ಕೋಟ್ಯಾಂತರ ರೂ. ಮಾದಕ ವಸ್ತು ವಿನಾಶ: ಅಬಕಾರಿ ಇಲಾಖೆಯ ದಿಟ್ಟ ಕಾರ್ಯಾಚರಣೆ!

ವರದಿ: ಮೂರ್ತಿ ಬೀರಯ್ಯನಪಾಳ್ಯ, ಗ್ಯಾರಂಟಿ ನ್ಯೂಸ್‌ ನೆಲಮಂಗಲ

ಸಾಮಾನ್ಯವಾಗಿ ಜನರು ಪೋಲೀಸರು ಅಲ್ಲಿ ಡ್ರಗ್ ವಶ ಪಡಿಸಿಕೊಂಡರು,‌ಇಲ್ಲಿ ವಶ ಪಡಿಸಿಕೊಂಡರು ಎಂಬ ಸುದ್ದಿಗಳನ್ನು ಮಾತ್ರ ಕೇಳಿದ್ದೀರಾ,ಅಷ್ಟೊಂದು ಡ್ರಗ್ ವಶ ಪಡಿಸಿಕೊಂಡ ಪೋಲೀಸರು,ಅದೆಲ್ಲ ಡ್ರಗ್ ಏನು ಮಾಡುತ್ತಾರೆ.

ದೊಡ್ಡ ಮಟ್ಟದಲ್ಲಿ ಸೇರಿರುವ ಅಬಕಾರಿ ಇಲಾಖೆ ಅಧೀಕಾರಿಗಳು, ಹೀಗೆ ಸುಡಲು ಚೀಲ..ಚೀಲ ಎತ್ತಿ ರ್ಯಾಕ್ ಒಳಗೆ ಹಾಕುತ್ತಿರುವ ಇಲಾಖೆಯ ಸಿಬ್ಬಂದಿಗಳು, ಕೆಜಿ ಗಟ್ಟಲೆ ಗಾಂಜಾ ಚೀಲಗಳು ಧಗ ಧಗ ಉರಿಯುತ್ತಿವೆ. ಈ ದೃಶ್ಯಗಳು ಕಂಡು ಬಂದದ್ದು ಬೆಂಗಳೂರು ಗ್ರಾಮಾಂತರ ಜಿಲ್ಲೆ ನೆಲಮಂಗಲ ತಾಲೂಕಿನ ಡಾಬಸ್‌ಪೇಟೆ ಕೈಗಾರಿಕಾ ಪ್ರದೇಶದಲ್ಲಿರುವ ರಾಮ್ಕಿ ಕಾರ್ಖಾನೆಯಲ್ಲಿ. ರಾಮ್ಕಿ ಹೆಸರಿನ ಕರ್ನಾಟಕ ವೇಸ್ಟ್ ಮ್ಯಾನೇಜ್ಮೆಂಟ್ ಪ್ರಾಜೆಕ್ಟ್ ಘಟಕದಲ್ಲಿ ಇಂದು ಬೃಹತ್ ಮೊತ್ತದ ಮಾದಕವಸ್ತುಗಳನ್ನ ಅಬಕಾರಿ ಪೊಲೀಸರು ಸುಟ್ಟು ಬೂದಿಯನ್ನಾಗಿಸಿದ್ದಾರೆ.

ಮಾದಕ ವಸ್ತುಗಳ ಮಾರಾಟ ಮತ್ತು ದುರ್ಬಳಕೆಯನ್ನು ಹತೋಟಿಯಲ್ಲಿಡಲು ಪೊಲೀಸ್ ಇಲಾಖೆ ಹಾಗೂ ಅಬಕಾರಿ ಇಲಾಖೆ ಎಲ್ಲ ರೀತಿಯ ಕಾನೂನು ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. 2022ರಿಂದ 2025ರವರೆಗೆ “NDPS” ಕಾಯ್ದೆ ಅಡಿಯಲ್ಲಿ ಅತ್ಯಂತ ಹೆಚ್ಚು ಪ್ರಕರಣಗಳನ್ನು ದಾಖಲಿಸಲಾಗಿದೆ.ಬೆಂಗಳೂರು ಉತ್ತರ ತಾಲೂಕಿನದ್ಯಾಂತ ನೂರಾರು ಜನ ಆರೋಪಿತರನ್ನು ಬಂಧಿಸಿ ಕೋಟ್ಯಾಂತರ ರೂಪಾಯಿ ಬೆಲೆಬಾಳುವ ಎರಡು ವರ್ಷಗಳಿಂದ ಶೇಖರಣೆ ಮಾಡಿದ್ದ ಡ್ರಗ್,
211ಕೆಜಿ ಗಾಂಜಾ,4ಕೆಜಿ ಭಾಂಗ್ ಉಂಡೆ,100ಗ್ರಾಂ MDMA,16ಕೆಜಿ ಬ್ರೌನ್ ಷುಗರ್ ನಾಶಪಡಿಸಲಾಗಿದೆ.

ಇನ್ನೂ ಬೆಂಗಳೂರು ಉತ್ತರ ತಾಲೂಕಿನ ವಲಯದಲ್ಲಿ ಜಪ್ತಿ ಮಾಡಿರುವ ಮಾದಕ ವಸ್ತುಗಳನ್ನು ನ್ಯಾಯಾಲಯದ ಅನುಮತಿಯೊಂದಿಗೆ ನಾಶ ಮಾಡಲಾಯಿತು. ಬೆಂಗಳೂರು ಉತ್ತರ ನಗರ ಪ್ರದೇಶದ ಯಲಹಂಕ, ಗೋಕುಲ,
ಟಿ.ದಾಸರಹಳ್ಳಿ,ರಾಜ್ ಮಹಲ್ ವಿಲಾಸ್,ನಂದಿನಿಲೇಔಟ್, ಸುಬ್ರಹ್ಮಣ್ಯ ನಗರ ಪ್ರದೇಶಗಳಲ್ಲಿ ಜಪ್ತಿಯಾದ ಡ್ರಗ್ ಗಳು ಧಗ ದಗ ಉರಿದು ಕೆಲವೇ ನಿಮಿಷಗಳಲ್ಲಿ ಸುಟ್ಟು ಬೂದಿಯಾಯಿತು.ಇನ್ನೂ ಡ್ರಗ್ ಬರ್ನಿಂಗ್ ಕಾರ್ಯಕ್ರಮದಲ್ಲಿ ಅಬಕಾರಿ ಇಲಾಖೆಯ ವಲಯ ಅಧೀಕಾರಿಗಳು ಭಾಗಿಯಾಗಿದ್ರು.

ಮಾದಕ ವಸ್ತಗಳ ಕಳ್ಳಾಸಾಗಣೆ ಮಾಡುವವರಿಂದ ವಶ ಪಡಿಸಿಕೊಂಡಿದ್ದ ಗಾಂಜಾವನ್ನು ಸುಡುವ ಮೂಲಕ, ಡ್ರಗ್ಸ್ ಗೆ ದಾಸರಾಗುತ್ತಿದ್ದ ಅದೇಷ್ಟೋ ಯುವಕರನ್ನು ಅಬಕಾರಿ ಇಲಾಖೆ ಪಾರು ಮಾಡಿದಂತಾಗಿದೆ. ಇನ್ನಾದರೂ ಯುವಕರು ಎಚ್ಚೆತ್ತುಕೊಂಡು ಡ್ರಗ್ಸ್ ಗಳಿಂದ ದೂರ ಇರಬೇಕಿದೆ.

ವರದಿ: ಮೂರ್ತಿ ಬೀರಯ್ಯನಪಾಳ್ಯ, ಗ್ಯಾರಂಟಿ ನ್ಯೂಸ್‌ ನೆಲಮಂಗಲ