ಕೊಡವ ಸಮಾಜದ ನಟಿಯರಿಗೆ ಅಪಮಾನ ಎಸಗಿದ್ದ ರಶ್ಮಿಕಾ ಮಂದಣ್ಣಗೆ ಒಂಥರಾ ಗುಡ್ ನ್ಯೂಸ್ ಸಿಕ್ಕಿದೆ. ನ್ಯಾಷನಲ್ ಕ್ರಶ್ ಆಗಿ ಬೆಳೆದು ನಿಂತಿರೋ ಕೂರ್ಗ್ ಚೆಲುವೆಗೆ ನಮ್ಮ ಸ್ಯಾಂಡಲ್‌ವುಡ್ ನಟಿಮಣಿಯರು ಬಿಟ್ಟುಕೊಡದೆ, ಸಾಥ್ ನೀಡಿದ್ದಾರೆ. ಯಾರ್ಯಾರು ಏನಂದ್ರು ಅನ್ನೋದ್ರ ಬಗ್ಗೆ ಇಲ್ಲಿ ಕಂಪ್ಲೀಟ್ ಆಗಿ ವಿವರಿಸಿದಿವಿ.
- ಕೊಡವ ಸಮಾಜ ಅವಮಾನಿಸಿದ್ರೂ ರಶ್ಮಿಕಾ ಆಗಲಿಲ್ಲ ಬಡವಿ
- ನಿಧಿ ಸುಬ್ಬಯ್ಯ, ಹರ್ಷಿಕಾಗೆ ನ್ಯಾಷನಲ್ ಕ್ರಶ್ ಅಂದ್ರೆ ಹೆಮ್ಮೆ..!
- ಮೂರೇ ಸಿನಿಮಾದಿಂದ ಸಾವಿರ ಕೋಟಿ ಕ್ಲಬ್‌ಗೆ ಕಿರಿಕ್ ಬ್ಯೂಟಿ
- ವಿವಾದಗಳಾದಷ್ಟೂ ಪುಟಿದೇಳುತ್ತಿದ್ದಾರೆ ರಶ್ಮಿಕಾ ಮಂದಣ್ಣ..!
ಕಿರಿಕ್ ಪಾರ್ಟಿ ಸಿನಿಮಾದಿಂದ ಶುರುವಾದ ರಶ್ಮಿಕಾ ಜರ್ನಿ.. ಸದ್ಯ ಮೊನ್ನೆಯಷ್ಟೇ ಬ್ಲಾಕ್ ಬಸ್ಟರ್ ಹಿಟ್ ಆದ ಕುಬೇರ ಸಿನಿಮಾವರೆಗೂ ಬಂದು ನಿಂತಿದೆ. ಮೈಸಾ ಅನ್ನೋ ಹೊಚ್ಚ ಹೊಸ ಮಹಿಳಾ ಪ್ರಧಾನ ಸಿನಿಮಾ ಅನೌನ್ಸ್ ಮಾಡಿರೋ ನ್ಯಾಷನಲ್ ಕ್ರಶ್, ಮತ್ತೆರಡು ಸಿನಿಮಾಗಳು ರಿಲೀಸ್‌ಗೆ ಸಜ್ಜಾಗಿವೆ.
ಎಡವಟ್ ಮೇಲೆ ಎಡವಟ್ ಮಾಡಿಕೊಳ್ಳುವ ರಶ್ಮಿಕಾ, ಈ ಮಧ್ಯೆ ಮತ್ತೊಂದು ವಿವಾದಾತ್ಮಕ ಹೇಳಿಕೆ ನೀಡಿದ್ರು. ಹೌದು, ಕೊಡವ ಸಮಾಜದಿಂದ ಬಂದಂತಹ ಮೊದಲ ನಟಿ ನಾನೇ. ನನ್ನನ್ನು ಕೊಡವ ಸಮಾಜದಿಂದ ಗುರ್ತಿಸ್ತಾರೆ ಅಂತ ಸಂದರ್ಶನವೊಂದರಲ್ಲಿ ನಾಲಿಗೆ ಹರಿಬಿಟ್ಟಿದ್ದರು. ಹಾಗಾದ್ರೆ ಪ್ರೇಮ, ಹರ್ಷಿಕಾ ಪೂಣಚ್ಚ, ನಿಧಿ ಸುಬ್ಬಯ್ಯ, ಶುಭ್ರಾ ಅಯ್ಯಪ್ಪ ಸೇರಿದಂತೆ ಸಾಕಷ್ಟು ಮಂದಿ ಕೂರ್ಗ್ ನೆಲದಿಂದ ಬಂದವರೆಲ್ಲಾ ನಟಿಯರಲ್ಲವೇ..? ಅನ್ನೋ ಅಲೆ ಎದ್ದಿತ್ತು.
ಈ ಕುರಿತು ಹರ್ಷಿಕಾ ಪೂಣಚ್ಚ, ನಿಧಿ ಸುಬ್ಬಯ್ಯ ಎಲ್ಲಾ ನಮ್ಮ ಗ್ಯಾರಂಟಿ ನ್ಯೂಸ್ ಜೊತೆ ಎಕ್ಸ್‌ಕ್ಲೂಸಿವ್ ಆಗಿ ಮಾತನಾಡಿದ್ದು, ರಶ್ಮಿಕಾ ಮಂದಣ್ಣ ಹೇಳಿಕೆಯನ್ನ ಗಂಭೀರವಾಗಿ ಪರಿಗಣಿಸಿಲ್ಲ. ಬದಲಿಗೆ ನಮ್ಮ ಕಮ್ಯೂನಿಟಿಯಿಂದ ಹೋದ ಹೆಣ್ಮಗಳು ಇವತ್ತು ನ್ಯಾಷನಲ್ ಕ್ರಶ್ ಆಗಿ, ಸಿಕ್ಕಾಪಟ್ಟೆ ಬ್ಯುಸಿ ಇರೋದು ಹೆಮ್ಮೆ ತರಿಸುವಂಥದ್ದು. ನಾವು ಆಕೆಗೆ ಸಪೋರ್ಟೀವ್ ಆಗಿ ಇರ್ತೀವಿ ಅಂತ ರಶ್ಮಿಕಾ ಪರವೇ ಬ್ಯಾಟ್ ಬೀಸಿದ್ದಾರೆ.
ಅಂದಹಾಗೆ ನ್ಯಾಷನಲ್ ಲೆವೆಲ್‌ನಲ್ಲಿ ಕೊಡವ ಸಮಾಜವನ್ನು ಪ್ರತಿನಿಧಿಸ್ತಿರೋ ನಟಿ ರಶ್ಮಿಕಾನೇ ಇರಬಹುದು. ಅದೇ ಅರ್ಥದಲ್ಲಿ ಆಕೆ ಅದನ್ನ ಹೇಳಿರಬಹುದು ಅನ್ನೋದು ಮಡಿಕೇರಿ ಬ್ಯೂಟಿಯರ ಅಭಿಪ್ರಾಯವಾಗಿದೆ. ಅದೇನೇ ಆಗಲಿ, ಎಲ್ಲರೂ ನೆಗೆಟಿವ್ ಆಗಿ ಮಾತನಾಡುವಾಗ, ಕನ್ನಡದ ನಟಿಯರು ರಶ್ಮಿಕಾನ ಬಿಟ್ಟುಕೊಡದೇ ಇರೋದು ಇಂಟರೆಸ್ಟಿಂಗ್.
ಇನ್ನೂ ಸಕ್ಸಸ್‌‌ನ ಉತ್ತುಂಗದಲ್ಲಿರೋ ರಶ್ಮಿಕಾ ಮಂದಣ್ಣ, ಸೌತ್‌ನಿಂದ ಬಾಲಿವುಡ್‌‌ವರೆಗೆ ಎಲ್ಲಾ ಸೂಪರ್ ಸ್ಟಾರ್‌ಗಳ ಹಾರ್ಟ್ ಫೇವರಿಟ್ ಆಗಿದ್ದಾರೆ. ಈಕೆಗೆ ಅಂದ ಹಾಗೂ ಅದೃಷ್ಠ ಎರಡೂ ಕೈ ಹಿಡಿದಿವೆ. ಅದರಲ್ಲೂ ಇತ್ತೀಚೆಗೆ ತೆರೆಕಂಡ ಮೂರು ಸಿನಿಮಾಗಳಿಂದ ಸಾವಿರ ಕೋಟಿ ಕ್ಲಬ್‌ಗೆ ಸೇರಿಕೊಂಡಿದ್ದಾರೆ ರಶ್ಮಿಕಾ. ಹೌದು, ಬೇರೆ ಯಾವ ನಟಿಮಣಿಯರ ಸಿನಿಮಾಗಳೂ ಸಾವಿರ ಕೋಟಿ ಕ್ಲಬ್ ಸೇರದೇ ಇದ್ದಾಗ. ರಶ್ಮಿಕಾರ ಲೇಟೆಸ್ಟ್ ರಿಲೀಸ್ ಆದ ಸಿಕಂದರ್, ಕುಬೇರ ಹಾಗೂ ಛಾವಾ ಆರೇ ತಿಂಗಳಲ್ಲಿ ಸಾವಿರ ಕೋಟಿ ಗಳಿಸೋ ಮುಖೇನ ದಾಖಲೆ ಬರೆದಿವೆ.
ಜನ ಆಕೆಯನ್ನ ಬೈದಷ್ಟೂ, ಆಕೆಗೆ ಶಾಪ ಹಾಕಿದಷ್ಟೂ ಮತ್ತಷ್ಟು ಎತ್ತರಕ್ಕೆ ಬೆಳೆಯುತ್ತಾ ಹೋಗ್ತಿದ್ದಾರೆ. ಆಕೆ ಚೆನ್ನೈ ಶಾಲೆಯಲ್ಲಿ ಓದಿರಬಹುದು. ಹೈದ್ರಾಬಾದ್ ಸ್ಟಾರ್‌ನ ಮದ್ವೆ ಆಗಿ, ಅಲ್ಲಿಯೇ ಸೆಟಲ್ ಕೂಡ ಆಗಬಹುದು. ಕನ್ನಡ ಭಾಷೆಯನ್ನು ಸ್ಪಷ್ಟವಾಗಿ ಮಾತನಾಡದೇ ಇರಬಹುದು. ಆದ್ರೆ ರಶ್ಮಿಕಾ ಮೂಲ ಕೂರ್ಗ್. ನಮ್ಮ ಕರುನಾಡು. ಆಕೆ ಎಲ್ಲೇ ಇರಲಿ, ಹೇಗೇ ಇರಲಿ, ಏನೇ ಮಾತನಾಡಲಿ ನಮ್ಮ ಕನ್ನಡತಿ ಅಷ್ಟೇ.
