ಬಾಲಿವುಡ್ನ ನಟನೆ ಹಾಗೂ ನೃತ್ಯದ ಮೂಲಕ ಗಮನ ಸೆಳೆದಿರುವ ನಟಿ ಊರ್ವಶಿ ರೌಟೆಲಾ, ಇತ್ತೀಚೆಗೆ ನೀಡಿದ ವಿವಾದಾತ್ಮಕ ಹೇಳಿಕೆಯಿಂದ ಮತ್ತೆ ಸದ್ದು ಮಾಡ್ತಿದೆ. ನಟಿ ಊರ್ವಶಿ ರೌಟೆಲಾ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಉತ್ತರಾಖಂಡದ ಬದ್ರಿನಾಥ್ ಬಳಿ ತಮ್ಮ ಹೆಸರಿನಲ್ಲಿ ದೇವಾಲಯ ನಿರ್ಮಾಣವಾಗಿದೆ. ಅಲ್ಲಿ ನನ್ನ ಮೂರ್ತಿಯನ್ನು ದೇವರಾಗಿ ಇರಿಸಿ ಪೂಜೆ ಮಾಡುತ್ತಿದ್ದಾರೆ ಎಂದು ಹೇಳಿಕೆ ನೀಡಿದ್ದರು. ಈ ಹೇಳಿಕೆ ಭಕ್ತರಲ್ಲಿ ಭಾರೀ ಆಕ್ರೋಶ ವ್ಯಕ್ತವಾಗಿದೆ.
ನಟಿ ಊರ್ವಶಿ ರೌಟೆಲಾ ಹೇಳಿಕೆ
ಊರ್ವಶಿ ಅವರು, “ಉತ್ತರಾಖಂಡ್ನಲ್ಲಿ ನನ್ನ ಹೆಸರಿನಲ್ಲಿ ದೇವಾಲಯವಿದೆ. ನನ್ನ ಮೂರ್ತಿಯನ್ನು ಪ್ರತಿಷ್ಠಾಪಿಸಿ, ಪ್ರತಿದಿನವೂ ಭಕ್ತಾದಿಗಳು ಪೂಜೆ ಸಲ್ಲಿಸುತ್ತಿದ್ದಾರೆ. ಸಾವಿರಾರು ಮಂದಿ ನನ್ನನ್ನು ದೇವರಂತೆ ಪೂಜಿಸುತ್ತಿದ್ದಾರೆ” ಎಂಬುದಾಗಿ ಅವರು ಮಾಧ್ಯಮವೊಂದರಲ್ಲಿ ಹೇಳಿಕೆ ಹೇಳಿದ್ದಾರೆ.
Delusion ho toh Urvashi jitna ho varna na ho pic.twitter.com/3E0F5f7rXZ
— Deity (@gharkakabutar) April 17, 2025
ಉತ್ತರಾಖಂಡ್ನಲ್ಲಿರುವ ದೇವಾಲಯದ ಹೆಸರು
ಆದರೆ, ಉತ್ತರಾಖಂಡ್ಲ್ಲಿರುವ ಆ ದೇವಾಲಯದ ಹೆಸರು “ಮಾತೆ ಊರ್ವಶಿ ದೇವಾಲಯ” ಆಗಿದ್ದು, ಅದು ನಟಿ ಊರ್ವಶಿಗೆ ಯಾವುದೇ ಸಂಬಂಧವಿಲ್ಲ ಎಂಬುದಾಗಿ ಪುರಾತನ ದಾಖಲೆಗಳು ಹಾಗೂ ಸ್ಥಳೀಯ ಪೂಜಾರಿಗಳು ಸ್ಪಷ್ಟಪಡಿಸಿದ್ದಾರೆ. ಈ ದೇವಾಲಯವು ಸಾವಿರಾರು ವರ್ಷಗಳ ಐತಿಹ್ಯ ಹೊಂದಿರುವ, 108 ಶಕ್ತಿಪೀಠಗಳಲ್ಲಿ ಒಂದಾದ ಪವಿತ್ರ ಶಕ್ತಿ ದೇವಾಲಯವಾಗಿದೆ. ದೇವಿ ಊರ್ವಶಿಯನ್ನು ಹಳ್ಳಿ ಹಾಗೂ ನಗರಗಳಲ್ಲಿ ಸಾವಿರಾರು ಭಕ್ತರು ಪೂಜಿಸುತ್ತಾರೆ.
ದೇವಾಲಯದ ಅರ್ಚಕರ ಪ್ರತಿಕ್ರಿಯೆ
ಈ ಕುರಿತು ಆ ದೇವಾಲಯದ ಪೂಜಾರಿ ಭುವನ್ ಚಂದ್ರ ಉನಿಯಲ್ ಪ್ರತಿಕ್ರಿಯಿಸಿ, “ಈ ದೇವಾಲಯ ಪವಿತ್ರ ಶಕ್ತಿಯ ಪ್ರತೀಕ. ನಟಿ ಊರ್ವಶಿಯ ಹೆಸರಿನೊಂದಿಗೆ ಈ ದೇವಾಲಯಕ್ಕೆ ಯಾವುದೇ ಸಂಬಂಧವಿಲ್ಲ. ಈಕೆ ನೀಡಿರುವ ಹೇಳಿಕೆ ಭಕ್ತರ ಭಾವನೆಗಳಿಗೆ ಧಕ್ಕೆಯಾಗಿದ್ದು, ಇದು ಸಹಿಸಲಾಗದು” ಎಂದು ಖಂಡನೆ ವ್ಯಕ್ತಪಡಿಸಿದ್ದಾರೆ.
ಅಲ್ಲದೆ, ದೇವಾಲಯದ ಆಡಳಿತ ಮಂಡಳಿಯ ಅಧ್ಯಕ್ಷರೂ ಸಹ ಈ ಹೇಳಿಕೆಗೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. “ಮಾತೆ ಊರ್ವಶಿ ದೇವಾಲಯಕ್ಕೆ ಭಕ್ತರು ಪ್ರತಿ ದಿನ ಬಂದು ಪೂಜೆ ಸಲ್ಲಿಸುತ್ತಿದ್ದಾರೆ. ಇಂತಹ ಪವಿತ್ರ ಸ್ಥಳವನ್ನು ಇಂದ್ರಜಾಲದ ಭಾಗವನ್ನಾಗಿ ತೋರಿಸುವಂತ ಹೇಳಿಕೆಗಳು ವಿಷಾದಕರ. ಈ ಹೇಳಿಕೆಗಳಿಂದ ದೇವಾಲಯದ ಗೌರವಕ್ಕೆ ಧಕ್ಕೆಯಾಗುತ್ತದೆ” ಎಂದು ಅವರು ಹೇಳಿದ್ದಾರೆ.
ಅಲ್ಲದೇ ನಟಿ ಊರ್ವಶಿ ಅವರು ಇದೇ ಮೊದಲಲ್ಲ ಈ ರೀತಿಯ ವಿವಾದಾತ್ಮಕ ಹೇಳಿಕೆಗಳಿಂದ ಸುದ್ದಿಗೆ ಬಂದಿರುವುದು. ಕಳೆದ ಕೆಲವು ವರ್ಷಗಳಲ್ಲಿ ಹಲವು ಬಾರಿ ತನ್ನನ್ನು ತಾನು ಹೊಗಳಿಕೊಂಡು, ಹಲವು ವಿವಾದಗಳಿಗೆ ಕಾರಣರಾಗಿದ್ದಾರೆ.
