ಬಿಗ್ ಬಾಸ್ ಕನ್ನಡ ಸೀಸನ್ 12 ರಲ್ಲಿ ವೈಲ್ಡ್‌ಕಾರ್ಡ್ ಎಂಟ್ರಿಯೊಂದಿಗೆ ಕಾಲಿಟ್ಟ ಸೂರಜ್ ಸಿಂಗ್ ಮತ್ತು ರಾಶಿಕಾ ಶೆಟ್ಟಿ ಅವರ ಬಾಂಡಿಂಗ್ ಎಲ್ಲರ ಗಮನ ಸೆಳೆದಿದೆ. ಕೇವಲ ಒಂದು ವಾರದಲ್ಲಿ ಇವರಿಬ್ಬರ ಆತ್ಮೀಯತೆ ಮನೆಯೊಳಗಿನ ಸ್ಪರ್ಧಿಗಳು ಮತ್ತು ವೀಕ್ಷಕರ ಚರ್ಚೆಯ ಕೇಂದ್ರವಾಗಿದೆ. ಆದರೆ, ಈ ಆತ್ಮೀಯತೆಯ ಹಿಂದಿನ “ಐ ಲವ್ ಯು” ಕಥೆಯ ಸತ್ಯವನ್ನು ಕಿಚ್ಚ ಸುದೀಪ್ ಅವರು ಎಪಿಸೋಡ್‌ನಲ್ಲಿ ಬಯಲಿಗೆಳೆದಿದ್ದಾರೆ.
ಸೂರಜ್ ಸಿಂಗ್ ಒಮ್ಮೆ ರಾಶಿಕಾ ಶೆಟ್ಟಿಯವರಿಗೆ “ಐ ಲವ್ ಯು” ಎಂದು ಒಪ್ಪಿಕೊಂಡಿದ್ದಾರೆ. ಆದರೆ, ರಾಶಿಕಾ ಈ ಪ್ರಸ್ತಾಪಕ್ಕೆ ಆಸಕ್ತಿಯಿಲ್ಲ ಎಂದು ಸ್ಪಷ್ಟವಾಗಿ ತಿರಸ್ಕರಿಸಿದ್ದಾರೆ. ಈ ಘಟನೆಯ ಬಳಿಕ ಇವರಿಬ್ಬರ ನಡುವೆ ಈ ವಿಷಯದ ಬಗ್ಗೆ ಯಾವುದೇ ಚರ್ಚೆ ನಡೆದಿಲ್ಲವೇ? ಅಥವಾ ಒಂದೂವರೆ ಗಂಟೆಯ ಎಪಿಸೋಡ್‌ನಲ್ಲಿ ಇದನ್ನು ತೋರಿಸಲಾಗಿಲ್ಲವೇ ಎಂಬುದು ಗೊತ್ತಿಲ್ಲ. ಆದರೆ, ಈ ವಿಷಯವು ಮನೆಯೊಳಗಿನ ಗಲಾಟೆಯ ಸಂದರ್ಭದಲ್ಲಿ ಮತ್ತೆ ಮುನ್ನೆಲೆಗೆ ಬಂದಿದೆ.
ಎಪಿಸೋಡ್‌ನ ಒಂದು ಕ್ಷಣದಲ್ಲಿ ಕಿಚ್ಚ ಸುದೀಪ್ ಅವರು, “ಮನೆಯಲ್ಲಿ ದೊಡ್ಡ ಜಗಳ ನಡೆಯುತ್ತಿರುವಾಗ ಇಬ್ಬರು ಮಾತ್ರ ದೂರ ಕೂತು ‘ಆಗಲಿ ಬಿಡಿ, ನಮ್ಮ ಕೆಲಸ ನಾವು ನೋಡಿಕೊಳ್ಳೋಣ’ ಎಂದಿದ್ದಾರೆ. ಅವರು ಯಾರು?” ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಕಾಕ್ರೋಚ್ ಸುಧಿ, “ರಾಶಿಕಾ ಶೆಟ್ಟಿ ಮತ್ತು ಸೂರಜ್ ಸಿಂಗ್” ಎಂದು ಉತ್ತರಿಸಿದ್ದಾರೆ. ಕಿಚ್ಚ ಸುದೀಪ್, “ಇಷ್ಟೊಂದು ಗಲಾಟೆಯ ನಡುವೆಯೂ ಯಾರೂ ಬಂದು ಮಾತನಾಡಿಲ್ಲ ಎಂದು ಗಮನಿಸಿದ್ದೇನೆ” ಎಂದು ತಮಾಷೆಯಾಗಿ ಹೇಳಿದ್ದಾರೆ.
ಈ ಸಂದರ್ಭದಲ್ಲಿ ಅಶ್ವಿನಿ ಗೌಡ ಅವರು, ರಾಶಿಕಾ ಮತ್ತು ಸೂರಜ್‌ರ ಬಗ್ಗೆ ತಮಾಷೆಯಾಗಿ, “ಐ ಲವ್ ಯು, ಯು ಲವ್ ಮೀ, ಐ ಡೋಂಟ್ ಲವ್ ಯು, ಏನ್ ಸೂರಜ್?” ಎಂದು ಕಾಮೆಂಟ್ ಮಾಡಿದ್ದಾರೆ. ಇದಕ್ಕೆ ಸೂರಜ್, “ಹಾಗೇನಿಲ್ಲ ಸರ್” ಎಂದು ತಿರುಗಿಸಿದ್ದಾರೆ. ಆದರೆ ಕಿಚ್ಚ ಸುದೀಪ್ ಇಲ್ಲಿ ತಮಾಷೆಯ ಟ್ವಿಸ್ಟ್ ಒಡ್ಡಿದ್ದಾರೆ. “ವಿಡಿಯೋ ಪ್ಲೇ ಮಾಡಿಸಲಾ?” ಎಂದು ಕೇಳಿದಾಗ ಸೂರಜ್, “ಬೇಡ ಸರ್” ಎಂದು ತಕ್ಷಣ ತಡೆದಿದ್ದಾರೆ. ರಾಶಿಕಾ ಈ ವಿಷಯದ ಬಗ್ಗೆ ಯಾವುದೇ ಕಾಮೆಂಟ್ ಮಾಡಿಲ್ಲ. ಕಿಚ್ಚ ಸುದೀಪ್, “ನೀವು ಮಾತನಾಡಬೇಕಿಲ್ಲ, ವಿಡಿಯೋ ರೆಡಿಯಾಗಿದೆ” ಎಂದು ಚುಚ್ಚಿದ್ದಾರೆ, ಇದು ಎಪಿಸೋಡ್‌ಗೆ ರೋಚಕತೆ ತಂದಿದೆ.
ರಾಶಿಕಾ ಮತ್ತು ಸೂರಜ್‌ರ ಈ “ಐ ಲವ್ ಯು” ಕಥೆಯು ಬಿಗ್ ಬಾಸ್ ಮನೆಯೊಳಗಿನ ಡ್ರಾಮಾವನ್ನು ಇನ್ನಷ್ಟು ರೋಚಕಗೊಳಿಸಿದೆ. ಇವರಿಬ್ಬರ ನಡುವಿನ ಸಂಬಂಧ ಗೆಳೆತನವೇ? ಇಲ್ಲವೇ ಇದರ ಹಿಂದೆ ಇನ್ನಷ್ಟು ಕಥೆಯಿದೆಯೇ? ಎಂಬುದು ವೀಕ್ಷಕರ ಕುತೂಹಲವಾಗಿದೆ. ಕಿಚ್ಚ ಸುದೀಪ್‌ರ ಈ ಟ್ವಿಸ್ಟ್‌ನಿಂದ ಈ ಜೋಡಿಯ ಸಂಬಂಧದ ಬಗ್ಗೆ ಮುಂದಿನ ಎಪಿಸೋಡ್‌ಗಳಲ್ಲಿ ಇನ್ನಷ್ಟು ಸ್ಪಷ್ಟತೆ ಬರಬಹುದು.
ಬಿಗ್ ಬಾಸ್ ಕನ್ನಡ 12 ರ ಮುಂದಿನ ಎಪಿಸೋಡ್‌ಗಳಲ್ಲಿ ಈ ಕಥೆ ಯಾವ ರೀತಿಯ ತಿರುವು ಪಡೆಯುತ್ತದೆ? ರಾಶಿಕಾ ಈ ಬಗ್ಗೆ ಏನು ಹೇಳಲಿದ್ದಾರೆ? ಜಿಯೋ ಸಿನಿಮಾದಲ್ಲಿ ಎಪಿಸೋಡ್‌ಗಳನ್ನು ವೀಕ್ಷಿಸಿ.
