ರನ್ಯಾ ರಾವ್. ಸ್ಮಗ್ಲಿಂಗ್ ಬ್ಯೂಟಿ. ಈ ಹುಡುಗಿಯ ಕಥೆ ಎಲ್ಲವೂ ಇಂಟ್ರೆಸ್ಟಿಂಗ್. ಸ್ಮಗ್ಲಿಂಗ್ ಅಷ್ಟೇ ಅಲ್ಲ, ಪರ್ಸನಲ್ ಲೈಫ್ ಕೂಡಾ ಅಷ್ಟೇ ಇಂಟ್ರೆಸ್ಟಿಂಗ್. ತೊಡೆಯಲ್ಲಿ ಕೆಜಿಗಟ್ಟಲೆ ಚಿನ್ನ ಕದ್ದು ತಂದಿದ್ದ ನಟಿ, ಸಿಕ್ಕಿಬಿದ್ದಿದ್ದು ಎಷ್ಟು ರೋಚಕವೋ.. ಆಕೆಯ ಮದುವೆಯ ಕಥೆಯೂ ಅಷ್ಟೆ ರೋಚಕವಾಗಿದೆ.
ನಾವೆಲ್ಲ ರನ್ಯಾ ರಾವ್ ಅವರ ಮಲ ತಂದೆ ಡಿಜಿಪಿ ರಾಮಚಂದ್ರರಾವ್. ತಂದೆಯ ಹೆಸರು ಬಳಸಿ, ಪ್ರೋಟೋಕಾಲ್ ರಿಲ್ಯಾಕ್ಸ್ ತಗೊಂಡು ಏರ್ ಪೋರ್ಟಿನಲ್ಲಿ ಚಿನ್ನ ಕಳ್ಳಸಾಗಾಣಿಕೆ ಮಾಡ್ತಿದ್ದರು ಅನ್ನೋ ಕಥೆಯನ್ನಷ್ಟೇ ತಿಳ್ಕೊಂಡಿದ್ದೀವಿ. ಸದ್ಯಕ್ಕೆ ರಾಮಚಂದ್ರ ರಾವ್, ಕಂಪಲ್ಸರಿ ರಜೆಯ ಮೇಲಿದ್ದಾರೆ. ಇನ್ನು ರನ್ಯಾ ರಾವ್ ಅವರು ಸ್ಮಗ್ಲಿಂಗ್ ಮಾಡ್ತಿದ್ದಾರೆ ಅನ್ನೋ ಕ್ಲೂ ಕೊಟ್ಟಿದ್ದೇ ಪತಿ ಜತಿನ್ ಹುಕ್ಕೇರಿ ಅನ್ನೋ ಇನ್ನೊಂದು ಮಿಸ್ಟೀರಿಯಸ್ ಕಥೆನೂ ಇದೆ. ಇದೆಲ್ಲದರ ಮಧ್ಯೆ ರನ್ಯಾ ರಾವ್ ಅವರ ಮದುವೆಯ ರೋಚಕ ಸ್ಟೋರಿ ಇದು.
ರನ್ಯಾ ರಾವ್ ಅವರು ಜತಿನ್ ಹುಕ್ಕೇರಿ ಅನ್ನೋ ಬೆಳಗಾವಿಯ ಬಿಸಿನೆಸ್ ಮ್ಯಾನ್ ಜೊತೆ ಮದುವೆಯಾಗಿದ್ದಾರೆ. ಆದರೆ, ಈ ಮದುವೆಯೂ ಕೂಡಾ ಉಳಿಯೋ ಹಾಗಿಲ್ಲ. ಈ ಜತಿನ್ ಹುಕ್ಕೇರಿ, ಆರ್ಕಿಟೆಕ್ಟ್. ಯುಕೆ ಮೂಲದ ಕಂಪೆನಿಯೊಂದರಲ್ಲಿ ದೊಡ್ಡ ಹುದ್ದೆಯಲ್ಲಿದ್ದಾರೆ. ಇದೆಲ್ಲದರ ಮಧ್ಯೆ ಜತಿನ್ ಹುಕ್ಕೇರಿ, ರಮ್ಯಾ ಕಾಂಟ್ಯಾಕ್ಟಿಗೆ ಬಂದಿದ್ದೇ ರೋಚಕ.
ರನ್ಯಾ ರಾವ್ ಅವರು ಮದುವೆ ಬ್ರೋಕರ್ ಏಜೆನ್ಸಿ ಮೂಲಕ, ಜತಿನ್ ಹುಕ್ಕೇರಿ ಅವರನ್ನ ಮೊದಲಿಗೆ ಪರಿಚಯ ಮಾಡ್ಕೊಳ್ತಾರೆ. ಆ ಡೇಟ್, ಅಕ್ಟೋಬರ್ 6, 2024. ಆ ಭೇಟಿ ಆಗೋದು ವೈಲ್ಡ್ ಫೋಟೋಗ್ರಫಿ ಜರ್ನಿಯಲ್ಲಿ. ಕರ್ನಾಟಕದ ಒಂದು ಅಭಯಾರಣ್ಯದಲ್ಲಿ ಇಬ್ಬರೂ ಪರಸ್ಪರ ಮೀಟ್ ಆದ್ರು ಅನ್ನೋದು ಸದ್ಯಕ್ಕೆ ಗೊತ್ತಾಗುತ್ತಿರುವ ಮಾಹಿತಿ.
ಅದಾಗಿ ಸರಿಯಾದ 21 ದಿನಕ್ಕೆ ಎಂಗೇಜ್ಮೆಂಟ್ ಆಗುತ್ತೆ. ಅಕ್ಟೋಬರ್ 27ನೇ ತಾರೀಕು ನಿಶ್ಚಿತಾರ್ಥ ಆಗಿದೆ. ನವೆಂಬರ್ 27ಕ್ಕೆ, ಅಂದ್ರೆ ನಿಶ್ಚಿತಾರ್ಥ ಆದ ಕರೆಕ್ಟ್ ಆಗಿ ಒಂದು ತಿಂಗಳಿಗೆ ತಾಜ್ ವೆಸ್ಟ್ ಎಂಡಿನಲ್ಲಿ ನವೆಂಬರ್ 27ನೇ ತಾರೀಕು ಮದುವೆ ಆಗಿದೆ. ಈ ಮದುವೆ ಆಗಿ ಒಂದೂವರೆ ತಿಂಗಳಿಗೆ ಡಿವೋರ್ಸ್ ನೋಟಿಸ್ ಬಂದಿದೆ. ಸದ್ಯಕ್ಕೀಗ ಡಿವೋರ್ಸ್ ಆಗಿಲ್ಲ. ನೋಟಿಸ್ ಹಂತದಲ್ಲೇ ಇದೆ.
ಆ ಮದುವೆಗೆ ಸಿಎಂ ಸಿದ್ದರಾಮಯ್ಯ, ಡಿಕೆ ಶಿವಕುಮಾರ್ ಅವರೂ ಹೋಗಿದ್ರು. ವೈರಲ್ ಆಗ್ತಿರೋ ಫೋಟೋಗಳು ಹೇಳ್ತಿರೋ ಕಥೆಗಳು ಇವು. ಅದರಲ್ಲೇನೂ ತಪ್ಪಿಲ್ಲ. ಡಿಜಿಪಿಯೊಬ್ಬರ ಮಗಳ ಮದುವೆಗೆ ಸಿಎಂ, ಡಿಸಿಎಂ, ಹೋಮ್ ಮಿನಿಸ್ಟರ್ ಹೋಗಿರೋದ್ರಲ್ಲಿ ಮಿಸ್ಟೇಕ್ ಏನೂ ಇಲ್ಲ.
ಆ ಮದುವೆಯಾದ ಇನ್ನೊಂದು ತಿಂಗಳಿಗೆ, ಈಕೆಯ ತಮ್ಮ ರುಷುಬ್, ಜಯಮಾಲ ಅವರ ಮಗಳು ಸೌಂದರ್ಯ ಅವರ ಜೊತೆ ಮದುವೆ ಮಾಡ್ಕೊಳ್ತಾರೆ. ಅಂದ್ರೆ, ರನ್ಯಾ ಅವರ ಬ್ರದರ್, ಜಯಮಾಲಾ ಅವರ ಅಳಿಯ.
ಜಯಮಾಲಾ ಅವರ ಪರಿಚಯ, ಎಂಗೇಜ್ಮೆಂಟ್, ಮ್ಯಾರೇಜ್, ಡಿವೋರ್ಸ್ ಸ್ಪೀಡ್ ನೋಡ್ತಾ ಇದ್ರೆ, ರನ್ಯಾ ರಾವ್ ಅವರು ವೇಗವಾಗಿ ದುಡ್ಡು ಮಾಡೋ ಆಸೆಗೆ ಬಿದ್ದು, ಸ್ಮಗ್ಲಿಂಗ್ ಗ್ಯಾಂಗ್ ಸುಳಿಗೆ ಸಿಕ್ಕೊಂಡ್ರಾ ಅನ್ನೋದು ಅನುಮಾನ. ಇದನ್ನೆಲ್ಲ ನೋಡ್ತಿದ್ರೆ, ರನ್ಯಾ ಅವರು ತೊಡೆಗಳಲ್ಲಿ 14.8 ಕೆಜಿ ಚಿನ್ನವನ್ನ ಇಟ್ಕೊಂಡು ಬಂದಿದ್ರು ಅನ್ನೋ ಕಥೆ ನೋಡ್ತಿದ್ರೆ, ರನ್ಯಾ ರಾವ್ ಅವರಿಗೆ ಇದು ಮೊದಲ ಸ್ಮಗ್ಲಿಂಗ್ ಅಲ್ಲ ಅನ್ನೋದು ತನಿಖಾಧಿಕಾರಿಗಳ ಡೌಟು. ಒಟ್ಟಿನಲ್ಲಿ ರನ್ಯಾ ರಾವ್ ಈಗ ಜೈಲ್ ಬರ್ಡ್.
