ಕುಂಭಮೇಳದ ಕಾಲ್ತುಳಿತ ದುರಂತ ದೊಡ್ಡ ಘಟನೆ ಅಲ್ಲ: ಹೇಮಾಮಾಲಿನಿ

ನವದದೆಹಲಿ: ಉತ್ತರಪ್ರದೇಶದ ಪ್ರಯಾಗ್ರಾಜ್ನಲ್ಲಿ ನಡೆದ ಕುಂಭಮೇಳದಲ್ಲಿ ಇತ್ತೀಚೆಗೆ ನಡೆದ ಕಾಲ್ತುಳಿತ ದೊಡ್ಡ ಘಟನೆಯೇನಲ್ಲ ಎಂದು ಹೇಳುವ ಮೂಲಕ ಬಿಜೆಪಿಯ ಲೋಕಸಭಾ ಸದಸ್ಯೆ ಹಾಗೂ ಬಾಲಿವುಡ್ ನಟಿ ಹೇಮಾಮಾಲಿನಿ ವಿವಾದ ಹೇಳಿಕೆ ನೀಡಿದ್ದಾರೆ.

ದೆಹಲಿಯಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು “ಮಹಾಕುಂಭಮೇಳದ ಕಾಲ್ತುಳಿತದ ಘಟನೆಯನ್ನು ಉಪ್ಪೇಕ್ಷಿಸಲಾಗುತ್ತಿದೆ ಹಾಗೂ ಈ ಉತ್ಸವವನ್ನು ಉತ್ತರಪ್ರದೇಶ ಸರಕಾರ ಸಮರ್ಥವಾಗಿ ನಿರ್ವಹಿಸುತ್ತಿದೆ,” ಎಂದು ಅವರು ಅಭಿನಂದಿಸಿದರು.

“ನಾವು ಕೂಡಾ ಕುಂಭಮೇಳಕ್ಕೆ ತೆರಳಿದ್ದೆವು. ಸುಗಮವಾಗಿ ತೀರ್ಥಸ್ನಾನ ಮಾಡಿದೆವು. ಕಾಲ್ತುಳಿತದ ಘಟನೆ ನಡೆದಿರುವುದೇನೂ ನಿಜ. ಆದರೆ ಅದು ದೊಡ್ಡದೇನೂ ಅಲ್ಲ. ಅದನ್ನು (ಸಾವುನೋವಿನ ಸಂಖ್ಯೆ) ಉತ್ತೇಕ್ಷಿಸಲಾಗಿದೆ. ಇಷ್ಟೊಂದು ದೊಡ್ಡ ಸಂಖ್ಯೆಯ ಜನರನ್ನು ನಿರ್ವಹಿಸುವುದು ಕಷ್ಟಕರವಾಗಿದ್ದರೂ, ಅದನ್ನು ದಕ್ಷತೆಯಿಂದ ಮಾಡಲಾಗಿದೆ ಎಂದು ಬಿಜೆಪಿಯ ಲೋಕಸಭಾ ಸದಸ್ಯೆ ಹೇಮಾಮಾಲಿನಿ ಶ್ಲಾಘಿಸಿದ್ದಾರೆ.