ಬಾಲಿವುಡ್ನ ಹಾಟ್ ಅಂಡ್ ಹ್ಯಾಂಡ್ಸಮ್ ರಣ್ಬೀರ್ ಕಪೂರ್, ಆಲಿಯಾ ಭಟ್ ಮತ್ತು ವಿಕ್ಕಿ ಕೌಶಲ್… ಈ ಮೂವರ ಬಿಗ್ ಕಾಂಬಿನೇಶನ್ ಎಂದರೇನೇ ಬಾಕ್ಸಾಫೀಸ್ನಲ್ಲಿ ಬೆಂಕಿ. ಅದರಲ್ಲೂ ಸಂಜಯ್ ಲೀಲಾ ಬನ್ಸಾಲಿ ಅವರ ಮಾಸ್ಟರ್ಮೈಂಡ್ ಸೇರಿದ್ರೆ ಹೇಗಿರುತ್ತೆ? ‘ಸಾವರಿಯಾ’ದಿಂದ ಬನ್ಸಾಲಿ ಜೋತೆ ಪಯಣ ಶುರುಮಾಡಿದ್ದ ರಣ್ಬೀರ್, ‘ಗಂಗೂಬಾಯಿ ಕಾಠಿಯಾವಾಡಿ’ಯಲ್ಲಿ ಮಿಂಚಿದ್ದ ಆಲಿಯಾ… ಈಗ ಬನ್ಸಾಲಿ ಕ್ಯಾನ್ವಾಸ್ನಲ್ಲಿ ‘ಲವ್ ಆಂಡ್ ವಾರ್’ ಅನ್ನೋ ತೂಫಾನ್ ಎಬ್ಬಿಸಲು ಸಜ್ಜಾಗಿದ್ದಾರೆ. ರಕ್ತಸಿಕ್ತ ಲುಕ್, ಹಾಟ್ ಅವತಾರದಲ್ಲಿ ಈ ಸ್ಟಾರ್ ಜೋಡಿ ಹೇಗಿದ್ದಾರೆ..? ಇದರ ಇಂಟ್ರೆಸ್ಟಿಂಗ್ ಸ್ಟೋರಿ ಇಲ್ಲಿದೆ…
- ಬನ್ಸಾಲಿ ಮ್ಯಾಜಿಕ್ ರಣ್ಬೀರ್-ಆಲಿಯಾ ಕಾಂಬೊ ರಿಪೀಟ್
- ರಣ್ಬೀರ್-ಆಲಿಯಾ ಲವ್ & ವಾರ್.. ಗಂಡ-ಹೆಂಡ್ತಿ ಎಮೋಷನಲ್ ರೈಡ್
- 20 ವರ್ಷಗಳ ಬಳಿಕ ಬನ್ಸಾಲಿ-ರಣ್ಬೀರ್ ಕಂಬ್ಯಾಕ್
- ‘ಲವ್ ಆಂಡ್ ವಾರ್’ನಲ್ಲಿ ರಣ್ಬೀರ್-ವಿಕ್ಕಿ ವಾರ್
ಸಂಜಯ್ ಲೀಲಾ ಬನ್ಸಾಲಿ ಅಂದ್ರೆನೆ ಅದ್ಧೂರಿತನ, ಎಮೋಷನ್ ಮತ್ತು ಹೈ-ವೋಲ್ಟೇಜ್ ಡ್ರಾಮಾ. ‘ಸಾವರಿಯಾ’ ಮೂಲಕ ಬಾಲಿವುಡ್ಗೆ ರಣ್ಬೀರ್ ಕಪೂರ್ನನ್ನು ಪರಿಚಯಿಸಿದ್ದ ಬನ್ಸಾಲಿ, ಭರ್ಜರಿ 20 ವರ್ಷಗಳ ನಂತರ ಮತ್ತೆ ಅದೇ ರಣ್ಬೀರ್ ಜೊತೆ ಕೈಜೋಡಿಸಿದ್ದಾರೆ. ಆದರೆ ಈ ಬಾರಿಯ ಅವತಾರ ತೀರಾ ಭಿನ್ನ. ‘ರಾಮಾಯಣ’ ಚಿತ್ರದ ಶಾಂತ ಸ್ವರೂಪಿ ಶ್ರೀರಾಮನ ಪಾತ್ರದ ನಡುವೆಯೇ, ‘ಲವ್ ಆಂಡ್ ವಾರ್’ನಿಂದ ರಣ್ಬೀರ್ ಅವರ ರಕ್ತಸಿಕ್ತ, ರಗಡ್ ಫಸ್ಟ್ ಲುಕ್ ಹೊರಬಿದ್ದು ಇಂಟರ್ನೆಟ್ನಲ್ಲಿ ತೂಫಾನ್ ಎಬ್ಬಿಸಿದೆ. ಕೈಯಲ್ಲಿ ರಕ್ತದ ಕಲೆಗಳು, ಕಣ್ಣಿನಲ್ಲಿ ಆಕ್ರೋಶ, ಹಳೆಯ ಕಾರಿನಲ್ಲಿ ಶಾರ್ಟ್ ಹೇರ್ಕಟ್ ಹಾಗೂ ಕೂಲಿಂಗ್ ಗ್ಲಾಸ್ ಧರಿಸಿ ರಣ್ಬೀರ್ ನೀಡಿರುವ ಪೋಸ್ ‘ಅನಿಮಲ್’ ಅವತಾರವನ್ನೂ ಮೀರಿಸುವಂತಿದೆ.
ಇತ್ತ, ಬನ್ಸಾಲಿ ಅವರ ‘ಗಂಗೂಬಾಯಿ ಕಾಠಿಯಾವಾಡಿ’ ಚಿತ್ರದ ಮೂಲಕ ನ್ಯಾಷನಲ್ ಅವಾರ್ಡ್ ಗೆದ್ದು ಧೂಳೆಬ್ಬಿಸಿದ್ದ ಆಲಿಯಾ ಭಟ್, ಈ ಚಿತ್ರದಲ್ಲಿ ಮತ್ತೊಮ್ಮೆ ಬನ್ಸಾಲಿ ಅವರ ಲೇಡಿ ಲಕ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ರಿಲೀಸ್ ಆಗಿರುವ ಹೊಸ ಪೋಸ್ಟರ್ನಲ್ಲಿ ಆಲಿಯಾ ಧರಿಸಿರುವ ಬೋಲ್ಡ್ ಸ್ಲಿಟ್ ಸ್ಕರ್ಟ್, ಹೆಡ್ಪೀಸ್ ಹಾಗು ಅವರ ಸ್ಟೈಲಿಶ್ ಲುಕ್ ಪ್ರೇಕ್ಷಕರನ್ನು ಕಣ್ಣು ಮುಚ್ಚದೆ ನೋಡುವಂತೆ ಮಾಡಿದೆ. ರೆಟ್ರೊ ಮೂಡ್ನಲ್ಲಿ ಹಾಗೂ ರಾಯಲ್ ಲುಕ್ನಲ್ಲಿ ಮಿಂಚುತ್ತಿರುವ ಆಲಿಯಾ, ಈ ಬಾರಿ ‘ಬ್ರಹ್ಮಾಸ್ತ್ರ’ಕ್ಕಿಂತಲೂ ಕಾವೇರಿದ ಕೆಮಿಸ್ಟ್ರಿಯನ್ನು ರಣ್ಬೀರ್ ಜೊತೆ ಬೆಳ್ಳಿತೆರೆಯಲ್ಲಿ ಹಂಚಿಕೊಳ್ಳಲು ರೆಡಿಯಾಗಿದ್ದಾರೆ.
ಈ ಹೈ-ವೋಲ್ಟೇಜ್ ಪ್ರೇಮ ಮತ್ತು ಯುದ್ಧದ ಮಹಾಕಾವ್ಯದಲ್ಲಿ ಭಾರತೀಯ ವಾಯುಪಡೆ ಅಧಿಕಾರಿಗಳಾಗಿ ರಣ್ಬೀರ್ ಕಪೂರ್ ಹಾಗೂ ವಿಕ್ಕಿ ಕೌಶಲ್ ಮುಖಾಮುಖಿಯಾಗಲಿದ್ದಾರೆ. ‘ಸಂಜು’ ಸಿನಿಮಾದಲ್ಲಿ ಬ್ರೋಮ್ಯಾನ್ಸ್ನಿಂದ ಮನಗೆದ್ದಿದ್ದ ರಣ್ಬೀರ್-ವಿಕ್ಕಿ ಜೋಡಿ, ಈಗ ಮುಖಾಮುಖಿ ಕಾಳಗಕ್ಕೆ ಸಜ್ಜಾಗಿದ್ದಾರೆ. ಬನ್ಸಾಲಿ ನಿರ್ದೇಶನದ ಈ ಮೆಗಾ ಪ್ರಾಜೆಕ್ಟ್ 2027ರ ಜನವರಿ 21ರಂದು ರಿಪಬ್ಲಿಕ್ ಡೇ ವೀಕೆಂಡ್ನಲ್ಲಿ ಪ್ರಪಂಚದಾದ್ಯಂತ ಅದ್ದೂರಿಯಾಗಿ ಬಿಡುಗಡೆಯಾಗಲಿದೆ. ಪ್ರೇಮ, ತ್ಯಾಗ ಮತ್ತು ಯುದ್ಧದ ನಡುವಿನ ಈ ಸಂಘರ್ಷ ಬೆಳ್ಳಿಪರದೆಯಲ್ಲಿ ಎಷ್ಟರಮಟ್ಟಿಗೆ ಧೂಳೆಬ್ಬಿಸಲಿದೆ ಎಂಬುದನ್ನು ಕಾಯ್ದು ನೋಡಬೇಕಿದೆ.
