ಬಿಗ್‌ಬಾಸ್ ಕನ್ನಡ ಸೀಸನ್ 12ರ ಮನೆಯಲ್ಲಿ ಈ ವಾರ ಸಂಪೂರ್ಣ ಕಾವು. ಮಾಜಿ ಸ್ಪರ್ಧಿಗಳ ಎಂಟ್ರಿಯಿಂದ ಪ್ರತಿ ಸಂದರ್ಭದಲ್ಲೂ ಗಲಾಟೆ ನಿಲ್ಲುತ್ತಿಲ್ಲ. ಆದರೆ ಈ ಬಾರಿ ಗಿಲ್ಲಿ ಮಾಡಿದ “ಕಾಮಿಡಿ” ಎಲ್ಲರ ತಾಳ್ಮೆಯ ಗಡಿ ದಾಟಿದೆ. ಇಂದು (ನ.29) ಬರುವ ಕಿಚ್ಚ ಸುದೀಪ್ ಅವರ ವೀಕೆಂಡ್ ಪಂಚಾಯಿತಿಯ ಪ್ರೋಮೋ ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ. ಪ್ರೋಮೋದಲ್ಲಿ ಸುದೀಪ್ ಗಿಲ್ಲಿಗೆ ಸೀರಿಯಸ್ ಲೆಕ್ಚರ್ ಕೊಡುವುದು ಸ್ಪಷ್ಟವಾಗಿ ಕಂಡುಬರುತ್ತಿದೆ.
ಪ್ರೋಮೋದಲ್ಲಿ ಸುದೀಪ್ ಗಿಲ್ಲಿಯನ್ನು ನೇರವಾಗಿ, ನೀವು ಯಾವುದಾದರೂ ಹೊಟೇಲ್‌ಗೆ ಹೋದಾಗ ಸಪ್ಲೈಯರ್ ನಿಮ್ಮ ಜೊತೆ ಇದೇ ರೀತಿ ವರ್ತಿಸಿದ್ರೆ ನಿಮಗೆ ಒಪ್ಪಿಗೆ ಆಗುತ್ತಾ ಎಂದು ಪ್ರಶ್ನಿಸುತ್ತಾರೆ. ಇದರ ಜೊತೆಗೆ ರಜತ್ , ತ್ರಿವಿಕ್ರಮ್, ಸ್ಪಂದನಾ, ಜಾಹ್ನವಿ, ಮೋಕ್ಷಿತಾ ಮತ್ತು ಇತರರು ಸುದೀಪ್ ಅವರ ಮಾತಿಗೆ ದನಿಗೂಡಿಸುತ್ತಾರೆ.
ಗಿಲ್ಲಿ ಕಾಮಿಡಿಗೆ ಬ್ರೇಕ್ ಬೀಳುತ್ತಾ?
ವಾರದ ಕತೆ ಕಿಚ್ಚನ ಜೊತೆ | ಇಂದು ರಾತ್ರಿ 9#BiggBossKannada12 #BBK12 #ColorsKannada #AdeBeruHosaChiguru #ಕಲರ್‌ಫುಲ್‌‌ಕತೆ #colorfulstory #KicchaSudeep #ExpectTheUnexpected #CKPromo pic.twitter.com/WJCa2FjfN9
— Colors Kannada (@ColorsKannada) November 29, 2025
ಗಿಲ್ಲಿಯ ಕಾಮಿಡಿ ಈ ಬಾರಿ ಮಾಜಿ ಸ್ಪರ್ಧಿ ಉಗ್ರಂ ಮಂಜು ಅವರಿಗೆ ತೀವ್ರ ನೋವು ಉಂಟುಮಾಡಿದೆ. ಮಂಜು ಅವರ ಮದುವೆಯ ಬಗ್ಗೆ, ವೈಯಕ್ತಿಕ ಜೀವನದ ಬಗ್ಗೆ ಗಿಲ್ಲಿ ಮಾಡಿದ ಕಾಮೆಂಟ್‌ಗಳು ಎಲ್ಲರಿಗೂ ಬೇಸರ ತಂದಿದ್ದವು ಎಂದು ಮನೆಯ ಸದಸ್ಯರು ಆರೋಪಿಸಿದ್ದಾರೆ. “ಪುಕ್ಸಟ್ಟೆ ತಿನ್ನೋಕೆ ಬಂದಿದ್ದೀರಾ?” ಎಂದು ಮಂಜು ಅವರನ್ನು ಗಿಲ್ಲಿ ಕಿಟ್ಲೆ ಮಾಡಿದ್ದರು. ಇದು ಕೇವಲ ಮಂಜು ಮಾತ್ರವಲ್ಲ, ಇತರ ಅತಿಥಿ ಸ್ಪರ್ಧಿಗಳನ್ನೂ ಸಿಟ್ಟು ತರಿಸಿದೆ.
ಮಾಜಿ ಸ್ಪರ್ಧಿಗಳು ಮನೆಗೆ ಬಂದ ದಿನದಿಂದಲೇ ಗಿಲ್ಲಿ ಅವರ ಟಾರ್ಗೆಟ್ ಜೋರಾಗಿದೆ. ರಜತ್ ಜೊತೆ ಊಟದ ಸಮಯದಲ್ಲಿ ಟಾಂಗ್ ಕೊಡುವುದು, ಮಂಜು ಅವರ ವೈಯಕ್ತಿಕ ವಿಷಯಗಳನ್ನು ಎಳೆದು ತರುವುದು ಇದೆಲ್ಲವೂ ಗಿಲ್ಲಿಯ ಎಂಟರ್‌ಟೈನ್‌ಮೆಂಟ್ ಎಂದು ಅವರು ಹೇಳಿಕೊಳ್ಳುತ್ತಿದ್ದರೂ, ಮನೆಯ ಸದಸ್ಯರಿಗೆ ಇದು ಬುಲಿಂಗ್ ತರಹದ ವರ್ತನೆಯಂತೆ ಕಂಡುಬಂದಿದೆ.
ಈ ಹಿಂದೆಯೂ ಗಿಲ್ಲಿಯ ಕಾಮಿಡಿ ಮಾಡುವ ರೀತಿ ಬದಲಾಯಿಸುವಂತೆ ಸುದೀಪ್ ಸಣ್ಣ-ಪುಟ್ಟ ಸಲಹೆ ನೀಡಿದ್ದರು. ಆದರೆ ಈ ಬಾರಿ ಪ್ರೋಮೋದಲ್ಲಿ ಸುದೀಪ್ ಅವರ ಟೋನ್ ಸಂಪೂರ್ಣ ಗಂಭೀರವಾಗಿದೆ. ಗಿಲ್ಲಿ ಮಾಡಿದ ತಪ್ಪಿಗೆ ಇಡೀ ಮನೆಗೆ ಪರಿಣಾಮ ಬೀರಿರುವುದರಿಂದ ಸುದೀಪ್, ಈ ಬಾರಿ ಹೆಚ್ಚಿನ ಕ್ಲಾಸ್‌ ತೆಗೆದುಕೊಳ್ಳುತ್ತಾರಾ ಎಂದು ಕಾದು ನೋಡಬೇಕಿದೆ.
