ಯುಗಾದಿ ಹಬ್ಬಕ್ಕೆ ತೆರೆಕಂಡ ಮೊದಲ ದಿನವೇ 240 ಕೋಟಿ ದಾಖಲೆ ಕಲೆಕ್ಷನ್ ಗಳಿಸಿರೋ ಧುರಂಧರ್-2 ಬಗ್ಗೆ ಪ್ರಕಾಶ್ ರೈ ಹಾಗೂ ಮೋಹಕತಾರೆ ರಮ್ಯಾ ಭಾರೀ ನಿರಾಶೆ ಮೂಡಿಸಿದೆ ಎಂದು ಟೀಕಿಸಿದ್ದಾರೆ. ಸಿನಿಮಾ ನೋಡಿ, ಕಮೆಂಟ್ ಸೆಕ್ಷನ್ ಆಫ್ ಮಾಡಿ, ಎರಡು ಪುಟ ರಿವ್ಯೂ ಬರೆದ ರಮ್ಯಾ ಹೇಳಿದ್ದೇನು..? ರೈ ಲೇವಡಿ ಮಾಡಿದ್ದು ಯಾರನ್ನ..? ಏನಂತ ಅನ್ನೋದ್ರ ರಿಪೋರ್ಟ್ ಇಲ್ಲಿದೆ.
ಧುರಂಧರ್-2 ಪ್ರೊಪಗಾಂಡ ಮೂವಿ ಎಂದ ನಟಿ ರಮ್ಯಾ
ಕಮೆಂಟ್ ಸೆಕ್ಷನ್ ಆಫ್ ಮಾಡಿ ಎರಡು ಪುಟಗಳ ರಿವ್ಯೂ
ದೇಶಪ್ರೇಮದ ಕಿಚ್ಚು ಹೆಚ್ಚಿಸೋ ಅಂತಹ ನೈಜ ಘಟನೆ ಆಧಾರಿತ ಸಿನಿಮಾ ಧುರಂಧರ್ ದಿ ರಿವೆಂಜ್. ಮೊದಲ ಭಾಗ 1350 ಕೋಟಿ ಗಳಿಸಿದ ಹಿನ್ನೆಲೆ ಸಹಜವಾಗಿಯೇ ಸೀಕ್ವೆಲ್ ಮೇಲೆ ನಿರೀಕ್ಷೆ ಹೆಚ್ಚಾಗಿತ್ತು. ನಿರ್ದೇಶಕ ಆದಿತ್ಯ ಧಾರ್ ಹಾಗೂ ನಟ ರಣ್ವೀರ್ ಸಿಂಗ್ ಕಾಂಬೋ ಈ ಬಾರಿಯೂ ದೊಡ್ಡ ಮಟ್ಟದಲ್ಲೇ ವರ್ಕೌಟ್ ಆಗಿದೆ. ಯುಗಾದಿ ಹಬ್ಬದ ದಿನ ತೆರೆಕಂಡ ಈ ಸಿನಿಮಾ, ವರ್ಲ್ಡ್ವೈಡ್ ಬರೋಬ್ಬರಿ 240 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ರಿಲೀಸ್ಗೂ ಮೊದಲೇ ಪೇಯ್ಡ್ ಪ್ರೀಮಿಯರ್ ಶೋಗಳಿಂದ 52 ಕೋಟಿ ಗಳಿಸಿತ್ತು.
ಸಿನಿಮಾ ನೋಡಿದ ಪ್ರತಿಯೊಬ್ಬರೂ ಸಹ, ಇಂಡಿಯಾದ ಮಾಸ್ಟರ್ಪೀಸ್ ಹಾಗೂ ಮಾಸ್ಟರ್ಕ್ಲಾಸ್ ಸಿನಿಮಾ ಅಂತಿದ್ದಾರೆ. ಆದ್ರೀಗ ಮೋಹಕತಾರೆ, ಮಾಜಿ ಸಂಸದೆ ರಮ್ಯಾ ಈ ಬಗ್ಗೆ ನೆಗೆಟಿವ್ ಆಗಿ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ.
Just watched Dhurandhar 2 and wow! what a masterclass in how to turn something promising into an endurance test.
It’s like reading a textbook of the most boring subject with never-ending chapters and at some point, your brain just gives up and starts laughing out of sheer despair…— Ramya/Divya Spandana (@divyaspandana) March 20, 2026
ಇದೊಂದು ಪ್ರೊಪಗಾಂಡ ಮೂವಿ ಎಂದಿರೋ ರಮ್ಯಾ, ಗನ್, ಬಾಂಬ್ ವಯಲೆನ್ಸ್ ಬಿಟ್ಟು ಬೇರೇನೂ ಇಲ್ಲ. ಥಿಯೇಟರ್ನಲ್ಲಿ ಜನ ಶಿಳ್ಳೆ, ಚಪ್ಪಾಳೆ ಹೊಡೆಯುತ್ತಿಲ್ಲ. ಸಿಕ್ಕಾಪಟ್ಟೆ ಬೋರ್ ಆಗುತ್ತೆ. ಬೋರಿಂಗ್ ಟೆಕ್ಸ್ಟ್ ಬುಕ್ನ ನೆವರ್ ಎಂಡಿಂಗ್ ಚಾಪ್ಟರ್ ಓದಿದಂತಿದೆ ಧುರಂಧರ್ 2. ನಿಮ್ಮ ಸಮಯ ಹಾಗೂ ಹಣವನ್ನು ವ್ಯರ್ಥ ಮಾಡಿಕೊಳ್ಳಬೇಡಿ ಎಂದಿದ್ದಾರೆ.
ನಾ ಧುರಂಧರ್ನಿಂದ ದೂರ.. ನೀವು..? ಎಂದ ಪ್ರಕಾಶ್ ರೈ
NTR, ಅಲ್ಲು, ಮಹೇಶ್ ಬಾಬು, ವಿಜಯ್ ಕಾಲೆಳೆದ ನಟ
ಬಹುಭಾಷಾ ನಟ ಪ್ರಕಾಶ್ ರೈ ಕೂಡ ಈ ಧುರಂಧರ್ ಸಿನಿಮಾದ ಬಗ್ಗೆ ತಮ್ಮ ಎಕ್ಸ್ ಖಾತೆಯಲ್ಲಿ ಬರೆದುಕೊಂಡಿದ್ದು, ನಾನು ಧುರಂಧರ್ನಿಂದ ದೂರ. ನೀವು..? ಎಂದು ಪ್ರಶ್ನಿಸಿದ್ದಾರೆ. ಅಷ್ಟೇ ಅಲ್ಲ, ಧುರಂಧರ್ ದಿ ರಿವೆಂಜ್ ಪ್ರೀಮಿಯರ್ ಶೋ ಬಳಿಕ ಸಿನಿಮಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರೋ ತೆಲುಗಿನ ಸೂಪರ್ ಸ್ಟಾರ್ಗಳಾದ ಅಲ್ಲು ಅರ್ಜುನ್, ಜೂನಿಯರ್ ಎನ್ಟಿಆರ್, ವಿಜಯ್ ದೇವರಕೊಂಡ ಹಾಗೂ ಮಹೇಶ್ ಬಾಬು ಬಗ್ಗೆ ಲೇವಡಿ ಮಾಡಿದ್ದಾರೆ. ಪ್ರೊಪಗಾಂಡದ ಗುರುತುಗಳು ಸೌತ್ಗೂ ಹರಡುತ್ತಿವೆ ಎಂದಿದ್ದಾರೆ.
ಸಿನಿಮಾ ಅಂದ್ಮೇಲೆ ಟೀಕೆ, ಟಿಪ್ಪಣಿಗಳು ಹಾಗೂ ನೆಗೆಟಿವ್ ರಿವ್ಯೂವ್ಸ್ ಸರ್ವೇ ಸಾಮಾನ್ಯ. ಆದ್ರೆ ಎಷ್ಟು ಜನ ಒಂದು ಸಿನಿಮಾನ ಇಷ್ಟ ಪಟ್ಟು, ಮುಗಿಬಿದ್ದು ನೋಡ್ತಾರೆ..? ಎಷ್ಟು ಕೋಟಿ ಗಳಿಸುತ್ತೆ ಅನ್ನೋದರ ಮೇಲೆ ಅದ್ರ ಸಕ್ಸಸ್ ನಿರ್ಧಾರವಾಗುತ್ತೆ. ಪ್ರಕಾಶ್ ರೈ ಎಡಪಂಥೀಯರಾಗಿ ಗುರ್ತಿಸಿಕೊಂಡಿದ್ದು, ರಮ್ಯಾ ಕೂಡ ಕಾಂಗ್ರೆಸ್ ಪಕ್ಷದ ರಾಜಕಾರಣಿಯಾಗಿ ಈ ರೀತಿ ಟೀಕಾ ಪ್ರಹಾರ ಮಾಡಿರೋದ್ರಲ್ಲಿ ಅಚ್ಚರಿಯೇನು ಇಲ್ಲ ಅನ್ನೋದು ಸಿನಿಮಾ ಇಷ್ಟ ಪಡುವವರ ವಾದವಾಗಿದೆ. ಅಲ್ಲದೆ, ಇವರಿಬ್ಬರ ರಿವ್ಯೂನಿಂದ ಸಿನಿಮಾದ ಗೆಲುವು ಅಥ್ವಾ ಸೋಲನ್ನ ಅಳೆಯೋದು ಕೂಡ ಅಸಮಂಜಸ.
