ಇಂದು “ವಯಸ್ಸು ಕೇವಲ ಒಂದು ಸಂಖ್ಯೆ” ಎಂಬ ಮಾತು ನಿಜವಾಗುವ ಸಂದರ್ಭಗಳು ಕಡಿಮೆ. ಹೌದು, ಒಬ್ಬ ವ್ಯಕ್ತಿ ಮನಸ್ಸು ಮಾಡಿದರೆ ಏನ್ ಬೇಕಾದರೂ ಸಾಧಿಸಬಹುದು. ಆದರೆ ಉದ್ಯೋಗದ ವಿಚಾರಕ್ಕೆ ಬಂದಾಗ, ವಯಸ್ಸು ಎಷ್ಟು ಎಂಬುದು ಬಹಳ ಮುಖ್ಯವಾದ ಅಂಶವಾಗಿದೆ. ವಿಶೇಷವಾಗಿ 40 ವರ್ಷ ದಾಟಿದ ನಂತರ, ಕಾರ್ಪೊರೇಟ್ ಜಗತ್ತಿನಲ್ಲಿ ಉದ್ಯೋಗ ಕಳೆದುಕೊಳ್ಳುವ ಸ್ಥಿತಿ ಎದುರಾಗಿದೆ.
ಒಂದು ಕಾಲದಲ್ಲಿ 40ರ ಹರೆಯದವರು ಕಂಪನಿಗಳಲ್ಲಿ ವಿಶ್ವಾಸಾರ್ಹರು, ಅನುಭವಿ ನಾಯಕರು ಎಂಬಂತೆ ಪರಿಗಣಿಸಲ್ಪಡುತ್ತಿದ್ದರು. ಬಡ್ತಿ, ದೊಡ್ಡ ಜವಾಬ್ದಾರಿಗಳು ಅವರತ್ತ ಹರಿಯುತ್ತಿತ್ತು. ಆದರೆ ಈಗ ಪರಿಸ್ಥಿತಿ ಬದಲಾಗಿದೆ. ಕಂಪನಿಗಳಲ್ಲಿ ವ್ಯಯ ಕಡಿತದ ಹಿನ್ನೆಲೆ, ಹಿರಿಯ ಉದ್ಯೋಗಿಗಳು ಮೊದಲಿಗೆ ಟಾರ್ಗೆಟ್ ಆಗುತ್ತಿದ್ದಾರೆ.
ಶಾಂತನು ದೇಶಪಾಂಡೆ ಹೇಳಿಕೆ
ಬಾಂಬೆ ಶೇವಿಂಗ್ ಕಂಪನಿಯ ಸ್ಥಾಪಕ ಹಾಗೂ ಸಿಇಒ ಶಾಂತನು ದೇಶಪಾಂಡೆ ಇತ್ತೀಚೆಗೊಂದು ಮಹತ್ವದ ಎಚ್ಚರಿಕೆ ನೀಡಿದ್ದಾರೆ. “ಈಗ ಕಂಪನಿಗಳಲ್ಲಿ 40 ವರ್ಷದ ಉದ್ಯೋಗಿಗಳು ವಜಾಗೊಳಿಸುವ ಸಾಲಿನಲ್ಲಿ ಮೊದಲಿಗರಾಗುತ್ತಿದ್ದಾರೆ. ಅವರು ಎಷ್ಟೇ ಅನುಭವಿಗಳಾಗಿರಲಿ ಇದು ಅವರಿಗೆ ಹೆಚ್ಚು ಸಹಾಯ ಮಾಡುವುದಿಲ್ಲ ಎಂದಿದ್ದಾರೆ.
40ರ ಹರೆಯದಲ್ಲಿ ವ್ಯಕ್ತಿಯು ತನ್ನ ಬದುಕಿನಲ್ಲಿ ಅನೇಕ ಜವಾಬ್ದಾರಿಗಳನ್ನು ಹೊರುತ್ತಿರುತ್ತಾನೆ. ಗೃಹ ಸಾಲ, ಮಕ್ಕಳ ವಿದ್ಯಾಭ್ಯಾಸ, ಪೋಷಕರ ಆರೈಕೆ, ದಿನನಿತ್ಯದ ಖರ್ಚುಗಳ ಒತ್ತಡ ಇವುಗಳು ಆತನ ಬೆನ್ನುಹತ್ತುತ್ತವೆ. ಈ ಸಮಯದಲ್ಲಿ ಕೆಲಸ ಕಳೆದುಹೋದರೆ ಆರ್ಥಿಕವಾಗಿ ದೊಡ್ಡ ಹಿನ್ನಡೆಯಾಗಬಹುದು.
ಹೆಚ್ಚು ಸಂಬಳವೇ ಕಾರಣ?
ಹಿರಿಯ ಉದ್ಯೋಗಿಗಳು ಸಾಮಾನ್ಯವಾಗಿ ಹೆಚ್ಚು ಸಂಬಳ ಪಡೆಯುತ್ತಾರೆ. ಇದರ ಅಡಿಯಲ್ಲಿ ಕಂಪನಿಗಳು ಕಡಿಮೆ ವೆಚ್ಚದ younger employees (ಯುವ ಉದ್ಯೋಗಿಗಳು) ಯನ್ನು ನೇಮಿಸಲು ಮುಂದಾಗುತ್ತವೆ. ಅವರು ಹೊಸ ತಂತ್ರಜ್ಞಾನವನ್ನು ವೇಗವಾಗಿ ಅಳವಡಿಸಿಕೊಳ್ಳುತ್ತಾರೆ, ಕಡಿಮೆ ಸಂಬಳಕ್ಕೆ ಸಹಕಾರಿಯಾಗುತ್ತಾರೆ. ಇದರ ಪರಿಣಾಮವಾಗಿ ಹಿರಿಯರು ಹೆಚ್ಚಿನ ಸಂಭಾವನೆ ಪಡೆಯುವ ಉದ್ಯೋಗಿಗಳನ್ನು ವಜಾ ಮಾಡಲು ಮೊದಲ ಆಯ್ಕೆ ಮಾಡಿಕೊಳಿದ್ದಾರೆ.
ಈಗ “ಉದ್ಯೋಗಸ್ಥಿರತೆ” ಎಂಬ ಪದ ಕೇವಲ ಭ್ರಾಂತಿಯಾಗುತ್ತಿದೆ. ಕಾರ್ಪೊರೇಟ್ ಜಗತ್ತಿನಲ್ಲಿ ನಾವೇ ನಮ್ಮ ಅಸ್ಥಿತ್ವವನ್ನು ರಚಿಸಬೇಕು, ಹೊಸ ಕೌಶಲ್ಯಗಳನ್ನು ಕಲಿಯಬೇಕು. ಸಂಭಾವನೆಯ ಪ್ರಮಾಣಕ್ಕಿಂತ ಉದ್ಯೋಗದಲ್ಲಿ ತಂತ್ರಜ್ಞಾನ ಹೊಂದಾಣಿಕೆ, ಹೊಸ ನೈಪುಣ್ಯಗಳ ಅಭ್ಯಾಸ, ಮಾರ್ಗದರ್ಶನ ಶಕ್ತಿ ಮುಖ್ಯವಾಗಿದೆ.
ಈ ವಯಸ್ಸಿನಲ್ಲಿ ನೀವು ಏನು ಮಾಡಬೇಕು?
-
ತಂತ್ರಜ್ಞಾನದಲ್ಲಿ ನಿಪುಣತೆ: ಎಐ (AI), ಡೇಟಾ ಅನಾಲಿಟಿಕ್ಸ್, ಡಿಜಿಟಲ್ ಮಾರ್ಕೆಟಿಂಗ್ ಮುಂತಾದ ತಂತ್ರಜ್ಞಾನಗಳನ್ನು ಅರ್ಥಮಾಡಿಕೊಳ್ಳಿ.
-
ನಿರಂತರ ಶಿಕ್ಷಣ: ಹೊಸ ಕೋರ್ಸ್ಗಳು, ಸಾಟಿಫಿಕೇಶನ್ಗಳು ತಾಳಿಕೆ ಮಾಡಿಕೊಳ್ಳಿ.
-
ಬದಲಾಗುವ ತಂತ್ರಗಳಿಗೆ ಹೊಂದಿಕೆ: ಕೆಲಸದ ಶೈಲಿಯನ್ನು ಹೆಚ್ಚು ಸೂಕ್ತವಾಗಿಸಲು ಪ್ರಯತ್ನಿಸಬೇಕು.
-
ಆರ್ಥಿಕ ಯೋಗ್ಯತೆ: ಖರ್ಚುಗಳ ನಿಯಂತ್ರಣ, ಹೂಡಿಕೆ, ಆರ್ಥಿಕ ಸುರಕ್ಷತೆಗಾಗಿ ಯೋಜನೆ ರೂಪಿಸಿ.
-
ಮಾರುಕಟ್ಟೆಯಲ್ಲಿ ಮೌಲ್ಯವರ್ಧನೆ: ನಿಮ್ಮ ಅನುಭವವನ್ನು ಹೊಸತಾಗಿ ಪ್ಯಾಕ್ ಮಾಡಿ, ಮಾರಾಟ ಮಾಡುವುದು ಕಲಿಯಿರಿ.
