ಧ್ರುವ ಸರ್ಜಾ ಫ್ಯಾನ್ಸ್ಗೆ ಕೊನೆಗೂ ಗುಡ್ ನ್ಯೂಸ್ ಸಿಕ್ಕಿದೆ. ಮಾರ್ಟಿನ್ ಜೊತೆ ಜೊತೆಗೇ ಚಿತ್ರೀಕರಣಗೊಂಡ ಬಹುನಿರೀಕ್ಷಿತ ಕೆಡಿ ಚಿತ್ರದ ರಿಲೀಸ್ ಯಾವಾಗ ಅನ್ನೋ ಪ್ರಶ್ನೆಗೆ ಕೊನೆಗೂ ಉತ್ತರ ಸಿಕ್ಕಂತಾಗಿದೆ. ಇಷ್ಟಕ್ಕೂ ಬಾಲಿವುಡ್ ಸಂಜಯ್ ದತ್, ಶಿಲ್ಪಾ ಶೆಟ್ಟಿ ಅಂತಹ ಸ್ಟಾರ್ಸ್ ಇರೋ ಕೆಡಿ ಸಿನಿಮಾ ಯಾವಾಗ ಬೆಳ್ಳಿತೆರೆ ಬೆಳಗಲಿದೆ..? ಈ ಬಗ್ಗೆ ಪ್ರೇಮ್ ಹಾಗೂ ಕೆವಿಎನ್ ಸಂಸ್ಥೆ ತಗೊಂಡಿರೋ ಮಹತ್ವದ ನಿರ್ಧಾರ ಆದ್ರೂ ಎಂಥದ್ದು ಅಂತೀರಾ..? ಇಲ್ಲಿದೆ ನೋಡಿ.
ಕೆಡಿ ದಿ ಡೆವಿಲ್ ಸಿನಿಮಾದ ರಿಲೀಸ್ ಪದೇ ಪದೇ ಪೋಸ್ಟ್ಪೋನ್ ಆಗ್ತಿತ್ತು. ಆದ್ರೀಗ ಈ ಮೂಲಕ ಹಂಡ್ರೆಡ್ ಪರ್ಸೆಂಟ್ ಪಕ್ಕಾ ರಿಲೀಸ್ ಡೇಟ್ ರಿವೀಲ್ ಆಗಿದೆ. ಇದೇ ಏಪ್ರಿಲ್ 30ರಂದು ವರ್ಲ್ಡ್ವೈಡ್ ತೆರೆಗಪ್ಪಳಿಸಲಿದೆ ಕೆಡಿ ಸಿನಿಮಾ. ಅಂದಹಾಗೆ ಇದನ್ನ ನಿರ್ದೇಶಕ ಜೋಗಿ ಪ್ರೇಮ್ ಆಗಲಿ, ನಿರ್ಮಾಣ ಸಂಸ್ಥೆ ಕೆವಿಎನ್ ಸಂಸ್ಥೆಯಾಗಲಿ ಅಫಿಶಿಯಲಿ ಅನೌನ್ಸ್ ಮಾಡಿಲ್ಲ.
ದಿ ವೆಯ್ಟ್ ಈಸ್ ಓವರ್.. ಏಪ್ರಿಲ್ 30ಕ್ಕೆ ಧ್ರುವ KD ತೆರೆಗೆ?
ಪ್ರೇಮ್- ಧ್ರುವ ಕಾಂಬೋನ ಮೊಸ್ಟ್ ಎಕ್ಸ್ಪೆಕ್ಟೆಡ್ ವೆಂಚರ್!
ಗ್ಯಾರಂಟಿ ನ್ಯೂಸ್ಗೆ ಅಧಿಕೃತ ಮೂಲಗಳಿಂದ ಬಂದಂತಹ ಮಾಹಿತಿ ಆಧಾರದ ಮೇರೆಗೆ ಕೆಡಿ ಏಪ್ರಿಲ್ 30ಕ್ಕೆ ಥಿಯೇಟರ್ಗೆ ಎಂಟ್ರಿ ಕೊಡ್ತಿದೆ. ಅಂದಹಾಗೆ ಜೋಗಿ ಪ್ರೇಮ್ ಹಾಗೂ ಧ್ರುವ ಸರ್ಜಾ ಕಾಂಬೋನ ಮೊದಲ ಸಿನಿಮಾ ಇದು. ಅಲ್ಲದೆ ರೆಟ್ರೋ ಅಂಡರ್ವರ್ಲ್ಡ್ ಕಥಾನಕವಿರೋ ಕೆಡಿಯಲ್ಲಿ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಔಟ್ ಅಂಡ್ ಔಟ್ ಮಾಸ್ ಹೀರೋ ಆಗಿ ಮಚ್ಚು, ಲಾಂಗ್ ಹಿಡಿದು ಅಬ್ಬರಿಸಿ, ಆರ್ಭಟಿಸಲಿದ್ದಾರೆ.
ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ಕೆಡಿ ಸಿನಿಮಾ, ಬಹುಕೋಟಿ ವೆಚ್ಚದಲ್ಲಿ ನಿರ್ಮಾಣ ಆಗಿದ್ದು, ಬಹುಭಾಷಾ ಸ್ಟಾರ್ಗಳ ಸಮಾಗಮದಿಂದ ಬಿಗ್ಗೆಸ್ಟ್ ಮಲ್ಟಿಸ್ಟಾರ್ ಮೂವಿ ಕೂಡ ಅನಿಸಿಕೊಂಡಿದೆ. ಧ್ರುವ ಸರ್ಜಾಗೆ ರೀಷ್ಮಾ ನಾಣಯ್ಯ ಜೋಡಿಯಾಗಿದ್ದು, ಇವರೊಟ್ಟಿಗೆ ಕ್ರೇಜಿಸ್ಟಾರ್ ರವಿಚಂದ್ರನ್, ಮಿಸ್ಟರ್ ಪರ್ಫೆಕ್ಷನಿಸ್ಟ್ ರಮೇಶ್ ಅರವಿಂದ್, ಬಾಲಿವುಡ್ನ ಬಡೇ ಭಾಯಿಜಾನ್ ಸಂಜಯ್ ದತ್, ಬಿಟೌನ್ ಚೆಲುವೆ ಶಿಲ್ಪಾ ಶೆಟ್ಟಿ.. ಹೀಗೆ ಬಹುದೊಡ್ಡ ತಾರಾಗಣವಿದೆ. ಅಲ್ಲದೆ ಬಾದ್ಷಾ ಕಿಚ್ಚ ಸುದೀಪ್ ಕೂಡ ಕೊನೆಯ ಗಳಿಗೆಯಲ್ಲಿ ಕೆಡಿ ಚಿತ್ರಕ್ಕಾಗಿ ಬಣ್ಣ ಹಚ್ಚಿದ್ದು, ಧ್ರುವ-ಸುದೀಪ್ ಕಾಂಬೋನ ಬೆಳ್ಳಿಪರದೆಯಲ್ಲಿ ನೋಡೋದು ಮಜಬೂತಾಗಿರಲಿದೆ.
2025ರ ಸೆಪ್ಟೆಂಬರ್ 4ರಂದೇ ತೆರೆಗೆ ಬರಬೇಕಿದ್ದ KD ಸಿನಿಮಾ
ಲೇಟ್ ಆದ್ರೂ ಲೇಟೆಸ್ಟ್ ಆಗಿರಲಿದೆ ರೆಟ್ರೋ ಆ್ಯಕ್ಷನ್ ಡ್ರಾಮಾ..!
ಈಗಾಗ್ಲೇ ಅರ್ಜುನ್ ಜನ್ಯ ಸಂಗೀತ ಸಂಯೋಜನೆಯ ಹಾಡುಗಳು ಎಲ್ಲರೂ ಗುನುಗುವಂತಾಗಿವೆ. ಶಿವ ಸಾಂಗ್ ಜೊತೆ ಸೆಟ್ ಆಗಲ್ಲ ಹೋಗೇ ನಂಗೂ ನಿಂಗೂ ಸಾಂಗ್ ಯೂಟ್ಯೂಬ್ನಲ್ಲಿ ಧೂಳೆಬ್ಬಿಸಿವೆ. ಇತ್ತೀಚೆಗೆ ಸ್ವತಃ ಪ್ರೇಮ್ ಅವರೇ ಹಾಡಿದ ಅಣ್ತಮ್ಮ ಜೋಡೆತ್ತು ಕಣೋ ಸಾಂಗ್ ಅಂತೂ ಎಲ್ಲರ ಮನ ಮುಟ್ಟುವಂತಿದೆ.
ಎಲ್ಲಾ ಅಂದುಕೊಂಡಂತೆ ಆಗಿದ್ದಿದ್ರೆ ಕಳೆದ ವರ್ಷ ಅಂದ್ರೆ 2025ರ ಸೆಪ್ಟೆಂಬರ್ 4ಕ್ಕೆ ಈ ಕೆಡಿ ಸಿನಿಮಾ ಬಿಡುಗಡೆ ಆಗಬೇಕಿತ್ತು. ಆದ್ರೀಗ ಲೇಟ್ ಆದ್ರೂ ಲೇಟೆಸ್ಟ್ ಆಗಿ ಬರ್ತಿರೋದ್ರ ಸೂಚನೆ ಇದೆ. ಒಂದ್ಕಡೆ ತಾರಾಗಣ.. ಮತ್ತೊಂದ್ಕಡೆ ಜೋಗಿ ಪ್ರೇಮ್ ಕಥೆ, ನಿರ್ದೇಶನ, ಮೇಕಿಂಗ್ ಹಾಗೂ ಎಮೋಷನಲ್ ಸೀಕ್ವೆನ್ಸ್ ನೋಡುಗರಿಗೆ ರುಚಿಸಲಿವೆ. ಸೋ.. ಬಾಕ್ಸ್ ಆಫೀಸ್ನಲ್ಲಿ ಈ ಸಿನಿಮಾ ಎಷ್ಟು ಕೋಟಿ ರೂಪಾಯಿ ದೋಚುತ್ತೆ ಅನ್ನೋದನ್ನ ಇನ್ನಷ್ಟೇ ನಿರೀಕ್ಷಿಸಬೇಕಿದೆ.
