ನಟರಾಕ್ಷಸ ಹಾಗೂ ನಟ ರಕ್ಷಕ ಡಾಲಿ ಧನಂಜಯ ಫ್ಯಾಮಿಲಿಮ್ಯಾನ್ ಆದ ಬಳಿಕ ಕೂಡ ವರ್ಷಪೂರ ಬ್ಯುಸಿ ಇರೋ ಕಲಾವಿದ ಅನಿಸಿಕೊಂಡಿದ್ದಾರೆ. ಈ ವರ್ಷ ಅವ್ರ ಬತ್ತಳಿಕೆಯಲ್ಲಿ ಒಂದಲ್ಲ ಎರಡಲ್ಲ ಬರೋಬ್ಬರಿ ಅರ್ಧ ಡಜನ್ ಸಿನಿಮಾಗಳಿವೆ. ಸದ್ಯ ಜಾಪನೀಸ್ ಭಾಷೆಯಲ್ಲಿ ಹಿಂಟ್ ನೀಡಿರೋ ಡಾಲಿ, ತಮ್ಮ ಡೈರಿಯಿಂದ ಒಂದು ದೊಡ್ಡ ರಹಸ್ಯ ಬಯಲು ಮಾಡಿದ್ದಾರೆ.
ಡಾಲಿ.. ಯೂತ್ ಅಚ್ಚುಮೆಚ್ಚಿನ ನಟ. ಸದಾ ಸಿನಿಮಾಗಾಗಿ ಪರಿತಪಿಸೋ ಕಲಾಪೋಷಕ. ನಟನೆಯಲ್ಲಿ ರಾಕ್ಷಸನೂ ಹೌದು. ನಟರ ರಕ್ಷಕನೂ ಹೌದು. ಬರೀ ನಟನೆಗೆ ಸೀಮಿತವಾಗದ ಡಾಲಿ ಧನಂಜಯ, ಬರವಣಿಗೆ, ಗಾಯನ, ನಿರ್ಮಾಣ.. ಹೀಗೆ ಚಿತ್ರರಂಗದ ಬೇರೆ ಬೇರೆ ಆಯಾಮಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಮದ್ವೆ ಆದ ಬಳಿಕ ಫ್ಯಾಮಿಲಿಮ್ಯಾನ್ ಆಗಿಬಿಟ್ರು ಅಂತ ಎಲ್ರೂ ಅಂದುಕೊಂಡ್ರೆ, ನಿಮ್ಮ ಊಗೆ ತಪ್ಪು. ನಾನು ಫ್ಯಾಮಿಲಿಮ್ಯಾನ್ ನಿಜ. ಆದ್ರೆ ಸಿನಿಮಾ ಕರ್ಮಿ ಅನ್ನೋದನ್ನ ಮತ್ತೆ ನೆನಪಿಸಿದ್ದಾರೆ.
ಜಾಪನೀಸ್ನಲ್ಲಿ ಹಿಂಟ್.. ಗ್ಯಾರಂಟಿಯಲ್ಲಿ ಡಾಲಿ ಡೈರಿ ಸೀಕ್ರೆಟ್
ಈ ವರ್ಷ ಡಾಲಿ ಬತ್ತಳಿಕೆಯಿಂದ ಅರ್ಧ ಡಜನ್ ಚಿತ್ರಗಳು ರೆಡಿ
ಈ ವರ್ಷ ಧನಂಜಯ ಅಕೌಂಟ್ನಲ್ಲಿ ಒಂದಲ್ಲ ಎರಡಲ್ಲ ಬರೋಬ್ಬರಿ ಅರ್ಥ ಡಜನ್ ಚಿತ್ರಗಳಿವೆ. ಉತ್ತರಕಾಂಡ, 666 ಆಪರೇಷನ್ ಡ್ರೀಮ್ ಥಿಯೇಟರ್, ಜಿಂಗೋ, ಅಣ್ಣಾ ಫ್ರಮ್ ಮೆಕ್ಸಿಕೋ, ಹಲಗಲಿ.. ಹೀಗೆ ಐದು ಸಿನಿಮಾಗಳು ಮೇಕಿಂಗ್ ಹಂತದಲ್ಲಿವೆ. ಮತ್ತೊಂದು ಸಿನಿಮಾ ಯಾರಿಗೂ ತಿಳಿಯದಂತೆ ಸೈಲೆಂಟ್ ಆಗಿ ಮಾಡಿ ಮುಗಿಸಿದ್ದಾರೆ ಡಾಲಿ. ಇನ್ನೂ ಹೆಸರಿಡದ ಸಿನಿಮಾವೊಂದನ್ನ ಶೂಟಿಂಗ್ ಮಾಡಿ ಮುಗಿಸಿ, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳನ್ನ ಮಾಡ್ತಿದ್ದಾರಂತೆ ಡಾಲಿ ಧನು.
ಡಾಲಿ ಡೈರಿಯ ಐದು ಪುಟಗಳು ಖುದ್ದು ಧನಂಜಯ ಸೋಶಿಯಲ್ ಮೀಡಿಯಾದಲ್ಲಿ ಬಿಕರಿ ಆಗಿದ್ದು, ಹೊಸ ಸಿನಿಮಾದ ಅಪ್ಡೇಟ್ಸ್ನ ನೀಡಲಾಗಿದೆ. ಬಡವ ರಾಸ್ಕಲ್ ಟೀಂ ಜೊತೆ ಮತ್ತೊಂದು ಯೂತ್ಫುಲ್ ಪ್ರಾಜೆಕ್ಟ್ ಮಾಡಿರೋ ಡಾಲಿಗೆ ಈ ಬಾರಿ ನಾಯಕನಟಿಯೇ ಇಲ್ಲ ಎನ್ನಲಾಗ್ತಿದೆ. ಡಾಲಿಯ ಅತ್ಯಾಪ್ತ, ಆಸ್ಥಾನ ಕಲಾವಿದ ಕಮ್ ಟೆಕ್ನಿಷಿಯನ್, ಡೇರ್ಡೆವಿಲ್ ಫೇಮ್ ಪೂರ್ಣ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು, ಮೈಸೂರು ಮೂಲದ ನಿರ್ಮಾಪಕರು ಬಂಡವಾಳ ಹೂಡಿದ್ದಾರಂತೆ.
ಡಾಲಿ ಡೈರಿಯ 5 ಪುಟಗಳು.. ಬಡವ ರಾಸ್ಕಲ್ ಟೀಂ ಜೊತೆ ಚಿತ್ರ
ಪೂರ್ಣ ಡೈರೆಕ್ಷನ್.. ಶೂಟಿಂಗ್ ಮಾಡಿ ಮುಗಿಸಿದ ಧನಂಜಯ..!
ಡಾಲಿ ಡೈರಿಯಲ್ಲಿ ಆ ಪ್ರಾಜೆಕ್ಟ್ನ ಡಿಟೈಲ್ಸ್ ಹಂಚಿಕೊಂಡಿರೋ ಧನು, ನನಗೆ ಕಥೆ ಕೇಳೋದಕ್ಕಿಂತ ಬೌಂಡ್ ಸ್ಕ್ರಿಪ್ಟ್ ನೀಡಿದ್ರೆ ಅದನ್ನ ಓದುವುದು ಚೆನ್ನಾಗಿರುತ್ತೆ ಎಂದಿದ್ದಾರೆ. ಹಾಗಾಗಿ ಅವ್ರ ಟೇಬಲ್ ಮೇಲೆ 6 ತಿಂಗಳು ಇದ್ದಂತಹ ಕಥೆಯೊಂದಕ್ಕೆ ಈಗ ಸಿನಿಮಾ ರೂಪ ನೀಡಲಾಗಿದೆ. ಜಾಪನೀಸ್ ಭಾಷೆಯಲ್ಲಿ ತಾಯಿಯ ಭರವಸೆ ಅನ್ನೋ ಪದ ಕೂಡ ಕೊನೆಯ ಪುಟದಲ್ಲಿದ್ದು, ಅದ್ರ ಮರ್ಮ ಡಾಲಿ ಪತ್ನಿ ಡಾ. ಧನ್ಯತಾ ತಾಯಿ ಆಗ್ತಿರೋದಾ ಅನ್ನೋ ಅನುಮಾನ ಕೂಡ ಶುರುವಾಗಿದೆ. ಒಟ್ಟಾರೆ ಡಾಲಿ ಏನೇ ಮಾಡಿದ್ರೂ ಸಹ ತುಂಬಾ ಆಲೋಚಿಸಿ ನಿರ್ಧಾರ ಕೈಗೊಳ್ತಾರೆ. ಸೋ.. ಈ ನೂತನ ಚಿತ್ರದ ಟೈಟಲ್ ಸದ್ಯದಲ್ಲೇ ರಿವೀಲ್ ಆಗಲಿದೆ.
