ಗಾಜಿಯಾಬಾದ್: ಆನ್ಲೈನ್ ಗೇಮಿಂಗ್ ವ್ಯಸನಕ್ಕೆ ಬಿದ್ದಿದ್ದ ಮೂವರು ಅಪ್ರಾಪ್ತ ಸಹೋದರಿಯರು ಅಪಾರ್ಟ್ಮೆಂಟ್ನ ಒಂಬತ್ತನೇ ಮಹಡಿಯಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಉತ್ತರ ಪ್ರದೇಶದ ಗಾಜಿಯಾಬಾದ್ನಲ್ಲಿ ನಡೆದಿದೆ.
ಘಟನೆಯ ಹಿನ್ನೆಲೆ
ಮೃತ ಬಾಲಕಿಯರನ್ನು ಪಖಿ (12), ಪ್ರಾಚಿ (14) ಮತ್ತು ವಿಶಿಕಾ (16) ಎಂದು ಗುರುತಿಸಲಾಗಿದೆ. ಈ ಮೂವರು ಸಹೋದರಿಯರು ಪರಸ್ಪರ ಅತ್ಯಂತ ಆಪ್ತರಾಗಿದ್ದರು. ಮೂವರು ಒಟ್ಟಿಗೆ ಶಾಲೆಗೆ ಹೋಗುತ್ತಿದ್ದರು. ಆದರೆ, ಕೋವಿಡ್-19 ಲಾಕ್ಡೌನ್ ಸಮಯದಲ್ಲಿ ಆನ್ಲೈನ್ ಶಿಕ್ಷಣಕ್ಕಾಗಿ ಮನೆಯಲ್ಲಿ ಮೊಬೈಲ್ ಕೊಡಿಸಲಾಗಿತ್ತು ಆದರೆ ಅವರು ಆ ಮೊಬೈಲ್ನಲ್ಲಿ ಆನ್ಲೈನ್ ಗೇಮ್ನ ಚಟಕ್ಕೆ ಬಿದ್ದಿದ್ದಾರೆ.
‘ಕೊರಿಯನ್ ಲವ್ ಗೇಮ್’ ವ್ಯಸನ
ಪೊಲೀಸರ ಪ್ರಾಥಮಿಕ ತನಿಖೆಯ ಪ್ರಕಾರ, ಬಾಲಕಿಯರು ಆನ್ಲೈನ್ ಟಾಸ್ಕ್ ಆಧಾರಿತ ‘ಕೊರಿಯನ್ ಲವ್ ಗೇಮ್’ ಎನ್ನುವ ಆಟಕ್ಕೆ ತೀವ್ರವಾಗಿ ಅಡಿಕ್ಟ್ ಆಗಿದ್ದರು. ಇದರಿಂದ ಅವರು ನಿಯಮಿತವಾಗಿ ಶಾಲೆಗೆ ಹೋಗುವುದನ್ನು ನಿಲ್ಲಿಸಿದ್ದರು ಮತ್ತು ದಿನವಿಡೀ ಮೊಬೈಲ್ ಪರದೆಯಲ್ಲೇ ಮುಳುಗಿರುತ್ತಿದ್ದರು. ಬುಧವಾರ ಬೆಳಗಿನ ಜಾವ 2 ಗಂಟೆ ಸುಮಾರಿಗೆ, ಪೋಷಕರು ಗೇಮ್ ಆಡದಂತೆ ಬೈದಿದ್ದರಿಂದ ಮನನೊಂದ ಮೂವರು ಸಹೋದರಿಯರು ಗಾಜಿಯಾಬಾದ್ನ ಭಾರತ್ ಸಿಟಿಯ ತಮ್ಮ ಅಪಾರ್ಟ್ಮೆಂಟ್ನ 9ನೇ ಮಹಡಿಯಿಂದ ಕೆಳಕ್ಕೆ ಹಾರಿ, ಸಾಮೂಹಿಕ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಈ ದುರಂತವು ಇಂದಿನ ಪೋಷಕರಿಗೆ ದೊಡ್ಡ ಎಚ್ಚರಿಕೆಯ ಗಂಟೆಯಾಗಿದೆ. ಕೋವಿಡ್ ನಂತರ ಮಕ್ಕಳ ಕೈಗೆ ಮೊಬೈಲ್ ನೀಡುವುದು ಅನಿವಾರ್ಯವಾಯಿತು, ಆದರೆ ಅದರ ಮೇಲೆ ನಿಗಾ ಇಡದಿದ್ದರೆ ಆಗುವ ಅನಾಹುತಕ್ಕೆ ಈ ಘಟನೆಯೇ ಉದಾಹರಣೆ. ಮಕ್ಕಳು ಮೊಬೈಲ್ನಲ್ಲಿ ಯಾವ ರೀತಿಯ ಆಟಗಳನ್ನು ಆಡುತ್ತಿದ್ದಾರೆ, ಯಾರೊಂದಿಗೆ ಸಂವಹನ ನಡೆಸುತ್ತಿದ್ದಾರೆ ಎಂಬುದನ್ನು ಗಮನಿಸುವುದು ಅತ್ಯಗತ್ಯ.
ತಜ್ಞರ ಸಲಹೆ:
ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್ಫೋನ್ ಮತ್ತು ಇಂಟರ್ನೆಟ್ ಮಕ್ಕಳ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ, ಇದೇ ಫೋನ್ಗಳಿಂದ ಮಕ್ಕಳು ಆನ್ಲೈನ್ ಗೇಮ್ ಅಥವಾ ಸಾಮಾಜಿಕ ಜಾಲಾತಣಕ್ಕೆ ಅಡಿಕ್ಟ್ ಆಗುತ್ತಿದ್ದಾರೆ. ನಿಮ್ಮ ಮಕ್ಕಳನ್ನು ಸುರಕ್ಷಿತವಾಗಿಡಲು ಪೋಷಕರಾದ ನೀವು ಈ ಕೆಳಗಿನ ನಿಯಮಗಳನ್ನು ಪಾಲಿಸುವುದು ಅತ್ಯಗತ್ಯ:
- ಸ್ಕ್ರೀನ್ ಟೈಮ್ಗೆ ಕಟ್ಟುನಿಟ್ಟಾದ ಮಿತಿ ಇರಲಿ
- ‘ಪೇರೆಂಟಲ್ ಕಂಟ್ರೋಲ್’ ಆಪ್ಗಳ ಬಳಕೆ
- ಮಕ್ಕಳೊಂದಿಗೆ ಮುಕ್ತವಾಗಿ ಸಂವಹನ ನಡೆಸಿ
- ಡಿಜಿಟಲ್ ಲೋಕದಿಂದ ಹೊರತನ್ನಿ
- 5. ವ್ಯಸನದ ಲಕ್ಷಣಗಳನ್ನು ಗುರುತಿಸಿ
ನಿಮ್ಮ ಮಗು ಈ ಕೆಳಗಿನಂತೆ ವರ್ತಿಸುತ್ತಿದ್ದರೆ ತಕ್ಷಣ ಜಾಗರೂಕರಾಗಿ:
-
ಸರಿಯಾಗಿ ಊಟ ಮಾಡದಿದ್ದರೆ ಅಥವಾ ನಿದ್ರೆಯ ಕೊರತೆಯಿದ್ದರೆ.
-
ಶಾಲೆಯ ಓದಿನಲ್ಲಿ ಹಿಂದುಳಿಯುತ್ತಿದ್ದರೆ.
-
ಮೊಬೈಲ್ ಕಿತ್ತುಕೊಂಡಾಗ ಅತಿಯಾಗಿ ಕಿರುಚುವುದು ಅಥವಾ ಕೋಪ ತೋರಿಸುವುದು.
-
ಯಾರೊಂದಿಗೂ ಮಾತನಾಡದೆ ಏಕಾಂಗಿಯಾಗಿ ಇರಲು ಬಯಸುವುದು.
ರಾತ್ರಿ ಮಲಗುವ ಮುನ್ನ ಮೊಬೈಲ್ ಫೋನ್ಗಳನ್ನು ಮಕ್ಕಳಿಂದ ದೂರವಿಡುವುದು ಅತ್ಯುತ್ತಮ ಅಭ್ಯಾಸ. ಪೋಷಕರು ನಿದ್ರಿಸಿದ ನಂತರ ಅಥವಾ ಕೊಠಡಿಯ ಬಾಗಿಲು ಹಾಕಿಕೊಂಡಾಗ ಮಕ್ಕಳು ಅತಿ ಹೆಚ್ಚು ಆನ್ಲೈನ್ ಚಟುವಟಿಕೆಗಳಲ್ಲಿ ತೊಡಗುತ್ತಾರೆ. ಈ ಸಮಯದಲ್ಲಿಯೇ ಅಪಾಯಕಾರಿ ಗೇಮ್ಗಳ ‘ಟಾಸ್ಕ್’ ಪೂರ್ಣಗೊಳಿಸಲು ಮುಂದಾಗುತ್ತಾರೆ.
