ಮತ್ತೆ ಏರಿಕೆಯಾಯ್ತಾ ಬಂಗಾರದ ಬೆಲೆ? ಇಲ್ಲಿ ಚೆಕ್‌ ಮಾಡಿ ಇಂದಿನ ಚಿನ್ನ-ಬೆಳ್ಳಿ ದರ

ಬೆಂಗಳೂರು: ದೇಶಾದ್ಯಂತ ಚಿನ್ನದ ಬೆಲೆ ಗಗನಕ್ಕೇರಿದೆ. ಆದರೆ ಇಂದು ಡಿಸೆಂಬರ್ 16, 2025ರಿಂದ ಕರ್ನಾಟಕ ಸೇರಿದಂತೆ ದಕ್ಷಿಣ ಭಾರತದಲ್ಲಿ ಧನುರ್ಮಾಸ (ಶೂನ್ಯ ಮಾಸ ಅಥವಾ ಮಾರ್ಗಶೀರ್ಷ ಮಾಸ) ಪ್ರಾರಂಭವಾಗಿದೆ. ಸಂಪ್ರದಾಯದ ಪ್ರಕಾರ, ಸಂಕ್ರಾಂತಿ ಬರುವವರೆಗೆ ಸುಮಾರು ಒಂದು ತಿಂಗಳ ಕಾಲ ಯಾವುದೇ ಶುಭ ಕಾರ್ಯಗಳು ಮದುವೆ, ಗೃಹಪ್ರವೇಶ, ಉದ್ಯೋಗಾರಂಭ ಇತ್ಯಾದಿ ನಡೆಸುವುದಿಲ್ಲ. ಇದರಿಂದ ಚಿನ್ನದ ಮಾರುಕಟ್ಟೆಯಲ್ಲಿ ಬೇಡಿಕೆಯಲ್ಲಿ ಸ್ವಲ್ಪ ಕುಸಿತ ಬರಬಹುದು ಎಂಬ ನಿರೀಕ್ಷೆ ಇದೆ.

ಸಾಮಾನ್ಯವಾಗಿ ಮದುವೆ ಸೀಸನ್‌ನಲ್ಲಿ ಚಿನ್ನದ ಆಭರಣಗಳ ಖರೀದಿ ಗಣನೀಯವಾಗಿ ಹೆಚ್ಚುತ್ತದೆ. ಆದರೆ ಧನುರ್ಮಾಸದಲ್ಲಿ ಈ ಬೇಡಿಕೆ ಕಡಿಮೆಯಾಗುವುದರಿಂದ ಸ್ಥಳೀಯ ಮಾರುಕಟ್ಟೆಯಲ್ಲಿ ಬೆಲೆ ಸ್ಥಿರವಾಗಿ ಉಳಿಯಬಹುದು ಅಥವಾ ಸ್ವಲ್ಪಮಟ್ಟಿಗೆ ಇಳಿಕೆಯಾಗಬಹುದು. ಮಾರುಕಟ್ಟೆ ತಜ್ಞರು ಹೇಳುವಂತೆ, “ಧನುರ್ಮಾಸದಲ್ಲಿ ಶುಭ ಕಾರ್ಯಗಳಿಗೆ ಬ್ರೇಕ್ ಬೀಳುವುದರಿಂದ ಚಿನ್ನದ ಬೇಡಿಕೆಯಲ್ಲಿ ತಾತ್ಕಾಲಿಕ ಕಡಿಮೆಯಾಗುತ್ತದೆ. ಇದು ಬೆಲೆಯಲ್ಲಿ ಸ್ವಲ್ಪ ಒತ್ತಡ ತರುತ್ತದೆ.” ಎಂದಿದ್ದಾರೆ.

ಆದರೆ ಜಾಗತಿಕ ಮಾರುಕಟ್ಟೆಯ ಪ್ರಭಾವ ಬೇರೆಯೇ ಇದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಬೆಲೆ ಇನ್ನೂ ದಾಖಲೆ ಮಟ್ಟದಲ್ಲಿದೆ.. ಡಾಲರ್‌ನ ಮೌಲ್ಯ, ಭೌಗೋಳಿಕ ರಾಜಕೀಯ ಉದ್ವಿಗ್ನತೆ, ಯುದ್ಧ ಭೀತಿ ಮತ್ತು ಹೂಡಿಕೆದಾರರ ಆಕರ್ಷಣೆಯಿಂದ ಚಿನ್ನವನ್ನು ಸುರಕ್ಷಿತ ಹೂಡಿಕೆಯಾಗಿ ನೋಡಲಾಗುತ್ತಿದೆ. ಹೀಗಾಗಿ, ಸ್ಥಳೀಯ ಬೇಡಿಕೆ ಕಡಿಮೆಯಾದರೂ ಬೆಲೆ ದಿಢೀರನೆ ಪಾತಾಳಕ್ಕೆ ಇಳಿಯುವ ಸಾಧ್ಯತೆ ಕಡಿಮೆ. ಆದರೆ ಮುಂದಿನ ಒಂದು ತಿಂಗಳು ಬೆಲೆ ಹೆಚ್ಚು ಏರದೇ ಇರಬಹುದು ಅಥವಾ ಸ್ವಲ್ಪ ಇಳಿಯಬಹುದು ಎಂಬುದು ಸಮಾಧಾನಕರ ಸುದ್ದಿ.

ಇಂದು (ಡಿಸೆಂಬರ್ 16) ಚಿನ್ನ-ಬೆಳ್ಳಿ ಬೆಲೆ

ಬೆಂಗಳೂರು ಮಾರುಕಟ್ಟೆ ದರ:

• 24 ಕ್ಯಾರಟ್ 10 ಗ್ರಾಂ ಚಿನ್ನ: ₹1,35,390

• 22 ಕ್ಯಾರಟ್ 10 ಗ್ರಾಂ ಚಿನ್ನ: ₹1,24,100

• ಬೆಳ್ಳಿ (1 ಕೆಜಿ): ₹1,90,100

ಕರ್ನಾಟಕದಲ್ಲಿ ಇಂದಿನ ಚಿನ್ನದ ದರ (ಪ್ರತಿ ಗ್ರಾಂ)

• 18 ಕ್ಯಾರಟ್: ₹10,155

• 22 ಕ್ಯಾರಟ್: ₹12,411

• 24 ಕ್ಯಾರಟ್ (ಅಪರಂಜಿ): ₹13,539

ಎಂಟು ಗ್ರಾಂ ಚಿನ್ನದ ಬೆಲೆ

• 18 ಕ್ಯಾರಟ್: ₹81,240

• 22 ಕ್ಯಾರಟ್: ₹99,288

• 24 ಕ್ಯಾರಟ್: ₹1,08,312

ಪ್ರಮುಖ ನಗರಗಳಲ್ಲಿ 22 ಕ್ಯಾರಟ್ (1 ಗ್ರಾಂ) ಚಿನ್ನದ ದರ

ಚೆನ್ನೈ – ₹12,516
ದೆಹಲಿ – ₹12,426
ಬೆಂಗಳೂರು, ಮುಂಬೈ, ಹೈದರಾಬಾದ್, ಕೋಲ್ಕತ್ತಾ – ₹12,411

ತಜ್ಞರ ಸಲಹೆ ಏನು?

ಆರ್ಥಿಕ ತಜ್ಞರ ಪ್ರಕಾರ, “ಮದುವೆ ಸೀಸನ್ ಇಲ್ಲದಿದ್ದರೂ, ಬೆಲೆ ಸ್ವಲ್ಪ ಕಡಿಮೆಯಾದಾಗ ಚಿನ್ನದ ಮೇಲೆ ಹೂಡಿಕೆ ಮಾಡುವುದು ಜಾಣತನ. ಮಗಳ ಮದುವೆ ಅಥವಾ ಭವಿಷ್ಯದ ಅಗತ್ಯಕ್ಕಾಗಿ ಈಗಲೇ ಹಂತ ಹಂತವಾಗಿ ಚಿನ್ನ ಖರೀದಿಸಿದರೆ ಮಧ್ಯಮ ವರ್ಗದವರಿಗೆ ಆರ್ಥಿಕ ಒತ್ತಡ ಕಡಿಮೆಯಾಗುತ್ತದೆ.”

ಟಿವಿ ಅಥವಾ ಪತ್ರಿಕೆಯಲ್ಲಿ ಕಾಣಿಸುವ ದರವೇ ಅಂತಿಮವಲ್ಲ. ಅಂಗಡಿಯಲ್ಲಿ ಚಿನ್ನದ ಆಭರಣ ಖರೀದಿಸುವಾಗ 8% ರಿಂದ 15% ಮೇಕಿಂಗ್ ಚಾರ್ಜ್ ಹಾಗೂ 3% ಜಿಎಸ್‌ಟಿ ಸೇರಿಸಲಾಗುತ್ತದೆ. ಆದ್ದರಿಂದ ಅಂಗಡಿಗೆ ಹೋಗುವ ಮೊದಲು ನಿಮ್ಮ ಬಜೆಟ್ ಅನ್ನು ಈ ವೆಚ್ಚಗಳನ್ನು ಲೆಕ್ಕ ಹಾಕಿ ಪ್ಲಾನ್ ಮಾಡಿಕೊಳ್ಳುವುದು ಅತ್ಯಗತ್ಯ.