ಇಂದು ನಟಸಾರ್ವಭೌಮ ಡಾ ರಾಜ್ಕುಮಾರ್ ಅವರ ಜನ್ಮ ಜಯಂತಿ. ಅಣ್ಣಾವ್ರ ಬರ್ತ್ ಡೇ ವಿಶೇಷ ಡಾಲಿಯ ಅಣ್ಣ ಫ್ರಮ್ ಮೆಕ್ಸಿಕೋ ಟೀಸರ್ ಲಾಂಚ್ ಆಗಿದೆ. ಇಂಟರೆಸ್ಟಿಂಗ್ ಅಂದ್ರೆ ಡಾಲಿ ಧನಂಜಯ್ ಕೊರಳಲ್ಲಿ ಕರ್ನಾಟಕ ಲಾಕೆಟ್ ಇದೆ. ಅಷ್ಟೇ ಅಲ್ಲ, ಮೆಕ್ಸಿಕನ್ ಅಮಿಗೋಸ್ಗೆ ದಿ ವರ್ಲ್ಡ್ ಫೇಮಸ್ ಕರ್ನಾಟಕ ವೆಪನ್ ಲಾಂಗ್ನ ಕೂಡ ಪರಿಚಯಿಸಿದ್ದಾರೆ. ಅದನ್ನ ನಾವು ಹೇಳೋದಕ್ಕಿಂತ ನೀವೊಮ್ಮೆ ಕಣ್ತುಂಬಿಕೊಳ್ಳಿ.
2024ರಲ್ಲಿ ತೆರೆಕಂಡ ಕೋಟಿ ಸಿನಿಮಾನೇ ಕೊನೆ. ಅದಾದ ಬಳಿಕ ಡಾಲಿ ಫುಲ್ ಫ್ಲೆಡ್ಜ್ಡ್ ಆಗಿ ನಟಿಸಿದ ಮತ್ಯಾವ ಸಿನಿಮಾ ಕೂಡ ತೆರೆಗೆ ಬರಲೇ ಇಲ್ಲ. ಆದ್ರೀಗ ಅಣ್ಣ ಫ್ರಮ್ ಮೆಕ್ಸಿಕೋ ಬೆಳ್ಳಿತೆರೆ ಬೆಳಗೋಕೆ ತುದಿಗಾಲಲ್ಲಿ ನಿಂತಿದೆ. ಇಂದು ಚಂದನವನದ ಅಣ್ಣಾವ್ರ ಜನ್ಮ ಜಯಂತಿ. ಹಾಗಾಗಿ ಈ ಸ್ಪೆಷಲ್ ಡೇಗೆ ಅಣ್ಣ ಫ್ರಮ್ ಮೆಕ್ಸಿಕೋ ಟೀಂ ಟೀಸರ್ ಲಾಂಚ್ ಮಾಡಿ ಪ್ರಮೋಷನ್ಸ್ ಕಿಕ್ಸ್ಟಾರ್ಟ್ ಮಾಡಿದೆ. ಸದಾ ಹೊಸತನಕ್ಕೆ ಹಾತೊರೆಯುವ ಡಾಲಿ, ಈ ಚಿತ್ರದ ಮೂಲಕ ಸಖತ್ ಫ್ರೆಶ್ & ಇಂಪ್ರೆಸ್ಸೀವ್ ಲುಕ್ & ರೋಲ್ನಲ್ಲಿ ಕಾಣ್ತಿದ್ದಾರೆ.
ಡಾಲಿ ಕೊರಳಲ್ಲಿ ಕರ್ನಾಟಕ….ಅಣ್ಣಾವ್ರ ಬರ್ತ್ ಡೇಗೆ ಅಣ್ಣ ಫ್ರಮ್ ಮೆಕ್ಸಿಕೋ
ಮೆಕ್ಸಿಕನ್ ಅಮಿಗೋಸ್ಗೆ ವರ್ಲ್ಡ್ ಫೇಮಸ್ ಲಾಂಗ್ ಪರಿಚಯ
ಅಣ್ಣ ಫ್ರಮ್ ಮೆಕ್ಸಿಕೋ ಟೀಸರ್ ಸಂಥಿಂಗ್ ಸ್ಪೆಷಲ್ ಅನಿಸಿದೆ. ಯಾಕಂದ್ರೆ ಮೆಕ್ಸಿಕೋದಲ್ಲಿ ನಡೆಯೋ ಕಥೆಯಲ್ಲಿ ಮೆಕ್ಸಿಕನ್ ಅಮಿಗೋಸ್ ಜೊತೆ ಕಾದಾಡೋ ಅಪ್ಪಟ ಕನ್ನಡಿಗನಾಗಿ ಡಾಲಿ ಧನಂಜಯ ಕಮಾಲ್ ಮಾಡಲಿದ್ದಾರೆ. ಅದ್ರಲ್ಲೂ ನಾಟಿ ಕೋಳಿ, ದಿ ವರ್ಲ್ಡ್ ಫೇಮಸ್ ಕರ್ನಾಟಕ ವೆಪನ್ ಲಾಂಗ್ನ ಪರಿಚಯಿಸೋ ಪರಿ ಅದ್ಭುತ ಅನಿಸಿದೆ. ಅಲ್ಲದೆ, ಲಾಂಗ್ನ ನಾನು ಹಿಡಿದ್ಮೇಲೆನೇ ಹುಡುಗ್ರು ನನ್ನ ಕೈ ಹಿಡಿದ್ರು ಅಂತ ಡಾಲಿ ಎದೆ ತಟ್ಟಿ ಈ ಚಿತ್ರದಲ್ಲಿ ಹೇಳಿಕೊಂಡಿದ್ದಾರೆ.
ನಾ ಲಾಂಗ್ನ ಹಿಡಿದ್ಮೇಲೆನೇ ಹುಡುಗ್ರು ನನ್ನ ಕೈ ಹಿಡಿದ್ರು- ಡಾಲಿ
ನಾಟಿ ಕೋಳಿ.. ಘಾಟಿ ರೀಷ್ಮಾ.. ಡಾಲಿಗೆ ‘ಲಕ್ಷ್ಮೀ’ ಕೃಪಾಕಟಾಕ್ಷ..!
ಈ ಹಿಂದೆ ಬಡವ ರಾಸ್ಕಲ್ ಚಿತ್ರ ನಿರ್ದೇಶಿಸಿದ್ದ ಅದೇ ಶಂಕರ್ ಗುರು ಈ ಅಣ್ಣ ಫ್ರಮ್ ಮೆಕ್ಸಿಕೋ ಚಿತ್ರಕ್ಕೂ ಆ್ಯಕ್ಷನ್ ಕಟ್ ಹೇಳಿರೋದು ವಿಶೇಷ. ಇನ್ನೂ ವಾಸುಕಿ ವೈಭವ್ ಸಂಗೀತ, ಎ ಜೆ ಶೆಟ್ಟಿ ಸಿನಿಮಾಟೋಗ್ರಫಿ ಚಿತ್ರಕ್ಕಿದೆ. ಇಲ್ಲಿ ಡಾಲಿಗೆ ಜೋಡಿಯಾಗಿ ರೀಷ್ಮಾ ನಾಣಯ್ಯ ನಟಿಸಿದ್ದು, ಕೆಡಿ ಕಿಲ್ಲೇಡಿಯ ರೋಲ್ ಇದರಲ್ಲಿ ಹೇಗಿರಲಿದೆ ಅನ್ನೋ ಕೌತುಕತೆ ಜೋರಿದೆ. ಇನ್ನೂ ಲಕ್ಷ್ಮೀ ಹೆಬ್ಬಾಳ್ಕರ್ ತಮ್ಮ ಮೊಮ್ಮಗಳು ಐರಾ ಹೆಸರಲ್ಲಿ ಐರಾ ಫಿಲಂಸ್ ಬ್ಯಾನರ್ ಮಾಡಿದ್ದು, ಅವರೇ ನಿರ್ಮಾಣ ಮಾಡಿರೋದು ಡಾಲಿ & ಟೀಂಗೆ ಲಕ್ಷ್ಮೀ ಕೃಪಾಕಟಾಕ್ಷ ಸಿಕ್ಕಂತಾಗಿದೆ. ಒಟ್ಟಾರೆ ಡಾಲಿ ಈ ಬಾರಿ ಫ್ಯಾನ್ಸ್ಗೆ ಮಸ್ತ್ ಮನರಂಜನೆಯ ರಸದೌತಣ ಉಣಬಡಿಸೋ ಲಕ್ಷಣ ತೋರಿದ್ದಾರೆ.
