ಜನ್ಮಸಂಖ್ಯೆ1, 10, 19, 28
ಇಂದು ನೀವು ಆಕಸ್ಮಿಕವಾಗಿ ಆಡುವ ಮಾತುಗಳು ಹೊಸ ವ್ಯವಹಾರಕ್ಕೆ ಬುನಾದಿ ಹಾಕಲಿವೆ. ತಮಾಷೆಗೆ ಆರಂಭಿಸಿದ ವಿಚಾರ ಲಾಭದಾಯಕ ವ್ಯಾಪಾರವಾಗಿ ಬದಲಾಗಬಹುದು. ನಿಮ್ಮ ಜೀವನಕ್ಕೆ ನೀವೇ ಶಿಸ್ತಿನ ಚೌಕಟ್ಟು ಹಾಕಿಕೊಳ್ಳುವ ನಿರ್ಧಾರ ಮಾಡುವಿರಿ. ಇನ್ನು ಮುಂದೆ ಯಾರದೋ ದಾಕ್ಷಿಣ್ಯಕ್ಕೆ ಬಿದ್ದು ಕೆಲಸಗಳನ್ನು ಒಪ್ಪಿಕೊಳ್ಳುವುದನ್ನು ನಿಲ್ಲಿಸುವಿರಿ.
ಜನ್ಮಸಂಖ್ಯೆ 2, 11, 20, 29
ಕೇವಲ ಹಣದ ಆಸೆಗಾಗಿ ಶಕ್ತಿ ಮೀರಿದ ಕೆಲಸಕ್ಕೆ ಕೈ ಹಾಕಬೇಡಿ. ನಿಮ್ಮನ್ನು ಸುಲಭವಾಗಿ ಮನವೊಲಿಸುವ ಸ್ನೇಹಿತರ ಮಾತುಗಳಿಗೆ ಮರುಳಾಗದಿರಿ; ವಿಶ್ಲೇಷಣೆ ಮಾಡದೆ ಹೆಜ್ಜೆ ಇಟ್ಟರೆ ನಂತರ ಪಶ್ಚಾತ್ತಾಪ ಪಡಬೇಕಾದೀತು. ದಂಪತಿಗಳ ನಡುವೆ ಹಣದ ವಿಚಾರವಾಗಿ ಮನಸ್ತಾಪ ಬರಬಹುದು. ಬಲವಂತವಾಗಿ ಯಾವುದೋ ಕಾರ್ಯಕ್ರಮಕ್ಕೆ ಹೋಗಿ ಅವಮಾನ ಎದುರಿಸುವ ಸಂಭವವಿದೆ. ಸಂಯಮದಿಂದ ವರ್ತಿಸುವುದು ಒಳಿತು.
ಜನ್ಮಸಂಖ್ಯೆ 3, 12, 21, 30
ನಿಮ್ಮ ಕೈಕೆಳಗೆ ಕೆಲಸ ಮಾಡುವವರ ಮೇಲಿನ ಸಿಟ್ಟನ್ನು ನಿಯಂತ್ರಿಸಲು ಪ್ರಯತ್ನಿಸುವಿರಿ. ನಿಮ್ಮ ಬಾಕಿ ಬರಬೇಕಾದ ಹಣಕ್ಕೆ ಅಡ್ಡಿಪಡಿಸುತ್ತಿರುವವರು ಯಾರು ಎಂಬ ಗುಟ್ಟು ಇಂದು ರಟ್ಟಾಗಲಿದೆ. ಹೊಸ ಉದ್ಯೋಗಾವಕಾಶಗಳು ನಿಮ್ಮನ್ನು ಹುಡುಕಿ ಬರಲಿವೆ. ಇಂದು ನಿಮ್ಮ ಮಾತಿನ ಚಾತುರ್ಯದಿಂದಲೇ ಹಲವು ಜಟಿಲ ಕೆಲಸಗಳನ್ನು ಸುಲಭವಾಗಿ ಮುಗಿಸಿಕೊಳ್ಳುವಿರಿ.
ಜನ್ಮಸಂಖ್ಯೆ 4, 13, 22, 31
ಕೃಷಿ ಚಟುವಟಿಕೆಗಳಲ್ಲಿ, ವಿಶೇಷವಾಗಿ ಅಣಬೆ ಬೆಳೆಯುವವರಿಗೆ ಆರ್ಥಿಕ ಲಾಭ ಹೆಚ್ಚಿದೆ. ಸರ್ಕಾರದ ಕೆಲಸಗಳು ಚುರುಕುಗೊಳ್ಳಲಿವೆ. ಮಕ್ಕಳ ಶಿಕ್ಷಣದ ಬಗ್ಗೆ ಇದ್ದ ಆತಂಕ ದೂರವಾಗಿ ನೆಮ್ಮದಿ ಸಿಗಲಿದೆ. ಆರೋಗ್ಯದ ಕಡೆಗೆ ಗಮನಹರಿಸುವವರಿಗೆ, ವಿಶೇಷವಾಗಿ ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಇಂದು ಸೂಕ್ತ ಮಾರ್ಗದರ್ಶನ ಸಿಗಲಿದೆ. ಮನೆಯಲ್ಲಿ ಸಣ್ಣ ಕಾರ್ಯಕ್ರಮವೊಂದನ್ನು ಆಯೋಜಿಸುವ ಬಗ್ಗೆ ಚರ್ಚೆ ನಡೆಯಲಿದೆ.
ಜನ್ಮಸಂಖ್ಯೆ 5, 14, 23
ಹಣಕಾಸಿನ ವ್ಯವಹಾರದಲ್ಲಿ ಗೊಂದಲಗಳು ಉಂಟಾಗಬಹುದು. ನೀವು ಹೇಳುವ ಮಾತು ಇತರರಿಗೆ ತಪ್ಪಾಗಿ ಅರ್ಥವಾಗುವ ಸಾಧ್ಯತೆ ಇದೆ. ಆದ್ದರಿಂದ ಮುಖ್ಯ ವಿಚಾರಗಳನ್ನು ಫೋನಿನಲ್ಲಿ ಮಾತನಾಡುವುದಕ್ಕಿಂತ ನೇರವಾಗಿ ಭೇಟಿಯಾಗಿ ಚರ್ಚಿಸುವುದು ಉತ್ತಮ.
ಜನ್ಮಸಂಖ್ಯೆ 6, 15, 24
ಇಂದು ನಿಮ್ಮ ಮನಸ್ಸು ದಾನ-ಧರ್ಮದ ಕಡೆಗೆ ವಾಲಲಿದೆ. ಸ್ವಾದಿಷ್ಟ ಭೋಜನದ ಯೋಗವಿದೆ. ಹಿಂದೆ ನಿಮ್ಮನ್ನು ದ್ವೇಷಿಸುತ್ತಿದ್ದವರು ಇಂದು ಸಹಾಯ ಕೋರಿ ನಿಮ್ಮ ಬಳಿ ಬರಲಿದ್ದಾರೆ. ಅನಗತ್ಯ ಗ್ಯಾಜೆಟ್ ಅಥವಾ ಮೊಬೈಲ್ ಖರೀದಿ ಬೇಡ, ಅನಿವಾರ್ಯವಿದ್ದರೆ ಮಾತ್ರ ಹಣ ವಿನಿಯೋಗಿಸಿ. ದೂರ ಪ್ರಯಾಣದ ಸಾಧ್ಯತೆಯಿದ್ದು, ಒಬ್ಬ ವ್ಯಕ್ತಿಯ ಸಲುವಾಗಿ ಹೆಚ್ಚಿನ ಸಮಯ ವ್ಯಯಿಸಬೇಕಾಗಬಹುದು.
ಜನ್ಮಸಂಖ್ಯೆ 7, 16, 25
ಮನೆಯ ಅಂದ ಹೆಚ್ಚಿಸಲು ಅಲಂಕಾರಿಕ ವಸ್ತುಗಳನ್ನು ಖರೀದಿಸುವಿರಿ. ಇದರಿಂದ ಮನಸ್ಸಿಗೆ ಸಂತೋಷ ಸಿಗಲಿದೆ. ಆದರೆ, ದೀರ್ಘಕಾಲದಿಂದ ನಿಮ್ಮ ಜೊತೆಗಿದ್ದ ಆತ್ಮೀಯ ವ್ಯಕ್ತಿಯೊಬ್ಬರು ದೂರವಾಗುವ ಸುದ್ದಿ ತಿಳಿದು ಸ್ವಲ್ಪ ಬೇಸರವಾಗಬಹುದು. ಆಸ್ತಮಾ ಅಥವಾ ಉಸಿರಾಟದ ಸಮಸ್ಯೆ ಇರುವವರು ಇಂದು ಆರೋಗ್ಯದ ಬಗ್ಗೆ ಹೆಚ್ಚಿನ ಜಾಗ್ರತೆ ವಹಿಸಬೇಕು. ಔಷಧಿಗಳ ಬದಲಾವಣೆ ಬಗ್ಗೆ ವೈದ್ಯರ ಸಲಹೆ ಪಡೆಯಿರಿ.
ಜನ್ಮಸಂಖ್ಯೆ 8, 17, 26
ಸಂಗಾತಿಯ ಜೊತೆಗೂಡಿ ಸುಂದರ ಪ್ರವಾಸ ಅಥವಾ ಲಾಂಗ್ ಡ್ರೈವ್ ಹೋಗುವಿರಿ. ಮನಸ್ಸಿನಾಳದ ಗುಟ್ಟುಗಳನ್ನು ಹಂಚಿಕೊಳ್ಳಲು ಇದು ಸೂಕ್ತ ಸಮಯ. ಹೊಸ ಕೋರ್ಸ್ ಸೇರುವ ಬಗ್ಗೆ ಆಲೋಚನೆ ಮಾಡುವಿರಿ. ವೃತ್ತಿಪರರು ಮಾಹಿತಿಯನ್ನು ಇತರರಿಗೆ ಹಂಚುವ ಮುನ್ನ ಪರಿಶೀಲಿಸುವುದು ಅಗತ್ಯ. ಕುಟುಂಬದವರ ಕೆಲವು ಬೇಡಿಕೆಗಳಿಗೆ ಆರ್ಥಿಕ ಕಾರಣ ನೀಡಿ ಇಂದು ನಿರಾಕರಿಸುವಿರಿ.
ಜನ್ಮಸಂಖ್ಯೆ 9, 18, 27
ಎತ್ತರದ ಸ್ಥಳಗಳಲ್ಲಿ ಓಡಾಡುವಾಗ ಹೆಚ್ಚಿನ ಏಕಾಗ್ರತೆ ಇರಲಿ. ಕಷ್ಟದ ಕಾಲಕ್ಕೆಂದು ಇಟ್ಟಿದ್ದ ಹಣವನ್ನು ಅನಿವಾರ್ಯವಾಗಿ ಬಳಸಬೇಕಾದ ಪರಿಸ್ಥಿತಿ ಬರಬಹುದು. ನೀವು ಗೌರವಿಸುವ ವ್ಯಕ್ತಿಗಳಿಂದ ಅಥವಾ ಸಂಗಾತಿಯಿಂದ ಕಟು ಮಾತುಗಳನ್ನು ಕೇಳಬೇಕಾದೀತು. ತಾಳ್ಮೆಯಿಂದ ದಿನ ಕಳೆಯಿರಿ.
