ರೇಣುಕಾಸ್ವಾಮಿ ಮರ್ಡರ್ ಕೇಸ್‌‌ನಲ್ಲಿ ಪರಪ್ಪನ ಅಗ್ರಹಾರ ಸೇರಿರೋ ನಟ ಪವಿತ್ರಾ ಗೌಡ ಮಾಜಿ ಗಂಡ ಸಂಜಯ್ ಸಿಂಗ್ ನಿಧನರಾಗಿದ್ದಾರಂತೆ. ಹೀಗೊಂದು ಸುದ್ದಿ ಸದ್ಯ ಎಲ್ಲೆಡೆ ಸಂಚಲನ ಮೂಡಿಸಿದೆ. ಇಷ್ಟಕ್ಕೂ ಸಂಜಯ್ ಸಿಂಗ್‌‌ಗೆ ಏನಾಗಿತ್ತು..? ಯಾವಾಗ ತೀರಿಕೊಂಡರು..? ಈ ಕುರಿತ ಶಾಕಿಂಗ್ ನ್ಯೂಸ್ ಇಲ್ಲಿದೆ ನೋಡಿ.
- ನಟಿ ಪವಿತ್ರಾ ಗೌಡ ಮಾಜಿ ಪತಿ ಸಂಜಯ್ ಸಿಂಗ್ ನಿಧನ..?!
- ಏಳೆಂಟು ತಿಂಗಳ ಬಳಿಕ ತಡವಾಗಿ ಬೆಳಕಿಗೆ ಬಂದ ಪ್ರಕರಣ..!!
- ಬೆಂಗಳೂರಿಗೆ ಬಂದು ಹೋದ್ಮೇಲೆ ಸಂಜಯ್‌‌‌ಗೆ ಏನಾಯ್ತು..?
- ಡಿವೋರ್ಸ್ ನಂತ್ರ ಕುಡಿತಕ್ಕೆ ದಾಸ.. ಪತ್ನಿ ಜೈಲಲ್ಲಿದ್ದಾಗ್ಲೇ ಸಾವು
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪರಮಾಪ್ತ ಗೆಳತಿ ಪವಿತ್ರಾ ಗೌಡ ಸದ್ಯ ಜೈಲಲ್ಲಿ ಮುದ್ದೆ ಮುರಿಯುತ್ತಿದ್ದಾರೆ. ರೇಣುಕಾಸ್ವಾಮಿ ಮಾಡಿದ ಮೆಸೇಜ್‌ನಿಂದ ಕುಪಿತಗೊಂಡ ಪವಿತ್ರಾ ಮಾಡಿದ ಅದೊಂದು ಅಪವಿತ್ರ ಕೆಲಸದಿಂದಾಗಿ ಕನ್ನಡದ ಪ್ರಖ್ಯಾತ ನಟ ದರ್ಶನ್ ಕೂಡ ಜೈಲು ಪಾಲಾಗುವಂತಾಯ್ತು. ಬೇಲ್ ಇಲ್ಲದೆ, ಬಿಡುಗಡೆಯೂ ಇಲ್ಲದೆ ಸಮಸ್ಯೆಗಳ ಸಾಗರದ ಸುಳಿಗೆ ಸಿಲುಕಿರೋ ಪವಿತ್ರಾ ಗೌಡಗೆ ಮತ್ತೊಂದು ಆಘಾತದ ಸುದ್ದಿ ಹೊರಬಿದ್ದಿದೆ.
ಪವಿತ್ರಾ ಗೌಡ ಮಾಜಿ ಪತಿ ಸಂಜಯ್ ಸಿಂಗ್ ಮೃತಪಟ್ಟಿದ್ದಾರೆ ಎನ್ನಲಾಗ್ತಿದೆ. ಅದೂ ಇತ್ತೀಚೆಗೆ ಅಲ್ಲ. ಬರೋಬ್ಬರಿ ಏಳೆಂಟು ತಿಂಗಳ ಹಿಂದೆಯೇ ಅವರು ಇಹಲೋಕ ತ್ಯಜಿಸಿದ್ದಾರೆ ಅನ್ನೋದು ಶಾಕಿಂಗ್ ನ್ಯೂಸ್. ಹೌದು.. ರಾಜಸ್ಥಾನ ಮೂಲದ ಸಂಜಯ್ ಸಿಂಗ್ ಕುಟುಂಬ ಒಂದು ಸ್ಕೂಲ್ ಕೂಡ ನಡೆಸುತ್ತಿತ್ತು. ರೇಣುಕಾಸ್ವಾಮಿ ಕೊಲೆ ಪ್ರಕರಣ ನಡೆದು, ಪವಿತ್ರಾ ಜೈಲು ಪಾಲಾದ ಬಳಿಕ ಒಮ್ಮೆ ಬೆಂಗಳೂರಿಗೆ ಆಗಮಿಸಿದ್ರು ಸಂಜಯ್. ಆಗ ಮಾಧ್ಯಮಗಳ ಮುಂದೆ ಪವಿತ್ರಾ ಗೌಡ ವ್ಯಕ್ತಿತ್ವ, ಆಕೆಯೊಂದಿಗಿನ ಸಹಬಾಳ್ವೆ, ಮಗಳು, ವಿಚ್ಚೇದನ.. ಹೀಗೆ ಸಾಕಷ್ಟು ವಿಷಯಗಳ ಬಗ್ಗೆ ಮುಕ್ತವಾಗಿ ಮಾತನಾಡಿದ್ರು.
ಆದ್ರೆ ಸಂಜಯ್ ಸಿಂಗ್ ಮಾತ್ರ ಪವಿತ್ರಾ ಗೌಡಗೆ ಹಾಲಿ ಗಂಡನಾಗಿರಲಿಲ್ಲ. ಡಿವೋರ್ಸ್ ಆಗಿ ಸಾಕಷ್ಟು ವರ್ಷಗಳೇ ಕಳೆದು ಹೋಗಿದೆ. ಅವರೇ ಹೇಳಿಕೊಂಡಂತೆ 2007-08ರ ಆಸುಪಾಸಿನಲ್ಲಿ ಪರಸ್ಪರ ಪ್ರೀತಿಸಿ, ಮದುವೆಯಾಗಿದ್ದ ಸಂಜಯ್ ಸಿಂಗ್-ಪವಿತ್ರಾ ಗೌಡ ದಂಪತಿಗೆ ಒಂದು ಹೆಣ್ಣು ಮಗು ಕೂಡ ಇದೆ. 2011ರಲ್ಲೇ ಪವಿತ್ರಾ ತನ್ನ ಗಂಡ ಸಂಜಯ್‌‌ರಿಂದ ವಿಚ್ಚೇದನ ಪಡೆದು ದೂರವಾಗಿದ್ರು. ಹೆಂಡ್ತಿ ಬಲವಂತವಾಗಿ ಡಿವೋರ್ಸ್ ಪಡೆದರು ಅಂತ ಅದೇ ಕೊರಗಲ್ಲಿ ಕುಡಿತದ ಚಟಕ್ಕೆ ದಾಸನಾಗಿದ್ದ ಸಂಜಯ್ ಸಿಂಗ್, ಕೊನೆಗೇ ಅದೇ ಚಟ್ಟ ಏರುವಂತೆ ಮಾಡಿರೋದು ದುರ್ದೈವ.
ಸಂಜಯ್ ಸಿಂಗ್ ಮದ್ಯಕ್ಕೆ ದಾಸನಾಗಿ, ಸಿಕ್ಕಾಪಟ್ಟೆ ಕುಡಿಯುತ್ತಿದ್ದು, ಅದೇ ಕಾರಣದಿಂದ ಅನಾರೋಗ್ಯಕ್ಕೆ ತುತ್ತಾಗಿ, ಚಿಕಿತ್ಸೆ ಕೂಡ ಪಡೆಯುತ್ತಿದ್ದರು ಎನ್ನಲಾಗಿದೆ. ಕೊನೆಗೆ ಚಿಕಿತ್ಸೆ ಫಲಕಾರಿ ಆಗದೆ ಆತ ಇಹಲೋಕ ತ್ಯಜಿಸಿದ್ರು ಅನ್ನೋದು ಸದ್ಯದ ಟಾಕ್. ಆದ್ರೆ ಅಸಲಿಗೆ ಸಂಜಯ್ ಸಿಂಗ್ ಸಾವಿಗೆ ಅದೇ ಕಾರಣವಾಯ್ತಾ ಅಥ್ವಾ ಬೇರೆ ಏನಾದ್ರೂ ರೀಸನ್ ಇದೆಯಾ ಅನ್ನೋ ಅನುಮಾನ ಕೂಡ ಇದೆ. ಸಾಲು ಸಾಲು ಸಮಸ್ಯೆಗಳ ಸರಮಾಲೆಯ ಸುಳಿಗೆ ಸಿಲುಕಿರೋ ಪವಿತ್ರಾ ಗೌಡಗೆ.. ಆಕೆ ಜೈಲಲ್ಲಿ ಇದ್ದಾಗಲೇ ಮಾಜಿ ಗಂಡ ಮೃತಪಟ್ಟಿರೋದು ನಿಜಕ್ಕೂ ಆಘಾತಕಾರಿ ಸುದ್ದಿ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
