ಬಾಕ್ಸ್ ಆಫೀಸ್ ಧೂಳೆಬ್ಬಿಸೋಕೆ ಸಜ್ಜಾಗಿರೋ ‘ರಾಮಾಯಣ: ಪಾರ್ಟ್ 1’ ಸಿನಿಮಾದಿಂದ ಈಗ ಸಿಕ್ಕಾಪಟ್ಟೆ ಕಿಕ್ ಕೊಡುವ ಸುದ್ದಿಯೊಂದು ಹೊರಬಿದ್ದಿದೆ. ಹೌದು, ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್ಸ್ ‘ಶ್ರೀರಾಮ’ ರಣ್ಬೀರ್ ಕಪೂರ್ ಮತ್ತು ‘ಲಂಕೇಶ ರಾವಣ’ ಯಶ್, ಈಗ ಫ್ಯಾನ್ಸ್ ಮೀಟ್ ಅಪ್ ಮಾಡಲು ನೇರವಾಗಿ ಅಖಾಡಕ್ಕೆ ಇಳಿತಿದ್ದಾರೆ. ದೇಶದ ರಾಜಧಾನಿ ದೆಹಲಿಯಿಂದ ಹಿಡಿದು ನಮ್ಮ ‘ರಾಕಿ ಭಾಯ್’ ಸಾಮ್ರಾಜ್ಯ ಬೆಂಗಳೂರಿನವರೆಗೂ ಫ್ಯಾನ್ಸ್ ಮೀಟ್ ಧಮಾಕಾ ನಡೆಯಲಿದೆ. ಹಾಗಾದ್ರೆ ಯಾವಾಗ, ಎಲ್ಲೆಲ್ಲಿ ಈ ಬಿಗ್ ಈವೆಂಟ್ ನಡೆಯಲಿದೆ? ಇಲ್ಲಿದೆ ಕಂಪ್ಲೀಟ್ ಅಪ್ಡೇಟ್.
- ರಾಮಾಯಣ ಬಿಗ್ ಸರ್ಪ್ರೈಸ್..ರಾಮ-ರಾವಣ ಫ್ಯಾನ್ಸ್ ಮೀಟ್ಗೆ ರೆಡಿ
- ದೆಹಲಿ ಟು ಬೆಂಗಳೂರು.. ರಾಮಾಯಣ ಪ್ರಚಾರದ ಬ್ಲೂ ಪ್ರಿಂಟ್ ಔಟ್
- ಅ.31 ದೆಹಲಿಯಲ್ಲಿ ರಾಮನ ದರ್ಶನ, ನ. 1 ಬೆಂಗಳೂರಲ್ಲಿ ರಾವಣನ ಆರ್ಭಟ
- ತವರು ನೆಲದಲ್ಲಿ ರಾಕಿಭಾಯ್..ಕನ್ನಡ ರಾಜ್ಯೋತ್ಸವಕ್ಕೆ ಫ್ಯಾನ್ ಮೀಟ್..!
ದೀಪಾವಳಿ ಹಬ್ಬಕ್ಕೆ ರಿಲೀಸ್ ಆಗ್ತಿರೋ ರಾಮಾಯಣ ಮಹಾಕಾವ್ಯದ ಪ್ರಚಾರಕ್ಕೆ ಮೊದಲ ಕಹಳೆ ಮೊಳಗುವುದು ದೇಶದ ರಾಜಧಾನಿ ದೆಹಲಿಯಲ್ಲಿ. ಅಕ್ಟೋಬರ್ 31 ರಂದು ದೆಹಲಿಯಲ್ಲಿ ಬೃಹತ್ ಫ್ಯಾನ್ಸ್ ಮೀಟ್ ನಡೆಯಲಿದ್ದು, ಸ್ವತಃ ರಣ್ಬೀರ್ ಕಪೂರ್ ಮುಂಚೂಣಿಯಲ್ಲಿ ನಿಂತು ಉತ್ತರ ಭಾರತದ ಅಭಿಮಾನಿಗಳನ್ನು ಭೇಟಿಯಾಗಲಿದ್ದಾರೆ. ಬೆಳ್ಳಿಪರದೆಯ ಮೇಲೆ ‘ಶ್ರೀರಾಮ’ನಾಗಿ ಕಂಗೊಳಿಸಲಿರುವ ರಣ್ಬೀರ್, ತಮ್ಮ ಪಾತ್ರದ ಅನುಭವ ಹಾಗೂ ಸಿನಿಮಾದ ಮೇಕಿಂಗ್ ಹೈಲೈಟ್ಸ್ಗಳನ್ನು ದೆಹಲಿಯ ಸಾವಿರಾರು ಕಣ್ಣುಗಳ ಮುಂದೆ ಬಿಚ್ಚಿಡಲಿದ್ದಾರೆ
ದೆಹಲಿಯ ಅಬ್ಬರ ಮುಗಿಯುತ್ತಿದ್ದಂತೆಯೇ, ಮರುದಿನ ಅಂದರೆ ನವೆಂಬರ್ 1 ರಂದು ಕನ್ನಡ ರಾಜ್ಯೋತ್ಸವದಂದು ಕರುನಾಡಿನ ರಾಜಧಾನಿ ಬೆಂಗಳೂರಿನಲ್ಲಿ ‘ರಾವಣ’ನ ಎಂಟ್ರಿ ಆಗಲಿದೆ. ನಮ್ಮ ಹೆಮ್ಮೆಯ ರಾಕಿ ಭಾಯ್ ಯಶ್, ನವೆಂಬರ್ 1 ರಂದು ಬೆಂಗಳೂರಿನಲ್ಲಿ ನಡೆಯಲಿರುವ ಗ್ರ್ಯಾಂಡ್ ಫ್ಯಾನ್ ಮೀಟ್ನಲ್ಲಿ ಭಾಗವಹಿಸಿ ಅಭಿಮಾನಿಗಳಿಗೆ ದರ್ಶನ ನೀಡಲಿದ್ದಾರೆ. ತವರು ನೆಲದಲ್ಲಿ ಯಶ್ ಮಾಡಲಿರುವ ಈ ಪ್ರಚಾರ, ಸೌತ್ ಇಂಡಿಯಾದಲ್ಲಿ ‘ರಾಮಾಯಣ’ ಕ್ರೇಜ್ ಅನ್ನು ನೆಕ್ಸ್ಟ್ ಲೆವೆಲ್ಗೆ ತೆಗೆದುಕೊಂಡು ಹೋಗುವುದರಲ್ಲಿ ಡೌಟೇ ಇಲ್ಲ.
ದೆಹಲಿ ಮತ್ತು ಬೆಂಗಳೂರು ಮಾತ್ರವಲ್ಲ, ‘ರಾಮಾಯಣ’ ಟೀಮ್ ನಜರ್ ಈಗ ಟಾಲಿವುಡ್ ಅಂಗಳದ ಮೇಲೆಯೂ ಇದೆ. ಹೈದರಾಬಾದ್ನಲ್ಲಿ ಸಿನಿಮಾ ರಿಲೀಸ್ಗೆ ಜಸ್ಟ್ ಒಂದು ದಿನ ಮುಂಚೆ ಬೃಹತ್ ಮಟ್ಟದ ಮಹಾ ಸಮಾವೇಶ ನಡೆಸಲು ಪ್ಲಾನ್ಸ್ ನಡೀತಿದೆ. ಬರೋಬ್ಬರಿ 4,000ಕ್ಕೂ ಹೆಚ್ಚು ಪ್ರೇಕ್ಷಕರು ಮತ್ತು ಅಭಿಮಾನಿಗಳು ಒಂದೇ ಸೂರಿನಡಿ ಸೇರಲಿದ್ದು, ದಕ್ಷಿಣ ಭಾರತದಲ್ಲೂ ಈ ಚಿತ್ರಕ್ಕೆ ಅಭೂತಪೂರ್ವ ಓಪನಿಂಗ್ ಸಿಗುವಂತೆ ಮಾಡಲು ಪ್ರೊಡಕ್ಷನ್ ಹೌಸ್ ‘ಪ್ರೈಮ್ ಫೋಕಸ್’ ಮತ್ತು ‘ಸೋನಿ ಪಿಕ್ಚರ್ಸ್’ ಹೈ-ವೋಲ್ಟೇಜ್ ಪ್ಲಾನ್ ರೂಪಿಸಿವೆ.
ಇಷ್ಟು ದಿನ ಸಿನಿಮಾದ ಪೋಸ್ಟರ್, ಟೀಸರ್ ನೋಡಿ ಜೈ ಅಂದಿದ್ದ ಫ್ಯಾನ್ಸ್ಗೆ, ಈಗ ತಮ್ಮ ನೆಚ್ಚಿನ ಸ್ಟಾರ್ಸ್ ಅನ್ನು ಕಣ್ಣುಂಬಿಕೊಳ್ಳುವ ಗೋಲ್ಡನ್ ಚಾನ್ಸ್ ಸಿಕ್ಕಿದೆ. ಶ್ರೀರಾಮನಾಗಿ ಸೌಮ್ಯ ಹಾಗೂ ತೇಜಸ್ವಿ ಲುಕ್ನಲ್ಲಿ ರಣ್ಬೀರ್, ಇತ್ತ ರಾವಣನಾಗಿ ಕಂಪ್ಲೀಟ್ ರಗಡ್ ಹಾಗೂ ರುದ್ರಾವತಾರದಲ್ಲಿ ಯಶ್ ಕಾಣಿಸಿಕೊಂಡಿರುವುದು ಅಭಿಮಾನಿಗಳಲ್ಲಿ ಗೂಸ್ಬಂಪ್ಸ್ ತರಿಸಿದೆ. ಪ್ರಚಾರದ ಕಡೆ ಹಂತದಲ್ಲಿ ಈ ಇಬ್ಬರು ಸೂಪರ್ಸ್ಟಾರ್ಸ್ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ನವೆಂಬರ್ 6, 2026 ಕ್ಕೆ ಜಾಗತಿಕವಾಗಿ ಐಮ್ಯಾಕ್ಸ್ ಸ್ಕ್ರೀನ್ಗಳಲ್ಲಿ ‘ರಾಮಾಯಣ ಪಾರ್ಟ್ 1’ ತೆರೆಕಾಣಲಿದೆ. ಅದಕ್ಕೂ ಮುನ್ನ ನಡೆಯಲಿರುವ ಈ ದೆಹಲಿ, ಬೆಂಗಳೂರು ಹಾಗೂ ಹೈದರಾಬಾದ್ನ ಫ್ಯಾನ್ ಮೀಟ್ಗಳು ಸಿನಿಮಾಗೆ ಭಾರಿ ಪ್ರಮಾಣದ ಹೈಪ್ ಕ್ರಿಯೇಟ್ ಮಾಡಲಿವೆ. ಹಾಲಿವುಡ್ ಲೆವೆಲ್ನ ವಿಎಫ್ಎಕ್ಸ್, ಬಿಗ್ ಸ್ಟಾರ್ ಕ್ಯಾಸ್ಟಿಂಗ್ ಮತ್ತು ಈ ಮಾಸ್ ಫ್ಯಾನ್ ಮೀಟ್ಗಳ ಪ್ರಚಾರದ ಅಲೆಯು ‘ರಾಮಾಯಣ’ವನ್ನು ಭಾರತೀಯ ಚಿತ್ರರಂಗದ ಸರ್ವಶ್ರೇಷ್ಠ ಬ್ಲಾಕ್ಬಸ್ಟರ್ ಮಾಡುವುದು ಖಚಿತ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
