ಥಾಯ್ಲೆಂಡ್ನ ಬ್ಯಾಂಕಾಕ್ ಮತ್ತು ಮ್ಯಾನ್ಮಾರ್ನಲ್ಲಿ ಗುರುವಾರ (30 ಮಾರ್ಚ್) ಸಂಭವಿಸಿದ ಭೀಕರ ಭೂಕಂಪದಿಂದ ನಗರಗಳು ಅಸ್ತವ್ಯಸ್ತಗೊಂಡಿವೆ. ಆಸ್ಪತ್ರೆಗಳು ಹಾನಿಗೊಳಗಾದ ಕಾರಣ ರೋಗಿಗಳಿಗೆ ರಸ್ತೆಗಳನ್ನೇ ತಾತ್ಕಾಲಿಕ ವೈದ್ಯಕೀಯ ಕೇಂದ್ರಗಳಾಗಿ ಬಳಸಲಾಗುತ್ತಿದೆ. ಬ್ಯಾಂಕಾಕ್ನಲ್ಲಿ ಮಹಿಳೆಯೊಬ್ಬರು ರಸ್ತೆಯ ಮಧ್ಯೆ ಮಗುವಿಗೆ ಜನ್ಮ ನೀಡಿದ್ದು, ಸಾಮಾಜಿಕ ಮಾಧ್ಯಮಗಳಲ್ಲಿ ಈ ದೃಶ್ಯಗಳು ವೈರಲ್ ಆಗಿವೆ.
ರಸ್ತೆಯಲ್ಲೇ ಸರ್ಜರಿ: ಹೆರಿಗೆಯ ಸಾಹಸ
ಭೂಕಂಪದ ಸಮಯದಲ್ಲಿ ಬ್ಯಾಂಕಾಕ್ನ ಪೊಲೀಸ್ ಜನರಲ್ ಆಸ್ಪತ್ರೆಯಲ್ಲಿ ಮಹಿಳೆಗೆ ಶಸ್ತ್ರಚಿಕಿತ್ಸೆ ನಡೆಯುತ್ತಿದ್ದಂತೆ ಕಂಪನ ಶುರುವಾಯಿತು. ಸಿಬ್ಬಂದಿ ಆಕೆಯನ್ನು ಸ್ಟ್ರೆಚರ್ ಮೇಲೆ ಬೀದಿಗೆ ಸಾಗಿಸಿ, ಅಲ್ಲಿಯೇ ವೈದ್ಯರು ಶಸ್ತ್ರಚಿಕಿತ್ಸೆ ಮುಂದುವರಿಸಿದರು. ಸುತ್ತಲೂ ಸಿಬ್ಬಂದಿಯು ಗುಂಪಾಗಿ ನಿಂತು ಗಂಡು ಮಗುವಿನ ಸುಸೂತ್ರ ಹೆರಿಗೆಗೆ ನೆರವೆರಿದೆ.
Footage during the earthquake in #Bangkok a baby was born in the park 😭 Waht a story to tell ‘’ I was born during the earthquake ‘’ #แผ่นดินไหว #earthquake #myanmarearthquake #bangkokearthquake #ตึกถล่ม pic.twitter.com/7E0FdzfPEf
— Miia 🩵 (@i30199) March 28, 2025
‘ಆಪರೇಷನ್ ಬ್ರಹ್ಮ’: ಭಾರತದ ತ್ವರಿತ ನೆರವು
ಈ ಸಂಕಷ್ಟದಲ್ಲಿ ಮ್ಯಾನ್ಮಾರ್ಗೆ ಭಾರತವು ಮೊದಲ ನೆರವು ನೀಡಿದ ದೇಶವಾಗಿದೆ. ‘ಆಪರೇಷನ್ ಬ್ರಹ್ಮ’ ಕಾರ್ಯಾಚರಣೆಯಡಿ 15 ಟನ್ ಪರಿಹಾರ ಸಾಮಗ್ರಿ (ಟೆಂಟ್ಗಳು, ಆಹಾರ, ನೀರು ಶುದ್ಧೀಕರಣ ಯಂತ್ರಗಳು) ಸೇನಾ ವಿಮಾನದಿಂದ ಯಾಂಗೂನ್ ನಗರಕ್ಕೆ ತಲುಪಿಸಲಾಗಿದೆ. 80 ಎನ್ಡಿಆರ್ಎಫ್ ಸಿಬ್ಬಂದಿ, 118 ವೈದ್ಯರು ಮತ್ತು 2 ನೌಕಾಪಡೆ ಹಡಗುಗಳು ರಕ್ಷಣಾ ಕಾರ್ಯಾಚರಣೆಗೆ ನಿಯೋಜಿತರಾಗಿದ್ದಾರೆ. ವಿದೇಶಾಂಗ ಸಚಿವ ಎಸ್. ಜೈಶಂಕರ್, “ಭಾರತವು ಸದಾ ಸಿದ್ಧ” ಎಂದು ಟ್ವೀಟ್ ಮಾಡಿದ್ದಾರೆ.
ಮೋದಿಯ ಭರವಸೆ: “ನೆರೆಯ ದೇಶದ ಸ್ನೇಹಿತನಾಗಿ ನಿಲ್ಲುವೆವು“
ಪ್ರಧಾನಿ ನರೇಂದ್ರ ಮೋದಿ ಮ್ಯಾನ್ಮಾರ್ನ ಮಿಲಿಟರಿ ನೇತೃತ್ವದ ಸರ್ಕಾರದ ಮುಖ್ಯಸ್ಥ ಮಿನ್ ಆಂಗ್ ಹ್ಲೈಂಗ್ಗೆ ಕರೆ ಮಾಡಿ ಸಂತಾಪ ವ್ಯಕ್ತಪಡಿಸಿದ್ದಾರೆ. “ಭಾರತವು ಈ ಕಷ್ಟಕಾಲದಲ್ಲಿ ಸಹೋದರಿ ರಾಷ್ಟ್ರದೊಂದಿಗೆ ನಿಂತಿದೆ. ಆಪರೇಷನ್ ಬ್ರಹ್ಮದ ಮೂಲಕ ನಿರಂತರ ನೆರವು ನೀಡಲಾಗುವುದು” ಎಂದು ಅವರು ಘೋಷಿಸಿದ್ದಾರೆ. ಭಾರತವು ಸದಾ ಜತೆಗಿರಲಿದೆ’ ಎಂದು ಭರವಸೆ ನೀಡಿದ್ದಾರೆ,
ಟ್ವೀಟ್ ಮಾಡಿರುವ ಮೋದಿ , ‘ಮ್ಯಾನ್ಮಾರ್ನ ಹಿರಿಯ ಜನರಲ್ ಆಂಗ್ ಹ್ಲೈಂಗ್ ಅವರೊಂದಿಗೆ ಮಾತನಾಡಿದ್ದೇನೆ. ಭೀಕರ ಭೂಕಂಪದಲ್ಲಿ ಸಂಭವಿಸಿದ ಜೀವಹಾನಿಗೆ ಸಂತಾಪ ವ್ಯಕ್ತಪಡಿಸಿದ್ದೇನೆ. ಕಷ್ಟಕಾಲದಲ್ಲಿರುವ ಮ್ಯಾನ್ಮಾರ್ನ ನಾಗರಿಕರೊಂದಿಗೆ ಭಾರತವು ಒಬ್ಬ ಆತ್ಮೀಯ ಸ್ನೇಹಿತನಾಗಿ ಮತ್ತು ನೆರೆಯ ದೇಶವಾಗಿ ಸದಾ ನೆರವಿಗೆ ನಿಲ್ಲಲಿದೆ.
