ಡಾರ್ಲಿಂಗ್ ಪ್ರಭಾಸ್ ಸ್ಪಿರಿಟ್ ಚಿತ್ರದಿಂದ ದೀಪಿಕಾ ಪಡುಕೋಣೆ ಹೊರಗೆ ಹೋಗಿದ್ದು ಎಲ್ಲರಿಗೂ ಗೊತ್ತೇಯಿದೆ. ಆದ್ರೀಗ ಮತ್ತೊಂದು ಆಘಾತಕಾರಿ ಸುದ್ದಿ ಹೊರಬಿದ್ದಿದೆ. ಅದೇನಪ್ಪಾ ಅಂದ್ರೆ ಬಹುಭಾಷಾ ನಟ ಪ್ರಕಾಶ್ ರೈ ಕೂಡ ಚಿತ್ರದಿಂದ ಹೊರಬಂದಿದ್ದಾರೆ ಎನ್ನಲಾಗ್ತಿದೆ.
ಸಂದೀಪ್ ರೆಡ್ಡಿ ವಂಗಾ.. ಮುಟ್ಟಿದ್ದೆಲ್ಲಾ ಚಿನ್ನ. ಅರ್ಜುನ್ ರೆಡ್ಡಿ, ಕಬೀರ್ ಸಿಂಗ್, ಅನಿಮಲ್.. ಬ್ಯಾಕ್ ಟು ಬ್ಯಾಕ್ ಚಿತ್ರಗಳಿಂದ ಹ್ಯಾಟ್ರಿಕ್ ಹಿಟ್ ಡೈರೆಕ್ಟರ್ ಪಟ್ಟಕ್ಕೇರಿದ್ರು.
ಇದೀಗ ಡಾರ್ಲಿಂಗ್ ಪ್ರಭಾಸ್ ಜೊತೆ ಸ್ಪಿರಿಟ್ ಅನ್ನೋ ಕಾಪ್ ಆ್ಯಕ್ಷನ್ ಡ್ರಾಮಾ ಮಾಡ್ತಿದ್ದಾರೆ. ವಂಗಾ ಸಿನಿಮಾಗಳು ಅಂದ್ರೆ ಸಹಜವಾಗಿಯೇ ಯೂತ್ಗೆ ಹಾರ್ಟ್ ಫೇವರಿಟ್. ಹುಚ್ಚೆಬ್ಬಿಸೋ ಅಂತಹ ದೃಶ್ಯಗಳು, ಇಂಟೆನ್ಸ್ ಎಮೋಷನ್ಸ್ ಚಿತ್ರದ ಭಾಗವಾಗಿರಲಿವೆ.
ದೀಪಿಕಾ ಆಯ್ತು.. ಈಗ ಪ್ರಕಾಶ್ ರೈ.. ಸ್ಪಿರಿಟ್ ಟೀಂಗೆ ಹಿನ್ನಡೆ..?
ನನ್ನ ಶೂಟಿಂಗ್ ಶುರುನೇ ಆಗಿಲ್ಲ.. ಅದೆಲ್ಲಾ ಗಾಳಿಸುದ್ದಿ ಎಂದ ರೈ
ಇತ್ತೀಚೆಗೆ ನಟಿ ದೀಪಿಕಾ ಪಡುಕೋಣೆಯನ್ನ ನಾಯಕಿ ಸ್ಥಾನದಿಂದ ತೆಗೆಯಲಾಗಿತ್ತು. ಡೇಟ್ಸ್ ಹಾಗೂ ವರ್ಕಿಂಗ್ ಹವರ್ಸ್ ವಿಚಾರ ಡೈರೆಕ್ಟರ್ ಜೊತೆ ಕಿತಾಪತಿ ಮಾಡಿಕೊಂಡು, ರೆಮ್ಯುನರೇಷನ್ ಬಗ್ಗೆಯೂ ತಗಾದೆ ತೆಗೆದಿದ್ರು ದೀಪಿಕಾ. ಅದೇ ಕಾರಣಕ್ಕೆ ಚಿತ್ರದಿಂದ ಹೊರಬಂದಿದ್ರು. ಆದ್ರೆ ಸಂದೀಪ್ ರೆಡ್ಡಿ ವಂಗಾ ಕೈ ಕೊಟ್ಟ ಬಳಿಕ ಅಲ್ಲು ಅರ್ಜುನ್- ಅಟ್ಲೀ ಸಿನಮಾಗೆ ದೀಪಿಕಾ ಗ್ರೀನ್ ಸಿಗ್ನಲ್ ನೀಡಿದ್ದಾರೆ.
ಇದೀಗ ಬಹುಭಾಷಾ ನಟ ಪ್ರಕಾಶ್ ರೈ ಕೂಡ ಚಿತ್ರದಿಂದ ಹೊರಬಂದಿದ್ದಾರೆ ಎನ್ನಲಾಗಿತ್ತು. ನಿರ್ದೇಶಕರು ಹಾಗೂ ರೈ ನಡುವೆ ಸೃಜನಾತ್ಮಕ ಅಂಶಗಳ ಹೊಂದಾಣಿಕೆ ಆಗದ ವಿಚಾರ ಚಿತ್ರದಿಂದ ರೈ ತಾವೇ ಸ್ವತಃ ಹೊರಕ್ಕೆ ಬಂದಿದ್ದಾರೆ ಅನ್ನೋ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಜೋರಾಗಿ ಹರಿದಾಡ್ತಿತ್ತು. ಆದ್ರೀಗ ಅದಕ್ಕೆ ಟ್ವೀಟ್ ಮಾಡೋ ಮೂಲಕ ಇತಿಶ್ರೀ ಹಾಡಿದ್ದಾರೆ ಖುದ್ದು ಪ್ರಕಾಶ್ ರೈ.
ಹೈ ವೋಲ್ಟೇಜ್ ಆ್ಯಕ್ಷನ್ ಡ್ರಾಮಾ.. ಪ್ರಭಾಸ್ಗೆ ವಂಗಾ ಡೈರೆಕ್ಷನ್
ಅನಿಮಲ್ ನಂತ್ರ ಸಕ್ಸಸ್ಫುಲ್ ಸಾರಥಿ ಕೈಗೆತ್ತಿಕೊಂಡಿರೋ ಚಿತ್ರ..!
ನಾನಿನ್ನೂ ನನ್ನ ಭಾಗದ ಶೂಟಿಂಗ್ಗೆ ಬಣ್ಣವೇ ಹಚ್ಚಿಲ್ಲ. ಆಗಲೇ ಈ ರೀತಿಯ ಅಂತೆ ಕಂತೆಗಳು ಹರಿದಾಡ್ತಿವೆ. ಇವೆಲ್ಲಾ ಸತ್ಯಕ್ಕೆ ದೂರವಾದ ಮಾತುಗಳು. ಗಾಳಿಸುದ್ದಿಗಳನ್ನ ಹಬ್ಬಿಸಬೇಡಿ ಅಂತ ಮಾರ್ಮಿಕವಾಗಿ ನೆಟಿಜನ್ಸ್ ವಿರುದ್ಧ ಕಿಡಿಕಾರಿದ್ದಾರೆ ಕನ್ನಡಿಗ ಪ್ರಕಾಶ್ ರೈ. ಅದೇನೇ ಇರಲಿ, ಒಳ್ಳೊಳ್ಳೆಯ ಕಲಾವಿದರನ್ನ ಚಿತ್ರತಂಡ ಬಿಟ್ಟುಕೊಡ್ತಾ ಹೋದ್ರೆ ಲಾಸ್ ಮಾತ್ರ ಅವರಿಗೇನೇ ಅನ್ನೋದು ಇಲ್ಲಿ ಅರಿತುಕೊಳ್ಳಬೇಕಿದೆ.
ದೀಪಿಕಾ ಪಡುಕೋಣೆ ಜಾಗಕ್ಕೆ ತೃಪ್ತಿ ದಿಮ್ರಿ ಬಂದಿದ್ದಾರೆ. ಶೂಟಿಂಗ್ ಕೂಡ ಭರದಿಂದ ಸಾಗ್ತಿದ್ದು, ರೈ ಇತ್ತೀಚೆಗೆ ಕೇರಳ ಹಾಗೂ ಬೆಂಗಳೂರು ಅಂತಾರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ಗಳ ರಾಯಭಾರಿಯಾಗಿ ಮಿಂಚಿದ್ರು. ಜಸ್ಟ್ ಆಸ್ಕಿಂಗ್ ಹೆಸರಲ್ಲಿ ಸದಾ ಸುದ್ದಿಯಲ್ಲಿ ಕೂಡ ಇದ್ದಾರೆ. ಇದೀಗ ಸ್ಪಿರಿಟ್ನಿಂದ ನಾ ಹೊರಬಂದಿಲ್ಲ ಅನ್ನೋ ಸುದ್ದಿಯನ್ನ ಅವ್ರೇ ನೀಡುವ ಮೂಲಕ ವಿವಾದಗಳಿಗೆ ಫುಲ್ಸ್ಟಾಪ್ ಇಟ್ಟಿದ್ದಾರೆ.
