ಧುರಂಧರ್ ದಿ ರಿವೆಂಜ್ ಸಿನಿಮಾಗೆ ವರ್ಲ್ಡ್ ಫೇಮಸ್ ಕ್ರಿಕೆಟರ್ ಕಿಂಗ್ ಕೊಹ್ಲಿ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ವ್ಹಾವ್ ಫೀಲ್ ಜೊತೆ ರಿವ್ಯೂ ರಿಪೋರ್ಟ್ ಕೂಡ ನೀಡಿದ್ದಾರೆ. ಅಷ್ಟೇ ಅಲ್ಲ, ಡೈರೆಕ್ಟರ್‌‌ನ ಫಾಲೋ ಮಾಡೋ ಮೂಲಕ ಡೆಲ್ಲಿ ಡೈರೆಕ್ಟರ್ ಟ್ಯಾಲೆಂಟ್‌ಗೆ ಹ್ಯಾಟ್ಸಾಫ್ ಹೇಳಿದ್ದಾರೆ.
ಬ್ಯಾಕ್ ಟು ಬ್ಯಾಕ್ ಐಪಿಎಲ್ ಪಂದ್ಯಗಳನ್ನ ಗೆಲ್ಲುವ ಮೂಲಕ ಆರ್‌ಸಿಬಿಯನ್ನ ಪಾಯಿಂಟ್ಸ್ ಟೇಬಲ್‌ನಲ್ಲಿ ಅಗ್ರಸ್ಥಾನಕ್ಕೆ ಏರಿಸಿರೋ ಕಿಂಗ್ ಕೊಹ್ಲಿ, ಬಿಡುವು ಮಾಡಿಕೊಂಡು ಧುರಂಧರ್ ದಿ ರಿವೆಂಜ್ ಮೂವಿ ನೋಡಿದ್ದಾರೆ. ಅಷ್ಟೇ ಅಲ್ಲ, ಎಂದೂ ಯಾವತ್ತೂ ಯಾವ ಸಿನಿಮಾ ಬಗ್ಗೆಯೂ ಪೋಸ್ಟ್ ಮಾಡದ ಕೊಹ್ಲಿ ತಮ್ಮ ಇನ್ಸ್‌ಟಾ ಸ್ಟೋರೀಸ್‌ನಲ್ಲಿ ಧುರಂಧರ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ, ಅದ್ಭುತವಾಗಿ ಅದನ್ನ ಬಣ್ಣಿಸಿದ್ದಾರೆ.
ಧುರಂಧರ್‌ಗೆ ಕೊಹ್ಲಿ ಬೋಲ್ಡ್.. ಇದು WOW ರಿಪೋರ್ಟ್
4 ಗಂಟೆ ಸಿನಿಮಾ ನೋಡಿ ಕೊಹ್ಲಿ ಕೊಟ್ರು ಕಂಪ್ಲೀಟ್ ರಿವ್ಯೂ..!
19 ದಿನದಲ್ಲಿ ವರ್ಲ್ಡ್ ಬಾಕ್ಸ್ ಆಫೀಸ್‌‌ನಲ್ಲಿ 1622 ಕೋಟಿ ಗಳಿಸಿ, ಎಲ್ಲರ ಹುಬ್ಬೇರಿಸಿರೋ ರಣ್ವೀರ್ ಸಿಂಗ್ ನಟನೆಯ ಧುರಂಧರ್-2ಗೆ ಆದಿತ್ಯ ಧರ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಇಂಟರೆಸ್ಟಿಂಗ್ ಅಂದ್ರೆ ಆದಿತ್ಯ ಧರ್ ಕೂಡ ಕೊಹ್ಲಿ ಊರಿನವರೇ. ಡೆಲ್ಲಿ ಮೂಲದವರಾಗಿರೋ ಆದಿತ್ಯ ಧರ್ ಡೈರೆಕ್ಷನ್ ಸ್ಕಿಲ್ಸ್‌ಗೆ ಹ್ಯಾಟ್ಸ್ ಆಫ್ ಹೇಳಿದ್ದಾರೆ ವಿರಾಟ್ ಕೊಹ್ಲಿ. ಖಂಡಿತವಾಗಿಯೂ ಇದೊಂದು ವ್ಹಾವ್ ಸಿನಿಮಾ ಎಂದಿರೋ ಕೊಹ್ಲಿ, 4 ಗಂಟೆಗಳ ಕಾಲ ನಾನು ಎಲ್ಲೂ ಬೇಸರ ಮಾಡಿಕೊಂಡಿಲ್ಲ. ನಾ ಇತ್ತೀಚೆಗೆ ನೋಡಿದ ಭಾರತೀಯ ಚಿತ್ರರಂಗದ ದಿ ಬೆಸ್ಟ್ ಮೂವಿ ಇದು ಅಂದಿದ್ದಾರೆ ಕೊಹ್ಲಿ.
ಎಲ್ಲಾ ಕಲಾವಿದರುಗಳ ನಟನೆ ಶ್ಲಾಘಿಸಿರೋ ವಿರಾಟ್, ಈ ಚಿತ್ರದ ನಟನೆಯಿಂದ ರಣ್ವೀರ್ ಸಿಂಗ್ ಬೇರೆ ಹಂತ ತಲುಪಿದ್ದಾರೆ ಎಂದಿದ್ದಾರೆ. ಒಂದೊಳ್ಳೆ ಸಿನಿಮ್ಯಾಟಿಕ್ ಫೀಲ್ ಕೊಟ್ಟಿದೆ ಧುರಂಧರ್ ಅಂತ ಪೋಸ್ಟ್ ಮಾಡಿರೋ ಕೊಹ್ಲಿಯಿಂದಲೇ ಈಗ ಧುರಂಧರ್ ಚಿತ್ರದ ಬಾಕ್ಸ್ ಆಫೀಸ್ ಕಲೆಕ್ಷನ್ ಮತ್ತಷ್ಟು ಹೆಚ್ಚಲಿದೆ. ಯಾಕಂದ್ರೆ ಕೊಹ್ಲಿಗೆ ಬರೋಬ್ಬರಿ 27 ಕೋಟಿಗೂ ಅಧಿಕ ಮಂದಿ ಇನ್ಸ್‌ಟಾ ಫಾಲೋವರ್ಸ್ ಇದ್ದಾರೆ. ಅವ್ರ ಒಂದೇ ಒಂದು ಪೋಸ್ಟ್‌ಗೆ ಕನಿಷ್ಟ 11ರಿಂದ 14 ಕೋಟಿ ರೂಪಾಯಿ ಹಣ ಪಡೀತಾರಂತೆ. ಅಂಥದ್ರಲ್ಲಿ ಫ್ರೀ ಆಫ್ ಕಾಸ್ಟ್‌‌ನಲ್ಲಿ ಕೊಹ್ಲಿಯೇ ಮೆಚ್ಚುಗೆ ವ್ಯಕ್ತಪಡಿಸಿ ಮಾಡಿರೋ ಪೋಸ್ಟ್ ಕೊಂಚ ಜಾಸ್ತಿನೇ ಮಹತ್ವ ಪಡೆದಿದೆ.
ತನ್ನೂರಿನ ಡೈರೆಕ್ಟರ್ ಆದಿತ್ಯ ಧರ್‌ಗೆ ವಿರಾಟ್ ಹ್ಯಾಟ್ಸ್ ಆಫ್
ಕಿಂಗ್ ಕೊಹ್ಲಿ ಬಯೋಪಿಕ್‌ಗೆ ಧುರಂಧರ್ ಡೈರೆಕ್ಟರ್ ಸಾರಥ್ಯ ?
ಅಂದಹಾಗೆ ಧುರಂಧರ್ ಡೈರೆಕ್ಟರ್ ಆದಿತ್ಯ ಧರ್ ಒಬ್ಬ ಒಳ್ಳೆಯ ಡೈರೆಕ್ಟರ್ ಅಂತ ಕೊಹ್ಲಿ ಒಪ್ಪಿಕೊಂಡು ಆಗಿದೆ. ಅಲ್ಲದೆ, ಇಬ್ಬರದ್ದೂ ಒಂದೇ ಊರು ಡೆಲ್ಲಿ. ಹೀಗಾಗಿ ಕಿಂಗ್ ಕೊಹ್ಲಿ ಬಯೋಪಿಕ್ ಬಗ್ಗೆ ಸಾಕಷ್ಟು ಚರ್ಚೆಗಳು ಕೂಡ ನಡೆಯುತ್ತಿದ್ದು, ಅದನ್ನ ಆದಿತ್ಯ ಧರ್ ಅವರೇ ಡೈರೆಕ್ಟ್ ಮಾಡ್ತಾರೆ ಎನ್ನಲಾಗ್ತಿದೆ. ಅದಕ್ಕೆ ಮತ್ತಷ್ಟು ಪುಷ್ಠಿ ನೀಡುವಂತೆ ಕೊಹ್ಲಿ ಕೂಡ ತಮ್ಮ ಇನ್ಸ್‌ಟಾದಲ್ಲಿ ಆದಿತ್ಯ ಧರ್ ಅವ್ರನ್ನ ಫಾಲೋ ಮಾಡೋಕೆ ಶುರು ಮಾಡಿದ್ದಾರೆ. ಸೋ.. ಕೊಹ್ಲಿ ಬಯೋಪಿಕ್ ಇಂತಹ ಅದ್ಭುತ ಮೇಕರ್‌ನಿಂದ ಹೊರಬಂದ್ರೆ ಅದು ನಿರೀಕ್ಷೆಗೂ ಮೀರಿದ ಗುಡ್ ಪ್ರಾಡಕ್ಟ್ ಆಗಿ ಹೊರಹೊಮ್ಮಲಿದೆ ಅನ್ನೋದು ಚಿತ್ರ ಪ್ರೇಮಿಗಳ ಹಾಗೂ ಕ್ರಿಕೆಟ್ ಪ್ರೇಮಿಗಳ ಆಶಯವಾಗಿದೆ.
