ಜೈಲಿಂದ ಬರ್ತಿದ್ದಂತೆ ದಚ್ಚು ಮಾಡೋ ಫಸ್ಟ್ ಮೂವಿ ಯಾವ್ದು ?

ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್

2026 ದರ್ಶನ್ ಪಾಲಿಗೆ ಸಿಹಿನಾ ಕಹಿನಾ ? ವೈಯಕ್ತಿಕ ವಿಚಾರದಲ್ಲಿ ಆದಷ್ಟು ಬೇಗ ಜೈಲಿಂದ ಹೊರ ಬಂದ್ರೆಸಾಕು ಅಂತಿರುವಾಗಲೇ. ಸಿನಿ ಜೀವನದಲ್ಲಿ ಏನಾಗುತ್ತೋ ಅನ್ನೋ ಗೊಂದಲ ಅಭಿಮಾನಿಗಳಲ್ಲಿದೆ. ಫ್ಯಾನ್ಸ್ ಆಶೀರ್ವಾದದಿಂದ ಡೆವಿಲ್ ಸೂಪರ್ ಹಿಟ್ ಆಯಿತು.. ಆದ್ರೆ ದರ್ಶನ್ ರಿಲೀಸ್ ಆದ ತಕ್ಷಣ ಯಾವ ಸಿನಿಮಾ ಒಪ್ಪಿಕೊಳ್ತಾರೆ ಅನ್ನೋ ಮಿಲಿಯನ್ ಡಾಲರ್ ಪ್ರಶ್ನೆಗೆ ಸಣ್ಣ ಕ್ಲೂ ಸಿಕ್ಕಿದೆ.

ಕಲೆಯನ್ನ ನಂಬಿ ಬದುಕು ಕಟ್ಟಿಕೊಂಡ ದರ್ಶನ್ ಈಗ ಕಂಬಿ ಹಿಂದೆ ನಿಂತಿದ್ದಾರೆ. ದಾರಿ ಕಾಣದಂತೆ ಚಡಪಡಿಸ್ತಾ ಇದ್ದಾರೆ. ದರ್ಶನ್ ಜೈಲಿಂದ ಈ ವರ್ಷವಾದರೂ ಹೊರ ಕರೆತರೋಕೆ ಪತ್ನಿ ವಿಜಯಲಕ್ಷ್ಮಿ ಶತಾಯ ಗತಾಯ ಪ್ರಯತ್ನ ಮಾಡೋದರ ಜೊತೆಗೆ ಟೆಂಪಲ್ ರನ್ ಮಾಡ್ತಾ ದೇವರ ಹರಕೆ ಕಟ್ಟಿಕೊಳ್ತಾ ಎಲ್ಲದಕ್ಕೂ ಪರಿಹಾರ ನೀಡು ದೇವರೆ ಅಂತಿದ್ದಾರೆ. ಈ ನಡುವೆ ದರ್ಶನ್ ಸಿನಿ ಕರಿಯರ್ ಬಗ್ಗೆ ಫ್ಯಾನ್ಸ್ ಚಿಂತಿಸುತ್ತಿದ್ದಾರೆ.

ಜೈಲಿಂದ ಬರ್ತಿದ್ದಂತೆ ದಚ್ಚು ಮಾಡೋ ಫಸ್ಟ್ ಮೂವಿ ಯಾವ್ದು ?

ದಾಸ ಜೈಲಲ್ಲಿದ್ದರೂ ಕಾಲ್‌ಶೀಟ್‌ಗಾಗಿ ತುದಿಗಾಲಿನಲ್ಲಿ ನಿರ್ಮಾಪಕರು

ದರ್ಶನ್ ಜೈಲಿನಲ್ಲಿ ಇದ್ದರೂ ಡೆವಿಲ್ ಸಿನಿಮಾ ಬ್ಯುಸಿನೆಸ್ ಮಾಡುವಲ್ಲಿ ಯಶಸ್ವಿಯಾಗಿದೆ.  ‘ಡೆವಿಲ್’ ಸಿನಿಮಾ 25 ದಿನಗಳಲ್ಲಿ 30 ಕೋಟಿ ಆಸು-ಪಾಸಿನಲ್ಲಿ ಕಲೆಕ್ಷನ್ ಆಗಿದೆಂದು ವರದಿ ಸಿಕ್ಕಿದೆ . ಈಗ ‘ಡೆವಿಲ್’ ಮುಗಿದ ಅಧ್ಯಾಯ. ಆದರೆ, ದರ್ಶನ್ ಜೈಲಿನಿಂದ ರಿಲೀಸ್ ಆದ ಬಳಿಕ ಕೈಗೆತ್ತಿಕೊಳ್ಳುವ ಎರಡು ಸಿನಿಮಾಗಳ್ಯಾವು ಅನ್ನೋ ಕುತೂಹಲ ಮೂಡಿದೆ.

ಸದ್ಯ ದರ್ಶನ್ ಪರಪ್ಪನ ಅಗ್ರಹಾರದಲ್ಲಿದ್ದು ಯಾವಾಗ ಮತ್ತೆ ಹೊರ ಬರ್ತಾರೆ. ಬೇಲ್ ಸಿಗುತ್ತಾ ಇಲ್ಲವಾ ಅನ್ನೋ ಗೊಂದಲದಲ್ಲೇ ಇರೋ ಅಭಿಮಾನಿಗಳು ದರ್ಶನ್ ರ ಮುಂದಿನ ಸಿನಿಮಾಗಳ ಬಗ್ಗೆ ಲೆಕ್ಕಾಚಾರ ಶುರು ಮಾಡಿದ್ದಾರೆ.ದರ್ಶನ್ ಜೈಲಿನಲ್ಲಿ ಇದ್ದರೂ ಅವರ ಕಾಲ್‌ಶೀಟ್‌ಗಾಗಿ ನಿರ್ಮಾಪಕರು ತುದಿಗಾಲಿನಲ್ಲಿ ನಿಂತಿದ್ದಾರೆ. ಜಾಮೀನು ಸಿಗುತ್ತಿದ್ದಂತೆ ದರ್ಶನ್ ಜೊತೆ ಸಿನಿಮಾ ಮಾಡುವುದಕ್ಕೆ ಮುಂದಾಗಿದ್ದಾರೆ.

ದಚ್ಚು ಜಾಮೀನು ನಿರೀಕ್ಷೆ 7 ತಿಂಗಳಲ್ಲಿ ಬಿಡುಗಡೆ ಸಾಧ್ಯತೆ

‘KD’ ರಿಲೀಸ್ ಬಳಿಕ ಒಂದಾಗುತ್ತೆ ಪ್ರೇಮ್-ದರ್ಶನ್ ಜೋಡಿ

ಅಂದ್ಹಾಗೆ ದರ್ಶನ್‌ಗೆ ಇನ್ನು ಆರೇಳು ತಿಂಗಳಲ್ಲಿ ಜಾಮೀನು ಸಿಗಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ. ಸದ್ಯ ಟ್ರಯಲ್ ನಡೆಯುತ್ತಿದ್ದು, ಒಂದು ವೇಳೆ ರೇಣುಕಾಸ್ವಾಮಿ ಹತ್ಯೆಯಲ್ಲಿ ದರ್ಶನ್ ಭಾಗಿಯಾಗಿಲ್ಲ ಎಂದು ಸಾಬೀತಾದರೆ ಜಾಮೀನು ಸಿಗುತ್ತೆ. ದರ್ಶನ್ ರಿಲೀಸ್ ಆದ್ರೆ ಮೊದಲು ಶೈಲಜಾ ನಾಗ್ ನಿರ್ಮಾಣ ಮಾಡುತ್ತಿರುವ ಸಿನಿಮಾದಲ್ಲಿ ನಟಿಸುತ್ತಾರೆ. ಇದರ ಜೊತೆಗೆ ತೆಲುಗು ನಿರ್ಮಾಪಕರೊಬ್ಬರು ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ಇನ್ನು ಜೋಗಿ ಪ್ರೇಮ್ ನಿರ್ದೇಶಿಸ ಬೇಕಿದ್ದ ಸಿನಿಮಾ ಪೋಸ್ಟ್‌ಪೋನ್ ಆಗಿದೆ. ಸದ್ಯ ಕೆಡಿ ರಿಲೀಸ್ ನ ತಯಾರಿಯಲ್ಲಿರೋ ಪ್ರೇಮ್ ಈ ಚಿತ್ರಕ್ಕೆ ಕರಿಯ ಸಿನಿಮಾ ನಂತರ ಮತ್ತೊಮ್ಮೆ ದರ್ಶನ್ ಜೊತೆಗೆ ಕೈಜೋಡಿಸಲಿದ್ದಾರೆ. ಒಟ್ಟಿನಲ್ಲಿ ದರ್ಶನ್ ಕಷ್ಟ ಕಾಲ ಆದಷ್ಟು ಬೇಗನೆ ಸರಿದು ಜೈಲಿಂದ ಹೊರ ಬರುವಂತಾಗಲಿ, ಈ ಮುಂಚಿನಂತೆ ಸಿನಿಮಾ ಸಿನಿಮಾ ಅಂತ ಬಿಮಾನಿಗಳನ್ನ ಮನರಂಜಿಸಲಿ ಎಲ್ಲರೂ ಒಗ್ಗಟ್ಟಾಗಿ ಕನ್ನಡ ಚಿತ್ರರಂಗವನ್ನು ಇನ್ನೂ ಒಂದು ಹೆಜ್ಜೆ ಮುಂದಕ್ಕೆ ತೆಗೆದುಕೊಂಡು ಸಾಗಲಿ ಅನ್ನೋ ಕನ್ನಡ ಚಿತ್ರಾಭಿಮಾನಿಗಳ ಆರೈಕೆ ಅಗಿದೆ.