ಹೇಗಿದೆ ಆಮೀರ್ ಖಾನ್ ಕಂಬ್ಯಾಕ್ ಮೂವಿ..? ಸಿತಾರೆ ಜಮೀನ್ ಪರ್ ನೋಡಿ ಸಲ್ಲೂ-ಶಾರೂಖ್ ಏನಂದ್ರು..? ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ 125 ಕೋಟಿ ಡೀಲ್ ರಿಜೆಕ್ಟ್ ಮಾಡಿದ್ಯಾಕೆ..? ಇವೇ ಮೊದಲಾದ ಇಂಟರೆಸ್ಟಿಂಗ್ ವಿಚಾರಗಳ ಪಿನ್ ಟು ಪಿನ್ ಡಿಟೈಲ್ಸ್ ನಿಮಗಾಗಿ ಕಾಯ್ತಿದೆ.
ಸಿನಿಮಾರಂಗದಿಂದ ದೊಡ್ಡ ಅಂತರ ಕಾಯ್ದುಕೊಂಡಿದ್ದ ಆಮೀರ್ ಖಾನ್ ಕೊನೆಗೂ ಭರ್ಜರಿ ಕಂಬ್ಯಾಕ್ ಮಾಡಿದ್ದಾರೆ. ತಾವೇ ನಟಿಸಿ, ನಿರ್ಮಿಸಿರೋ ಸಿತಾರೆ ಜಮೀನ್ ಪರ್ ಚಿತ್ರದಿಂದ ಮತ್ತೆ ಪ್ರೇಕ್ಷಕರ ಮುಂದೆ ಬಂದಿದ್ದಾರೆ. ಇಂದು ರಿಲೀಸ್ ಆಗಿರೋ ಸಿನಿಮಾಗೆ ಮಿಶ್ರ ಪ್ರತಿಕ್ರಿಯೆಗಳು ಸಿಕ್ಕಿವೆ. ಒಂದಷ್ಟು ಮಂದಿ ಮಿಸ್ಟರ್ ಪರ್ಫೆಕ್ಷನಿಸ್ಟ್‌ಗೆ ಗ್ರೇಟ್ ಕಂಬ್ಯಾಕ್, ಇದು ಮಾಸ್ಟರ್ ಕ್ಲಾಸ್ ಸಿನಿಮಾ ಅಂತೆಲ್ಲಾ ಪ್ರಶಂಸಿಸಿದ್ದಾರೆ.
ಮತ್ತೊಂದೆಡೆ ಒಂದಷ್ಟು ಮಂದಿ, ‘ನೀವು ಹಣ ಮಾಡೋದಕ್ಕಾಗಿ ಬುದ್ದಿಮಾಂದ್ಯ ಮಕ್ಕಳನ್ನ ಏಕೆ ಬಳಸಿಕೊಂಡ್ರಿ..? ನಿಮ್ಮ ಜೀವನದ ಅತಿ ಮೂರ್ಖತನದ ಚಿತ್ರವಿದು. ಹಣ ಹಾಗೂ ಸಮಯದ ವ್ಯರ್ಥ’ ಅಂತೆಲ್ಲಾ ರಿವ್ಯೂವ್ಸ್ ನೀಡ್ತಿದ್ದಾರೆ. ಅಂದಹಾಗೆ ಸಿತಾರೆ ಜಮೀನ್ ಪರ್ ವಿಶೇಷ ಚೇತನ ಮಕ್ಕಳ ಬಗ್ಗೆ ಜಾಗೃತಿ ಮೂಡಿಸುವ ಚಿತ್ರ ಎನ್ನಲಾಗಿದೆ. ಆಮೀರ್ ವಿಶೇಷ ಚೇತನ ಮಕ್ಕಳ ಬಾಸ್ಕೆಟ್ ಬಾಲ್ ಟೀಂನ ಕೋಚ್ ರೋಲ್‌‌ನಲ್ಲಿ ಕಾಣಸಿಕ್ಕಿದ್ದಾರೆ.
ಆರ್ ಎಸ್ ಪ್ರಸನ್ನ ನಿರ್ದೇಶನದ ಸಿತಾರೆ ಜಮೀನ್ ಪರ್ ಸಿನಿಮಾನ ನಮ್ಮ ಕನ್ನಡದ ಖ್ಯಾತ ಲೇಖಕಿ ಡಾ. ಸುಧಾಮೂರ್ತಿ ನೋಡಿ ಮೆಚ್ಚಿಕೊಂಡಿದ್ದರು. ಇದೀಗ ಆಮೀರ್ ಖಾನ್‌ನ ಕಂಬ್ಯಾಕ್ ಮಾಡುವಂತೆ ಪುಸಲಾಯಿಸಿದ್ದ ಸಲ್ಮಾನ್ ಖಾನ್ ಹಾಗೂ ಶಾರೂಖ್ ಖಾನ್ ಕೂಡ ಸಿತಾರೆಗೆ ಫುಲ್ ಮಾರ್ಕ್ಸ್ ನೀಡಿದ್ದಾರೆ. ಆದ್ರೆ ಆಮೀರ್ ಈ ಸಿನಿಮಾದಿಂದ ದುಡ್ಡು ಮಾಡುವ ಉದ್ದೇಶ ಇದ್ದಿದ್ರೆ 125 ಕೋಟಿ ರೂಪಾಯಿಯಷ್ಟು ದೊಡ್ಡ ಡೀಲ್ ಮಿಸ್ ಮಾಡ್ಕೊಳ್ತಿರಲಿಲ್ಲ.
ಸಿತಾರೆ ಜಮೀನ್ ಪರ್ ಸಿನಿಮಾನ ಯೂಟ್ಯೂಬ್‌‌ನಲ್ಲಿ ರಿಲೀಸ್ ಮಾಡ್ತೀನಿ ಎಂದ ಆಮೀರ್‌ಗೆ, ನೆಟ್‌ಫ್ಲಿಕ್ಸ್ ಹಾಗೂ ಅಮೆಜಾನ್ ಪ್ರೈಮ್‌ನಂತಹ ಬಿಗ್ಗೆಸ್ಟ್ ಓಟಿಟಿ ಪ್ಲಾಟ್‌ಫಾರ್ಮ್‌‌ಗಳು ಬರೋಬ್ಬರಿ 125 ಕೋಟಿ, 120 ಕೋಟಿಯಷ್ಟು ಬೃಹತ್ ಮೊತ್ತದ ಹಣವನ್ನು ಆಫರ್ ಮಾಡಿವೆ. ಅದ್ರೆ ಆ ಆಫರ್‌‌ಗಳನ್ನ ರಿಜೆಕ್ಟ್ ಮಾಡಿರೋ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್, ತನ್ನ ಸಿನಿಮಾ ಜನಕ್ಕೆ ತಲುಪಬೇಕು ಅನ್ನೋ ನಿಟ್ಟಿನಲ್ಲಿ ಥಿಯೇಟರ್‌ನಲ್ಲೇ ರಿಲೀಸ್ ಮಾಡಿದ್ದಾರೆ.
ಡಿಸ್ಟ್ರಿಬ್ಯೂಟರ್‌‌ಗಳಿಗೆ ಕಡಿಮೆ ಬೆಲೆಗೆ ಸಿನಿಮಾನ ನೀಡಿ, ಕಡಿಮೆ ಟಿಕೆಟ್ ದರದಲ್ಲಿ ಈ ಸಿನಿಮಾನ ಪ್ರೇಕ್ಷಕರಿಗೆ ಮುಟ್ಟಿಸೋ ಕಾರ್ಯ ಮಾಡಿದ್ದಾರೆ. ಅಲ್ಲದೆ, ಸದಾ ಚಿತ್ರರಂಗದ ನ್ಯೂನ್ಯತೆಗಳ ಬಗ್ಗೆ ಮಾತಾಡೋ ಆಮೀರ್, ಒಂದಷ್ಟು ವಿವಾದಗಳನ್ನು ಕೂಡ ಮೈ ಮೇಳೆ ಎಳೆದುಕೊಳ್ತಿರ್ತಾರೆ. ಅಂದಹಾಗೆ ಸಿತಾರೆ ಜಮೀನ್ ಪರ್ ರಿಲೀಸ್ ಹತ್ತಿರ ಬಂದಾಗ ಕೈಗೆ ದಾರ ಕಟ್ಟಿ ಬಂದು ಪ್ರಮೋಷನ್ಸ್ ಮಾಡಿರೋದು, ತಮ್ಮ ಬ್ಯಾನರ್‌‌ನ ಸೋಶಿಯಲ್ ಮೀಡಿಯಾ ಪೇಜ್‌‌ಗಳ ಡಿಪಿಗೆ ಇಂಡಿಯನ್ ಫ್ಲ್ಯಾಗ್ ಹಾಕುವಂತಹ ಗಿಮಿಕ್ಸ್ ಮಾಡ್ತಿರ್ತಾರೆ. ಇದೆಲ್ಲವೂ ನೆಟ್ಟಿಗರನ್ನ ಕೆರಳಿಸುತ್ತೆ.
