ಜನ್ಮಸಂಖ್ಯೆಯು ವ್ಯಕ್ತಿಯ ಜೀವನದ ಗುಣಲಕ್ಷಣಗಳು ಮತ್ತು ದಿನದ ಏರಿಳಿತಗಳನ್ನು ನಿರ್ಧರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇಂದು (ಜನವರಿ 12) ನಿಮ್ಮ ಜನ್ಮಸಂಖ್ಯೆಗೆ ಅನುಗುಣವಾಗಿ ಕೈಗೊಳ್ಳಬೇಕಾದ ಎಚ್ಚರಿಕೆಗಳು ಮತ್ತು ದೊರೆಯಲಿರುವ ಲಾಭಗಳ ಸಂಪೂರ್ಣ ವಿವರ ಇಲ್ಲಿದೆ.
ಜನ್ಮಸಂಖ್ಯೆ 1, 10, 19, 28
ಸಂಖ್ಯೆ ಒಂದರ ಜಾತಕದವರಿಗೆ ಇಂದು ಹೊಸ ಆಲೋಚನೆಗಳ ಪರ್ವ. ಹಳೆಯ ಯೋಜನೆಗಳನ್ನು ಬದಿಗಿಟ್ಟು ಸೃಜನಶೀಲತೆಗೆ ಒತ್ತು ನೀಡಿ. ನಾಯಕತ್ವದ ಗುಣದ ಜೊತೆಗೆ ಸಹಬಾಳ್ವೆಯನ್ನು ರೂಢಿಸಿಕೊಳ್ಳಿ. ಮೇಲಧಿಕಾರಿಗಳ ಒತ್ತಡವಿದ್ದರೂ ಮಿತವಾಗಿ ಮಾತನಾಡಿ, ಶಾಂತಿ ಕಾಪಾಡಿಕೊಳ್ಳಿ.
ಜನ್ಮಸಂಖ್ಯೆ 2, 11, 20, 29
ಮಾನಸಿಕ ಸ್ಥಿರತೆಯೇ ಇಂದಿನ ಮಂತ್ರ. ಸಣ್ಣ ವಿಚಾರಗಳಿಗೂ ಭಾವೋದ್ವೇಗಕ್ಕೆ ಒಳಗಾಗಬೇಡಿ. ಮನೆಯಲ್ಲಿ ಹಳೆಯ ನೆನಪುಗಳು ಮರುಕಳಿಸಲಿವೆ. ವ್ಯಾಪಾರಸ್ಥರು ಸಾಲ ನೀಡುವಾಗ ಎಚ್ಚರಿಕೆ ವಹಿಸುವುದು ಉತ್ತಮ. ಕೌಟುಂಬಿಕವಾಗಿ ಸಂಗಾತಿಯ ಬೆಂಬಲ ಸಿಗಲಿದೆ. ವಿಶೇಷವಾಗಿ ಕಲೆ ಮತ್ತು ಮಾಧ್ಯಮ ಕ್ಷೇತ್ರದವರಿಗೆ ಇಂದು ಹೊಸ ಅವಕಾಶಗಳ ಬಾಗಿಲು ತೆರೆಯಲಿದೆ.
ಜನ್ಮಸಂಖ್ಯೆ 3, 12, 21, 30
ಇದು ಜ್ಞಾನದ ವಿನಿಯೋಗದ ದಿನ. ಶಿಕ್ಷಣ ಅಥವಾ ಕನ್ಸಲ್ಟೆನ್ಸಿ ನಡೆಸುವವರಿಗೆ ಬೇಡಿಕೆ ಹೆಚ್ಚಲಿದೆ. ಹಣಕಾಸಿನ ವ್ಯಯವಿದ್ದರೂ ಅದು ಸದುದ್ದೇಶಕ್ಕೆ ಬಳಕೆಯಾಗಲಿದೆ. ಹಿರಿಯರ ಆರೋಗ್ಯ ಸುಧಾರಿಸುವುದು ಮನಸ್ಸಿಗೆ ನೆಮ್ಮದಿ ನೀಡಲಿದೆ. ಇಂದು ನೀವು ಮಾಡುವ ಸಣ್ಣ ಸಹಾಯವು ಭವಿಷ್ಯದಲ್ಲಿ ದೊಡ್ಡ ಪ್ರತಿಫಲವಾಗಿ ನಿಮ್ಮನ್ನು ತಲುಪಲಿದೆ.
ಜನ್ಮಸಂಖ್ಯೆ 4, 13, 22, 31 ನಾಲ್ಕರ ಅಂಕಿಯವರಿಗೆ ಇಂದು ಪ್ರವಾಸದ ಯೋಜನೆಗಳಲ್ಲಿ ಬದಲಾವಣೆ ಉಂಟಾಗಬಹುದು. ಫ್ರೀಲ್ಯಾನ್ಸರ್ಗಳಿಗೆ ಆದಾಯದ ಕೊರತೆ ಕಾಡಬಹುದು. ಕೆಲಸದ ವೇಗವನ್ನು ಹೆಚ್ಚಿಸಲು ಸಾಮಾಜಿಕ ಜಾಲತಾಣಗಳ ಬಳಕೆಯನ್ನು ಕಡಿಮೆ ಮಾಡಿ. ವಾಹನ ಅಥವಾ ಗೃಹ ದುರಸ್ತಿಗೆ ಅನಿರೀಕ್ಷಿತ ಖರ್ಚುಗಳು ಎದುರಾಗಬಹುದು. ಶತ್ರುಗಳ ಕುತಂತ್ರದ ಬಗ್ಗೆ ಜಾಗರೂಕರಾಗಿರಿ.
ಜನ್ಮಸಂಖ್ಯೆ 5, 14, 23
ಕುಟುಂಬದಲ್ಲಿ ಹಣದ ವಿಚಾರಕ್ಕೆ ಮನಸ್ತಾಪಗಳು ಉಂಟಾಗಬಹುದು, ತಾಳ್ಮೆಯಿಂದ ವರ್ತಿಸಿ. ಮಹಿಳೆಯರಿಗೆ ತವರಿನಿಂದ ಸಿಹಿ ಸುದ್ದಿ ಸಿಗಲಿದೆ. ಪ್ರೀತಿಯ ಸಂಬಂಧದಲ್ಲಿ ಪಾರದರ್ಶಕತೆ ಇರಲಿ. ಸತ್ಯ ಕಹಿಯಾಗಿದ್ದರೂ ಅದು ಬಾಂಧವ್ಯವನ್ನು ಗಟ್ಟಿಗೊಳಿಸುತ್ತದೆ. ದೂರದ ಊರಿನಿಂದ ಶುಭ ವಾರ್ತೆ ಕೇಳುವಿರಿ.
ಜನ್ಮಸಂಖ್ಯೆ 6, 15, 24
ಫ್ಯಾಷನ್ ಮತ್ತು ಸೌಂದರ್ಯವರ್ಧಕ ವ್ಯವಹಾರದವರಿಗೆ ಇಂದು ಸುದಿನ. ಆರ್ಥಿಕವಾಗಿ ಸದೃಢರಿದ್ದರೂ ಐಷಾರಾಮಿ ಖರ್ಚುಗಳಿಗೆ ಕಡಿವಾಣ ಹಾಕಿ. ಮನೆಯ ಹಿರಿಯ ಮಹಿಳೆಯರ ಸಲಹೆಗಳು ನಿಮ್ಮನ್ನು ದೊಡ್ಡ ಸಂಕಷ್ಟದಿಂದ ಪಾರು ಮಾಡಲಿವೆ. ಚರ್ಮದ ಅಲರ್ಜಿ ಅಥವಾ ಆರೋಗ್ಯದ ಬಗ್ಗೆ ಕಾಳಜಿ ಇರಲಿ. ವಿವಾಹ ಸಂಬಂಧಗಳು ಕೂಡಿಬರುವ ಸಾಧ್ಯತೆ ಇದೆ.
ಜನ್ಮಸಂಖ್ಯೆ 7, 16, 25
ಹೊಸ ಒಪ್ಪಂದಗಳಿಗೆ ಸಹಿ ಹಾಕುವ ಮುನ್ನ ಜನರ ವಿಶ್ವಾಸಾರ್ಹತೆಯನ್ನು ಪರೀಕ್ಷಿಸಿ. ಮಾರ್ಕೆಟಿಂಗ್ ಕ್ಷೇತ್ರದಲ್ಲಿರುವವರಿಗೆ ನಿರೀಕ್ಷಿತ ಲಾಭ ಸಿಗಲಿದೆ. ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಿರುವವರಿಗೆ ಲಾಭ ಸಿಗಲಿದೆ. ನಿಮ್ಮ ಕಂಫರ್ಟ್ ಝೋನ್ನಿಂದ ಹೊರಬಂದು ಶ್ರಮಿಸಿದರೆ ಜಯ ನಿಶ್ಚಿತ.
ಜನ್ಮಸಂಖ್ಯೆ 8, 17, 26
ಆಸ್ತಿ ವಿವಾದಗಳು ಸಂಧಾನದ ಮೂಲಕ ಬಗೆಹರಿಯಲಿವೆ. ಹಳೆಯ ಸಾಲದ ಹೊರೆ ಇಳಿಸಲು ಹೊಸ ಮಾರ್ಗಗಳು ಗೋಚರಿಸಲಿವೆ. ಸಂಗಾತಿಯೊಂದಿಗೆ ಮಾತನಾಡುವಾಗ ಗಾಂಭೀರ್ಯ ಇರಲಿ. ಹಿರಿಯರ ಆರೋಗ್ಯದ ಕಡೆಗೆ ವಿಶೇಷ ಗಮನ ನೀಡಿ. ಸಣ್ಣ ತಪ್ಪುಗಳನ್ನು ಕ್ಷಮಿಸಿ ಸಂಬಂಧಗಳನ್ನು ಬೆಳೆಸಿ.
ಜನ್ಮಸಂಖ್ಯೆ 9, 18, 27
ಕಚೇರಿಯಲ್ಲಿ ನಿಮ್ಮ ಮೇಲೆ ಸುಳ್ಳು ಆರೋಪಗಳು ಬರಬಹುದು, ಅಂತಹ ಸಂದರ್ಭದಲ್ಲಿ ಮೌನದಿಂದಿರಿ. ಹಳೆಯ ಬಾಕಿ ಹಣ ಕೈಸೇರಲಿದೆ. ದೊಡ್ಡ ವ್ಯವಹಾರಗಳು ಕೈ ಸೇರಲಿವೆ. ಆದರೆ ಯಾವುದೇ ಪಾಲುದಾರಿಕೆ ಒಪ್ಪಂದಕ್ಕೆ ಸಹಿ ಹಾಕುವ ಮುನ್ನ ಕಾನೂನು ಸಲಹೆ ಪಡೆಯುವುದನ್ನು ಮರೆಯಬೇಡಿ.
