ನ್ಯಾಚುರಲ್ ಸ್ಟಾರ್ ನಾನಿ ಸಿಕ್ಕಾಪಟ್ಟೆ ವೈಲೆಂಟ್ ಆಗಿದ್ದಾರೆ. ಅದ್ಯಾಕೋ ಅರ್ಜುನ್ ರೆಡ್ಡಿ, ಅನಿಮಲ್, ಮಾರ್ಕೋ ರೋಲ್‌‌ಗಳನ್ನ ಮೀರಿಸೋ ರೇಂಜ್‌ಗೆ ರಕ್ತ ಹರಿಸೋಕೆ ಶುರು ಮಾಡಿದ್ದಾರೆ. ಆದ್ರೆ ಅದರ ಹಿಂದಿನ ಅಸಲಿ ಪರ್ಪಸ್ ಏನು..? ಯಾಕೆ ಹೀಗಾದ್ರು ಅನ್ನೋದ್ರ ಡೇರಿಂಗ್ ಖಬರ್ ಇಲ್ಲಿದೆ. ಜಸ್ಟ್ ಹ್ಯಾವ್ ಎ ಲುಕ್.
ಇದು ರೀಸೆಂಟ್ ಆಗಿ ರಿಲೀಸ್ ಆಗಿರೋ ಹಿಟ್-3 ಸಿನಿಮಾದ ಟ್ರೈಲರ್ ಝಲಕ್. ಅಂದಹಾಗೆ ಟಾಲಿವುಡ್ ಅಂಗಳದಲ್ಲಿ ಹಿಟ್ ಸಿನಿಮಾ ಬಿಗ್ಗೆಸ್ಟ್ ಹಿಟ್ ನೀಡಿತ್ತು. ಅದ್ರ ಫ್ರಾಂಚೈಸ್‌ ಸಿನಿಮಾಗಳು ಸಾಲು ಸಾಲಾಗಿ ಬರ್ತಿವೆ. ಬಂದಂತಹ ಎಲ್ಲವೂ ಹಿಟ್ ಆಗ್ತಿವೆ. ಸದ್ಯ ಹಿಟ್, ಹಿಟ್-2 ಬಳಿಕ ಹಿಟ್-3 ತೆರೆಗಪ್ಪಳಿಸೋಕೆ ಸಜ್ಜಾಗಿದೆ.
ಇದೇ ಮೇ-1ಕ್ಕೆ ಹಿಟ್ ಫ್ರಾಂಚೈಸ್‌ನ ಮೂರನೇ ಸಿನಿಮಾ ಪ್ರೇಕ್ಷಕರ ಮುಂದೆ ಬರ್ತಿದೆ. ನಿರ್ಮಾಪಕರಾಗಿ ಹಣ ಹೂಡಿಕೆ ಮಾಡಿ, ಒಳ್ಳೆಯ ಸಿನಿಮಾ ನಿರ್ಮಾಣ ಮಾಡ್ತಿದ್ದ ನ್ಯಾಚುರಲ್ ಸ್ಟಾರ್ ನಾನಿ, ಈ ಬಾರಿ ನಿರ್ಮಾಣದ ಜೊತೆಗೆ ತಾವೇ ಲೀಡ್‌‌ನಲ್ಲಿ ಬಣ್ಣ ಹಚ್ಚಿ ಕಮಾಲ್ ಮಾಡಲು ಹೊರಟಿದ್ದಾರೆ. ಅವ್ರ ಲುಕ್, ನಟನೆ, ಪಾತ್ರದಲ್ಲಿರೋ ಇಂಟೆನ್ಸಿಟಿ ಎಲ್ಲವೂ ವ್ಹಾವ್ ಫೀಲ್ ತರಿಸಿವೆ.
ನಮ್ಮ ಕೆಜಿಎಫ್ ಪೋರಿ ಶ್ರೀನಿಧಿ ಶೆಟ್ಟಿ, ಬಹಳ ದಿನಗಳ ನಂತ್ರ ಮತ್ತೆ ಬಣ್ಣದಲೋಕಕ್ಕೆ ಹಿಂದಿರುಗಿದ್ದು, ನಾನಿ ಜೊತೆ ಸಿನಿಮಾಗೆ ಗ್ಲಾಮರ್ ಟಚ್ ನೀಡಿದ್ದಾರೆ. ಇವರಿಬ್ಬರ ಕಾಂಬೋನ ರೊಮ್ಯಾಂಟಿಕ್ ಮೆಲೋಡಿ ಸಾಂಗ್ ಈಗಾಗ್ಲೇ ಪ್ರೇಕ್ಷಕರ ಕಣ್ಮನ ತಣಿಸಿದೆ. ಇನ್ನು ಹಿಟ್ ಸೀರೀಸ್‌ನ ಎಲ್ಲಾ ಸಿನಿಮಾಗಳನ್ನ ಶೈಲೇಶ್ ಕೊಲನು ನಿರ್ದೇಶನ ಮಾಡ್ತಿದ್ದು, ಈ ಬಾರಿಯ ಕೇಸ್ ಮೊದಲಿನ ಕೇಸ್‌‌ಗಳಿಗಿಂತ ವಿಭಿನ್ನವಾಗಿರಲಿದೆ.
ಅಂದಹಾಗೆ ನಾನಿ ಇಲ್ಲಿ ನಾಯಕನಟನಾಗಿ ಪೊಲೀಸ್ ಕಾಪ್ ಆಗಿ ಬಣ್ಣ ಹಚ್ಚಿದ್ದಾರೆ. ಆದ್ರೆ ಒಂದು ಕೇಸ್ ವಿಚಾರ ಆತ ಹುಡುಕಿ ಹೊರಡೋ ದಾರಿ ಬಹಳ ದೂರ ಇರಲಿದೆ. ಆ ದಾರಿಯಲ್ಲಿ ಆತನಿಗೆ ಎದುರಾಗೋ ಅಡೆ ತಡೆಗಳು, ಸವಾಲುಗಳ ಕುರಿತ ಕಥೆ ಇದಾಗಿದೆ. ಇಲ್ಲಿ ನಾನಿ ಸಿಕ್ಕಾಪಟ್ಟೆ ವೈಲೆಂಟ್ ಆಗಿ ಕಾಣಸಿಗಲಿದ್ದಾರೆ. ರಣ್‌ಬೀರ್ ಅನಿಮಲ್, ದೇವರಕೊಂಡ ಅರ್ಜುನ್ ರೆಡ್ಡಿ ಹಾಗೂ ಉನ್ನಿ ಮುಕುಂದನ್‌ರ ಮಾರ್ಕೋ ಸಿನಿಮಾದ ಪಾತ್ರಗಳನ್ನ ಮೀರಿಸೋ ರೇಂಜ್‌ಗೆ ಈ ಹಿಟ್-3 ಚಿತ್ರ ಕ್ರೌರ್ಯದಿಂದ ಕೂಡಿದೆ. ಆದ್ರೆ ಅದಕ್ಕೊಂದು ಮುಖ್ಯ ಕಾರಣ ಇರಲಿದೆ ಅಂತ ಸಮಾಧಾನ ಮಾಡಿಕೊಳ್ಳಬೇಕಿದೆ.
ಹೀರೋ ಆಗಿ ಸಕ್ಸಸ್ ಕಂಡಿರೋ ನಾನಿ, ಪ್ರೊಡ್ಯೂಸರ್ ಆಗಿ ಡಬಲ್ ಸಕ್ಸಸ್ ಆಗಿದ್ದಾರೆ. ಕಡಿಮೆ ಬಜೆಟ್‌‌ನಲ್ಲಿ ಒಳ್ಳೊಳ್ಳೆ ಸಿನಿಮಾಗಳನ್ನ ಮಾಡುವಂತಹ ಮಾಸ್ಟರ್‌‌ಮೈಂಡ್ ಇವರದ್ದು. ಇತ್ತೀಚೆಗೆ ತೆರೆಕಂಡ ಕೋರ್ಟ್‌ ಸಿನಿಮಾ ಕೂಡ ಬಾಕ್ಸ್ ಆಫೀಸ್‌‌ನಲ್ಲಿ 60 ಕೋಟಿಗೂ ಅಧಿಕ ಮೊತ್ತದ ಹಣ ಗಳಿಸಿತ್ತು. ಆ ಕೋರ್ಟ್‌ ಚಿತ್ರದ ನಿರ್ಮಾಪಕರು ಕೂಡ ಇದೇ ನಾನಿ. ಸದ್ಯ ದಿ ಪ್ಯಾರಡೈಸ್ ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿ ಇರೋ ನಾನಿ, ಪ್ಯಾನ್ ಇಂಡಿಯಾ ಲೆವೆಲ್ ಸಿನಿಮಾನ ಉಣಬಡಿಸೋ ಯೋಜನೆಯಲ್ಲಿದ್ದಾರೆ. ಇದೀಗ ಮೇ-1ಕ್ಕೆ ಹಿಟ್-3 ನಿಮಗೆ ವಿಭಿನ್ನ ಅನುಭವ ನೀಡೋದ್ರಲ್ಲಿ ಯಾವುದೇ ಸಂದೇಹವಿಲ್ಲ.
