ಬಿಗ್ ಬಾಸ್ ಕನ್ನಡ ಸೀಸನ್ 12ರಲ್ಲಿ ಆರಂಭದಿಂದಲೂ ಅತ್ಯಂತ ವಿವಾದಾತ್ಮಕ ಸ್ಪರ್ಧಿಯಾಗಿ ಹೊರಹೊಮ್ಮಿರುವವರು ಅಶ್ವಿನಿ ಗೌಡ. ಜನಪ್ರಿಯತೆಗಿಂತ ಹೆಚ್ಚಾಗಿ ಕುಖ್ಯಾತಿ ಗಳಿಸಿರುವ ಅಶ್ವಿನಿ ಪ್ರತಿ ವಾರ ಒಂದಾದರೂ ತಪ್ಪು ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಟ್ರೋಲ್ಗಳ ಗುರಿಯಾಗುತ್ತಿದ್ದಾರೆ. ನಿನ್ನೆಯಷ್ಟೆ ಹೋಸ್ಟ್ ಕಿಚ್ಚ ಸುದೀಪ್ ಅಶ್ವಿನಿಗೆ ತರಾಟೆ ತೆಗೆದುಕೊಂಡಿದ್ದರು ಆದರೆ ಈಗ ಮತ್ತೆ ಅದೇ ಚಾಳಿ ಶುರು ಮಾಡಿದ್ದಾರೆ.
ಈ ಬಾರಿ ಅಶ್ವಿನಿಯ ಸಿಟ್ಟಿನ ಗುರಿ ಸಹ ಸ್ಪರ್ಧಿ ಧ್ರುವಂತ್. ನಾಮಿನೇಷನ್ ಸಮಯದಲ್ಲಿ ಧ್ರುವಂತ್ ಅಶ್ವಿನಿಯನ್ನು ನೇರವಾಗಿ ನಾಮಿನೇಟ್ ಮಾಡಿದ್ದಲ್ಲದೇ, ಅವರು ಆಟಕ್ಕೆ ಸೂಟ್ ಆಗುತ್ತಿಲ್ಲ, ಯಾರಿಗೂ ಗೌರವ ಕೊಡುತ್ತಿಲ್ಲ ಎಂದು ತೀವ್ರ ಆರೋಪ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಅಶ್ವಿನಿ ಮನೆಯೊಳಗೆ ಧ್ರುವಂತ್ ಮೇಲೆ ಬಾಯಿಗೆ ಬಂದಂತೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನೀನು ಯಾರು ನನ್ನನ್ನ ನಾಮಿನೇಟ್ ಮಾಡೋಕೆ ? ನಿನ್ನ ಆಟ ಏನು ಗೊತ್ತಾ? ನೀನು ಇಲ್ಲಿ ಎಲ್ಲರಿಗೂ ಡಬಲ್ ಗೇಮ್ ಆಡ್ತಾ ಇದ್ದೀಯಾ ಎಂದು ಧ್ವನಿ ಎತ್ತಿ ಕೂಗಿದ್ದಾರೆ.
ಅಶ್ವಿನಿಯ ಈ ಆಕ್ರೋಶ ಭರಿತ ನಡವಳಿಕೆ ಮನೆಯೊಳಗೆ ಉದ್ವಿಗ್ನ ವಾತಾವರಣ ಸೃಷ್ಟಿಸಿದೆ. ಜಾನ್ವಿ ಸೇರಿದಂತೆ ಹಲವು ಸ್ಪರ್ಧಿಗಳು ಅಶ್ವಿನಿಯನ್ನು ಸಮಾಧಾನಪಡಿಸಲು ಪ್ರಯತ್ನಿಸಿದರೂ ಆಕೆಯ ಸಿಟ್ಟು ತಣಿಯುತ್ತಿಲ್ಲ. ಇದೇ ವೇಳೆ ಧ್ರುವಂತ್ ಕೂಡ ತನ್ನ ನಿಲುವಿನಲ್ಲಿ ಗಟ್ಟಿಯಾಗಿ ನಿಂತಿದ್ದು, ನಾನು ಸತ್ಯ ಹೇಳಿದ್ದೇನೆ, ಅದಕ್ಕೆ ಯಾಕೆ ಸಿಟ್ಟು? ಎಂದು ಪ್ರಶ್ನಿಸಿದ್ದಾರೆ.
ಕಳೆದ ವಾರ ಸುದೀಪ್ ಅವರು ಅಶ್ವಿನಿಯನ್ನು ನಿಮ್ಮ ನಡವಳಿಕೆಯಿಂದ ಮನೆಯೊಳಗೆ ಎಲ್ಲರಿಗೂ ತೊಂದರೆಯಾಗುತ್ತಿದೆ, ದಯವಿಟ್ಟು ಬದಲಾಯಿಸಿಕೊಳ್ಳಿ ಎಂದು ಎಚ್ಚರಿಕೆ ನೀಡಿದ್ದರು. ಆದರೂ ಅಶ್ವಿನಿ ತಮ್ಮ ನಡವಳಿಕೆಯಲ್ಲಿ ಯಾವುದೇ ಬದಲಾವಣೆ ತರದೇ ಯಾವುದನ್ನ ಮಾಡಬೇಡಿ ಎಂದು ಕಿಚ್ಚ ಸುದೀಪ್ ಹೇಳಿದ್ದಾರೋ ಅದ್ದನ್ನ ಇನ್ನೂ ಹೆಚ್ಚಾಗಿ ಮಾಡುತ್ತಿದ್ದಾರೆ. ಇದಕ್ಕೆ ಬಿಗ್ಬಾಸ್ ಅಭಿಮಾನಿಗಳು ತೀವ್ರ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಅಶ್ವಿನಿ ಗೌಡ ಈ ಬಾರಿ ಎಲಿಮಿನೇಷನ್ನಲ್ಲಿ ಸೇಫ್ ಆಗುತ್ತಾರಾ ? ಅಥವಾ ಪ್ರೇಕ್ಷಕರು ಅವರನ್ನು ಮನೆಯಿಂದ ಹೊರಹಾಕಲು ವೋಟ್ ಹಾಕುತ್ತಾರಾ ? ಮುಂದಿನ ವೀಕೆಂಡ್ ಎಪಿಸೋಡ್ನಲ್ಲಿ ಯಾರಿ ಎಲಿಮಿನೇಟ್ ಆಗುತ್ತಾರೆ ಎಂಬ ಕುತೂಹಲ ಈಗಾಗಲೇ ಹೆಚ್ಚಾಗಿದ್ದು, ಈ ಬಾರಿ ಮನೆಯಿಂದ ಯಾರು ಹೋಗುತ್ತಾರೆ ಎಂದು ವೀಕೆಂಡ್ ಎಪಿಸೋಡ್ಗಾಗಿ ಕಾಯಬೇಕಿದೆ.
