ಬೇಸಿಗೆಯಲ್ಲಿ ಅನಾನಸ್ ಜ್ಯೂಸ್ ಕುಡಿಯುವುದರಿಂದ ಸಿಗುವ ಪ್ರಯೋಜನಗಳೇನು.?

ಬೇಸಿಗೆಯ ಸುಡು ಬಿಸಿಲಿನಲ್ಲಿ ದೇಹವನ್ನು ತಂಪಾಗಿಡಲು ತಾಜಾ ಹಣ್ಣಿನ ರಸಗಳಿಗಿಂತ ಉತ್ತಮ ಪಾನೀಯ ಬೇರಿಲ್ಲ. ಹಾಗೆ ನೋಡಿದರೆ ಮಾವು, ಕಲ್ಲಂಗಡಿ, ನಿಂಬೆ ಹಣ್ಣುಗಳ ಜ್ಯೂಸ್ ಜನಪ್ರಿಯವಾಗಿದ್ದರೂ, ಅನಾನಸ್ (Pineapple) ಜ್ಯೂಸ್ ಕೂಡ ತನ್ನದೇ ಆದ ವಿಶೇಷ ಪ್ರಯೋಜನಗಳನ್ನು ಹೊಂದಿದೆ. ಹೊರಗೆ ಮುಳ್ಳಿನಂತಿರುವ, ಒಳಗೆ ರಸಭರಿತವಾದ ಈ ಹಣ್ಣು ಕ್ಯಾಲ್ಸಿಯಂ, ಫೈಬರ್, ವಿಟಮಿನ್ ಸಿ ಮತ್ತು ಉತ್ಕರ್ಷಣ ನಿರೋಧಕಗಳ ಉಗ್ರಾಣ. ಇದರ ಜ್ಯೂಸ್ ಕುಡಿಯುವುದು ತಿನ್ನುವುದಕ್ಕಿಂತಲೂ ಸುಲಭ ಮತ್ತು ಆರೋಗ್ಯಕರ. ಇಲ್ಲಿದೆ ಬೇಸಿಗೆಯಲ್ಲಿ ಅನಾನಸ್ ಜ್ಯೂಸ್ ಕುಡಿಯುವುದರಿಂದ ಸಿಗುವ 6 ಪ್ರಮುಖ ಲಾಭಗಳು.

1. ದೇಹವನ್ನು ತಂಪಾಗಿಟ್ಟುತ್ತದೆ

ಬೇಸಿಗೆಯಲ್ಲಿ ಬೆವರು ಹೆಚ್ಚಾಗಿ ದೇಹದಲ್ಲಿ ನೀರಿನ ಕೊರತೆ (ನಿರ್ಜಲೀಕರಣ) ಉಂಟಾಗುತ್ತದೆ. ಅನಾನಸ್ ಹಣ್ಣಿನಲ್ಲಿ ಸುಮಾರು 86% ನೀರಿನ ಅಂಶ ಇದೆ. ಒಂದು ಲೋಟ ತಾಜಾ ಅನಾನಸ್ ಜ್ಯೂಸ್ ಕುಡಿದರೆ ದೇಹಕ್ಕೆ ತಕ್ಷಣ ತಂಪು ಸಿಗುತ್ತದೆ, ಶಕ್ತಿ ಮರಳುತ್ತದೆ ಮತ್ತು ಬಿಸಿಲಿನ ದಣಿವು ದೂರವಾಗುತ್ತದೆ.

2. ಜೀರ್ಣಕ್ರಿಯೆ ಸುಧಾರಿಸುತ್ತದೆ

ಊಟವಾದ ಬಳಿಕ ಹೊಟ್ಟೆ ಉಬ್ಬರ, ಮಲಬದ್ಧತೆ, ಅಜೀರ್ಣದಂತಹ ತೊಂದರೆಗಳಿದ್ದರೆ ಅನಾನಸ್ ಜ್ಯೂಸ್ ರಾಮಬಾಣ.  ಜೀರ್ಣಾಂಗ ವ್ಯವಸ್ಥೆಯನ್ನು ಚುರುಕುಗೊಳಿಸುತ್ತದೆ. ನಿಯಮಿತವಾಗಿ ಸೇವಿಸಿದರೆ ಅತಿಸಾರ, ಹೊಟ್ಟೆನೋವು ಸಮಸ್ಯೆಗಳೂ ಕಡಿಮೆಯಾಗುತ್ತವೆ.

3. ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ

ರೋಗನಿರೋಧಕ ಶಕ್ತಿ ಅತಿಮುಖ್ಯ. ಅನಾನಸ್ ಜ್ಯೂಸ್ ನಲ್ಲಿರುವ ವಿಟಮಿನ್ ಸಿ (ಒಂದು ಕಪ್ ಜ್ಯೂಸ್ನಲ್ಲಿ ದೈನಂದಿನ ಅಗತ್ಯದ 50% ರಷ್ಟು) ದೇಹದ ಪ್ರತಿರಕ್ಷಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಸೀನುವಿಕೆ, ಕೆಮ್ಮು, ಜ್ವರದಂತಹ ಕಾಲೋಚಿತ ಸೋಂಕುಗಳ ಅಪಾಯ ಕಡಿಮೆಯಾಗುತ್ತದೆ.

4. ಚರ್ಮಕ್ಕೆ ಹೊಳಪು ಮತ್ತು ಹೈಡ್ರೇಶನ್

ಬೇಸಿಗೆಯಲ್ಲಿ ಮುಖದ ಮೇಲೆ ಸೂರ್ಯನ ಕಿರಣಗಳಿಂದ ಟ್ಯಾನ್ ಆಗುವುದು, ಕಪ್ಪಾಗುವುದು, ಮೊಡವೆಗಳು ಸಾಮಾನ್ಯ. ಅನಾನಸ್ ಜ್ಯೂಸ್ ನಲ್ಲಿರುವ ಉತ್ಕರ್ಷಣ ನಿರೋಧಕಗಳು (Antioxidants) ಮತ್ತು ವಿಟಮಿನ್ ಸಿ ಚರ್ಮದ ಕೋಶಗಳ ಪುನರುಜ್ಜೀವನಕ್ಕೆ ಸಹಾಯ ಮಾಡುತ್ತವೆ. ವಾರಕ್ಕೆ 3-4 ಬಾರಿ ಅನಾನಸ್ ಜ್ಯೂಸ್ ಕುಡಿದರೆ ಮುಖ ನೈಸರ್ಗಿಕವಾಗಿ ಹೊಳೆಯುತ್ತದೆ, ತೇವಾಂಶ ಕಾಪಾಡಿಕೊಳ್ಳುತ್ತದೆ.

5. ತೂಕ ಇಳಿಕೆಗೆ ಸ್ನೇಹಿತ

ಕಡಿಮೆ ಕ್ಯಾಲೋರಿ (100 ಮಿಲೀಗೆ ಸುಮಾರು 50-60 ಕ್ಯಾಲೋರಿ) ಮತ್ತು ಹೆಚ್ಚಿನ ನಾರಿನಂಶ ಹೊಂದಿರುವ ಅನಾನಸ್ ಜ್ಯೂಸ್ ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಉತ್ತಮ. ಇದು ಹೊಟ್ಟೆ ತುಂಬಿದ ಅನುಭವ ನೀಡುತ್ತದೆ. ಅತಿಯಾದ ಹಸಿವನ್ನು ನಿಯಂತ್ರಿಸುತ್ತದೆ ಮತ್ತು ಚಯಾಪಚಯ ಕ್ರಿಯೆಯನ್ನು ವೇಗಗೊಳಿಸುತ್ತದೆ. ಆದರೆ ಸಕ್ಕರೆ ಸೇರಿಸದೆ ತಾಜಾ ರಸವನ್ನೇ ಕುಡಿಯಿರಿ.

6. ದೃಷ್ಟಿ ತೀಕ್ಷ್ಣತೆ ಹೆಚ್ಚಿಸುತ್ತದೆ

ಅನಾನಸ್ ಜ್ಯೂಸ್ನಲ್ಲಿ ವಿಟಮಿನ್ ಎ ಮತ್ತು ಬೀಟಾ-ಕ್ಯಾರೋಟಿನ್ ಇವೆ. ಇವು ಕಣ್ಣಿನ ರೆಟಿನಾವನ್ನು ಆರೋಗ್ಯವಾಗಿಡಲು ನೆರವಾಗುತ್ತವೆ. ಮಕ್ಕಳಿಗೆ ನಿಯಮಿತವಾಗಿ ಅನಾನಸ್ ಜ್ಯೂಸ್ ಕೊಡುವುದರಿಂದ ದೃಷ್ಟಿ ಸುಧಾರಿಸುತ್ತದೆ ಮತ್ತು ವಯಸ್ಸಾದವರಲ್ಲಿ ಕಣ್ಣಿನ ಪೊರೆ (cataract) ಉಂಟಾಗುವ ಸಾಧ್ಯತೆ ಕಡಿಮೆಯಾಗುತ್ತದೆ.

ಅತಿಯಾದ ಪ್ರಮಾಣದಲ್ಲಿ ಅನಾನಸ್ ಜ್ಯೂಸ್ ಕುಡಿಯುವುದರಿಂದ ನಾಲಿಗೆ ಉರಿ, ಹೊಟ್ಟೆ ಕೆರಳಿಕೆ ಅಥವಾ ಅಲರ್ಜಿ ಆಗಬಹುದು. ಮಧುಮೇಹಿಗಳು ಮತ್ತು ಆಮ್ಲೀಯತೆಯ ಸಮಸ್ಯೆ ಇರುವವರು ವೈದ್ಯರ ಸಲಹೆ ಪಡೆದು ಸೇವಿಸುವುದು ಉತ್ತಮ.