ನಶೆ ಏರಿಸಿದ ಮಿಲ್ಕಿಬ್ಯೂಟಿ ಮೇಲೆ ಸೆನ್ಸಾರ್ ರೇಡ್..!!

ಬಾಲಿವುಡ್‌‌ನಲ್ಲಿ ಸಮ್ಮರ್ ಹೀಟ್‌‌ನ ಮತ್ತಷ್ಟು ಹೆಚ್ಚಿಸಿದ್ದಾರೆ ಮಿಲ್ಕಿಬ್ಯೂಟಿ ತಮನ್ನಾ. ಈಕೆ ಒಂಥರಾ ನಶೆಯಂತೆ ಕಿಕ್ ಕೊಡ್ತಿದ್ದು, ಆ ಲುಕ್‌‌ಗೆ ಸ್ವತಃ ಸೆನ್ಸಾರ್ ಬೋರ್ಡ್‌ ಅವರ ಮೇಲೆ ರೇಡ್ ಮಾಡಿದೆ. ಗ್ರಾಮರ್ ಕಮ್ಮಿ ಆಗಿ ಗ್ಲಾಮರ್ ಜಾಸ್ತಿ ಆದಾಗ ಏನಾಗುತ್ತೆ ಅನ್ನೋದನ್ನ ನಿದ್ದೆ ಕೆಡಿಸೋ ಅಂತಹ ಹಾಟ್ ದೃಶ್ಯಗಳ ಝಲಕ್ ಜೊತೆ ತೋರಿಸ್ತೀವಿ. ಜಸ್ಟ್ ವಾಚ್.

ಭಾರತೀಯ ಚಿತ್ರರಂಗದ ಹಾಟ್ ಡಾಲ್ ಆಗಿರೋ ಮಿಲ್ಕಿಬ್ಯೂಟಿ ತಮನ್ನಾಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್. ತೆಲುಗು, ತಮಿಳು ಸಿನಿಮಾಗಳಿಂದ ಹಿಡಿದು ಬಾಲಿವುಡ್ ಸಿನಿಮಾ, ವೆಬ್ ಸೀರೀಸ್‌‌ಗಳ ತನಕ ಈಕೆ ಮಸ್ಟ್ ಇರಲೇಬೇಕು. ಆಗಲೇ ಆ ಸಿನಿಮಾ ಹಾಗೂ ಸೀರೀಸ್‌‌ಗೊಂದು ಸ್ಪೆಷಲ್ ಕಳೆ ಅನ್ನುವಂತಾಗಿದೆ. ಅದೇ ಕಾರಣಕ್ಕೆ ಡೇಟ್ಸ್ ಕ್ಲ್ಯಾಶ್ ಆದ್ರೆ, ಅಟ್ಲೀಸ್ಟ್ ನಮಗೊಂದು ಐಟಂ ಸಾಂಗ್ ಮಾಡ್ಕೊಡಿ ಮೇಡಂ ಅಂತ ದುಂಬಾಲು ಬೀಳ್ತಾರೆ ನಿರ್ಮಾಪಕರುಗಳು.

ಕಳೆದ ವರ್ಷ ತಲೈವಾ ಸೂಪರ್ ಸ್ಟಾರ್ ರಜನೀಕಾಂತ್‌ರ ಜೈಲರ್ ಸಿನಿಮಾದಲ್ಲಿ ತಮನ್ನಾ ಒಂದು ಐಟಂ ಸಾಂಗ್ ಮಾಡಿದ್ರು. ಕಾವಾಲ ಅನ್ನೋ ಆ ಹಾಡು, ಸಿನಿಮಾದಲ್ಲಿ ಗ್ಲಾಮರ್ ಮೈಲೇಜ್ ಹೆಚ್ಚಿಸಿದ್ದಲ್ಲದೆ, ಬಾಕ್ಸ್ ಆಫೀಸ್‌‌ಗೂ ಅದು ಸಾಥ್ ನೀಡಿತ್ತು. ಇದೀಗ ಅಂಥದ್ದೇ ಮತ್ತೊಂದು ಗ್ಲಾಮರಸ್ ಸಾಂಗ್ ಹೊರಬಂದಿದೆ. ಅದೇ ರೇಡ್-2 ಸಿನಿಮಾದ ನಶಾ ಸಾಂಗ್.

ಈ ಸಾಂಗ್ ನೋಡ್ತಿದ್ರೆ ಈ ಬೇಸಗೆಯಲ್ಲಿ ಹೀಟ್ ಮತ್ತಷ್ಟು ಹೆಚ್ಚುವಂತಿದೆ. ಅದರಲ್ಲೂ ಪಡ್ಡೆ ಹುಡುಗರ ನಿದ್ದೆ ಕೆಡಿಸೋ ಅಂತಹ ಹಸಿಬಿಸಿ ದೃಶ್ಯಗಳ ಝಲಕ್ ಈ ಹಾಡಿನ ಗಮ್ಮತ್ತು ಹೆಚ್ಚಿಸಿದೆ. ತಮನ್ನಾ ಗ್ಲಾಮರ್ ಹಾಗೂ ಹಾಟ್‌‌ನೆಸ್‌‌ನಿಂದ ರೇಡ್-2 ಸಿನಿಮಾದ ಈ ಹಾಡು ಚಿತ್ರದ ಮೇಲಿನ ಭರವಸೆ ಹೆಚ್ಚಿಸಿದೆ. ಅದೇ ಕಾರಣಕ್ಕೆ ಇದು ರಿಲೀಸ್ ಆದ ಎರಡೇ ವಾರದಲ್ಲಿ 44 ಮಿಲಿಯನ್ ವೀವ್ಸ್ ಆಗಿದೆ.

ಅಂದಹಾಗೆ ಅಜಯ್ ದೇವಗನ್ ಹಾಗೂ ರಿತೇಶ್ ದೇಶಮುಖ್‌ ನಟನೆಯ ರೇಡ್-2 ಸಿನಿಮಾ ಇದೇ ಮೇ 1ಕ್ಕೆ ವಿಶ್ವದಾದ್ಯಂತ ತೆರೆಗಪ್ಪಳಿಸುತ್ತಿದ್ದು, ಸ್ಯಾಂಪಲ್ಸ್ ನೋಡುಗರ ನಾಡಿಮಿಡಿತ ಹೆಚ್ಚಿಸಿದೆ. ಕ್ರೈಂ ಥ್ರಿಲ್ಲರ್ ಜಾನರ್‌‌ನ ಈ ಸಿನಿಮಾಗೆ ಗ್ಲಾಮರ್ ಆ್ಯಡಾನ್ ಮಾಡೋಕೆ ಅಂತ ಈ ಹಾಡನ್ನ ಸೇರಿಸಿದ್ದು, ಈ ಸಿನಿಮಾ ಸೆನ್ಸಾರ್ ಆದಾಗ ಈ ಹಾಡನ್ನ ಹೊರತುಪಡಿಸಿ ಸೆನ್ಸಾರ್ ಮಾಡಲಾಗಿದೆ.

ನಶೆ ಏರಿಸೋ ನಶಾ ಸಾಂಗ್ ಇಲ್ಲದಿದ್ದಾಗ ರೇಡ್-2ಗೆ ಸೆನ್ಸಾರ್ ಬೋರ್ಡ್‌ UA 7+ ಪ್ರಮಾಣ ಪತ್ರ ನೀಡಿತ್ತು. ಆದ್ರೀಗ ಮಿಲ್ಕಿಬ್ಯೂಟಿಯ ಈ ಹಾಟ್‌‌ ಸಾಂಗ್ ನೋಡಿ ಮಗದೊಮ್ಮೆ ಸೆನ್ಸಾರ್ ನೀಡಿರೋ ಬೋರ್ಡ್‌ UA 13+ ಸರ್ಟಿಫಿಕೆಟ್ ನೀಡಿದೆ. ಇದು ತಮನ್ನಾ ಗ್ಲಾಮರ್ ಮೇಲೆ ಸೆನ್ಸಾರ್ ರೇಡ್ ಮಾಡಿದೆ ಅಂತ ಎಲ್ರೂ ಕಾಲೆಳೆಯುತ್ತಿದ್ದಾರೆ. ಅದೇನೇ ಇರಲಿ, ಬಾಲಿವುಡ್ ಅಂಗಳದ ಈ ಸಿನಿಮಾ ಮೊದಲ ಭಾಗದಂತೆ ದೊಡ್ಡ ನಿರೀಕ್ಷೆ ಮೂಡಿಸಿದ್ದು, ಸಖತ್ ಕಿಕ್ ಕೊಡೋ ಮುನ್ಸೂಚನೆ ನೀಡಿದೆ.