ಸಲ್ಮಾನ್ ಖಾನ್.. ಬಾಲಿವುಡ್ ಭಾಯಿಜಾನ್ ಅಂತಲೇ ಕರೆಸಿಕೊಳ್ಳೋ ಈತ ನಟ, ನಿರ್ಮಾಪಕ, ನಿರೂಪಕರಾಗಿ ದೊಡ್ಡ ಮಟ್ಟಕ್ಕೆ ಸಕ್ಸಸ್ ಕಂಡಿದ್ದಾರೆ. ಸಾಲು ಸಾಲು ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾಗಳಿಂದ ಸೂಪರ್ ಸ್ಟಾರ್ ಪಟ್ಟಕ್ಕೇರಿದ್ದಾರೆ. 59ರ ಹರೆಯದ ಸಲ್ಮಾನ್ ಖಾನ್ ಸಿನಿಮಾಗಳು ಅಂದ್ರೆ ಇಂದಿಗೂ ಫ್ಯಾನ್ಸ್ ಮುಗಿಬಿದ್ದು ನೋಡ್ತಾರೆ. ಆದ್ರೆ ಈತ ಮಾತ್ರ ಫ್ಯಾನ್ಸ್ ಗೆ ಇಷ್ಟವಾಗುವಂತಹ ಚಿತ್ರಗಳನ್ನ ಮಾಡೋದ್ರಲ್ಲಿ ಎಡವುತ್ತಲೇ ಇದ್ದಾರೆ.
ಹೌದು.. ದಿ ಮೋಸ್ಟ್ ಎಲಿಜಿಬಲ್ ಬ್ಯಾಚಲರ್ ಅಂತ ಕರೆಸಿಕೊಳ್ಳೋ ಭಾಯಿಜಾನ್ ಸಲ್ಮಾನ್ ಖಾನ್, ಸಾಲು ಸಾಲು ವಿವಾದಗಳ ಹೊರತಾಗಿಯೂ ಅದೇ ಕ್ರೇಜ್, ಅದೇ ಛಾರ್ಮ್ ಉಳಿಸಿಕೊಂಡಿದ್ದಾರೆ. ಆದ್ರೆ ಅದ್ಯಾಕೋ ಇವರಿಗೆ ಯಾವುದೇ ಸಿನಿಮಾ ಕೈ ಹಿಡಿಯುತ್ತಿಲ್ಲ. ಅದೂ ನಿನ್ನೆ ಮೊನ್ನೆಯಿಂದ ಅಲ್ಲ. ಬರೋಬ್ಬರಿ 8 ವರ್ಷಗಳಿಂದ ಅನ್ನೋದು ಶಾಕಿಂಗ್ ನ್ಯೂಸ್.
2017ರ ಟೈಗರ್ ಜಿಂದಾ ಹೈ ಸಿನಿಮಾನೇ ಕೊನೆ. ಅದಾದ ಬಳಿಕ ಸಲ್ಮಾನ್ ಖಾನ್ ಬರೋಬ್ಬರಿ 18 ಸಿನಿಮಾಗಳನ್ನ ಮಾಡಿದ್ರು. ಆದ್ರೆ ಅವೆಲ್ಲವೂ ಅಟ್ಟರ್ ಫ್ಲಾಪ್. ಆ ಪೈಕಿ ಬಾಕ್ಸ್ ಆಫೀಸ್ ನಲ್ಲಿ ಒಂದೇ ಒಂದು ಸಿನಿಮಾ ತಕ್ಕಮಟ್ಟಿಗೆ ಸದ್ದು ಮಾಡಿತು. ಅದೇ ಟೈಗರ್-3. ಯೆಸ್.. 2023ರಲ್ಲಿ ತೆರೆಕಂಡ ಈ ಸಿನಿಮಾ YRF ಸ್ಪೈ ಯೂನಿವರ್ಸ್ ಆಗಿದ್ದು, ಪ್ರೇಕ್ಷಕರಿಗೆ ಮಸ್ತ್ ಮಜಾ ನೀಡಿತ್ತು. ಇದರ ಹೊರತಾಗಿ ಇತ್ತೀಚೆಗೆ ಸಲ್ಲು ಸಿನಿಮಾಗಳು ಗೆದ್ದ ನಿದರ್ಶನವೇ ಇಲ್ಲ. ಇದನ್ನ ಕಂಡು ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಜಾಡು ಹಿಡಿದ್ರಾ ಸಲ್ಲು ಅಂತಿದ್ದಾರೆ ನೆಟಿಜನ್ಸ್.
ಗೆಸ್ಟ್ ಅಪಿಯರೆನ್ಸ್ ಮಾಡಿದ ಸಿನಿಮಾಗಳು ಕೂಡ ಒಂದಷ್ಟು ನೆಲಕಚ್ಚಿರೋದು ಬೇಸರದ ಸಂಗತಿ. ಇನ್ನು ಈ ಬಾರಿ ಈದ್ ವಿಶೇಷ ತೆರೆಕಂಡಂತಹ ಸಿಕಂದರ್ ಸಿನಿಮಾ ಮೊದಲ ದಿನವೇ 54 ಕೋಟಿ ಗಳಿಸೋಕೆ ಸುಸ್ತಾಗಿದೆ. ಶಾರೂಖ್ ಜವಾನ್ ಸಿನಿಮಾದ ಅರ್ಧದಷ್ಟು ಕೂಡ ಶೇರ್ ಬಂದಿಲ್ಲ ಅನ್ನೋದು ಬೇಸರದ ವಿಷಯ. ಗಜಿನಿ ಅಂತಹ ಆಲ್ ಟೈಂ ಹಿಟ್ ಮೂವಿ ನೀಡಿದಂತಹ ಎ ಆರ್ ಮುರುಗದಾಸ್, ಹ್ಯಾಟ್ರಿಕ್ ಪ್ಯಾನ್ ಇಂಡಿಯಾ ಸಿನಿಮಾಗಳ ಹಿಟ್ ನಿಂದ ಕ್ರೇಜ್ ಹುಟ್ಟಿಸಿರೋ ರಶ್ಮಿಕಾ ಮಂದಣ್ಣ ನಾಯಕಿ ಆಗಿದ್ದುಕೊಂಡೇ ಸಿಕಂದರ್ ಮೂವಿ ಫ್ಲಾಪ್ ಆಗಿದೆ.
ಇದು ನಿಜಕ್ಕೂ ಸಲ್ಮಾನ್ ಖಾನ್ ಸಿನಿ ಕರಿಯರ್ ಗೆ ದೊಡ್ಡ ಆಘಾತ ತಂದಿದೆ. ಹೀಗೇ ಆದ್ರೆ ಮುಂದೆ ಹೇಗೆ ಅನ್ನುವ ಪ್ರಶ್ನೆ ಎದ್ದಿದೆ. ಶಾರೂಖ್ ಖಾನ್ ಕೂಡ ಇಂಥದ್ದೇ ಕಡು ಕಷ್ಟದಲ್ಲಿದ್ದರು. ಆದ್ರೆ ಅವರಿಗೆ ಪಠಾಣ್ ಹಾಗೂ ಜವಾನ್ ಸಿನಿಮಾಗಳು ಕೈ ಹಿಡಿದವು. ಮತ್ತೆ ಅವ್ರು ಗೆಲುವಿನ ಟ್ರ್ಯಾಕ್ ಗೆ ಮರಳಿದ್ರು. ಆಮೀರ್ ಖಾನ್ ಸದ್ಯ ಸೈಲೆಂಟ್ ಆಗಿದ್ದು, ಸ್ವತಃ ಶಾರೂಖ್ ಅವರೇ ಆಮೀರ್ ಹಾಗು ಸಲ್ಮಾನ್ ಖಾನ್ ಕೈ ಹಿಡಿಯಬೇಕಿದೆ. ಒಂದ್ಕಡೆ ಮದ್ವೆನೂ ಇಲ್ಲ.. ಮತ್ತೊಂದ್ಕಡೆ ಸಿನಿಮಾಗಳ ಸಕ್ಸಸ್ ಕೂಡ ಇಲ್ಲ. ಸಲ್ಲು ಕರಿಯರ್ ಮುಗೀತಾ ಅನ್ನೋರಿಗೆ ಖುದ್ದು ಭಾಯಿಜಾನ್ ಸಲ್ಲುನೇ ಉತ್ತರಿಸಬೇಕಿದೆ.
