ನವದೆಹಲಿ: ದೇಶೀಯ ಹಾಗೂ ಜಾಗತಿಕ ಮಾರುಕಟ್ಟೆಗಳಲ್ಲಿ ಅಮೂಲ್ಯ ಲೋಹಗಳ ಬೆಲೆಗಳು ಅಸಾಮಾನ್ಯ ವೇಗದಲ್ಲಿ ಏರಿಕೆಯಾಗುತ್ತಿದ್ದು, ವಿಶೇಷವಾಗಿ ಬೆಳ್ಳಿ ಬೆಲೆ ದಾಖಲೆ ಮಟ್ಟಕ್ಕೆ ಜಿಗಿದಿದೆ. ಶನಿವಾರ ಒಂದೇ ದಿನ ಬೆಂಗಳೂರು ಮಾರುಕಟ್ಟೆಯಲ್ಲಿ 1 ಕೆಜಿ ಬೆಳ್ಳಿ ಬೆಲೆ ₹14,700 ಏರಿಕೆಯಾಗಿ ₹2,57,700ಕ್ಕೆ ತಲುಪಿದೆ.
ಶುಕ್ರವಾರವೂ ಸಹ ಬೆಳ್ಳಿ ಬೆಲೆಯಲ್ಲಿ ಭಾರೀ ಜಿಗಿತ ಕಂಡುಬಂದಿದ್ದು, ಕೇವಲ ಒಂದೇ ದಿನದಲ್ಲಿ ₹9,500 ಏರಿಕೆ ದಾಖಲಾಗಿತ್ತು. ಇದರೊಂದಿಗೆ ಕಳೆದ ಆರು ದಿನಗಳ ಅವಧಿಯಲ್ಲಿ ಒಟ್ಟು ₹35,900 ಏರಿಕೆಯಾಗಿದೆ. ಸಾಮಾನ್ಯವಾಗಿ ನಿಧಾನಗತಿಯ ಏರಿಕೆಯನ್ನು ಕಾಣುವ ಬೆಳ್ಳಿ ಬೆಲೆ ಇತ್ತೀಚೆಗೆ ಅತೀವ ವೇಗದಲ್ಲಿ ಏರುತ್ತಿರುವುದು ಅಪರೂಪದ ಬೆಳವಣಿಗೆಯಾಗಿದೆ.
ಚಿನ್ನದ ಬೆಲೆಯಲ್ಲೂ ಏರಿಕೆ
ಬೆಳ್ಳಿಯ ಜೊತೆಗೆ ಚಿನ್ನದ ಬೆಲೆಯೂ ಏರಿಕೆಯ ಹಾದಿಯಲ್ಲಿದೆ. ಶನಿವಾರ
-
22 ಕ್ಯಾರಟ್ ಚಿನ್ನ – 10 ಗ್ರಾಂಗೆ ₹1,150 ಏರಿಕೆಯಾಗಿ ₹1,33,350
-
24 ಕ್ಯಾರಟ್ ಚಿನ್ನ – 10 ಗ್ರಾಂಗೆ ₹1,250 ಜಿಗಿದು ₹1,45,450
ಎರಡೂ ಲೋಹಗಳ ಬೆಲೆ ಏಕಕಾಲಕ್ಕೆ ಏರಿರುವುದು ಹೂಡಿಕೆ ವಲಯದಲ್ಲಿ ಹೊಸ ಲೆಕ್ಕಾಚಾರಗಳಿಗೆ ಕಾರಣವಾಗಿದೆ.
ಬೆಳ್ಳಿ ಬೆಲೆ ಏರಿಕೆಗೆ ಕಾರಣಗಳೇನು?
ಮಾರುಕಟ್ಟೆ ತಜ್ಞರ ಪ್ರಕಾರ, ಬೆಳ್ಳಿ ಬೆಲೆ ಏರಿಕೆಗೆ ಹಲವು ಪ್ರಮುಖ ಕಾರಣಗಳಿವೆ.
-
ಜಾಗತಿಕ ಮಟ್ಟದಲ್ಲಿ ಕೈಗಾರಿಕಾ ವಲಯದಿಂದ ಭಾರೀ ಬೇಡಿಕೆ
-
ಸೌರಶಕ್ತಿ, ಎಲೆಕ್ಟ್ರಿಕ್ ವಾಹನಗಳು, ಎಲೆಕ್ಟ್ರಾನಿಕ್ಸ್ ಕ್ಷೇತ್ರಗಳಲ್ಲಿ ಬೆಳ್ಳಿಯ ಬಳಕೆ ಹೆಚ್ಚಳ
-
ಗಣಿಗಾರಿಕೆಯಲ್ಲಿ ಅದಿರಿನ ನಿಕ್ಷೇಪಗಳ ಕೊರತೆ
-
ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬೆಳ್ಳಿ ಲಭ್ಯತೆ ಕಡಿಮೆಯಾಗಿರುವುದು
-
ಹೂಡಿಕೆದಾರರು ಸುರಕ್ಷಿತ ಆಸ್ತಿಯಾಗಿ ಬೆಳ್ಳಿಯತ್ತ ಮುಖ ಮಾಡುತ್ತಿರುವುದು
