಿಮ್ಮ ಸಂಕಷ್ಟಕ್ಕಾಗಿ ಕಾಯುತ್ತಿರಬಹುದು. ಅನಗತ್ಯ ಮಾತುಗಳಿಂದ ಶತ್ರುಗಳನ್ನು ಪ್ರಬಲರನ್ನಾಗಿ ಮಾಡಿಕೊಳ್ಳಬೇಡಿ.. ಅನಿರೀಕ್ಷಿತ ಬದಲಾವಣೆಗಳನ್ನು ಸ್ವೀಕರಿಸಲು ಕಷ್ಟಪಡಬಹುದು. ಹೊಸತನ್ನು ಅಳವಡಿಸಿಕೊಳ್ಳುವ ಕಡೆ ಗಮನ ಹರಿಸಿ. ಕಳೆದುಹೋದ ಸಂಬಂಧಗಳನ್ನು ಮತ್ತೆ ಪಡೆಯಲು ಪ್ರಯತ್ನಿಸುವುದು ವ್ಯರ್ಥ.

ಮಿಥುನ ರಾಶಿ
ಮನಸ್ಸಿನ ಶಾಂತಿ ಕಾಪಾಡುವುದು ಕಷ್ಟವಾಗಬಹುದು. ಹಣದ ವಿಚಾರದಲ್ಲಿ ಅಸಮಾಧಾನ ಉಂಟಾಗಬಹುದು. ಮನೆಯವರ ಬೆಂಬಲ ಇದ್ದರೂ, ಆರ್ಥಿಕ ಒತ್ತಡ ನಿಮ್ಮನ್ನು ಕಾಡಬಹುದು. ಭವಿಷ್ಯದ ಬಗ್ಗೆ ಚಿಂತನೆಗಳು ಹೆಚ್ಚಾಗುತ್ತವೆ.

ಕರ್ಕಾಟಕ ರಾಶಿ
ಹಳೆಯ ಸಾಲಗಳು ಮರಳಿ ಸಿಗುವ ಸಾಧ್ಯತೆ ಇದೆ. ಪ್ರೀತಿಯ ಸಂಬಂಧದಲ್ಲಿ ಅನುಮಾನ ಅಥವಾ ಕಳೆದುಕೊಳ್ಳುವ ಭಯ ಕಾಡಬಹುದು. ಮಾತಿನಲ್ಲಿ ಸ್ಪಷ್ಟತೆ ಇರಲಿ. ಧಾರ್ಮಿಕ ಸ್ಥಳಗಳಿಗೆ ಭೇಟಿ ನೀಡುವುದು ಮನಸ್ಸಿಗೆ ಶಾಂತಿ ತರಲಿದೆ.

ಸಿಂಹ ರಾಶಿ
ಉದ್ಯೋಗದ ಅವಕಾಶಗಳ ನಿರೀಕ್ಷೆಯಲ್ಲಿ ಇರುವಿರಿ. ಕೆಲವರಿಂದ ಗೌರವಕ್ಕೆ ಧಕ್ಕೆಯಾಗಬಹುದು. ದಿನಚರಿಯಲ್ಲಿ ಬದಲಾವಣೆ ಅಗತ್ಯವೆನಿಸುತ್ತದೆ. ಒಂಟಿತನದ ಭಾವನೆ ಕಾಣಿಸಬಹುದು.

ಕನ್ಯಾ ರಾಶಿ
ಉದ್ಯಮಕ್ಕೆ ಸಂಬಂಧಿಸಿದ ಕಾನೂನು ವಿಚಾರಗಳಲ್ಲಿ ಚರ್ಚೆ ನಡೆಯಬಹುದು. ಹೂಡಿಕೆ ಮಾಡುವಾಗ ಜಾಗ್ರತೆ ಅಗತ್ಯ. ಕುಟುಂಬದ ಜೊತೆ ಸಮಯ ಕಳೆಯುವುದರಿಂದ ಸಂತೋಷ ಸಿಗುತ್ತದೆ. ವಾಹನ ಚಾಲನೆ ವೇಳೆ ಆತುರ ಬೇಡ.

ತುಲಾ ರಾಶಿ
ನಿರಾಶೆ ಎದುರಾದರೂ ಧೈರ್ಯ ಕಳೆದುಕೊಳ್ಳಬೇಡಿ. ವಿದೇಶದಿಂದ ಅವಕಾಶಗಳು ಬರಬಹುದು. ಆಸ್ತಿ ಸಂಬಂಧಿತ ವಿಷಯಗಳಲ್ಲಿ ಕಾನೂನು ಹೋರಾಟಕ್ಕೆ ಸಿದ್ಧರಾಗಬೇಕಾಗಬಹುದು. ನಿಮ್ಮ ನಿರ್ಧಾರದಲ್ಲಿ ಸ್ಥಿರತೆ ಇರಲಿದೆ.

ವೃಶ್ಚಿಕ ರಾಶಿ
ಅನಿರೀಕ್ಷಿತ ಪ್ರಯಾಣ ಆಯಾಸ ತರಬಹುದು. ಸ್ಪರ್ಧಾತ್ಮಕ ಕ್ಷೇತ್ರದಲ್ಲಿ ಸವಾಲು ಎದುರಾಗಬಹುದು. ಕೆಲವೊಮ್ಮೆ ತಪ್ಪಿಲ್ಲದಿದ್ದರೂ ಒಪ್ಪಿಕೊಳ್ಳುವ ಪರಿಸ್ಥಿತಿ ಬರಬಹುದು. ಕೋಪ ನಿಯಂತ್ರಣ ಮುಖ್ಯ.

ಧನು ರಾಶಿ
ಅತಿಯಾದ ಕೋಪದಿಂದ ಅವಕಾಶಗಳನ್ನು ಕಳೆದುಕೊಳ್ಳುವ ಸಾಧ್ಯತೆ ಇದೆ. ಮಾನಸಿಕ ಒತ್ತಡ ಹೆಚ್ಚಾಗಬಹುದು. ಆದರೆ ತಪ್ಪುಗಳನ್ನು ಸರಿಪಡಿಸುವ ಮನಸ್ಸು ಬೆಳೆಯಲಿದೆ. ಆರೋಗ್ಯದ ಕಡೆ ಗಮನ ಕೊಡಬೇಕು.

ಮಕರ ರಾಶಿ
ಬಂಧುಗಳ ಜೊತೆ ಸಮಯ ಕಳೆಯುವಿರಿ. ಸ್ನೇಹಿತರಿಂದ ಆರ್ಥಿಕ ಸಹಾಯ ಸಿಗಬಹುದು. ಸಂಬಂಧಗಳಲ್ಲಿ ಸಣ್ಣ ಒಡಕು ಉಂಟಾಗಬಹುದು. ಯಾರನ್ನೂ ಸುಲಭವಾಗಿ ನಂಬದಿರುವುದು ಉತ್ತಮ.

ಕುಂಭ ರಾಶಿ
ಉದ್ಯೋಗ ಮತ್ತು ವ್ಯವಹಾರದಲ್ಲಿ ಒತ್ತಡ ಹೆಚ್ಚಾಗಬಹುದು. ಸಂಗಾತಿಯ ಮಾತನ್ನು ಪಾಲಿಸುವುದು ಉತ್ತಮ. ಮನೆಯಲ್ಲಿನ ಹಳೆಯ ವಿಷಯಗಳು ಮತ್ತೆ ತಲೆದೋರುವ ಸಾಧ್ಯತೆ ಇದೆ. ವಾಹನ ಚಾಲನೆ ವೇಳೆ ಜಾಗ್ರತೆ ಅಗತ್ಯ.

ಮೀನ ರಾಶಿ
ಮಕ್ಕಳ ಆಗಮನದಿಂದ ಸಂತೋಷದ ವಾತಾವರಣ. ಆದರೆ ಪ್ರೀತಿಪಾತ್ರರ ವರ್ತನೆ ಕಿರಿಕಿರಿ ತರಬಹುದು. ಸಣ್ಣ ಮಾತು ದೊಡ್ಡ ಕಲಹಕ್ಕೆ ಕಾರಣವಾಗಬಹುದು. ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ಬೇಡ.