ಯಶ್ ತಾಯಿ ಇಂಡಸ್ಟ್ರಿ ಎಂಟ್ರಿ.. ನ್ಯೂ ಚಾಪ್ಟರ್ ಬಿಗಿನ್ಸ್

ಭಾರತೀಯ ಚಿತ್ರರಂಗಕ್ಕೆ ಯಂಗೆಸ್ಟ್ ಸೂಪರ್ ಸ್ಟಾರ್‌‌ನ ಕೊಟ್ಟಂತಹ ಯಶ್ ಅವ್ರ ತಾಯಿ ಈಗಾಗ್ಲೇ ಗ್ರೇಟ್ ಅನಿಸಿಕೊಂಡಿದ್ದಾರೆ. ಇದೀಗ ತಮ್ಮ ಜೀವನದಲ್ಲಿ ಮತ್ತೊಂದು ಮಹತ್ವದ ಹೆಜ್ಜೆ ಇಡ್ತಿದ್ದಾರೆ ರಾಕಿಭಾಯ್ ಮದರ್. ಇದು ಅವರ ಸಿನಿಮೋತ್ಸಾಹ ಹಾಗೂ ಚಿತ್ರರಂಗದ ಮೇಲಿನ ಪ್ರೀತಿ, ಗೌರವಕ್ಕೆ ಸಾಕ್ಷಿಯಾಗ್ತಿದೆ. ಇಷ್ಟಕ್ಕೂ ಅವ್ರು ಮಾಡ್ತಿರೋದೇನು ಅಂತೀರಾ..? ಈ ಸ್ಟೋರಿ ನೋಡಿ.

ಹಾಸನ ಹೈದ ಯಶ್ ಇಂದು ನ್ಯಾಷನಲ್ ಸ್ಟಾರ್. ಅವರು ಭುವನಹಳ್ಳಿ ಅನ್ನೋ ಒಂದು ಹಳ್ಳಿಯಿಂದ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಜನ ಗುರ್ತಿಸೋ ಮಟ್ಟಕ್ಕೆ ಬೆಳೆಯಲು ಹಾದಿ ಅಷ್ಟು ಸುಲಭವಾಗಿರಲಿಲ್ಲ. ಯಾಕಂದ್ರೆ ಕೆಎಸ್‌ಆರ್‌‌ಟಿಸಿ ಬಸ್‌ಗೆ ಡ್ರೈವರ್ ಆಗಿದ್ದ ಫಾದರ್ ಇದ್ರೇ ಹೊರತು, ಚಿತ್ರರಂಗಕ್ಕೆ ಬರೋಕೆ ಯಾವುದೇ ಗಾಡ್‌ ಫಾದರ್ ಇರಲಿಲ್ಲ. ಹೌದು.. ಮೆಜೆಸ್ಟಿಕ್‌‌ ಬಸ್ ಸ್ಟ್ಯಾಂಡ್‌‌ನಲ್ಲಿ ನೈಟ್ ಎಲ್ಲಾ ಮಲಗಿದ್ದು, ಮತ್ತದೇ ಅವಕಾಶಗಳಿಗಾಗಿ ಪರದಾಡ್ತಿದ್ದ ಯಶ್, ಇಂದು ಅದೆಷ್ಟೋ ಮಂದಿ ಸಿನಿಮೋತ್ಸಾಹಿಗಳಿಗೆ ರೋಲ್ ಮಾಡೆಲ್.

ಸಾಮಾನ್ಯ ಕೆಎಸ್‌ಆರ್‌‌ಟಿಸಿ ಡ್ರೈವರ್‌ ಹಾಗೂ ಗೃಹಿಣಿಯ‌ ಮಗನಾಗಿದ್ದ ಯಶ್, ತನು ಮನ ಧನವನ್ನು ಸಿನಿಮಾಗಾಗಿಯೇ ಅರ್ಪಿಸಿಕೊಂಡಿದ್ದಾರೆ. ಅದೇ ಕಾರಣಕ್ಕೆ ಕೆಜಿಎಫ್ ಸಿನಿಮಾಗಳು ಸಾವಿರಾರು ಕೋಟಿ ಗಳಿಸಿದವು. ಯಶ್ ಕೂಡ ದೊಡ್ಡ ನೇಮು, ಫೇಮು ಪಡೆದರು. ನೂರಾರು ಎಕರೆ ಜಮೀನು ಮಾಡಿದ್ರು. ಹಾಗಂತ ತಾನಾಯ್ತು, ತನ್ನ ಲೈಫ್ ಆಯ್ತು ಅಂತ ರಾಯಲ್ ಲೈಫ್‌ಗೆ ಅಂಟಿಕೊಂಡು ಕೂತಿಲ್ಲ ರಾಕಿಭಾಯ್.

ಕೆರೆಯ ನೀರನ್ನ ಕೆರೆಗೇ ಚೆಲ್ಲಿದ್ರು ಅಂತಾರಲ್ವಾ ಹಾಗೆ ಚಿತ್ರರಂಗದಲ್ಲಿ ದುಡಿದಿದ್ದನ್ನು ಚಿತ್ರರಂಗಕ್ಕಾಗಿಯೇ ಇನ್ವೆಸ್ಟ್ ಮಾಡ್ತಿದ್ದಾರೆ. ತಮ್ಮದೇ ಹೋಮ್ ಬ್ಯಾನರ್‌ ಮಾನ್‌ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಶುರು ಮಾಡಿದ್ದಾರೆ. ಕೆವಿಎನ್ ಪ್ರೊಡಕ್ಷನ್ಸ್ ಜೊತೆಗೂಡಿ ಟಾಕ್ಸಿಕ್, ಬಾಲಿವುಡ್ ಮಂದಿ ಜೊತೆಗೂಡಿ ದಂಗಲ್ ಡೈರೆಕ್ಟರ್ ಜೊತೆ ರಾಯಾಯಣ ಸಿನಿಮಾಗಳನ್ನ ನಿರ್ಮಾಣ ಮಾಡ್ತಿದ್ದಾರೆ. ಹೌದು.. ಟಾಕ್ಸಿಕ್ ಹಾಗೂ ರಾಮಾಯಣದಲ್ಲಿ ಮುಖ್ಯ ತಾರಾಗಣದಲ್ಲಿ ಬಣ್ಣ ಹಚ್ಚೋದ್ರ ಜೊತೆಗೆ ಬಂಡವಾಳ ಕೂಡ ಹೂಡ್ತಿದ್ದಾರೆ.

ಅರೇ.. ಯಶ್ ಬರೀ ಬಿಗ್ ಸ್ಟಾರ್‌ಗಳ ಬಿಗ್ ಮೂವೀಸ್‌ಗೆ ಮಾತ್ರ ಸೀಮಿತ ಆಗ್ಬಿಟ್ರಾ..? ಹೊಸಬರಿಗೂ ಸಿನಿಮಾಗಳನ್ನ ನಿರ್ಮಿಸಬಹುದಿತ್ತಲ್ವಾ ಅಂತ ಕೇಳ್ತಿದ್ದವರಿಗೆ ಇದೀಗ ತಮ್ಮ ತಾಯಿ ಮೂಲಕ ಮತ್ತೊಂದು ಪ್ರೊಡಕ್ಷನ್ ಹೌಸ್ ಶುರು ಮಾಡಿಸ್ತಿದ್ದಾರೆ. ಅದೇ PA ಪ್ರೊಡಕ್ಷನ್ಸ್. ಸದ್ಯ ಈ ಬ್ಯಾನರ್‌‌‌ನಿಂದ ಚೊಚ್ಚಲ ಸಿನಿಮಾ ಕೂಡ ಅನೌನ್ಸ್ ಆಗಿದೆ. ಅಂದಹಾಗೆ ಪಿಎ ಅಂದ್ರೆ ಪುಷ್ಪ ಅರುಣ್ ಕುಮಾರ್. ಯಶ್ ತಾಯಿ ಸದ್ಯ ಅನ್ನದಾತೆ ಆಗ್ತಿದ್ದು, ಮೊದಲ ಸಿನಿಮಾನ ದಿಯಾ ಫೇಮ್ ಪೃಥ್ವಿ ಅಂಬರ್‌ಗೆ ನಿರ್ಮಾಣ ಮಾಡಲು ಸಜ್ಜಾಗಿದ್ದಾರೆ.

ಈಗಾಗ್ಲೇ ಸಿನಿಮಾಗೆ #1 ಅನ್ನೋ ಟೆಂಟೇಟೀವ್ ಟೈಟಲ್ ನೀಡಿದ್ದು, ಚಿತ್ರದ ಫಸ್ಟ್‌‌ಲುಕ್ ನಾಳೆ ಬೆಳಗ್ಗೆ 11ಕ್ಕೆ ಹೊರಬೀಳಲಿದೆ. ಅಂದಹಾಗೆ ಗೃಹಿಣಿಯಾಗಿದ್ದ ರಾಕಿಭಾಯ್ ಮದರ್, ಇದೀಗ ಚಿತ್ರರಂಗದಲ್ಲಿ ಅನ್ನಪೂರ್ಣೆ ಆಗ್ತಿರೋದು ನಿಜಕ್ಕೂ ಖುಷಿ ತಂದಿದೆ. ಮಗನನ್ನ ಹೆತ್ತು, ಹೊತ್ತು, ಕಿರುತೆರೆ, ಬೆಳ್ಳಿತೆರೆ ಮೂಲಕ ಮುಗಿಲೆತ್ತರಕ್ಕೆ ಬೆಳೆಯುವಂತೆ ಮಾಡಿರೋ ಆ ಜೀವ, ಇದೀಗ ತಾನು ಕೂಡ ಚಿತ್ರರಂಗಕ್ಕಾಗಿ ಚಿತ್ರ ನಿರ್ಮಾಣಕ್ಕೆ ಮುಂದಾಗಿರೋದು ನಿಜಕ್ಕೂ ಗ್ರೇಟ್ ಅನಿಸಿದೆ. ಒಳ್ಳೊಳ್ಳೆಯ ಪ್ರತಿಭೆಗಳಿಗೆ ಈ ಬ್ಯಾನರ್ ಅವಕಾಶ ಕೊಡುವಂತಾಗಲಿ, ಸಮಾಜ ಮೆಚ್ಚುವಂತಹ ಸದಭಿರುಚಿಯ ಚಿತ್ರಗಳನ್ನು PA ಪ್ರೊಡಕ್ಷನ್ಸ್ ಕೊಡುವಂತಾಗಲಿ ಅನ್ನೋದು ಕನ್ನಡಿಗರ ಆಶಯ.

ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್