ನಿನ್ನೆ ತಡರಾತ್ರಿ ಹುಬ್ಬಳ್ಳಿ-ಧಾರವಾಡ ರಸ್ತೆಯ ಕಿಮ್ಸ್ ಆಸ್ಪತ್ರೆ ಮುಂಭಾಗದಲ್ಲಿ ಮಾನವೀಯತೆಯ ಒಂದು ಘಟನೆ ನಡೆಯಿತು. ಯುವಕ ಮುಸ್ತಾಕ್ ಅವರು ಬೈಕ್ ನಡೆಸಿಕೊಂಡು ಹೋಗುತ್ತಿದ್ದಾಗ ಹಠಾತ್ ಹೃದಯಾಘಾತಕ್ಕೆ ತುತ್ತಾದರು. ಎದೆ ನೋವಿನಿಂದ ಬಳಲಿ ಅವರು ಬೈಕ್ ಸಹಿತ ರಸ್ತೆಯಲ್ಲಿ ಕೆಳಗೆ ಬಿದ್ದಾಗ, ಅದೇ ಸಮಯದಲ್ಲಿ ನೈಟ್ ಡ್ಯೂಟಿಯಲ್ಲಿದ್ದ ಹುಬ್ಬಳ್ಳಿ ಧಾರವಾಡ ಪೂರ್ವ ಸಂಚಾರಿ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಡಿಸೋಜಾ ಅವರು ಘಟನಾ ಸ್ಥಳ ತಲುಪಿದರು.
ಇನ್ಸ್ಪೆಕ್ಟರ್ ಡಿಸೋಜಾ ತಕ್ಷಣ ಮುಸ್ತಾಕ್ ಅವರನ್ನು ಪರಿಶೀಲಿಸಿ, ಅವರ ಸ್ಥಿತಿ ಗಂಭೀರವಾಗಿದ್ದುದನ್ನು ಗಮನಿಸಿದರು. ಸಮಯ ಸಾಧಕತೆಯಿಂದ ಕೂಡಿದ ಅವರು, ಮುಸ್ತಾಕ್ ಅವರನ್ನು ಕಿಮ್ಸ್ ಆಸ್ಪತ್ರೆಗೆ ತ್ವರಿತವಾಗಿ ದಾಖಲಿಸಿದರು. ವೈದ್ಯಕೀಯ ತಂಡದ ತುರ್ತು ಸೇವೆಯಿಂದಾಗಿ ಯುವಕನ ಪ್ರಾಣ ಉಳಿಸಲು ಸಾಧ್ಯವಾಯಿತು. “ಪೊಲೀಸರ ಕರ್ತವ್ಯ ಕೇವಲ ಕಾನೂನು ಜಾರಿ ಮಾತ್ರವಲ್ಲ, ಜನರ ಜೀವನ ರಕ್ಷಿಸುವುದೂ ಸೇರಿದೆ. ಸಂದರ್ಭಕ್ಕೆ ತಕ್ಕಂತೆ ನಾವು ಪ್ರತಿಕ್ರಿಯಿಸಿದ್ದೇವೆ,” ಎಂದು ಡಿಸೋಜಾ ಅವರು ಹೇಳಿದರು.
ಈ ಘಟನೆಗೆ ಸಾಕ್ಷಿಯಾದ ಸ್ಥಳೀಯರು ಮತ್ತು ಮುಸ್ತಾಕ್ ಅವರ ಕುಟುಂಬವು ಇನ್ಸ್ಪೆಕ್ಟರ್ ಡಿಸೋಪಜಾ ಅವರ ಸಮಯಸ್ಫೂರ್ತಿ ಮತ್ತು ಮಾನವೀಯತೆಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. “ನಮ್ಮ ಮಗನ ಜೀವ ಉಳಿಸಿದ ಪೊಲೀಸ್ ಅಧಿಕಾರಿಗಳಿಗೆ ನಾವು ಋಣಿ,” ಎಂದು ಮುಸ್ತಾಕ್ ಅವರ ತಂದೆ ಭಾವುಕತೆಯಿಂದ ಹೇಳಿದರು.
ಈ ಪ್ರಕರಣವು ಪೊಲೀಸ್ ಇಲಾಖೆಯ ಸಮರ್ಪಣೆ ಮತ್ತು ಸಾರ್ವಜನಿಕ ಸೇವೆಯ ದೃಷ್ಟಾಂತವಾಗಿ ಹೊಳೆಯುತ್ತಿದೆ. ಅಪಾಯಕಾರಿ ಸನ್ನಿವೇಶಗಳಲ್ಲಿ ಸಹ ಸಾರ್ವಜನಿಕರ ಸಹಾಯಕ್ಕೆ ಸಿದ್ಧವಿರುವ ಪೊಲೀಸ್ ಠಾಣೆಗಳ ಪ್ರಾಮುಖ್ಯತೆ ಇಲ್ಲಿ ಎದ್ದುಕಾಣುತ್ತದೆ. ಹುಬ್ಬಳ್ಳಿ ನಗರವು ಇಂತಹ ನಿಷ್ಠಾವಾನ್ ಅಧಿಕಾರಿಗಳನ್ನು ಹೊಂದಿದ್ದು ಗರ್ವಪಡಬಹುದು.
