ಗಾಂಧಿನಗರದಿಂದ ಶುರುವಾಗಿ ಗ್ಲೋಬಲ್ ಬಾಕ್ಸ್ ಆಫೀಸ್ ಅನ್ನೇ ನಡುಗಿಸಿದ ಮಾನ್ಸ್ಟರ್ ರಾಕಿ ಭಾಯ್ ಯಶ್, ಈಗ ಭಾರತೀಯ ಕಿರುತೆರೆಯ ಅತ್ಯಂತ ಪವರ್‌ಫುಲ್ ಕಟಕಟೆ ಆಪ್ ಕಿ ಅದಾಲತ್ ಗೆ ಎಂಟ್ರಿ ಕೊಟ್ಟು ಹೊಸ ಇತಿಹಾಸ ಬರೆದಿದ್ದಾರೆ. ರಜತ್ ಶರ್ಮಾ ಎದುರು ನಿಂತು ಯಶ್ ಹೊಡೆದ ಪ್ರತಿಯೊಂದು ಡೈಲಾಗ್ ಈಗ ಇಂಡಿಯಾ ಪೂರ್ತಿ ವೈರಲ್ ಹವಾ ಎಬ್ಬಿಸಿದೆ.
ಆಪ್ ಕಿ ಅದಾಲತ್ ಅಡ್ಡಾದಲ್ಲಿ ಯಶ್ ಹಿಸ್ಟರಿ ರಿವೈಂಡ್
ಯಶ್ ಆಟಿಟ್ಯೂಡ್‌ಗೆ ಪತ್ರಕರ್ತ ರಜತ್ ಶರ್ಮಾ ಫಿದಾ..!
ಸೀನಿಯರ್ಸ್ ಗಿಂತ ದೊಡ್ಡವ ಅಂದ್ಕೊಂಡ್ರೆ ಕರಿಯರ್ ಖತಂ ಎಂದ ಯಶ್
ಶಾರುಖ್ ಬಿಗ್ ಫ್ಯಾನ್ ಆದ್ರೂ ಝೀರೋ ಎದುರಾಗಿ ನಿಂತಿದ್ದೇಕೆ ಯಶ್?
ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಪ್ರಥಮ ಬಾರಿಗೆ, ಹಿರಿಯ ಪತ್ರಕರ್ತ ರಜತ್ ಶರ್ಮಾ ಅವರ ‘ಆಪ್ ಕಿ ಅದಾಲತ್’ ಕಟಕಟೆಯಲ್ಲಿ ಕೂತು ರಾಕಿಂಗ್ ಸ್ಟಾರ್ ಯಶ್ ಮಾಸ್ ಇತಿಹಾಸ ಸೃಷ್ಟಿಸಿದ್ದಾರೆ. ಪ್ರೋಮೋ ರಿಲೀಸ್ ಆಗ್ತಿದ್ದಂತೆ ಇಡೀ ಸೋಶಿಯಲ್ ಮೀಡಿಯಾದಲ್ಲಿ ಬೆಂಕಿ ಹತ್ತಿಕೊಂಡಿದೆ. ಯಶ್ ಆಟಿಟ್ಯೂಡ್ ಮತ್ತು ಟ್ಯಾಲೆಂಟ್‌ಗೆ ಫಿದಾ ಆದ ರಜತ್ ಶರ್ಮಾ, “ಯಶ್ ಬರಿ ಸ್ಕ್ರೀನ್ ಮೇಲಷ್ಟೇ ಬಂದು ಹೋಗೋ ನಟನಲ್ಲ, ತಮ್ಮ ರಫ್ & ಟಫ್ ಆಕ್ಟಿಂಗ್‌ನಿಂದ ಸ್ಕ್ರೀನ್ ಅನ್ನೇ ಸೀಳ್ಕೊಂಡು ಬರೋ ರಿಯಲ್ ಮಾನ್ಸ್ಟರ್” ಅಂತ ಮುಕ್ತಕಂಠದಿಂದ ಕೊಂಡಾಡಿದ್ದಾರೆ.
ಸಣ್ಣಪುಟ್ಟ ಕಿರುತೆರೆ ಸೀರಿಯಲ್‌ಗಳಿಂದ ಕಷ್ಟಪಟ್ಟು ಬಂದು, ‘ಕೆಜಿಎಫ್’ ಸರಣಿಯ ಮೂಲಕ ಇಡೀ ವಿಶ್ವವೇ ತನ್ನತ್ತ ತಿರುಗಿ ನೋಡುವಂತೆ ಮಾಡಿದ ಯಶ್ ಅವರ ಬಿಗ್ ಜರ್ನಿ ಈ ಸಂಚಿಕೆಯಲ್ಲಿ ರಿವೀಲ್ ಆಗಲಿದೆ. ಶೂಟಿಂಗ್ ಸ್ಪಾಟ್‌ನಲ್ಲಿ ನಡೆದ ಇಂಟರೆಸ್ಟಿಂಗ್ ಸೀಕ್ರೆಟ್‌ಗಳು ಮತ್ತು ಅವರ ಮಾಸ್ ಆಟಿಟ್ಯೂಡ್ ಹಿಂದಿರೋ ಪರಿಶ್ರಮದ ಕಥೆಯನ್ನು ಯಶ್ ಒಂದೊಂದಾಗಿ ಬಿಚ್ಚಿಟ್ಟಿದ್ದಾರೆ. ಯಶ್ ಅವರ ಈ ಕಷ್ಟದ ಹಾದಿ ಮತ್ತು ಅದ್ಭುತ ಗೆಲುವು ಈಗ ಪ್ರತಿಯೊಬ್ಬರಿಗೂ ಇನ್‌ಸ್ಪಿರೇಷನ್.
ಕೆಜಿಎಫ್-1 ಟೈಮ್‌ನಲ್ಲಿ ಬಾಲಿವುಡ್ ಬಾದ್‌ಷಾ ಶಾರುಖ್ ಖಾನ್ ಅವರ ‘ಝೀರೋ’ ಸಿನಿಮಾ ಎದುರು ಧೈರ್ಯವಾಗಿ ನಿಂತು ಕೆಜಿಎಫ್ ರಿಲೀಸ್ ಮಾಡಿದ್ದ ಘಟನೆಯನ್ನು ಯಶ್ ನೆನಪಿಸಿಕೊಂಡಿದ್ದಾರೆ. ನಾನು ಇಂದಿಗೂ ಶಾರುಖ್ ಖಾನ್ ಅವರ ಬಿಗ್ ಫ್ಯಾನ್, ಅಂದು ನಮ್ಮ ಸಿನಿಮಾ ಚಿಕ್ಕದಾಗಿತ್ತು, ಶಾರುಖ್ ಸರ್ ಅವರ ಹವಾ ತುಂಬಾನೇ ದೊಡ್ಡದಾಗಿತ್ತು. ಆದ್ರೂ ಧೈರ್ಯ ಮಾಡಿ ನಮ್ಮ ಕಂಟೆಂಟ್ ನಂಬಿ ಸಿನಿಮಾ ರಿಲೀಸ್ ಮಾಡಿದ್ವಿ ಅಂತ ಆ ದಿನದ ರಿಯಲ್ ರೋಮಾಂಚನಕಾರಿ ಘಟನೆಯನ್ನು ಒಪ್ಪಿಕೊಂಡಿದ್ದಾರೆ.
‘ಝೀರೋ’ ಚಿತ್ರಕ್ಕಿಂತ ‘ಕೆಜಿಎಫ್’ ಬಾಕ್ಸ್ ಆಫೀಸ್‌ನಲ್ಲಿ ಸಖತ್ ಕಲೆಕ್ಷನ್ ಮಾಡಿ ಧೂಳೆಬ್ಬಿಸಿದ್ರೂ, ಯಶ್ ಮಾತ್ರ ಫುಲ್ ಡೌನ್ ಟು ಅರ್ಥ್ ಆಗಿ ಮಾತನಾಡಿದ್ದಾರೆ. ಶಾರುಖ್ ಸರ್ ಎವರ್‌ಗ್ರೀನ್ ಸೂಪರ್‌ಸ್ಟಾರ್ ನನ್ನ ಹಿರಿಯ ನಟರಿಗಿಂತ ನಾನೇ ದೊಡ್ಡವನು ಅಂತ ಎಂದುಕೊಂಡ ದಿನವೇ ನನ್ನ ಕಥೆ ಮುಗೀತು ಎಂದರ್ಥ ಅಂತ ಹೇಳುವ ಮೂಲಕ ತಮ್ಮ ಸರಳತೆ ಮತ್ತು ಹಿರಿಯ ನಟರ ಮೇಲಿರೋ ಅಪಾರ ಗೌರವವನ್ನು ಹೊರಹಾಕಿ ಕನ್ನಡಿಗರ ಎದೆಯನ್ನು ಮತ್ತಷ್ಟು ಎತ್ತರಕ್ಕೇರಿಸಿದ್ದಾರೆ.
ಒಂದೆಡೆ ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ’ದಲ್ಲಿ ರಾವಣನಾಗಿ ಬಾಲಿವುಡ್‌ಗೆ ಭರ್ಜರಿ ಎಂಟ್ರಿ ಕೊಡ್ತಿರೋ ಯಶ್, ದೀಪಾವಳಿಗೆ ಥಿಯೇಟರ್‌ನಲ್ಲಿ ಆರ್ಭಟಿಸಲಿದ್ದಾರೆ. ಇನ್ನೊಂದೆಡೆ ಗೀತು ಮೋಹನ್‌ದಾಸ್ ನಿರ್ದೇಶನದ ‘ಟಾಕ್ಸಿಕ್’ ಸಿನಿಮಾದಲ್ಲಿ ನಯನತಾರಾ, ಕಿಯಾರಾ ಅಡ್ವಾಣಿ, ರುಕ್ಮಿಣಿ ವಸಂತ್ ಅವರಂತಹ ಬಿಗ್ ಲೇಡಿ ಗ್ಯಾಂಗ್ ಜೊತೆ ಬರ್ತಿದ್ದಾರೆ. ಸದ್ಯದಲ್ಲೇ ವಿಶ್ವದಾದ್ಯಂತ ಅಪ್ಪಳಿಸಲಿರೋ ‘ಟಾಕ್ಸಿಕ್’ ಬಾಕ್ಸ್ ಆಫೀಸ್‌ನ ಎಲ್ಲಾ ರೆಕಾರ್ಡ್‌ಗಳನ್ನೂ ಚಚ್ಚಿ ಪುಡಿಪುಡಿ ಮಾಡುತ್ತ ಕಾದು ನೋಡಬೇಕು.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
