ಸೂಪರ್ ಸ್ಟಾರ್ ರಜನೀಕಾಂತ್, ಉಪೇಂದ್ರ, ನಾಗಾರ್ಜುನ್, ಶ್ರುತಿ ಹಾಸನ್, ಆಮೀರ್ ಖಾನ್ ಹಾಗೂ ಪೂಜಾ ಹೆಗ್ಡೆ ನಟನೆಯ ಕೂಲಿ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಹೌದು.. ಇತ್ತೀಚೆಗೆ ಚಿತ್ರೀಕರಣ ಮುಗಿದಿರೋ ಖುಷಿಯಲ್ಲಿ ಸ್ವತಃ ನಿರ್ಮಾಣ ಸಂಸ್ಥೆ ಸನ್ ಪಿಕ್ಚರ್ಸ್, ವಿಡಿಯೋ ಸಮೇತ ವ್ರ್ಯಾಪಪ್ ದೃಶ್ಯವನ್ನು ಹಂಚಿಕೊಂಡಿದೆ.
ಅಂದಹಾಗೆ ಈ ಸಿನಿಮಾ ಕಂಪ್ಲೀಟ್ ಆಗಿರೋದು ಜಸ್ಟ್ 160 ದಿನದಲ್ಲಿ ಅಂದ್ರೆ ನೀವು ನಂಬಲೇಬೇಕು. ಅರೇ.. ಇಷ್ಟು ಮಂದಿ ಬಹುಭಾಷಾ ಸೂಪರ್ ಸ್ಟಾರ್‌‌‌‌‌ಗಳನ್ನ ಇಟ್ಕೊಂಡ್ ಕೇವಲ ಐದು ತಿಂಗಳಲ್ಲಿ ಇಂಥದ್ದೊಂದು ಬಿಗ್ ಬಜೆಟ್ ಸಿನಿಮಾನ ಮುಗಿಸೋಕೆ ಹೇಗೆ ಸಾಧ್ಯ ಆಯ್ತು ಅಂತ ಹುಬ್ಬೇರಿಸಬೇಡಿ. ಅದರ ಹಿಂದಿನ ಒನ್ ಅಂಡ್ ಓನ್ಲಿ ಮಾಸ್ಟರ್ ಮೈಂಡ್ ಅಂದ್ರೆ ಕ್ಯಾಪ್ಟನ್ ಆಫ್ ದಿ ಶಿಪ್ ಲೋಕೇಶ್ ಕನಕರಾಜ್.
ಲೋಕೇಶ್ ಕನಕರಾಜ್ ಮಾಡಿರೋ ಬಹುತೇಕ ಎಲ್ಲಾ ಸಿನಿಮಾಗಳು ಬಿಗ್ ಸ್ಟಾರ್‌‌‌‌‌ಗಳ ಬಿಗ್ ಬಜೆಟ್ ಹಾಗೂ ಬಿಗ್ ಸ್ಕೇಲ್ ಮೂವಿಗಳೇ. ಎಲ್ಲರಂತೆ ಇವರಿಗೂ ತಮ್ಮ ಸಿನಿಮಾಗಳು ಬಿಗ್ ಹಿಟ್ ಆಗಲಿ, ನಿರ್ಮಾಪಕರಿಗೆ ಒಳ್ಳೆಯ ಲಾಭ ತಂದುಕೊಡಲಿ ಅನ್ನೋ ತುಡಿತ ಇರಲಿದೆ. ನಿರ್ಮಾಪಕರ ಹಣ ಹಾಗೂ ಕಲಾವಿದರು- ತಂತ್ರಜ್ಞರ ಸಮಯಕ್ಕೆ ಇವರು ತುಂಬಾ ಬೆಲೆ ಕೊಡ್ತಾರೆ. ಅದೇ ಕಾರಣದಿಂದ ಪ್ಯಾನ್ ಇಂಡಿಯಾ ಸಿನಿಮಾಗಳನ್ನ ಮಾಡೋ ಡೈರೆಕ್ಟರ್‌‌‌ಗಳಲ್ಲಿ ಅತಿ ಬೇಗ ಸಿನಿಮಾಗಳ ಶೂಟಿಂಗ್ ಕಂಪ್ಲೀಟ್ ಮಾಡೋ ಡೈರೆಕ್ಟರ್ ಅನ್ನೋ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಹಾಗಾದ್ರೆ ಯಾವ್ಯಾವ ಚಿತ್ರಕ್ಕೆ ಎಷ್ಟು ದಿನ ಶೂಟಿಂಗ್ ಮಾಡಿದ್ರು ಲೋಕೇಶ್ ಕನಕರಾಜ್ ಅಂತ ನೋಡಿದ್ರೆ.. ಕಾರ್ತಿ ನಟನೆಯ ಕೈದಿ ಸಿನಿಮಾ ಕೇವಲ 62 ದಿನದಲ್ಲಿ ಚಿತ್ರೀಕರಣ ಮುಗಿಸಿದ್ರಂತೆ. ದಳಪತಿ ವಿಜಯ್ ಅಭಿನಯದ ಮಾಸ್ಟರ್ ಸಿನಿಮಾನ 129 ದಿನದಲ್ಲಿ ಕಂಪ್ಲೀಟ್ ಮಾಡಿದ್ರಂತೆ.
ಇನ್ನು ಕಮಲ್ ಹಾಸನ್, ವಿಜಯ್ ಸೇತುಪತಿ ಹಾಗೂ ಫಹದ್ ಫಾಸಿಲ್ ಅಂತಹ ಮಲ್ಟಿ ಸ್ಟಾರರ್ ಮೂವಿ ವಿಕ್ರಮ್‌‌‌‌ನ ಜಸ್ಟ್ 110 ಡೇಸ್‌‌‌‌ನಲ್ಲಿ ಚಿತ್ರೀಕರಿಸಿದ್ದರಂತೆ ಲೋಕೇಶ್ ಕನಕರಾಜ್. ಒನ್ಸ್ ಅಗೈನ್ ದಳಪತಿ ವಿಜಯ್ ನಟನೆಯ ಲಿಯೋ ಸಿನಿಮಾನ ಬಾಲಿವುಡ್‌‌‌ನ ಬಡೇ ಭಾಯಿಜಾನ್ ಸಂಜಯ್ ದತ್ ಸಮೇತ 125 ದಿನದಲ್ಲಿ ಸೆರೆ ಹಿಡಿದ ಗರಿಮೆ ಈ ಡೈರೆಕ್ಟರ್‌‌‌ಗೆ ಸಲ್ಲುತ್ತದೆ.
ಇದು ನಿಜಕ್ಕೂ ಒಬ್ಬ ಅದ್ಭುತ ಟೆಕ್ನಿಷಿಯಸ್‌‌‌‌ಗೆ ಕೆಲಸ ಮೇಲೆ ಇರೋ ಬದ್ಧತೆ, ಆತನ ಹಾರ್ಡ್ ವರ್ಕ್ ಹಾಗೂ ಎಫಿಷಿಯೆನ್ಸಿಯನ್ನ ಎತ್ತಿ ತೋರಿಸುತ್ತೆ. ಬೇಗ ಶೂಟಿಂಗ್ ಮಾಡೋದ್ರಿಂದ ಸಿನಿಮಾಗಳ ಕ್ವಾಲಿಟಿಗೆ ಪೆಟ್ಟಾಗುತ್ತೆ. ಇವರ ಎಲ್ಲಾ ಚಿತ್ರಗಳು ಕಮರ್ಷಿಯಲ್‌ ಬಿಗ್ ಬ್ಲಾಕ್ ಬಸ್ಟರ್ ಹಿಟ್ಸ್. ಮೇಕಿಂಗ್‌‌‌ನಲ್ಲೂ ಒಂದು ಫ್ರೆಶ್ ಫೀಲ್ ಕೊಡ್ತಾರೆ.
ಮೈ ಝುಮ್ಮೆನಿಸೋ ಸಾಹಸ ದೃಶ್ಯಗಳು ಇವರ ಚಿತ್ರಗಳ ಸೆಂಟರ್ ಆಫ್ ಅಟ್ರ್ಯಾಕ್ಷನ್. ಇತರೇ ಡೈರೆಕ್ಟರ್‌‌‌ಗಳಿಗೆ ಇದು ಯಾಕೆ ಸಾಧ್ಯವಾಗ್ತಿಲ್ಲ..? ಪ್ಲ್ಯಾನಿಂಗ್ ಪಕ್ಕಾ ಮಾಡ್ಕೊಂಡು, ಕಲಾವಿದರ ಡೇಟ್ಸ್ ಹೊಂದಿಸಿಕೊಂಡು, ಹಗಲಿರುಳು ಸಿನಿಮಾ ಮೇಲೆ ಫೋಕಸ್ ಮಾಡಿದ್ರೆ ಎಲ್ಲವೂ ಅಂದುಕೊಂಡಂತೆ ಆಗಲಿದೆ.
ಸದ್ಯ ಕನಿಷ್ಟ ವರ್ಷ ಗರಿಷ್ಟ ನಾಲ್ಕೈದು ವರ್ಷ ತಗೊಂಡು ಸಿನಿಮಾ ಮೇಕಿಂಗ್ ಮಾಡೋ ಡೈರೆಕ್ಟರ್‌‌‌ಗಳಿಗೆ ಇವರು ಒಂಥರಾ ರೋಲ್ ಮಾಡೆಲ್ ಆಗಿದ್ದಾರೆ. ಇವರ ಕಾರ್ಯ ನಿಷ್ಠೆ ಹಾಗೂ ಕಾರ್ಯ ಬದ್ಧತೆಗೆ ಇಡೀ ಚಿತ್ರರಂಗ ಭೇಷ್ ಅಂತಿದೆ. ಇಂತಹ ಡೈರೆಕ್ಟರ್‌‌‌ಗಳಿದ್ರೆ ಚಿತ್ರರಂಗ ಕೂಡ ಏಳಿಗೆ ಆಗಲಿದೆ. ಇವರನ್ನ ಜಾಸ್ತಿ ಕಾಲಾವಕಾಶ ತಗೊಂಡು ಸಿನಿಮಾ ಮಾಡೋರು ನೋಡಿ ಕಲಿಯಲಿ ಅನ್ನೋದು ನಮ್ಮ ಆಶಯ.
