ಕೆಲವರ ಅದೃಷ್ಟ ಹೇಗೆ ಖುಲಾಯಿಸುತ್ತದೆ ಎಂದು ಹೋಳೋಕಾಗಲ್ಲ. ರಾತ್ರೋರಾತ್ರಿ ಶ್ರೀಮಂತನಾಗಬಹುದು, ಇಂತಹದ್ದೇ ಒಂದು ಘಟನೆ ಛತ್ತೀಸ್ಗಢದ ಸುರ್ಗುಜಾ ವಿಭಾಗದ ಜಶ್ಪುರ ಜಿಲ್ಲೆಯ ಪಾತಲ್ಗಾಂವ್ನಲ್ಲಿ ನಡೆದಿದೆ. ಈ ಗ್ರಾಮದಲ್ಲಿರುವ ಬುಡಕಟ್ಟು ಸಮುದಾಯದ ರೈತನ ಮಗನೊಬ್ಬ ಡ್ರೀಮ್11 ಫ್ಯಾಂಟಸಿ ಕ್ರಿಕೆಟ್ ವೇದಿಕೆಯಲ್ಲಿ 1 ಕೋಟಿ ರೂಪಾಯಿ ಗೆದ್ದು, ಅಚ್ಚರಿಯ ಯಶಸ್ಸು ಸಾಧಿಸಿದ್ದಾರೆ.
ಒಂದು ದಿನದಲ್ಲೇ ಶ್ರೀಮಂತನಾದ ರೈತನ ಮಗ
ಜಗನ್ನಾಥ್ ಸಿಂಗ್ ಸಿದಾರ್ ಎಂಬ ಯುವಕ ಮಾರ್ಚ್ 23 ರಂದು ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ತಮ್ಮ ಕ್ರಿಕೆಟ್ ಜ್ಞಾನ ಮತ್ತು ತಂತ್ರಜ್ಞಾನವನ್ನು ಉಪಯೋಗಿಸಿ ಡ್ರೀಮ್11 ಫ್ಯಾಂಟಸಿ ಲೀಗ್ನಲ್ಲಿ ಭಾಗವಹಿಸಿದರು. ಸೂಕ್ತ ತಂಡವನ್ನು ಆಯ್ಕೆ ಮಾಡಿದ್ದರಿಂದ ಅವರು ಮೊದಲ ಸ್ಥಾನವನ್ನು ಪಡೆದು 1 ಕೋಟಿ ರೂ. ಗೆದ್ದಿದ್ದಾರೆ.
ಜಗನ್ನಾಥ್ ಅವರು ತಮ್ಮ ಡ್ರೀಮ್11 ತಂಡದಲ್ಲಿ ಡಫ್ಫಿ ಅವರನ್ನು ನಾಯಕನಾಗಿ ಹಾಗೂ ಎಚ್. ರೌಫ್ ಅವರನ್ನು ಉಪನಾಯಕನಾಗಿ ಆಯ್ಕೆ ಮಾಡಿದ್ದರು. ಅವರ ತಂಡ 1138 ಅಂಕಗಳನ್ನು ಗಳಿಸಿದ್ದು, ಇದು ಅವರಿಗೆ ದೊಡ್ಡ ಗೆಲುವು ತಂದುಕೊಟ್ಟಿತು. ಈ ಗೆಲುವುವನ್ನು ಅವರ ಕುಟುಂಬ ಹಾಗೂ ಊರರೆಲ್ಲಾ ಸಂಭ್ರಮಿಸಿದ್ದಾರೆ.
ಗೋಧಿಕಲನ್ ಗ್ರಾಮದ ನಿವಾಸಿ ಜಗನ್ನಾಥ್ ಅವರ ಗೆಲುವು ಗ್ರಾಮಸ್ಥರಲ್ಲಿ ದೊಡ್ಡ ಉತ್ಸಾಹವನ್ನುಂಟುಮಾಡಿದೆ. ಅವರ ಮನೆಯ ಮುಂದೆ ಜನರು ಸೇರಿ ಸಿಹಿತಿಂಡಿಗಳನ್ನು ಹಂಚಿಕೊಂಡರು. ಈ ಹಣದ ಬಹುಮಾನದೊಂದಿಗೆ ಜಗನ್ನಾಥ್ ತಮ್ಮ ಕುಟುಂಬದ ಜೀವನವನ್ನು ಸುಧಾರಿಸುವ ಯೋಜನೆಗಳನ್ನು ಹಂಚಿಕೊಂಡಿದ್ದಾರೆ.
ಜಗನ್ನಾಥ್ ಅವರು ತಮ್ಮ ಮನೆಯನ್ನು ಸುಂದರ ಮನೆಗೆ ನಿರ್ಮಿಸಲು ಯೋಜಿಸಿದ್ದಾರೆ. ಪ್ರಧಾನ ಮಂತ್ರಿ ಆವಾಸ್ ಯೋಜನೆಯಡಿ ಮನೆಯನ್ನು ಅನುಮೋದನೆ ಪಡೆದಿರುವುದರಿಂದ, ಅವರು ಅದನ್ನು ದೊಡ್ಡದಾಗಿ ನಿರ್ಮಾಣ ಮಾಡಲು ನಿರ್ಧರಿಸಿದ್ದಾರೆ. ತಮ್ಮ ತಂದೆಯ ಆರೋಗ್ಯದ ಕಡೆ ಗಮನ ಹರಿಸಿದ್ದು, ಉತ್ತಮ ಚಿಕಿತ್ಸೆ ಕೊಡಿಸುವ ಉದ್ದೇಶವನ್ನು ಅವರು ವ್ಯಕ್ತಪಡಿಸಿದ್ದಾರೆ. ಜೊತೆಗೆ, ಕೃಷಿ ಉದ್ಯಮವನ್ನು ಸುಗಮಗೊಳಿಸಲು ಟ್ರ್ಯಾಕ್ಟರ್ ಖರೀದಿಸುವ ಯೋಜನೆ ಮಾಡಿದ್ದಾರೆ.
ಡ್ರೀಮ್11 ಅಥವಾ ಇತರ ಫ್ಯಾಂಟಸಿ ಸ್ಪೋರ್ಟ್ಸ್ ಪ್ಲಾಟ್ಫಾರ್ಮ್ ಗಳಲ್ಲಿ ಆಟವಾಡುವುದರಿಂದ ಹಲವಾರು ಸಾಮಾಜಿಕ, ಆರ್ಥಿಕ ಮತ್ತು ಮಾನಸಿಕ ಅಪಾಯಗಳು ಉಂಟಾಗಬಹುದು. ಆಟವನ್ನು ಕೇವಲ ಮನರಂಜನೆಗಾಗಿ ಆಡಿ, ಹಣ ಸಂಪಾದನೆಯ ಮೂಲವಾಗಿ ಆಡಬೇಡಿ. ಯುವಕರು ಮತ್ತು ಬಾಲಕರು ಈ ಆಟಗಳಿಂದ ದೂರ ಇರಲು ಪ್ರಯತ್ನಿಸಿ. ಈ ಡ್ರೀಮ್ 11 ಆಡುವ ಮೂಲಕ ಎಚ್ಚರಿಕೆ ವಹಿಸುವುದು ಉತ್ತಮ.
