ಬೆಂಗಳೂರು: ಕನ್ನಡ ಚಿತ್ರರಂಗದ ಯುವ ನಟ ವಿನಯ್ ರಾಜ್ ಕುಮಾರ್ ಅವರ ಹುಟ್ಟುಹಬ್ಬದ ದಿನದಂದೇ ಅವರ ಹೊಸ ಚಿತ್ರ ‘ಮಾಚಿಸ್’ ಅನ್ನು ಅಧಿಕೃತವಾಗಿ ಘೋಷಿಸಲಾಗಿದೆ. ‘ಮರ್ಫಿ’ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ ನಿರ್ದೇಶಕ ಬಿ.ಎಸ್.ಪಿ. ವರ್ಮಾ ಅವರು ‘ಮಾಚಿಸ್’ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಸುರೇಶ್ ಗೌಡ ಹೆಣ್ಣೂರು ಅವರು ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಶಿವುಗೌಡ ಅವರು ಕ್ರಿಯೇಟಿವ್ ಪ್ರೊಡ್ಯೂಸರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಚಿತ್ರೀಕರಣವು ಜುಲೈನಿಂದ ಆರಂಭವಾಗಲಿದೆ ಎಂದು ತಂಡವು ತಿಳಿಸಿದೆ. ‘ಮಾಚಿಸ್’ ಚಿತ್ರದ ಬಗ್ಗೆ ವಿನಯ್ ರಾಜ್ ಕುಮಾರ್ ಅವರು ತುಂಬಾ ಉತ್ಸುಕರಾಗಿದ್ದು, ಹುಟ್ಟುಹಬ್ಬದಂದೇ ಈ ಅನೌನ್ಸ್ಮೆಂಟ್ ಮಾಡುವ ಮೂಲಕ ಅಭಿಮಾನಿಗಳಿಗೆ ವಿಶೇಷ ಕೊಡುಗೆ ನೀಡಿದ್ದಾರೆ.
ಬಿ.ಎಸ್.ಪಿ. ವರ್ಮಾ ಅವರ ನಿರ್ದೇಶನ ಮತ್ತು ವಿನಯ್ ರಾಜ್ ಕುಮಾರ್ ಅವರ ನಟನೆಯ ಸಂಯೋಜನೆಯು ಚಿತ್ರಕ್ಕೆ ದೊಡ್ಡ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.ಚಿತ್ರದ ಕಥೆ, ಪಾತ್ರಗಳು ಮತ್ತು ಇತರೆ ವಿವರಗಳನ್ನು ಶೀಘ್ರದಲ್ಲೇ ಅಧಿಕೃತವಾಗಿ ಬಹಿರಂಗಪಡಿಸಲು ತಂಡ ಸಿದ್ಧತೆ ನಡೆಸುತ್ತಿದೆ.
‘ಮಾಚಿಸ್’ ಚಿತ್ರವು ಪ್ರೇಕ್ಷಕರನ್ನು ರಂಜಿಸುವ ಒಂದು ವಿಶೇಷ ಆಕ್ಷನ್-ಎಂಟರ್ಟೈನರ್ ಆಗಿರುವ ಸಾಧ್ಯತೆ ಇದೆ ಎಂದು ಚಿತ್ರತಂಡದ ಮೂಲಗಳು ಹೇಳುತ್ತಿವೆ.ವಿನಯ್ ರಾಜ್ ಕುಮಾರ್ ಅಭಿಮಾನಿಗಳು ಈ ಸುದ್ದಿಯನ್ನು ಸಂತೋಷದಿಂದ ಸ್ವೀಕರಿಸುತ್ತಿದ್ದಾರೆ.
ಈಗಾಗಲೇ ಅತ್ಯುತ್ತಮ ಚಿತ್ರಗಳನ್ನು ಕೊಟ್ಟಿರುವ ವಿನಯ್ ರಾಜ್ಕುಮಾರ್ ಅವರು ಈಗ ಇನ್ನೊಂದು ಚಿತ್ರದ ಮೂಲಕ ಮಿಂಚಲು ತಯಾರಿ ನಡೆಸುತ್ತಿದ್ದಾರೆ. ಬೆಳ್ಳಿ ತೆರೆ ಮೇಲೆ ಮಿಂಚಿನ ಸಂಚಾರ ಮಾಡುವ ಉದ್ಧೇಶ ವಿನಯ್ ರಾಜ್ ಕುಮಾರ್ ಅವರದ್ದಾಗಿದೆ. ಇದು ಅವರ ಹುಟ್ಟು ಹಬ್ಬದ ದಿನವೇ ಅಧಿಕೃತವಾಗಿ ಘೋಷನೆಯಾಗಿದ್ದು ವಿಶೇಷವಾಗಿದೆ.
