ಕೊಪ್ಪಳ: ಜಿಲ್ಲೆಯ ಗಂಗಾವತಿ ತಾಲೂಕಿನ ಪವಿತ್ರ ಅಂಜನಾದ್ರಿ ಬೆಟ್ಟವನ್ನು 62 ವರ್ಷದ ವ್ಯಕ್ತಿಯೊಬ್ಬರು 102 KG ತೂಕದ ಜೋಳದ ಚೀಲವನ್ನು ಹೊತ್ತು ಏರಿ ಅಚ್ಚರಿಗೊಳಿಸಿದ್ದಾರೆ.
ಹೌದು, ಬಾಗಲಕೋಟೆ ಜಿಲ್ಲೆಯ ಜಮಖಂಡಿಯ ನಿಂಗಪ್ಪ ಸವಣೂರು ಎಂಬ ವ್ಯಕ್ತಿ ಬರೋಬ್ಬರಿ 102 KG ತೂಕದ ಜೋಳದ ಚೀಲವನ್ನು ಹೊತ್ತು, 575 ಮೆಟ್ಟಿಲುಗಳನ್ನು ‘ಜೈ ಶ್ರೀ ರಾಮ್’ ಘೋಷಣೆಯೊಂದಿಗೆ ಏರಿ ಯುವಕರನ್ನು ನಿಬ್ಬೆರಗಾಗುವಂತೆ ಮಾಡಿದ್ದಾನೆ. ಚೀಲ ಹೊತ್ತ ಈ ‘ಬಾಹುಬಲಿ’ಯ ಕೀರ್ತಿಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಬದಲಾದ ಆಹಾರ ಪದ್ದತಿಯಿಂದಾಗಿ ದೇಹದಲ್ಲಿ ಶಕ್ತಿ ಇಲ್ಲದೇ ಅಸ್ವಸ್ಥರಾಗುತ್ತಿರುವ ಯುವಜನರ ಮಧ್ಯೆ 62ರ ವಯಸ್ಸಿನ ನಿಂಗಪ್ಪ ಸವಣೂರು ಅವರ ಈ ಸಾಹಸ ನಿಜಕ್ಕೂ ಮಾದರಿ. ಅಂಜನಾದ್ರಿ ಬೆಟ್ಟವು, ಶ್ರೀರಾಮನ ಜನ್ಮಸ್ಥಳದೊಂದಿಗೆ ಸಂಬಂಧವಿರುವ ಪವಿತ್ರ ತಾಣವಾಗಿದ್ದು, ಭಕ್ತಾದಿಗಳಿಗೆ ವಿಶೇಷ ಮಹತ್ವ ಹೊಂದಿದೆ. ನಿಂಗಪ್ಪ ಅವರು ಈ ಬೆಟ್ಟವನ್ನು ಭಾರೀ ತೂಕದ ಚೀಲದೊಂದಿಗೆ ಏರಿದ್ದು, ಎಲ್ಲರಿಗೂ ಸ್ಫೂರ್ತಿಯಾಗಿದೆ. ಈ ಸಾಹಸದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಗಮನ ಸೆಳೆದಿದ್ದು, ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
ನಿಂಗಪ್ಪ ಅವರ ಈ ಸಾಧನೆಯು ಕೊಪ್ಪಳ ಜಿಲ್ಲೆಯ ಗಂಗಾವತಿಯ ಜನರಿಗೆ ಹೆಮ್ಮೆಯ ವಿಷಯವಾಗಿದೆ. 62 ವರ್ಷದ ವಯಸ್ಸಿನಲ್ಲೂ ಈ ರೀತಿಯ ದೈಹಿಕ ಶಕ್ತಿಯನ್ನು ತೋರಿಸಿರುವುದು ಯುವ ಜನಾಂಗಕ್ಕೆ ಸ್ಫೂರ್ತಿಯಾಗಿದೆ
